Кино на отворено ќе има вечер и во деновите од викендов во општина Кисела Вода, со бесплатни филмски проекции во паркот „Македонија“ пред Домот на културата „Билјана Беличанец”.

Како што информира Општина Кисела Вода, во трите вечери со почеток во 21 часот ќе бидат прикажани современи филмови од македонски автори наградувани на реномирани меѓународни филмски фестивали.

Во 21 часот денеска ќе бидат прикажани кратките филмови „Пепи и Муто" и „Налепница" од Ѓорѓи Унковски и „Долу од рајот" од Саша Станишиќ, во 22 часот долгометражниот филм „Деца на сонцето" од Антонио Митриќески и од 23.30 часот кратките „48" од Владимир Митревски и „Сонот за крвта и душата" од Игор Алексов.

Утревечер од 21 часот ќе има проекции на кратките филмови „Кутии" од Ангела Димеска, „Девојчето со кибритчињата" од Филип Матевски и „Кога не нема" од Стефан Палитов, од 22 часот играниот филм „Дедо и внук" од Илија Пиперковски и потоа кратките „Карма" од Владимир Митревски и „Си беше еднаш еден звук".

На последниот ден од филмскиот викенд во Кисела Вода, в недела од 21 часот, на програмата се кратките филмови „Шекспирова 19" од Владимир Митревски, „Ќе му се јавам на татко ти" од Леон Ристов и „Брат за еден ден" од Стојан Вуичиќ.

Од 22 часот в недела е долгометражниот филм „Ова не е американски филм" од Сашо Павловски и по него кратките филмови „Еден" од Вардар Тозија и „Епизодист" од Игор Александров.

The post Кино на отворено од петок до недела во Кисела Вода appeared first on Република.

Во четврток (25 април) на техничкиот кампус на Универзитетот „Свети Кирил и Методиј“ (УКИМ), со почеток во 20:00 часот ќе се одржи кино на отворено каде ќе се прикажат два филмови од домашна продукција.

Како што информираат организаторите, настанот има за цел да го преслика духот на летното кино.

На филмското платното ќе бидат прикажани филмовите: „Тага“ во режија на Тина Величковиќ и „Лена и Владимир“ во режија на Игор Алексов.

Дебитантските дела на младите режисери се остварувања во кои се вложени огромен труд, посветеност и љубов. Наративните се искрени, со голем актерски влог и со умешни нијанси на продукциски решенија кои носат свежи перспективи на домашната кинематографија“, стои во соопштението.

The post Кино на отворено на техничкиот кампус на УКИМ appeared first on Република.

Филмска вечер на отворено со проекцијата на „Медена земја“ ќе биде одржана вечер кај езерцето, во првиот дел од Градскиот парк во Скопје.

Киното на отворено, што го организира Град Скопје, е можност граѓаните да уживаат во македонски филм во еден од последните викенди ова лето.

Проекцијата на филмот „Медена земја“ од режисерите Тамара Котевска и Љубомир Стефанов ќе почне во 20 часот.

Бесплатната саботна филмска вечер е дел од богатата културна понуда на Градот Скопје во рамки на кандидатурата за Скопје - Европска престолнина на културата 2028.

The post „Медена земја“ на отворено со проекција во Градскиот парк appeared first on Република.

Вечерва кај езерцето, во првиот дел од Градскиот парк во Скопје, ќе биде одржана филмска вечер на отворено со проекцијата на „Медена земја“.

Киното на отворено, во организација на Град Скопје, е можност граѓаните да уживаат во македонски филм во еден од последните викенди ова лето.

Проекцијата на филмот „Медена земја“ од режисерите Тамара Котевска и Љубомир Стефанов ќе почне во 20 часот.

Бесплатната саботна филмска вечер е дел од богатата културна понуда на Градот Скопје во рамки на кандидатурата за Скопје - Европска престолнина на културата 2028.

The post Кино на отворено со „Медена земја“ во Градскиот парк во Скопје appeared first on Република.

Како дел од културната понуда во рамки на кандидатурата за Скопје - Европска престолнина на културата, вечер (20.00), кај езерцето во првиот дел од Градскиот парк, ќе се одржи филмска вечер на отворено со проекција на хитот „Панкот не е мртов", најави службата за информирање на Град Скопје.

Филмот е во режија на Владимир Блажевски. Во него станува збор за остарен панкер кој се бори за секојдневниот живот во Скопје. Во раните 1990 години се распаднала неговата рок-група, која тогаш имала култен статус. Еден ден, Мирса добива понуда, заедно со неговата стара група, да свири на една прослава во Дебар. Тој се согласува и тргнува во потрага по останатите членови на групата, а во тоа му помага неговата поранешна девојка.

The post Кино на отворено „Панкот не е мртов“ appeared first on Република.

Филмот „Исцелител“ на режисерот Ѓорче Ставрески ќе се прикажува вечер пред Домот на културата „Билјана Беличанец” во Општина Кисела Вода, во рамки на летниот филмски фестивал „Кино на отворено“.

Проекцијата е во 21 часот. Од Општината соопштија дека како и за сите досегашни проекции, влезот е бесплатен, а половина час порано, за најмладите ќе се прикажуваат анимирани филмови од архивата на „МакеДокс“.

Летниот филмски фестивал е во организација на Општина Кисела Вода и се одржува со поддршка на „МакеДокс“. Почна во вторникот, а ќе заврши утре.

The post Филмот „Исцелител” на „Кино на отворено” во Кисела Вода appeared first on Република.

Филмот „Avec l’amour” на режисерот Илија Цветковски вечер е на репертоарот на „Кино на отворено” кое од вторникот се одржува во општина Кисела Вода.
Проекцијата, како што соопштија од општината, почнува во 21 часот пред Домот на културата „Билјана Беличанец”, а половина час порано за најмладите ќе се емитуваат анимирани филмови. Инаку, вчерашната проекција на првиот македонски филм за деца „Стела“ предизвика голем интерес кај публиката која имаше можност и да се дружи со екипата која работеше на овој филм, продуцентот Огнен Антов, режисерот Стојан Вујичиќ и главниот актер Дејан Лилиќ, информираа од општината и посочија дека летното кино што го реализираат во партнерство со МакеДокс, продолжува до крајот на оваа седмица.

The post Филмот „Avec l’amour” вечер во „Кино на отворено” во Кисела Вода appeared first on Република.

Првиот македонски филм за деца „Стела“ ќе се прикажува вечер во паркот „Македонија“ во Општина Кисела Вода, во рамки на манифестацијата „Кино на отворено“.

На почетокот на настанот најпрвин ќе бидат прикажани анимирани филмови за најмладите од архивата на „МакеДокс“, а потоа ќе почне и емитувањето на „Стела“.

На проекцијата на првиот македонски филм за деца ќе присуствуваат и продуцентот Огнен Антов, режисерот Стојан Вујичиќ, како и главниот актер Дејан Лилиќ кои ќе одговараат на прашањата на посетителите.

Општинските власти, кои се реализатори на фестивалот, соопштија дека синоќешната прва вечер предизвика огромен интерес, со околу 300 посетители.

Огромен интерес предизвика синоќешната прва вечер од манифестацијата „Кино на отворено” која ја реализира Општината со поддршка од „МакеДокс“. Околу 300 посетители ја посетија проекцијата на првите два филма од програмата која ќе трае до недела и опфаќа повеќе интересни - соопштија од Општина Кисела Вода.

Фестивалот синоќа беше отворен со филмот „Cinema Komunisto“ на режисерката Мила Турајлиќ, а на репертоарот беше и „My world is upside down“ во режија на Петра Селискар.

Фестивалот ќе трае до недела и опфаќа документарни и играни кинематографски остварувања. Поточно,  ќе бидат прикажани и филмовите „Grand mothers of Revolution“, „Mother Europe“ во режија на Петра Селискар, краткометражниот филм „Другарот“ во режија на Димитар Оровчанец, „Исцелител“ во режија на Ѓорче Ставрески.

The post Првиот македонски филм за деца „Стела“ вечерва на „Кино на отворено” во Кисела Вода appeared first on Република.

The post Општина Кисела Вода во партнерство со „Македокс“ организира „Кино на отворено“ од денеска до 14-ти август appeared first on Република.

Општина Кисела Вода во партнерство со Македокс организира „Кино на отворено“ кое ќе се одвива во периодот од 09 до 14-ти август. Бесплатните филмски проекции ќе се прикажуваат во паркот Македонија, пред Домот на Култура „Билјана Беличанец”. Секоја вечер од 21 часот, публиката од Кисела Вода, но и сите останати љубители на филмската уметност, ќе може да ги погледнат документарните филмови (програма МакеДокс) Cinema Komunisto во режија на Мира Турајлиќ, Grand mothers of Revolution, Mother Europe во режија на Петра Селискар, краткометражниот филм „Другарот“ во режија на Димитар Оровчанец, „Исцелител“ во режија на Ѓорче Ставрески, како и неколку други изненадувања.

Општина Кисела Вода наскоро ќе објави повеќе детали околу програмата и термините за филмските проекции на „Кино на отворено”, кое започнува во вторник.

The post Шест дена летно “Кино на отворено” во Кисела Вода appeared first on Република.