Кинез пливал речиси 10 часа од кинеската провинција Фуџијан до тајванските острови Мацу во обид „да избега кон слободата“. Тој притоа побарал помош од туристи на островот Бејган, вториот по големина од островите, откако го каснала пчела. Туристите ги известиле тамошните власти кои пристигнале на местото на настанот и потврдиле дека се работи за нелегален кинески имигрант, пишува „Индипендент“.

Растојанието меѓу полуостровот Хуангки во Фуџијан и островот Бејган е околу 12 километри.

Надлежните потврдија дека кинескиот државјанин бил пренесен в болница на островот, и оти неговите повреди не се сериозни. Бегалецот со себе носел храна, облека, лекови и пари. Тој им кажал на надлежните дека, во потрага „по слобода“, тргнал на патешествието од полуостровот до архипелагот Мацу.

Тајван има самопрогласена самоуправа откако се отцепи од Кина во 1949 година, по граѓанска војна. Кина, инаку, ги засили своите воени активности околу Тајван последниве години, тврдејќи дека Тајван е обврзан да се обедини со Пекинг, доколку е потребно и со сила, и дека нема право самостојно да одржува надворешни односи.

Инаку, ова не е прв ваков случај. Пред три години, 45-годишен кинески државјанин бил фатен откако пливал седум часа за да стигне до островот Кинмен во Тајван поради „политичкото опкружување“ во Кина. И тој бил уапсен поради нелегален влез во Тајван.

The post Кинез пливал 10 часа за да избега на Тајван appeared first on Република.

Во СВР Охрид од Специјалната болница „Св.Еразмо“ во Охрид било пријавено дека кај нив со тешки телесни повреди бил донесен Ш.Ч.(40) од Кина.

Според пријавеното, тој се здобил со повредите околу 10:00 часот, при извршување работни задачи на автопатот во изградба Охрид-Кичево, кај с.Оровник.

Увид извршиле екипа од СВР Охрид и трудов инспектор.

The post Кинески работник тешко повреден при работа на автопатот Охрид-Кичево appeared first on Република.

Регионот е потресен од однесувањето на еден родител чија ќерка тренира тенис во Белград.На социјалните мрежи се гледа како тој ја тепа крвнички откако според него да доволно не се залагала на тренингот. Се работи за 14 годишно девојче од Кина кое со родителите живее во Србија. Настанот се случил на терените на ТК Црвена Звезда на Карабурма.

Таткото и пред тоа имал проблематично однсување и го нападнал тренерот во академијата на Јанко Типсаревиќ каде што ќерката претходно тренирала
Таткото е во бегство и по апсењето се очекува да биде поднесена кривична пријава против него.

The post Tатко си ја претепа ќерката тенисерка во Белград оти не се залагала доволно на тренинг, полицијата го бара да го уапси appeared first on Република.