Средствата на инвеститорите „течат“ од кинеските берзи до акциите на американските компании, покажува индексот „Никеи“.

На 2 февруари, комбинираната цена на американските акции беше 51 трилиони долари, што е за 1,4 трилиони долари повеќе од последниот ден на тргување во 2023 година. Ова е 48,1% од сите средства моментално присутни на светските берзи - највисока бројка од септември 2003 година.

Од почетокот на 2024 година, кинеските берзи, вклучително и Хонг Конг, изгубија 1,7 трилиони долари. Кинеската берза сега сочинува приближно 10% од средствата присутни на берзите на планетата. Ова е речиси половина од она што беше на врвот на оваа бројка во јуни 2015 година. Инвеститорите губат надеж во брзиот раст на кинеската економија и покажуваат зголемен интерес не само за САД, туку и за берзите во Јапонија и Индија.

Од 500 компании со најголема капитализација во светот, 236 сега се во САД.

Нивниот број е зголемен за 15% во однос на состојбата од пред три години. На Кина сега припаѓаат 35 корпорации на оваа листа. Ова е за 60% помалку од пред три години.

The post Средствата на инвеститорите „течат“ од кинеските берзи кон САД, но и кон берзите во Јапонија и Индија appeared first on Република.

Меѓународен тим научници во јужна Кина откриле целосен фосил на подводен рептил „Диноцефалосаурус ориенталис“ (Dinocephalosaurus orientalis).

Фосилот е стар 240 милиони години и веќе е наречен „змеј“, бидејќи има исклучително долг врат. Тој е долг пет метри и му припаѓал на геолошкиот период Тријас.

Видот „Диноцефалосаурус ориенталис“ е првично идентификуван во 2003 година.

The post Откриен целосен фосил на подводен диносаурус стар 240 милиони години appeared first on Република.

Културна реликвија украдена и однесена од Кина е вратена во земјата по 40 години потрага.

Артефактот бил украден во ноември 1984 година, илегално билк изнесен од земјата и исчезнал некаде во странство.

Во јануари 2023 година, одделот на кинеските власти коишто се занимава со потрага на исчезнарти артефакти, добил информација дека украдената реликвија се наоѓа во Њујорк, САД.

The post Реликвија украдена од Кина пред 40 години вратена од САД appeared first on Република.

Најмалку 15 лица загинаа, а 44 се повредени синоќа во пожар во станбена зграда во кинескиот град Нанџинг, јави ДПА, повикувајќи се на локалните власти.

Едно лице е во критична состојба, соопштија денеска властите.

Според информациите од прелиминарната истрага, пожарот избувнал вчера рано наутро на првиот кат од зградата, каде жителите ги полнеле електричните скутери.

Службите за итни случаи евакуираа повеќе од 500 луѓе кои беа сместени во соседните домови.

Нанџинг, главниот град на провинцијата Џиангсу, има над осум милиони жители и се наоѓа на околу 270 километри западно од Шангај.

Во Кина често има пожари во станбени згради, а има и смртни случаи поради непочитување на безбедносните стандарди. На крајот на јануари, 39 лица загинаа во пожар во зграда во источната кинеска провинција Џиангкси.

https://twitter.com/wuwenhang/status/1760900963609833477?ref_src=twsrc%5Etfw%7Ctwcamp%5Etweetembed%7Ctwterm%5E1760900963609833477%7Ctwgr%5Ecd141700235f49442c2035d7fbaf55db0b0a0ea1%7Ctwcon%5Es1_&ref_url=https%3A%2F%2Fa1on.mk%2Fworld%2Fvideo-najmalku-15-mrtvi-vo-pozhar-koj-izbuvna-vo-ogromna-zgrada-vo-kina%2F

The post Загинаа најмалку 15 лица, а 44 се повредени во огнот кој зафати станбена зграда во Кина appeared first on Република.

Температурите го соборија 64-годишниот рекорд во оддалечениот западен кинески регион Ксинџијанг, спуштајќи се до минус 52,3 степени Целзиусови во услови на студен бран, предизвикувајќи прекини во сообраќајот по лунарниот новогодишен празник.

Неколку делови на Кина се борат со уште едно длабоко замрзнување додека луѓето се враќаат од еднонеделните прослави на најголемиот празник во годината. Непосредно пред почетокот, снежните бури и замрзнатиот дожд ги заробија патниците на железницата и патиштата.

Државните медиуми објавија дека во неделата, населбата Туерхонг во округот Фујун ја забележала најниската температура од почетокот на рекордите во Ксинџијанг, надминувајќи ги минус 51,5 степени Целзиусови забележани на 21 јануари 1960 година.

Бројката беше само малку под националната минимална температура од минус 53 Целзиусови степени во градот Мохе, североисточната провинција Хеилонгџианг, на 22 јануари минатата година. За време на неколкудневниот студ и снег, во регионот на Алтај беа зафатени 853 километри патишта, објави CCTV. Ова ги натера транспортните власти да испратат 47 возила и 86 спасувачи да го расчистат снегот во текот на ноќта.

Податоците од Министерството за транспорт покажаа дека регионите на Внатрешна Монголија и Ксинџијанг, заедно со провинциите Лиаонинг, Џилин и Хеилонџијанг, затворија 43 патни делови и 623 патарини.

Националната метеоролошка служба го подигна своето предупредување за услови на замрзнување на второто највисоко ниво, според весникот Глобал Тајмс, со драматичен пад на температурите што се очекуваат низ целата земја до четврток.

The post Во Кина измерени минус 51,5 степени Целзиусови appeared first on Република.

Температурите го соборија 64-годишниот рекорд во оддалечениот западен кинески регион Ксинџијанг, спуштајќи се до минус 52,3 степени Целзиусови во услови на студен бран, предизвикувајќи прекини во сообраќајот по лунарниот новогодишен празник.

Неколку делови на Кина се борат со уште едно длабоко замрзнување додека луѓето се враќаат од еднонеделните прослави на најголемиот празник во годината. Непосредно пред почетокот, снежното невреме и замрзнатиот дожд ги заробија патниците на железницата и патиштата.

Државните медиуми објавија дека во неделата, населбата Туерхонг во округот Фујун ја забележала најниската температура од почетокот на рекордите во Ксинџијанг, надминувајќи ги минус 51,5 степени Целзиусови забележани на 21 јануари 1960 година.

За време на неколкудневниот студ и снег, во регионот на Алтај беа зафатени 853 километри патишта, објави CCTV. Ова ги натера сообраќајните власти да испратат 47 возила и 86 спасувачи да го расчистат снегот ноќе.

Податоците од Министерството за транспорт покажуваат дека регионите на Внатрешна Монголија и Ксинџијанг, заедно со провинциите Лиаонинг, Џилин и Хеилонџијанг, затворија 43 патни делови и 623 патарини, објави CCTV во понеделникот.

Националната метеоролошка служба го подигна своето предупредување за услови на замрзнување на второто највисоко ниво, според весникот Глобал Тајмс, со драматичен пад на температурите што се очекуваат низ целата земја до четврток.

The post Во Кина измерени рекордни минус 52,3 степени целзуисови appeared first on Република.

На средба со американскиот државен секретар, Ентони Блинкен во Минхен, кинескиот министер за надворешни работи, Ванг Ји побарал од американските власти да ги укинат едностраните санкции против Кина.

Ванг Ји побара САД да ги укинат нелегалните еднострани санкции за кинеските претпријатија и поединци и да не ги нарушуваат легитимните права и развојните интереси на Кина“, соопшти кинеското Министерство за надворешни работи.

Во соопштението се појаснува дека Ванг Ји им укажал на САД на потребата од градење односи засновани на принципите на меѓусебно почитување, мирен соживот и „соработка во која сите добиваат“.

Кинескиот дипломат нагласил дека Пекинг и Вашингтон мора „активно да го бараат вистинскиот пат што ќе им овозможи на двете големи сили да се сложуваат меѓу себе“.

The post За градење односи засновани на меѓусебно почитување: Кина бара од САД да ги укине едностраните санкции appeared first on Република.

Кинескиот конкурент на патничките авиони „Ербас“ и „Боинг“, C919 – произведен од корпорацијата за комерцијални авиони на Кина (COMAC), го направи своето прво патување надвор од кинеската територија, летајќи во Сингапур денес.

Кина инвестираше многу во обидот да ја прекине доминацијата на двата западни производители на авиони на светскиот пазар на патници и оваа година посочи дека ќе направи напори C919 и COMAC да бидат поприсутни на домашниот и меѓународниот пазар.

Овој модел на авион е сертифициран само во Кина, а првиот од четирите произведени C919 почна да лета минатата година во рамките на воздухопловната компанија China Eastern Airlines.

Ербас и Боинг се борат да го зголемат производството и да ја задоволат побарувачката за нови авиони, а Боинг исто така се бори со серија кризи, така што воздухопловната индустрија гледа како COMAC се позиционира како остварлива алтернатива. Во следните 3-5 години, COMAC ќе инвестира десетици милијарди јуани во проширување на производствениот капацитет за C919, објавија кинеските медиуми во јануари.

Управата за цивилно воздухопловство на Кина минатиот месец објави дека ќе продолжи со процесот на сертификација на авионот C919 пред Агенцијата за воздухопловна безбедност на Европската унија (EASA) оваа година. Тој процес започна во 2018 година.

C919 е еден од двата комерцијални авиони кои полетаа во близина на брегот на Сингапур на неделниот преглед на најголемиот азиски саем за воздухопловство. Вториот е Ербас, а Боинг оваа година не претставува комерцијален авион.

The post Ќе биде конкурент на Ербас и Боинг: Кинеска компанија претстави нов авион appeared first on Република.

Кина погуби маж и жена затоа што ги фрлиле неговите мали деца од прозорец на стан на 15-ти кат, тврдејќи дека се работи за ненамерен пад. Децата биле од првиот брак и имале една и две години. Се се случило во градот Чонгкинг.

Таткото на децата Жанг Бо започнал афера со Је Ченгчен. Отпрвин го криел фактот дека е оженет и има деца, но Је дознала сè. Жанг потоа решил да се разведе од сопругата со која имал деца.

Како што утврдил судот, Је ги гледала двете деца на Жанг како пречка за нивниот брак и заеднички живот. Таа постојано го повикувала Жанг да ги убие децата и му се заканувала дека ќе го остави ако не го стори тоа, пренесува Си-ен-ен.

Во ноември 2020 година, Жанг ги фрлил својата двегодишна ќерка и едногодишниот син од својот стан на 15-ти кат додека си играле покрај прозорецот од спалната соба. Жанг и Је беа осудени на смрт во декември 2021 година.

Во Кина, смртоносна инјекција се користи за извршување на смртната казна.

The post Кина погуби маж и жена затоа што ги фрлиле децата од 15. кат appeared first on Република.

Тајланд и Кина потпишаа договор да ги укинат визите за своите државјани за да го олеснат патувањето и туризмот меѓу двете земји, соопшти тајландскиот министер за надворешни работи Парнпри Бахида-нукара.

Взаемното откажување на визите ќе стапи во сила на 1 март.

Договорот е потпишан за време на посетата на кинескиот министер за надворешни работи Ванг Ји на Тајланд.

The post Тајланд и Кина повеќе немаат визи за своите граѓани appeared first on Република.

Кинеските власти денеска соопштија дека во 2022 година осудиле британски државјанин на пет години затвор за шпионирање.

Тоа е официјална потврда за случајот, што не беше пријавен до оваа недела.

Суд во Пекинг во 2022 година „во прв степен го осуди обвинетиот Британец, на пет години затвор за кривично дело незаконско добивање разузнавачки информации за странски актери, изјави портпаролот на Министерството за надворешни работи, Ванг Венбин.

Тој додаде дека по жалбата, случајот бил потврден во септември минатата година.

The post Во Кина пред две години осуден Британец поради шпионирање appeared first on Република.

Кина дојде на чекор од добивање на признанието најголем светски извозник на автомобили во 2024 година.

Кинескиот извоз на автомобили расте и се движи кон меѓународна продажба од 5 милиони. Испораките на автомобили се искачиле за 58 проценти, што претставува неверојатни 4,4 милиони единици за 11 месеци од 2023 година, надминувајќи ги јапонските 3,99 милиони единици во 2022 година.

Глобалната финансиска компанија УБС предвидува дека до 2030 година, една третина од автомобилите ширум светот би можеле да бидат од кинеско производство.

The post Го презема приматот: Кина станува најголем извозник на автомобили во светот appeared first on Република.

Кинеска истражувачка лабораторија симулираше напад на американски воени бродови со вселенско оружје и хиперсонични ракети.

Ова се случи во југозападниот град Ченгду под надзор на научникот Лиу Шичанг, од Лабораторијата за наука и технологија за управување со електронски информации.

Центарот развива опрема за електронско војување за Народната ослободителна армија (ПЛА), спонзорирана од државната Чајна Електроникс Технолоџи Груп Корпорејшн (China Electronics Technology Group Corporation).

Во симулацијата на нападот, која ја објави хонгконгскиот весник „Саут Чајна Морнинг пост“, на кинеските проектили им помагала констелација сателити за електронско војување сместени во ниска орбита.

Лансирана од далечина од 1.200 километри, батеријата на хиперсонични противбродски ракети прелета повеќе од 200 километри без да биде откриена од американските носачи на авиони до десет минути по лансирањето или само 50 километри.

Со откривање на радарските сигнали што ги емитираат американските воени бродови, сателитите всушност лансираа слични сигнали со висока моќност, спречувајќи го ехото генерирано од потенцијалниот одраз на радарските бранови од проектилите да се разликуваат.

Врз основа на досега спроведените студии, истражувачите предводени од Лиу веруваат дека два или три сателити би биле доволни за напад на група носачи на авиони, додека соѕвездието од само 28 сателити би можело да поддржи глобален напад.

Понатаму, предноста на користењето вселенски платформи во операциите од овој тип е тоа што тие немаат ограничувања - тие можат да работат надвор од националните граници и можат брзо да се мобилизираат низ светот, покривајќи поширок борбен радиус.

The post Тајна кинеска лабораторија симулирала напад на американски воени бродови appeared first on Република.

Тринаесет лица загинаа во пожар што синоќа избувна во ученички дом во основно училиште во близина на градот Нанјанг, во централната кинеска провинција Хенан, соопштија денеска локалните власти, пренесува Ксинхуа.

Кинеската агенција наведува дека противпожарната служба синоќа, во 23 часот, примила дојава за пожар во ученичкиот дом на училиштето Џингкаин, во селото Јаншанпу, дека спасувачите брзо пристигнале на местото на настанот и дека пожарот бил изгаснат во 23:38 часот.

Едно лице е повредено и во моментов е во стабилна состојба и се наоѓа на лекување во локалната болница.

Локалните власти отворија истрага за причините за пожарот.

Ксинхуа не соопшти дали има ученици меѓу жртвите, додека американските медиуми пренесуваат дека еден од наставниците изјавил за „Конглан Њуз“ (Conglan news), државен медиум во провинцијата Хебеи, дека сите загинати се третоодделенци.

The post 13 третоодделенци загинaа во пожар во ученички интернат appeared first on Република.

Кинеските државни банки ги заоструваат ограничувањата за финансирање на руските клиенти бидејќи стравуваат дека ќе бидат предмет на секундарни американски санкции, пишува „Блумберг“. Најмалку две банки наредиле преглед на нивните планови за Русија во последните недели и планираат да ги прекинат врските со клиентите на списокот со санкции на САД.

Банките исто така ќе престанат да даваат финансиски услуги за рускиот воен сектор, велат извори за „Блумберг“.

Овој потег доаѓа откако американското Министерство за финансии минатиот месец објави дека ќе воведе секундарни санкции за странски финансиски фирми и банки што ѝ помагаат на Москва.

Портпаролот на Кремљ, Дмитриј Песков, го опиша ова прашање како многу чувствителна работа за вклучените компании, но не и за руската влада.

Ова е многу, многу чувствително прашање и малку е веројатно дека некој ќе одлучи да разговара за тоа – не треба да го очекувате тоа. Продолжуваме да ги развиваме односите со Кина. Таа е наш многу важен стратешки партнер“, изјави Песков.

Кина исто така е најголемиот увозник на фосилни горива од Русија, со повеќе од двојно зголемени резерви на јаглен од 2020 година.

Повлекувањето на банките може да биде болен удар за Русија и официјален Кремљ, особено затоа што наводниот страв на Пекинг кон западните санкции ќе сигнализира дека дури и лидерите што останаа блиски со Москва се претпазливи за финансиските трошоци за поддршката на Москва.

The post Кина повлече потег што може да биде тежок удар за Русија appeared first on Република.

Падот на населението во Кина се забрза во 2023 година, соопшти заводот за статистика во Пекинг додавајќи дека на крајот на декември во Народна Република живееле околу 1,41 милијарди луѓе, 2,08 милиони помалку од претходната година.

Во 2022 година, населението на Кина веќе се намали за прв пат по шест децении. Сепак, за околу 850.000 луѓе, падот е помал од претходната година, пренесе ДПА.

Како знак на тешкиот демографски развој, бројот на раѓања продолжи да забавува. Во Кина се родени 9,02 милиони бебиња. Во 2022 година, бројката беше 9,56 милиони. Во исто време, бројот на смртни случаи се зголеми од 10,41 милиони на 11,1 милиони, веројатно и поради пандемијата на коронавирусот.

Кина долго време страда од нагло намалување на стапката на наталитет и стареење на населението. Ефектите од повеќедецениската „политика на едно дете“ стануваат сè појасни. Олабавувањето на контроверзната политика за контрола на раѓањето доведе само до мало краткорочно зголемување на наталитетот од 2016 година.

Според експертите, високите трошоци за домување, образование и здравствена заштита во Кина, како и намалената подготвеност за брак се вистинските причини за овој загрижувачки тренд.

Последен пат населението се намалило во 1960 и 1961 година – како резултат на силниот глад по разорната кампања за индустријализација позната како Голем скок напред. Во 2021 година, населението порасна за 450.000 луѓе.

The post Кина нагло изгуби два милиони луѓе appeared first on Република.

Кинескиот министер за надворешни работи Ванг Ји повика на итно одржување меѓународна мировна конференција за решавање на израелско-палестинскиот конфликт и да се разговара за спроведувањето на решението со две држави за конфликтот во Појасот Газа.

Ванг на прес-конференција по разговорите со египетскиот министер за надворешни работи Самех Шукри во Каиро за време на викендот рече дека меѓународната заедница треба да одговори на загрижувачката ситуација на Блискиот Исток.

По Египет, Ванг до четврток треба да ги посети Тунис, Того и Брегот на Слоновата Коска.

Ванг разговараше и со генералниот секретар на Арапската лига Ахмед Абул Геит за конфликтот во Газа и изрази загриженост поради ескалацијата на тензиите во Црвеното Море.

Влијателните земји мора да играат објективна и конструктивна улога во решавањето на овие конфликти, нагласија Ванг и Абдул Гаит во заедничка изјава.

The post Кина повика на итно одржување меѓународна конференција за Појасот Газа appeared first on Република.

Кина ги осуди изјавите на американските, британските и јапонските официјални претставници кои му честитаа на новоизбраниот претседател на Тајван и ги предупреди тие земји дека ја поддржуваат владејачката Демократска прогресивна партија (ДПП).

Кинеското Министерство за надворешни работи соопшти дека изјавата на американскиот Стејт департмент за изборите во Тајван сериозно го нарушува принципот една Кина и трите заеднички соопштенија меѓу Кина и САД и испраќа, како што е наведено, „сериозно погрешен сигнал до сепаратистичките сили за независност на Тајван“.

Кина цврсто се спротивставува на тоа САД да имаат каков било облик на официјална интеракција со Тајван и да се мешаат во тајванските прашања на кој било начин или под кој било изговор“, се вели во соопштението објавено на веб-страницата на кинеското Министерство за надворешни работи.

Кинеската амбасада во Лондон ја осуди, како што е наведено, „некоректната постапка“ на британскиот министер за надворешни работи Дејвид Камерон, кој, откако му честиташе на Лаи Чинг-те и на неговата Демократска прогресивна партија, рече дека изборите во Тајван биле „потврда на силната демократија на Тајван“.

Кинеската амбасада во Јапонија врачи официјален дипломатски протест откако јапонската министерка за надворешни работи Јоко Камикава му честиташе на Лаи за изборната победа.

The post „Сериозно погрешен сигнал до сепаратистичките сили на Тајван“: Кина ги осуди изјавите на американските, британските и јапонските претставници за тајванските избори appeared first on Република.

Кинеската канцеларија за прашања на Тајван денеска соопшти дека победата на кандидатот на владејачката Демократска прогресивна партија во Тајван, Вилијам Лаи на изборите во Тајван нема суштински да ги промени односите меѓу двете страни на Тајванскиот теснец.

Во изјавата објавена од кинеската државна новинска агенција, Чен Бингхуа, портпарол на Државниот совет за прашања на Тајван, рече дека резултатите покажале дека Демократската прогресивна партија не може да го претставува преовладувачкото јавно мислење на островот.

The post Кина: Резултатите од изборите во Тајван нема да ја променат тенденцијата во односите меѓу двете страни на Тајванскиот теснец appeared first on Република.

Десет лица загинаа, а шест се водат за исчезнати по несреќа во рудник за јаглен во градот Пингдингшан, во кинеската провинција Хенан, соопштија денеска локалните власти.

Прелиминарната истрага покажа дека несреќата се случила вчера во 14:55 часот по локално време, поради експлозија на гас во рудникот, кој е во сопственост на кинеската компанија Пингдингшан Тианан Коал Манинг.

Вкупно 425 луѓе работеа под земја кога се случи несреќата, а 380 од нив беа извлечени од рудникот, јави кинеската државна новинска агенција Ксинхуа.

Спасувачките операции се уште траат, додека одговорните во рудникот за јаглен се во притвор од органите за јавна безбедност.

The post Трагедија во Кина: Експлозија на гас во рудник, 10 лица загинаа, шест се водат како исчезнати appeared first on Република.