Преку својата јуриспруденција, Уставниот суд не само што ги одбрани индивидуалните права на новинарите, туку и активно придонесе за слободно и демократско медиумско известување. Со оваа епохална одлука, Уставниот суд директно придонесе за развојот на посилно демократско општество во Македонија.

Ова го истакна во своето излагање амбасадорот Килијан Вал, шеф на Мисијата на ОБСЕ во Скопје, на меѓународната конференција организирана по повод 60 годишниот јубилеј од основањето на Уставниот суд.

Едноставното споменување на богатата судска пракса на Судот нема да им оддаде признание на нивните напори, но многу е важно да се истакне дека, низ целата негова стожерна работа, Уставниот суд воспостави доктрина на позитивната обврска на државата да ги обезбедува слободите и правата. Судот го постави овој стандард со тоа што ја зеде предвид праксата на Европскиот суд за човекови права при заштитата на слободата на изразување и заштитата на новинарите. Преку својата јуриспруденција, Судот не само што ги одбрани индивидуалните права на новинарите, туку и активно придонесе за слободно и демократско медиумско известување. Со оваа епохална одлука, Уставниот суд директно придонесе за развојот на посилно демократско општество во  Македонија - рече шефот на Мисијата на ООСЕ со чија поддршка беше организирана денешната конференција Уставниот суд и неговиот придонес за напредок на демократскиот развој на општеството.

Шефот на мисијата на ОБСЕ, изрази поддршка за Уставниот суд за воведување на уставна жалба и потенцираше:

Долго време се застапува зајакнувањето на Уставниот суд преку воведување на сеопфатниот механизам на жалба. Со доверувањето мандат на Уставниот суд директно да ги обработува жалбите на граѓаните, наместо да се потпираме на Европскиот суд за човекови права во Стразбур, ја правиме правдата попристапна и поблиску до дофатот на сите граѓани на  Македонија - рече амбасадорот Вал.

Стоејќи на овој крстопат, на кој го славиме минатото и гледаме кон иднината, тој порача да биде обновена колективна заложба за поддршка на патувањето на Уставниот суд.

Мисијата на ОБСЕ во Скопје е ваш партнер на ова патување на кој може да се потпрете. Неодамнешното потпишување на обновениот Меморандум за разбирање помеѓу Мисијата и Уставниот суд сведочи за нашата заедничка заложба за зајакнување на капацитетот на Судот. Заедно со Вас и сите наши партнери, се посветуваме да го поддржиме Судот кој продолжува да служи како витален столб во заштитата на човековите права, зачувувањето на правдата, владеењето на правото и демократијата во Македонија - рече Вал, кој беше од говорниците на конференцијата.

The post Вал: Уставниот суд продолжува да служи како витален столб во заштитата на човековите права, владеењето на правото и демократијата appeared first on Република.

Претседателот на ВМРО-ДПМНЕ Христијан Мицкоски денеска оствари средба со Шефот на мисијата на ОБСЕ во Македонија Килијан Вал. Како што соопштија од партијата, на средбата се разговарало за актуелната политичка состојба и евроинтегративниот процес на државата.

Мицкоски информираше за предизвиците со кои се соочува Македонија на политички и економски план, како и дека треба поголема подготвеност и енергичност во решавање на проблемите која што не се гледа кај актуелната власт. Македонија оваа година претседава со ОБСЕ и таа треба да биде пример, а владата треба да оддаде поголема посветеност на безбедносните прашања, особено затоа што во изминатиот период видовме големо занемарување во тој поглед, соопштија од ВМРО-ДПМНЕ.

Мицкоски истакнал дека ВМРО-ДПМНЕ е активно посветена, но не гледа суштински реформи и сериозен пристап од страна на власта, па така државата е на врвот на листата на корупција, бизнис климата е нарушена, има партизација на јавната администрација и голема недоверба на судството, а не се споделуваат ниту европските вредности од страна на власта.

Соговорниците се согласиле да се продолжи со натамошна соработка.

The post Мицкоски на средба со шефот на ОБСЕ Вал: Владата не е реформска и не решава проблеми appeared first on Република.