Тренерот на Реал Мадрид, Карло Анчелоти се осврна на промашениот удар од белата точка на Килијан Мбапе во 5. коло од Лигата на шампионите против Ливерпул.

- Мбапе ја има сета наша поддршка и наскоро ќе ја сврти ситуацијата во своја полза. Килијан е извонреден играч, мора да бидеме трпеливи. Тој добро се справува со притисокот и се прилагодува на тимот. Реал е со него, го цитира Анчелоти новинарот Фабрицио Романо.

Реал Мадрид е на 24. место во поредокот во Лигата на шампионите со шест бодови

The post Aнчелоти конечно малку го пофали Мбапе appeared first on Република.

Тренерот на Реал Мадрид, Карло Анчелоти изјави дека за време на репрезентативната пауза, Килијан Мбапе, кој не беше повикан во репрезентацијата на Франција, добро тренирал и ја подобрил својата состојба.

Италијанецот категорично ги демантираше шпекулациите дека напаѓачот има психички проблеми, поради кои не го покажува целиот свој потенцијал на „Сантијаго Бернабеу“.

Анчелоти исто така увери дека Мбапе никогаш не побарал од него конкретна позиција на теренот.

- Мбапе добро тренира и неговата состојба се подобрува. Се надевам дека ќе успее да ги покаже сите свои квалитети. Никогаш не побарал од мене конкретна позиција на теренот. Сите едноставно сакаат да бидат дел од стартната постава. Тој и Винисиус немаат фиксни позиции на теренот. Се зависи од ситуациите во конкретниот натпревар. Дали има психолошки проблеми? За мене ваквите шпекулации се нешто многу грдо. Го гледам среќен и мотивиран. Лошите серии минуваат. Тие им се случуваат на сите големи напаѓачи кои се разочаруваат, кога нема да постигнат гол, изјави Анчелоти на прес-конференција во пресрет на утрешниот меч со Леганес

The post Анчелоти: Mбапе нема психолошки проблеми appeared first on Република.

Претседателот на Реал Мадрид, Флорентино Перез не е задоволен од настапот на Килијан Мбапе во тимот на европскиот клупски шампион, пренесуваат медиумите во Шпанија.

Еден од проблемите со Мадрид е недостатокот на лидер, а според членовите на управата тоа би требало да биде Мбапе.

Францускиот интернационалец е привлечен со статус на ѕвезда. Реал Мадрид сака Мбапе што побрзо да стане главен играч во тимот.

Претседателот на „белите“, Флорентино Перез му порача на тренерот Карло Анчелоти дека „ова не е Мбапе со кој потпишал“ пред неколку месеци, а стрелецот мора да излезе од сенка и да стане лидер.

Самиот Анчелоти, исто така, сака многу посилни настапи на теренот од 25-годишниот Французин.

Во тековната сезона Килијан Мбапе одигра 11 натпревари во Примера и постигна 6 голови

The post Не ги оправдува парите: Во Реал не се задоволни од Мбапе appeared first on Република.

Килијан Мбапе летово го напушти ПСЖ и како слободен играч премина во Реал Мадрид, но 55 милиони евра што клубот од Париз му ги должи според договорот станаа проблем, кој се решава на суд.

Имено, ПСЖ оспорува дека е должен на Мбапе да му ја исплати споменатата сума, која е потврдена во судска и во жалбена постапка, на име плати, премии и други клаузули. Комитетот за жалби во Лига 1 му нареди на ПСЖ да го плати долгот во рок од осум дена, но тие одбиваат да го сторат тоа.

Тие истакнуваат дека во изменетиот договор во 2023 година „играчот се откажал од сите свои определби при напуштањето на клубот“. Во Пари Сен Жермен истакнаа дека биле принудени целиот случај да го префрлат на надлежните судови, иако агитираат играчот да најде некое „пријателско решение“.

Надлежните во Лига 1 донесоа одлука во корист на играчот, останува да видиме што ќе се случи доколку таа одлука не се испочитува.

The post ПСЖ одбива да му плати на Мбапе 55 милиони евра appeared first on Република.

Заедничката комисија за жалби на Професионалната фудбалска лига (ЛФП) во петок ќе донесе одлука за финансискиот спор меѓу клубот Пари Сен Жермен (ПСЖ) и неговата поранешна ѕвезда Килијан Мбапе.

Францускиот играч бара 55 милиони евра од ПСЖ, бидејќи тврди дека во последните месеци во парискиот клуб не добивал плата и бонуси како другите играчи. ПСЖ одбива да ја плати таа сума.

ЛФП првично му наложи на парискиот клуб да му плати на Мбапе, но ПСЖ поднесе жалба до Заедничката комисија за жалби и одлуката се очекува во петок.

Во меѓувреме, Мбапе се пресели во Реал Мадрид

The post Утре ќе се донесе одлука дали ПСЖ треба да му даде уште пари на Мбапе appeared first on Република.

Сведоци сме на вистинска фудбалска манија околу првиот судир на Килијан Мбапе како играч на Реал Мадрид против Барселона.

Речиси 1,1 милион луѓе се обидуваат онлајн да обезбедат билет за многу очекуваниот настан. Ова е уште еден доказ за огромниот интерес за француската суперѕвезда, кој продолжува да ги возбудува фудбалските фанови ширум светот.

Натпреварот ветува дека ќе биде епски, а Мбапе, еден од најдобрите напаѓачи во светот, првпат ќе се соочи со Барселона откако е дел од „Кралскиот клуб“. Иако билетите брзо се распродаваат, интересот за натпреварот продолжува да расте, при што платформите за онлајн продажба на билети забележуваат рекордна активност.

Навивачите со нетрпение очекуваат да видат како ќе помине Мбапе против нивните големи ривали, а натпреварот дефинитвно ќе биде еден од најголемите спортски настани во годината.

The post 1,1 милиони фанови онлајн чекаат билет за првиот настап на Мбапе во „Ел Класико“ против Барселона appeared first on Република.

Тренерот на Реал Мадрид, Карло Анчелоти денеска увери дека напаѓачот на неговиот тим, на Килијан Мбапе „не му влијаат“ обвинувањата за силување против него во Шведска.

-Во моментов тоа се само шпекулации. Го гледам играчот секој ден, тој работи многу добро, тој е среќен и не чувствувам дека му влијае на никаков начин. Напротив, тој е дури и ентузијаст, изјави италијанскиот стручњак на прес- конференција пред гостувањето на Селта Виго во сабота.

Вели дека не бара засилувања од управата на клубот бидејќи минатата сезона добро се справиле со повредите и сега можеме да го направат истото.

-Не ја исклучувам можноста да доведам некого, но не е лесно да се најде играч бидејќи ние сме Реал Мадрид. Ќе го искористиме нашиот состав, а Алаба исто така се враќа. Го загубивме Карвахал како играч, но не и како лидер бидејќи тој продолжува да работи со нас, изјави Анчелоти за тешката повреда на Дани Карвахал.

The post Обвинувањата за силување не влијаат на Мбапе appeared first on Република.

Францускиот фудбалер Килијан Мбапе е избран за играч на месецот на Реал Мадрид во септемвриското гласање на навивачите на „Кралскиот клуб“.

Многу сум среќен, сакам да им се заблагодарам на сите навивачи на Реал Мадрид, задоволство е што сум избран за играч на месецот. Најважно е што во текот на овој месец (септември) победивме на многу натпревари и се надевам дека ќе продолжиме така. Имаме три многу важни натпревари следната недела и сакаме да ги победиме сите три. Тимот и јас сме подготвени и се надевам дека ќе го дадеме најдоброто за цел Мадрид“, во кратко видео објавено на веб-страницата на Реал Мадрид изјави францускиот напаѓач кој во септември постигна шест голови на пет натпревари за својот клуб.

Реал Мадрид в сабота игра на гости против Селта Виго во шпанското првенство, а потоа ја пречекува Борусија Дортмунд во Лигата на шампиони во вторник пред Ел Класико со Барселона на Сантијаго Бернабеу на 27 октомври.

The post Мбапе избран за фудбалер на месецот на Реал Мадрид appeared first on Република.

Станаа познати деталите за тоа што му се случи на Килијан Мбапе во Стокхолм. Претходно се дозна дека е покрената полициска истрага за жалба за силување во хотел во центарот на Стокхолм, каде напаѓачот на Реал Мадрид и неговите пријатели ја поминале ноќта за време на патувањето во Шведска. Мбапе ја нарече оваа информација „лажна“.

Шведските обвинители објавија соопштение за печатот во кое најавија отворање на прелиминарна истрага по пријава за силување, без да го споменат името на францускиот интернационалец. Сепак, набрзо се појавија информации дека силуваната жена го навела Мбапе како виновник за инцидентот.

Според „Le Parisien“, Мбапе пристигнал во Стокхолм на иницијатива на дефанзивецот на Баер Леверкузен, Норди Мукиеле, поранешен соиграч на Килијан во ПСЖ. Таму, напаѓачот на Реал Мадрид се сретна со извесен Марко, организатор на настанот. Така беше организирана забава, на која меѓу другите беа поканети и млади девојки.

Мбапе се сретна со една од нив, го напушти ноќниот клуб со неа и се упати кон хотелот „Банк“. Следниот ден размениле пораки, од кои станува јасно дека парот имал консензуален секс.

Во исто време, ништо не потврдува дека девојката со која Мбапе ја поминал ноќта и жалителот во случајот за силување се исто лице. „Le Parisien“ признава дека Французинот можел да има средба со друга жена во текот на ноќта.

The post Koј е Марко од Стокхолм, организаторот на забавата на која Мбапе наводно силувал девојка appeared first on Република.

Францускиот новинар Ромен Молина познат по својата истражувачка работа, тврди дека напаѓачот на Реал Мадрид и репрезентацијата на Франција, Килијан Мбапе има проблеми со алкохолот.

Според Молина, 25-годишниот фудбалер често излегува од својот дом за да пие.

На 11 октомври Мбапе беше забележан во ноќен клуб во Стокхолм за време на натпревар со француската репрезентација. На 14 октомври се дозна дека полицијата во шведската престолнина отворила истрага за поплака за силување што наводно се случило во хотелот каде Мбапе престојувал во тој период.

Самиот фудбалер негираше каква било вмешаност во инцидентот. Подоцна, прес-службата на Реал Мадрид го отстрани напаѓачот од фотографијата на рекламната кампања за колекцијата „Artist Pack“.

Мбапе игра за Реал Мадрид од јули годинава. Во тековната сезона сезоната Французинот постигна седум гола и направи една асистенција на 11 натпревари.

Порталот „Трансфермаркт“ ја проценува вредноста на играчот на 180 милиони евра

The post Mбапе има проблем со чашката appeared first on Република.

Поради повреда, Килијан Мбапе не играше за француската репрезентација во октомврискиот прозорец на Лигата на нации, но тоа време го мина одморајќи во Шведска. Но, на тој одмор тој беше обвинет за обид за силување, а по шпекулациите во шведските медиуми се огласи и францускиот напаѓач.

Мбапе мина две ноќи во Стокхолм, каде се одмора со пријателите и се подготвуваше за продолжението на сезоната во Реал Мадрид. За време на тој одмор, шведските медиуми дошле до информации за обидот на Мбапе и неговите пријатели, меѓу кои бил и Норди Мукиеле, позајмен играч од ПСЖ во Леверкузен, да силуваат млада девојка.

Сè се случило во текот на претходната недела, а полицијата, според шведските медиуми, покренала истрага за да утврди дали имало обид за силување.

По серијата написи во шведските и европските медиуми, Килијан Мбапе се огласи преку социјалната мрежа „Х“ и порача: „Лажни вести! Ова станува толку предвидливо, само за да следи публиката“, напиша кратко напаѓачот на Реал Мадрид.

Мбапе заработи повреда на потколеницата на натпреварот од седмото коло на Ла Лига против Алавес. Одигра нешто повеќе од половина час од мечот со Лил, потоа поголемиот дел од натпреварот во дуелот со Виљареал, но сепак реши да ја санира повредата до крајот и да не игра за Франција во овој прозорец

The post Мбапе го обвинуваат дека силувал девојка на одморот во Шведска appeared first on Република.

Шведското обвинителство отвори истрага за силување во локален хотел, во кое можеби е вмешан напаѓачот на Реал Мадрид и на француската репрезентација, Килијан Мбапе, објави „Франс прес“.

Обвинителството одби да ги именува осомничените.

На 14 октомври се појави информација дека се случило силување во хотел во центарот на Стокхолм. Мбапе пред неколку дена престојувал во истиот хотел со своето семејство, како и со поранешниот соиграч од ПСЖ, Норди Мукиеле.

Фудбалерот ги демантираше информациите за неговата вмешаност во инцидентот.

Оваа сезона 25-годишниот Французин одигра 11 натпревари за Реал во сите натпреварувања, постигна седум голови и една асистенција

The post Шведска истражува силување во кое можеби е вмешан Мбапе appeared first on Република.

Пари Сен-Жермен ќе продолжи да го оспорува плаќањето на долгот кон Килијан Мбапе.

Претходно, Француската професионална фудбалска лига (ЛФП) им наложи на парижаните да му платат на францускиот напаѓач долг од 55 милиони евра. Оваа сума претставува неисплатени плати и бонуси.

ЛФП постави осумдневен рок за плаќање, кој истече вчера. Во своето соопштение ПСЖ не ја споменува исплатата на оваа сума, туку напротив вели дека има намера спорот да го префрли на друг орган.

ПСЖ поднесе жалба на одлуката на комисијата на ЛФП. Не се работи само за правната позиција на клубот, која е целосно оправдана. Станува збор и за интегритет, чесност, зачувување на вредностите и почитување на парискиот клуб и навивачите, што е поважно од кој било играч. Од правен и фактички аспект, играчот има преземено јавни и приватни обврски кои клубот едноставно бара да се исполнат. Покрај тоа, играчот доби невидени привилегии од клубот цели 7 години во Париз. Клубот со нетрпение очекува овие фундаментални и неоспорни обврски да бидат почитувани од соодветните органи, доколку играчот за жал одлучи да продолжи со оваа работа, која се чини дека е од сомнителен карактер од гледна точка на неговата репутација, соопштија од парискиот клуб.

Мбапе летово се пресели во Реал Мадрид како слободен играч по истекот на договорот со ПСЖ.

The post ПСЖ одбива да му го плати на Мбапе долгот од 55 милиони евра, ќе ја оспори одлуката на Француската лига appeared first on Република.

Реал Мадрид синоќа го совлада Реал Сосиедад со 2:0, а двата гола беа постигнати од пенал. Од едниот беше прецизен Винисиус, од другиот - Мбапе.

Пенал за Мадрид првпат беше досуден во 58. минута. Пеналот го изведе Винисиус, кој го совлада чуварот на мрежата на Сосиедад и Реал поведе. Актуелниот шампион имаше уште еден пенал во 75. минута, а овојпат Винисиус му ја даде топката на Килијан Мбапе, кој исто така беше прецизен.

Ова е втор пат во претходните два натпревари Бразилецот на пенал да му подари топка на францускиот репрезентативец, а Мбапе му се заблагодари и го пофали Вини.

„Винисиус е одличен играч, тој прави многу за Реал Мадрид и јас сум многу среќен што можам да играм со него“, рече Мбапе и се надоврза на пеналот: „Не е важно кој ги изведува пеналите, важно е што сите четири завршија во голот од почетокот на сезоната“.

По пет одиграни натпревари Реал е на второто место со 11 бодови

The post Мбапе стана „пеналџија“ на Реал appeared first on Република.

Килијан Мбапе не се запиша во листата на стрелците во трите воведни кола во шпанската Ла Лига и едвај во четвртиот прволигашки меч во дресот на новиот клуб ја затресе мрежата на ривалот.

И тоа не еднаш, туку дури двапати Французинот беше прецизен во дуелот против Бетис на „Сантијаго Бернабеу“ пред домашните навивачи.

-Ова е момент за кој сонував долго време. Отсекогаш се надевав дека ќе постигнам гол на „Сантијаго Бернабеу“. Тоа е легендарно место и веројатно најдобриот стадион во светот. Се чувствувам посебно поради тоа, но пред се најважно е што успеавме да победиме по ремито со Лас Палмас, изјави Мбапе.

Актуелниот шампион на Шпанија по четири одиграни кола заостанува четири бода зад лидерот Барселона, но оваа информација не го загрижува најголемото засилување на Мадрид оваа сезона.

-Одиграни се само неколку првенствени натпревари, сезоната е долга и не треба многу да се грижите за тоа. Ние сме одличен тим, имаме врвни играчи и како што одминува времето сигурно ќе бидеме се подобри и подобри. За мене, сон е да се биде дел од толку голем клуб и уживам во секој момент и ќе направам се за да помогнам да освојуваме трофеи, изјави Мбапе по мечот

The post Mбапе даде прв гол за Реал appeared first on Република.

Страницата на напаѓачот на Реал Мадрид и репрезентацијата на Франција, Килијан Мбапе на социјалната мрежа Икс беше предмет на хакерски напад.

Хакер доби пристап до профилот на 25-годишниот Французин, по што напиша многу поплаки за неуспешниот трансфер во Манчестер јунајтед, разни навреди, меѓу кои и против Израел, Манчестер сити, Тотенхем и аргентинскиот напаѓач Лионел Меси.

Исто така, го објави објавувањето на токенот „MBAPPE“, чија пазарна вредност се зголеми на десетици милиони за неколку минути пред да падне и да се врати на нула.

Како што пренесува „Mirror“, еден корисник ги купил за 2 SOL (околу 285 долари), а потоа ги продавал по висока цена за профит од околу 1.398 SOL (околу 151.500 долари). Сепак, овие објави набрзо беа избришани, а корисниците го критикуваа фудбалерот за измама.

Утрово тимот на Мбапе успеа да го врати пристапот до страницата и сите провокативни пораки беа избришани. Францускиот фудбалер моментално има над 14 милиони следбеници на Икс

The post Хакерски напад од страната на Мбапе кон Меси appeared first on Република.

По ремито 1:1 против Мајорка на стартот од Ла Лига, во соблекувалната на Реал Мадрид настана првиот спор. Со оглед на тоа што тимот го освои Суперкупот на УЕФА само неколку дена претходно по успехот од 2:0 против победникот во Лига Европа, Аталанта, навивачите на „кралевите“ не губат време да смислат акроним за трозабецот формиран од Џуд Белингам, Винисиус Јуниор и новото засилување Килијан Мбапе – БМВ.

Ова не помина најдобро кај уште еден клучен играч напред - Родриго. Токму тој го спаси „белиот балет“ од понижувањето на гостувањето кај Палма де Мајорка, постигнувајќи го голот, по што покажа нервоза на социјалната мрежа WhatsApp.

„Среќен сум со голот и растот на тимот. Зборуваа за триото Белингем, Мбапе и Вини, но ќе мора да го стават Р за Родриго во таа кратенка. Имаме офанзивен квартет и остатокот од тимот. Секој има свое значење на натпреварите и ќе ја покаже својата вредност на различните турнири на кои ќе се бориме, напиша Бразилецот.

Сепак, потоа се појави слика на Родриго со Винисиус и Мбапе кои покажуваат добро расположение на јахта во Марбела, што фрла сомнеж врз шпекулациите за создавање долгорочни тензии

The post Дали Мбапе внесе љубомора во соблекувалната на „кралевите“? appeared first on Република.

Шпанскиот фудбалски првак Реал Мадрид ги зголеми цените на билетите на рекордно ниво откако минатиот месец ја донесе француската ѕвезда Килијан Мбапе.

Новата сезона во Ла Лига стартуваше вчеравечер, а Реал својот прв натпревар на домашен терен ќе го игра за две недели против Ваљадолид. Цената на билетите за премиерниот дуел на „Сантијаго Бернабеу“ се движи од 95 и 210 евра.

Ваљадолид летово се врати од втората лига, а за натпревар против повратник во прволигашката конкуренција на „Сантијаго Бернабеу“ навивачите на Реал минатата сезона требаше да издвојат најмалку 55 евра.

Годишниот билет за најевтиниот сектор е 650 евра

Мбапе ова лето дојде во Реал без обесштетување, но финансиските детали околу платата на францускиот фудбалер не беа обелоденети.

Реал минатата сезона оствари приход од 1,07 милијарди евра, што е за 27 отсто повеќе од претходната сезон

The post Сакаш да го гледаш Мбапе во живо-ќе платиш поскап билет appeared first on Република.

Победа на Реал Мадрид во финалето на Супер купот против Аталанта. Момците на Гасперини добро се држеа во првото полувреме но во вториот дел на сцена стапи кој друг ако не Мбапе.

Погледнете

GOLAZO DE KYLIAN MBAPPÉ ASISTENCIA DE JUDE BELLINGHAM!!! EN SU DEBUT!!!!

VAMOOOOSSSS 🥹🐢🐢🐢🐢 https://t.co/mtUt75Np6T

— MT2 (@madrid_total2) August 14, 2024

The post Oвој Реал со Мбапе е страшен appeared first on Република.

Тренерот на Реал Мадрид, Карло Анчелоти, пред натпреварот од Суперкупот на УЕФА против Аталанта изјави дека напаѓачот Килијан Мбапе е подготвен за игра.

- Немавме многу време да се подготвиме, но сме во одлична форма, а исто така и Килијан Мбапе. Тој пристигна во Мадрид во добра состојба и веднаш се адаптираше. Килијан е подготвен да игра, како и сите други. Од моментот кога пристигна, тој покажа навистина одлични квалитети, го цитира Анчелоти прес-службата на УЕФА.

Реал Мадрид вечер  од 21 часот ќе игра против Аталанта во Суперкупот на УЕФА. Натпреварот ќе се одигра во Варшава.

Дваесет и петгодишниот Мбапе ова лето дојде во Реал Мадрид од ПСЖ како слободен играч. На 7 август го одржа првиот тренинг со мадридскиот тим

The post Вечерва се игра Супер купот-ќе заигра ли Мбапе? appeared first on Република.