Време е да замесите миризливо и меко тесто од кое ќе приготвите фантастични кифлички

Состојки:
800 г брашно
1 јајце
100 мл масло
1 лажиче шеќер
1,5 лажиче сол
30 г квасец
200 мл јогурт
200 мл вода

За премачкување:

200 г путер
За филот:
300-400 г спанаќ
2 јајца
200-260 г сирење
1 јајце за премачкување

Приготвување:
Активирајте го квасецот со малку вода, шеќер и малку брашно. Потоа, додајте јајце, масло, сол, јогурт, вода и преостанатото брашно. Кога ќе замесите тесто, премачкајте го неколку пати со путер.

Пригответе фил од јајца, сирење и спанаќ.

Расучете тесто, филувајте го и завиткајте го во кифлички, па наредете ги во плех. Премачкајте ги со јајце и печете ги во загреана рерна на 200 степени Целзиусови околу 10 минути, а потоа на 180 степени Целзиусови околу 15 минути.

Извор: Убавина и здравје

The post Меки кифлички за 10 минути appeared first on Република.

Кифличките се задолжителен дел од трпезата на секое македонско семејство. Иако постојат бројни рецепти, за вистинските гурмани највкусни се оние со кисела павлака. Доколку не сте ги пробале досега, сега е вистинскиот момент, бидејќи не знаете што пропуштате!

Состојки:
250 мл топло млеко
10 г сув квасец
2 рамни лажици шеќер
1 јајце
125 мл масло
1 лажиче сол
550 г брашно тип 400
1 чаша кисела павлака со 20% масленост

За премачкување:
малку млеко
1 разматено јајце
сусам за посипување

Приготвување:
Измешајте топло млеко, сув квасец и 2 рамни лажици шеќер, и оставете ги да отстојат 10 минути. Потоа, соединете јајце, масло и сол. Во оваа смеса додајте ја смесата со млекото и квасецот и постепено додавајте брашно. Замесете тесто. Ставете малку масло на него за да не се лепи за садот. Оставете го да одмори 10 минути и повторно премесете го. Кога ќе порасне двојно поголемо, премесете го. Поделете го на 2 еднакви дела.

Полесно ќе го расучете тестото ако од едната страна ставите малку масло. Поделете го кругот на 16 еднакви триаголници и на секој од нив ставете лажиче кисела павлака. Завиткајте ги кифличките и ставете ги во плех обложен со хартија за печење. Премачкајте ги со малку млеко и оставете ги да нараснат 15 минути. Кога ќе нараснат, премачкајте ги со разматено јајце и посипете ги со сусам. Печете ги на 200 степени додека заруменат.

The post Кифлички со кисела павлака – највкусните што некогаш сте ги пробале: Толку се меки и тазе што сите ќе бараат залаче плус! appeared first on Република.