6-годишно девојче во Мајами спречило сопствено киднапирање пред нејзиниот дом, откако го каснало напаѓачот, соопштуваат од полициската управа во Мајами.

Во саботата го уапсија Леонардо Венегас, кој е обвинет за киднапирање и злоупотреба на дете. Девојчето во четвртокот си играло со роднините во дворот на станбениот комплекс кога во близина на станот забележале бел џип, јавуваат американските медиуми. Откако останала сама, седнала на скалите од станот, а потоа ненадејно ја грабнал осомничениот Леонардо Венегаса.

Полицијата извести дека Венегас го подигнал девојчето и почнал да ја носи кога таа го гризнала за рака и избегала.

Го каснав. Ме крена, а потоа ми удри шлаканица - рекла таа во полициската станица и додала: Потоа ме фрли на подот и почна да бега. Тој избега.

Шестгодишното девојче потоа истрчало пред зградата и и кажало на тетка и што се случило. Полицијата во Мајами соопшти дека на снимките од надзорните камери се гледа како бел Range Rover влегува во станбениот комплекс, а осомничениот оди кон задниот дел на комплексот кон скалите каде што седело девојчето. Шестгодишното девојче потврди дека Венегас е човекот од видеото, а полицијата набрзо го приведе. Неговиот адвокат одби да даде изјава за медиумите.

The post Шестгодишно девојче се спаси од киднапер: „Го каснав и ме пушти“ appeared first on Република.

МВР најостро ги демантира лажните вести кои денеска се проширија по социјалните мрежи во врска со наводен киднапер, кој наводно се движел околу средното музичко училиште во Скопје.

Ниту има пријава за такво лице до полицијата ниту има пријава дека некое лице е киднапирано. И лицето кое ја пласираше оваа лажна вест, ја повлече и јавно објави дека станува збор за лажна вест. Пласирањето на ваквите лаги е со цел да предизвикаат паника, вознемиреност, постојано чувство на страв и несигурност кај граѓаните, а за жал зачестено се пласираат последниов период, потенцираат од МВР.

Оттаму нагласуваат дека лицето кое ја пласирало таа лага, ќе биде повикано во полициска станица и до надлежното обвинителство ќе биде поднесен соодветен поднесок против него.

Апелираме до граѓаните да не наседнуваат на вакви лаги. Исто така, им благодариме на медиумите кои не подлегнуваат на ваквите лажни вести и информациите ги проверуваат во надлежните институции, велат од МВР.

The post Нема киднапер околу музичкото училиште, МВР ќе го повика на разговор лицето што ја постираше фотографијата appeared first on Република.