„Симбиоза“ е насловот на изложбата од Роберт Цветковски што синоќа беше отворена во Културно-информативниот центар во Скопје. Суштината на неговите текстурирани слики е изградена преку експериментирање со примена на современи технолошки методи, како карактеристика на новата постмодерна естетика. Оваа фаза е особено свесна за сводовите низ Македонија. Неговите лакови еволуирале во симболи кои го одразуваат неговото истражување на односот помеѓу уметникот и местото. Овие пораки дејствуваат за да покажат не само од каде е авторот, туку тие се и приказни за тоа како природата и Универзумот постојано го менуваат начинот на кој ги гледаме работите.

Цветковски (Куманово, 1965 година) дипломирал ликовна уметност на „Универзитетот Св. Кирил и Методиј“ во Скопје. Реализирал 37 самостојни изложби и учествувал на повеќе од 200 групни изложби. Учествувал на над 40 ликовни колонии во Македонија, САД, Босна и Херцеговина, Србија и Бугарија. Неговите дела се дел од приватни колекции во САД, Кина, Јапонија, Норвешка, Швајцарија, Франција, Германија, Австралија, Хрватска, Црна Гора, Босна и Херцеговина, Бугарија, Македонија. Изложбата во КИЦ ќе биде отворена до 16 декември.

The post „Симбиоза“ од Роберт Цветковски отворена во КИЦ appeared first on Република.

Вечерва во Културно информативниот центар во Скопје, со почеток во 20:00 часот, ќе биде отворена изложбата на слики од Роберт Цветковски, насловена „Симбиоза“.

Цветковски е роден во Куманово, Македонија во 1965 година, а дипломирал на Универзитетот Св. Кирил и Методиј во Скопје на насоката ликовна уметност. Суштината на неговите текстурирани слики е изградена преку експериментирање со примена на современи технолошки методи, како карактеристика на новата постмодерна естетика. Оваа фаза е особено свесна за сводовите низ Македонија. Неговите лакови еволуирале во симболи кои го одразуваат неговото истражување на односот помеѓу уметникот и местото. Овие пораки дејствуваат за да покажат не само од каде е авторот, туку тие се и приказни за тоа како природата и Универзумот постојано го менуваат начинот на кој ги гледаме работите. Има 37 самостојни изложби и над 200 групни изложби. Учествувал на над 40 ликовни колонии во Македонија, САД, Босна и Херцеговина, Србија и Бугарија. Неговите дела се дел од приватни колекции во САД, Кина, Јапонија, Норвешка, Швајцарија, Франција, Германија, Австралија, Хрватска, Црна Гора, Босна и Херцеговина, Бугарија, Македонија; и постојани колекции во Центар за современа уметност-Подгорица, Црна Гора; Градскиот музеј на Скопје, Македонија и Академијата УККСА во Турција.

Самостојни изложби:

1994 – Скопје, P.Македонија, Галерија Стоби
1994 – Крива Паланка, Центар за култура P.Македонија
1995 – Куманово, P.Македонија, Центар за култура
1995 – Варна-Бугарија, P.Македонија, Галерија Палас
1998 – Неготино, P.Македонија, Градски музеј
1998 – Прилеп, P.Македонија, Центар за култура
2001 – Штип, P.Македонија, Центар за култура
2004 – Вилмингтон, NC, САД, Acme Art
2004 – Фајетвил NC, САД, музеј Фајетвил
2004 – Винстон Салем NC, САД, галерија Реалис
2005 – Питсборо NC, САД, галерија на Side Street
2007 – Carrboro/Chapel Hill NC, САД, Sizl Gallery
2007 – Пекинг, Кина, галерија Јун
2007 – Подгорица, Црна Гора, Павилјон за уметност
2008 – Крива Паланка, P.Македонија, Центар за култура
2008 – Карборо/ЧапелХил, NC, Main Street Gallery
2009 – Лексингтон NC, САД, галерија PAF
2010 – Скопје, P.Македонија, Културно информативен центар
2010 – Крива Паланка, P.Македонија, Центар за култура
2011 – Скопје, P.Македонија, галерија „Грал“.
2013 – Кавадарци, P.Македонија, Центар за култура
2013 – Неготино, P.Македонија, Градски музеј
2013 – Прилеп, P.Македонија, Центар за култура
2016 – Chapel Hill, NC, САД, Point Gallery
2019 – Њујорк Сити, Њујорк, САД, MC Gallery
2019 – Крива Паланка, P.Македонија, Културен центар и градски музеј
2019 – Струмица, P.Македонија, Центар за култура „Антон Панов“
2019 – Куманово, P.Македонија, Центар за култура
2020- Истанбул, Kuzey Makedonya Kültür Merkezi
2020- Софија, Бугарија, онлајн изложба за Културно-информативен центар на Македонија
2021 – Кавадарци, P.Македонија, Центар за култура
2021- Париз, Франција, Cité internationale des arts​​
2023 – Њујорк Сити, Њујорк, САД, MC Gallery
2023 – Грос Цимерн, Германија, Градски музеј
2023 – Крива Паланка, P.Македонија, Градски музеј
2024 – Крива Паланка, P.Македонија, Градски музеј
2024 – Загреб, Хрватска, Културно информативен центар на Р.Македонија

Изложбата ќе биде отворена до 16.12.2024 година.

The post „Симбиоза“ – изложбата на слики од Роберт Цветковски вечерва во КИЦ- Скопје appeared first on Република.

Во галеријата на Културно-информативен центар на Македонија во Софија, вечер, во 18:30 часот ќе се одржи мултимедијалниот проект „Мечтаење помеѓу празното и празнината“ – солистички концерт на авторска музика на Билјана Петровска (соло пијано) и сценска визуелна инсталација на Марина Цветановска-Мартиновска.

Во однос на проектот се посочува дека потребата да се дополнуваат музиката и визуелното во просторот е карактеристика на наведените уметнички во претходните уметнички настапи, од каде и произлегува оваа идеја. При тоа наоѓајќи ја заедничката фреквенција преку современ пристап и обработка на заедничка тема мечтаењето, желбите и потребите на луѓето во секојдневието. Всушност создавајќи ги своите форми за сценската инсталација, Марина ги работи под инспирација на музиката на Билјана Петровска.

Музиката на албумот на Билјана е инспирирана од мелодии и мотиви фолклорни песни, од она за кое се претпоставува сите го имаме запишано во нашиот код. Самиот стил на компонирање, амбиентален и медитативен донесува моменти во кои се чувствува инспирацијата од уметничките композиции и форми на Марина.

Современата релаксирачка и амбиентална музика на Билјана Петровска уште повеќе го оформува невидливото, исполнувајќи го празниот волумен со изведба на пијано звуци во современиот стил. Во целина, композициите создадени во умерено темпо, со мелодиски линии и хармонски подлоги со музикална, концептуална структура и позадина, поседуваат приемчивост и слушливост. Употребата на мелодијата и изедначените ритмизации во хармонската основа во нив, остваруваат наизменично прелевање на тонски бои со изразена суптилност. Нивното преплетување и дијалог во разните гласови и регистри, вообичаениот вовед, наместа вметнатите разработки на тематските мотиви во композициите, доведуваат до создавање на чувствено-контемплативни и медитативни расположенија, ја дополнуваат креацијата на Марина Цветаноска – Мартиновска и создаваат чувство на исполнетост, релаксираност и современо естетско визуелно и музичко оплеменување на просторот и доживување кај реципиентите.

Програма:

Самовила (Fairy) оп. А
Сон ( dream ) оп. A
Исчекување (Anticipation) оп. A
Носталија (Nostalgy) оп. Ц
Вечно твоја (Forever yours) оп. A
Сеќавање (Memory) op. 1
Молк (Silence) оп.A
Единаесеттиот час (Тhe eleventh hour) – Никола Стојковски, аранжман за пијано Билјана Петровска
Мечтаење (Daydreaming) оп. A
Жед (Thirst) оп. A, стои во соопштението од Културно-информативниот центар на РСМ во Софија. вг/

The post Мултимедијалниот проект „Мечтаење помеѓу празното и празнината“ на пијанистката Петровска и уметницата Цветановска-Мартиновска во Софија appeared first on Република.

Во рамките на Град Скопје како престолнина на културата 2028 година Културно информативниот центар – Скопје и Здружението за зачувување на делото на Анте Поповски имаат особена чест и задоволство да ве поканат на Поетска вечер со добитниците на наградите на Манифестацијата „АНТЕВО ПЕРО“, денес од 19:00 часот во Салон Империјал 2.

Убавината и оригиналноста на овој настан, e во тоа што на едно место овојпат ќе бидат собрани и ќе се претстават со извадоци од своето поетско писмо, досегашните добитници на наградите „Антево перо“, „Антев златник и „Антев часовник“. Овие традиционални награди им беа доделени по конкурсите за необјавена збирка поезија на македонски јазик, реализирани во рамките на седумте досегашни изданија на „Меѓународната поетско-културна манифестација „Анте Поповски-Антево перо“. Вљубениците во поезијата ќе имаат ретка можност да слушнат квалитетни поетски сочиненија кои се одраз на новите модерни текови во македонската поезија, а се инспирирани од името и творештвото на нашиот поетски великан Анте Поповски.

Низ сценариото и програмата ќе водат професорките Татјана Алексиќ и м-р Митра Мими Спасова, кои ќе интерпретираат и одделни извадоци од творештвото на Анте Поповски и на други поети, а присутните посетители ќе имаат можност да проследат и видео материјали изворно со гласот на Анте Поповски.

The post Поетска вечер со добитниците на наградите на Манифестацијата „Антево перо“ appeared first on Република.

На 25 ноември 2024 година (понеделник), со почеток во 19 часот, во изложбениот салон Империјал 2 на Културно-информативниот центар во Скопје ќе биде промовирана книгата „Поглед отстрана. Рацин (1908 – 1943)“ од Горан Калоѓера, во превод од хрватски на македонски јазик на Славчо Ковилоски, кој е и автор на предговорот, а во издание на „Македоника литера“.

За книгата ќе зборуваат проф. д-р Славчо Ковилоски и Нове Цветаноски, уредник на изданието. Датумот на промоцијата се совпаѓа со денот на излегувањето од печат на првото издание на книгата на Кочо Рацин „Бели мугри“, односно со 85-годишнината од објавата на оваа знаменита книга за современата македонска литература (на 25 ноември 1939 година, во Самобор, Хрватска).

Како што пишува авторот во воведот на книгата, Рацин е неговиот научен предизвик за кого, уште како млад научник, се обидел детално да го реконструира престојот во Хрватска и неговите дружења со истакнати антифашисти, писатели, уметници и политички другари. Во воведниот дел проф. д-р Горан Калоѓера пишува за Рацин како интелектуалец, поет, романсиер, публицист, критичар, полемичар, собирач на усно народно творештво, односно за неговата биографија, за неговото место и поврзаност со хрватската култура и со Хрватска воопшто. Главниот дел од книгата е анализа на публицистичкиот опус на Рацин, неговата проза, поезијата (песни на хрватски/српскохрватски јазик), култната книга „Бели мугри“, песните на Рацин надвор од збирки и поетски циклуси, како и збирката народни песни што ја подготвил Рацин пред неговата смрт во 1943 година. На крајот од книгата авторот дава заклучен осврт. Ова е втора книга на Калоѓера за Коста Солев Рацин, првата е напишана на почетокот на неговата научничка дејност.

„Ретко кој македонски поет привлекол толку внимание кај теоретичарите, книжевните историчари и филолозите како Рацин. Рацин беше карпа, брана, првоборец во уметничкиот израз на мајчиниот јазик, потпора и надеж за многумина, пример за идеален револуционер и на крајот жртва. Беше човек визија, предвидел многу историски настани, кои за жал се обвистинија. Тој беше најчесното и најчеститото нешто што го имаа Македонците во периодот меѓу двете војни“ – пишува Калоѓера за Рацин.

Во предговорот Славчо Ковилоски пишува:

„Делото ’Поглед отстрана. Рацин (1908 – 1943)‘ од Горан Калоѓера е силно, експресивно, набиено со емоции, но и остварување коешто дава одлична слика за времето во кое живеел Рацин, како и за неговата личност. Изнесените анализи и синтези се и тоа како добредојдени за поширо­ка­та македонска читателска јавност, а со сигурност ова важи и за хрватските читатели. Всушност, авторот гради уште еден мост на поврзување помеѓу Македонците и Хрватите, во негов препознатлив стил. Тој е директен при соопшту­вањето на своите согледби и ставови и тоа му дава посебна тежина, убавина и читливост на книгата. На крајот, Кало­ѓера завршува со констатацијата дека без разлика на временската дистанца и релативно скромниот опус на Рацин, тој и понатаму останува најпознатиот македонски писател во Хрватска. Така ќе завршиме и ние, со констата­цијата дека Калоѓера е еден од најпознатите современи македонисти, не само во Хрватска, туку и во европски рамки.“

Горан Калоѓера (Дубровник, 1951) е надворешен член на Македонската академија на науките и уметностите, надворешен член на Друштвото на писателите на Македонија и почесен доктор (doctor honoris causa) на Универзитетот „Св. Кирил и Методиј“ во Скопје. На Универзитетот во Риека ги извршувал функциите декан на Педагошкиот и на Филозофскиот факултет и проректор за настава и меѓународна соработка. Во периодот од 1980 до 1990 година бил прв предавач на курсевите по Македонска книжевност и Македонски јазик на Педагошкиот факултет во Риека. Основач е и раководител на Лекторатот по македонски јазик на Филозофскиот факултет на Универзитетот во Риека. По професија е дипломиран кроатист (јужносла­вист) и компаративист. Докторирал на тема македонско-хрватски и хрватско-македонски книжевни врски и допири на Педагошкиот факултет во Риека.

Впечатлива е стручната и академската биографија на професорот Калоѓера, кој првенствено се занимава со книжев­ното наследство, историјата на книжевноста, риеч­ката литература и секако македонската литература. Тој е меѓу најистакнатите македонисти во Хрватска и на Балканот. Објавил триесет и две книги на книжевно-историски теми, како и стотина научни и стручни трудови од областа на јужнословенската компаратистика. Од неговите македо­нистички трудови значајни се: „Јужнословенски кни­жевни проткајувања“ (1991), „Хрватско-македонски кни­жев­ни врски“ (1988), „Рацин во Хрватска“ (2000), „Компа­ра­тивни македонско-хрватски студии“ (2000), „Препозна­вања“ (2004), „Браќата Миладиновци – легенда и ствар­ност“ (2001), „Компаративни македонско-хрватски студии“ (2000), „Препознавања“ (2007), „Прилози за истражува­њето на македонската книжевна историја“ (2009), „Маке­донскиот 19 век“ (2011), „Македонско-хрватски врски“ (2006), „Македонски теми без дилеми“ (2014), „Македон­ците во Приморско-горската жупанија“ (2016), „Македон­ски пријателства“ (2019). За неговиот придонес во афирма­цијата на македонската литература, култура и јазик добил повеќе македонски награди, меѓу кои: Орден за заслуги за Македонија, Почесно Рациново признание за 2005 година, Медал Св. Климент, почесен докторат (doctor honoris causa) на Универзитетот Св. Кирил и Методиј. Горан Кало­ѓера извесен период ја извршуваше функцијата почесен конзул на Република Македонија во Република Хрватска. По пензионирањето, е прогласен за професор емеритус на Универзитетот во Риека.

Калоѓера е докажан пријател на Македонија и голем поборник на научната вистина за Македонија, а како научник, славист и македонист ужива висок углед како во Хрватска, така и во Македонија.

The post Промоција на книгата „Поглед отстрана. Рацин (1908 – 1943)“ од Горан Калоѓера вечерва во КИЦ appeared first on Република.

На 25 ноември 2024 година (понеделник), со почеток во 19 часот, во изложбениот салон Империјал 2 на Културно-информативниот центар во Скопје ќе биде промовирана книгата „Поглед отстрана. Рацин (1908 – 1943)“ од Горан Калоѓера, во превод од хрватски на македонски јазик на Славчо Ковилоски, кој е и автор на предговорот, а во издание на „Македоника литера“.

За книгата ќе зборуваат проф. д-р Славчо Ковилоски и Нове Цветаноски, уредник на изданието. Датумот на промоцијата се совпаѓа со денот на излегувањето од печат на првото издание на книгата на Кочо Рацин „Бели мугри“, односно со 85-годишнината од објавата на оваа знаменита книга за современата македонска литература (на 25 ноември 1939 година, во Самобор, Хрватска).

Како што пишува авторот во воведот на книгата, Рацин е неговиот научен предизвик за кого, уште како млад научник, се обидел детално да го реконструира престојот во Хрватска и неговите дружења со истакнати антифашисти, писатели, уметници и политички другари. Во воведниот дел проф. д-р Горан Калоѓера пишува за Рацин како интелектуалец, поет, романсиер, публицист, критичар, полемичар, собирач на усно народно творештво, односно за неговата биографија, за неговото место и поврзаност со хрватската култура и со Хрватска воопшто. Главниот дел од книгата е анализа на публицистичкиот опус на Рацин, неговата проза, поезијата (песни на хрватски/српскохрватски јазик), култната книга „Бели мугри“, песните на Рацин надвор од збирки и поетски циклуси, како и збирката народни песни што ја подготвил Рацин пред неговата смрт во 1943 година. На крајот од книгата авторот дава заклучен осврт. Ова е втора книга на Калоѓера за Коста Солев Рацин, првата е напишана на почетокот на неговата научничка дејност.

„Ретко кој македонски поет привлекол толку внимание кај теоретичарите, книжевните историчари и филолозите како Рацин. Рацин беше карпа, брана, првоборец во уметничкиот израз на мајчиниот јазик, потпора и надеж за многумина, пример за идеален револуционер и на крајот жртва. Беше човек визија, предвидел многу историски настани, кои за жал се обвистинија. Тој беше најчесното и најчеститото нешто што го имаа Македонците во периодот меѓу двете војни“ – пишува Калоѓера за Рацин.

Во предговорот Славчо Ковилоски пишува:

„Делото ’Поглед отстрана. Рацин (1908 – 1943)‘ од Горан Калоѓера е силно, експресивно, набиено со емоции, но и остварување коешто дава одлична слика за времето во кое живеел Рацин, како и за неговата личност. Изнесените анализи и синтези се и тоа како добредојдени за поширо­ка­та македонска читателска јавност, а со сигурност ова важи и за хрватските читатели. Всушност, авторот гради уште еден мост на поврзување помеѓу Македонците и Хрватите, во негов препознатлив стил. Тој е директен при соопшту­вањето на своите согледби и ставови и тоа му дава посебна тежина, убавина и читливост на книгата. На крајот, Кало­ѓера завршува со констатацијата дека без разлика на временската дистанца и релативно скромниот опус на Рацин, тој и понатаму останува најпознатиот македонски писател во Хрватска. Така ќе завршиме и ние, со констата­цијата дека Калоѓера е еден од најпознатите современи македонисти, не само во Хрватска, туку и во европски рамки.“

Горан Калоѓера (Дубровник, 1951) е надворешен член на Македонската академија на науките и уметностите, надворешен член на Друштвото на писателите на Македонија и почесен доктор (doctor honoris causa) на Универзитетот „Св. Кирил и Методиј“ во Скопје. На Универзитетот во Риека ги извршувал функциите декан на Педагошкиот и на Филозофскиот факултет и проректор за настава и меѓународна соработка. Во периодот од 1980 до 1990 година бил прв предавач на курсевите по Македонска книжевност и Македонски јазик на Педагошкиот факултет во Риека. Основач е и раководител на Лекторатот по македонски јазик на Филозофскиот факултет на Универзитетот во Риека. По професија е дипломиран кроатист (јужносла­вист) и компаративист. Докторирал на тема македонско-хрватски и хрватско-македонски книжевни врски и допири на Педагошкиот факултет во Риека.

Впечатлива е стручната и академската биографија на професорот Калоѓера, кој првенствено се занимава со книжев­ното наследство, историјата на книжевноста, риеч­ката литература и секако македонската литература. Тој е меѓу најистакнатите македонисти во Хрватска и на Балканот. Објавил триесет и две книги на книжевно-историски теми, како и стотина научни и стручни трудови од областа на јужнословенската компаратистика. Од неговите македо­нистички трудови значајни се: „Јужнословенски кни­жевни проткајувања“ (1991), „Хрватско-македонски кни­жев­ни врски“ (1988), „Рацин во Хрватска“ (2000), „Компа­ра­тивни македонско-хрватски студии“ (2000), „Препозна­вања“ (2004), „Браќата Миладиновци – легенда и ствар­ност“ (2001), „Компаративни македонско-хрватски студии“ (2000), „Препознавања“ (2007), „Прилози за истражува­њето на македонската книжевна историја“ (2009), „Маке­донскиот 19 век“ (2011), „Македонско-хрватски врски“ (2006), „Македонски теми без дилеми“ (2014), „Македон­ците во Приморско-горската жупанија“ (2016), „Македон­ски пријателства“ (2019). За неговиот придонес во афирма­цијата на македонската литература, култура и јазик добил повеќе македонски награди, меѓу кои: Орден за заслуги за Македонија, Почесно Рациново признание за 2005 година, Медал Св. Климент, почесен докторат (doctor honoris causa) на Универзитетот Св. Кирил и Методиј. Горан Кало­ѓера извесен период ја извршуваше функцијата почесен конзул на Република Македонија во Република Хрватска. По пензионирањето, е прогласен за професор емеритус на Универзитетот во Риека.

Калоѓера е докажан пријател на Македонија и голем поборник на научната вистина за Македонија, а како научник, славист и македонист ужива висок углед како во Хрватска, така и во Македонија.

The post Промоција на книгата „Поглед отстрана. Рацин (1908 – 1943)“ од Горан Калоѓера appeared first on Република.

Вечерва во Салон 19:19, во Културно Информативниот Центар во Скопје, со почеток во 20:00 часот, ќе имате можност да го проследите концертот на Сашко Костов. Настап кој е составен од музика за театарски претстави од Сашко Костов, начин на творење кое стана негова голема пасија и во континуитет ја создава веќе 14 години.

Музиката на овој концерт ќе биде сосема нова и различна од она што ги знаеме Сашко и Орхидеја претходно на сцената. Во главно ќе се изведат композиции од театарските претстави: “Рацин”, “Инферно” “Медеја” и “Црна дупка”. Дуетот активно работи 3 години и исполнува музика во живо за театарски претстави. Овој дует има амбиции во иднина да прерасне во поголем оркестар.

Орхидеја Дукова – Вокал
Сашко Костов – Тапан, перкусии, гитари, клавијатура, програминг, саксофон, рециклирани инструменти и вокал.

The post Концерт на Сашко Костов вечерва во КИЦ: Композиции од театарските претстави „Рацин“, „Инферно“, „Медеја“ и „Црна дупка“ appeared first on Република.

Поезијата на еден од најголемите персиски поети, Џелаледин Мевљана Руми, е мелем за срцето на безброј читатели низ вековите, а од пред некое време можеме да ја читаме и на македонски јазик.

Стиховите на Руми, кои претставуваат непроценливо светско наследство, добиваат дополнителна убавина кога се препеани од големиот мајстор на зборот, проф. Драги Михајловски. Тоа е воедно и последниот превод и препев на кој тој работеше.

Модераторка на настанот на 28 ноември, во сала Империјал, во КИЦ, во 19,19 часот, е авторката Виолета Танчева-Златева, а за изданието и за преводната работа на Драги Михајловски ќе зборуваат авторките и преведувачки Ана Пејчинова и Ирена Јурчева.

Надминувајќи ги материјалните граници на постоењето, поезијата на Руми ги обликува емоциите во мозаик во кој е претставено целокупното човеково искуство. Дојдете заедно да нурнеме во стиховите за божественоста, за љубовта и страста, копнежот и пријателството, пресликани на македонски јазик на совршен начин.

The post Вечер со Руми во КИЦ: Последниот книжевен препев на Драги Михајловски appeared first on Република.

Во Културно информативниот центар (КИЦ) во Скопје вечерва ќе биде отворена изложбата „Мал формат/Миниартура“ на Друштво на ликовни уметници на Македонија (ДЛУМ).

На изложбата ќе бидат претставени дела во дводимензионален и тродимензионален формат – цртежи, слики, колажи, скулптури, објекти, графики и дела во други техники од членовите на уметничката асоцијација.

Малиот формат и минијатурата се чести модели на запишување на фази од процесот на реализација на ликовните дела и со тоа се дел од тековната продукција на ликовните уметници. Во тој процес и продукцијата на финални ликовни дела во помал формат е од особено значење бидејќи дава посебно место на јасната идеја, прецизноста во реализацијата на делата и актуелност на понудениот концепт, велат од ДЛУМ.

Нагласуваат дека проектот е подржан од Министерството за култура и туризам.

The post Изложба Мал формат во КИЦ appeared first on Република.

Владината прес-служба соопшти дека Зоран Пејковски, на предлог на министерот за култура е именуван за директор на Културно – информативниот центар на Република Македонија во Софија, Република Бугарија.

Пејковски доаѓа на местото на писателот Сашко Насев кој беше назначен за директор на Културно-информативниот центар на Република Македонија во Софија во 2018 година. Тој претходно ја извршуваше функцијата в.д. директор на Културно-информативниот центар.

Зоран Пејковски (Битола) е македонски драмски писател, драматург, поет, сценарист, прозаист, публицист, театролог и единствен натуралист во македонската литература. Тој е и доцент од областа Драматургија на Факултетот за театарски уметности при Интернационалниот универзитет „Европа Прима“ од Скопје.

Член е на Друштвото на писатели на Македонија од 1995 година, во 2016 година од институцијата Светски амбасадори на мирот (Universelle des Ambassadeurs de la Paix, Suisse/France) се стекнува со титулата Почесен амбасадор на мирот, во 2017 г, се стекнува со титулата редовен академик на Чувашката народна академија од Руската Федерација, а во 2018 година се стекнува со титулата Европски писател на поезијата и уметноста, која ја доделува Номинациската комора за награди од Брисел при Европската Унија.

The post Пејковски нов директор на КИЦ на Македонија во Софија appeared first on Република.

Културниот информативен центар (КИЦ) во Скопје во соработка со сродните културни центри од Скопје, Кратово, Крушево и Битола организира интердисциплинарен и мултимедијален патувачки фестивал „Културен амалгам“ кој ќе започне денеска, на 23 јули (вторник) со почеток во 20 часот во просториите „Империјал 2“ и „Салон 19:19“.

Во својата основа овој фестивал има за задача да отвори врати кон вистинска и коренита децентрализација на културата во Македонија преку поставување темели на соработка и градење на културна свест во различни средини низ различни градови, истакнуваат од КИЦ.

Фестивалот ќе започне со изложба на фотографии од Никола Јовановиќ насловена како „24“, а составена од 20 црно-бели фотографии на кои се прикажани портрети и сцени од музичкиот свет кои досега не биле објавени. Фотографиите се снимени во периодот од 2023 до 2024 година на различни локации и, како што велат организаторите, секоја од нив раскажува некоја своја приказна.

Јовановиќ е млад фотограф роден во Скопје, кој активно се бави со фотографија веќе неколку години. Кон крајот на 2020 година почнува активно да се бави со портретна и музичка фотографија. Црно-белата фотографија е негов заштитен знак, негува ретро стил налик на оној од крајот на 20 век“, додаваат од КИЦ.

Исто така, на фестивалот ќе бидат прикажани и филмовите „Митот за Сара“, „Мангава диско панк“ и „Долу од рајот“ од Саша Станишиќ во „Салон 19:19“ со почеток од 21 часот.

„Станишиќ е независсен продуцент, режисер и писател од Скопје. Тој е претставник на новата генерација на режисери од Македонија чиј фокус на интерес е сместен на локалните реалистични дискурси кои можат да се протегнат или аплицираат по својата универзалност и на други делови од планетата, неговите партикуларни теми често во себе кријат општа човечка детерминанта“, информираат организаторите.

Филмот „Митот за Сара“ е за познатата француска актерка Сара Бернард, која во 1917 година ги посетува француските војници на Македонскиот фронт во близија на градот Битола. Пред нив изведува делови на Хамлет, лик кој таа, за првпат во историјата како жена го игра 20 години порано во Париз.

Додека пак, „Манга диско панк“ (од ромски превод, „Го сакам диско-панкот“) зборува за единствениот панк-рок бенд во Шутка.

А, приказната во „Долу од рајот“ се врти околу Ана, 15 годинишна девојка која ја заменува Сим-картичката од нејзиниот телефон со Сим-картичката на нејзиниот покоен дедо.

Следните настани на „Културен амалгам“ ќе се случат на 27 јули во Дом на култура „Лазар Софијанов“ во Кратово, потоа на 6 август во „Спомен куќа Тодор Проески“ во Крушево, а на 22 август во Културниот информативен центар во Битола.

The post Патувачки фестивал „Културен амалгам“ во КИЦ appeared first on Република.

Амбасадата на Јапонија и Културно-информативниот центар – Скопје ја организираат изложбата на големите јапонски мајстори за дрворези кои го отсликуваат јапонскиот лебдечки свет УКИЈО-Е од XVII и XVIII век.

Изложбата, како што е најавено, вечерва во 19 часот, ќе ја отворат јапонскиот амбасадор во земјава Оцука Казуја, директорот на Културно-информативниот центар – Скопје Антонио Димитров, Маја Стефкова од „AOTS- Македонија“ и кураторот на изложбата Јасмина Намичева.

По повод 30 години од воспоставувањео на дипломатските односи меѓу двете земји изложбата патуваше со 30 УКИЈО-Е реплики во Велес, Прилеп, Ресен, Охрид, Македонски Брод, Свети Николе, Неготино, Гевгелија и Богданци за да се врати во Скопје со поддршката на Културно-информативниот центар – Скопје.

УКИЈО-Е репликите се донација од Друштвото на македонско-јапонско пријателство и соработка за Музеј на Град Скопје и патуваат благодарение на Горан Антевски, „Раде Кончар ТЕП“ и „AOTS- Македонија“ на инцијатива на Јасмина Намичева и Амбасадата на Јапонија. За време на изложбите во сите градови, „МузеумЛинк“ и „Архифакт“ организираа ликовни работилници за ученици.

Изложбата во Скопје ќе биде отворена до 5 јули годинава.

The post Изложба на големите јапонски мајстори за дрворези во КИЦ appeared first on Република.

Културно-информативниот центар – Скопје најавува отворање на изложбата на слики, цртежи и принтови од Суире Магали Симоне (Франција) и Сергеј Јордановски (Македонија).

Изложбата на ликовните уметници Суире Магали Симоне од Франција и Сергеј Јордановски од Македонија е во рамките на меѓународниот уметнички проект на вмрежени градови од Европа „КРЕАРТ – Уметник во престој“ подржана од градот Скопје како еден од градовите учесници.

На изложбата авторите ќе се претстават со 20 дела создадени во просториите на уметничкото атеље на ЈУ КИЦ Скопје.

ЈУ КИЦ Скопје веќе петта година го организира овој меѓународен проект во кој до сега учествуваа уметници од Хрватска, Италија, Латвија и Македонија.

Изложбата ќе биде отворена до 10.07.2024 година.

The post Изложба на слики, цртежи и принтови од Суире Магали Симоне и Сергеј Јордановски во КИЦ appeared first on Република.

Пијанистот Арда Мустафаоглу вечер ќе има солистички концерт во Културно-информативниот центар – Скопје (КИЦ), во Салон 19:19. Пред публиката Мустафаоглу ќе се престави со дела Бах, Скријабин, Берг…

Арда Мустафаоглу е 21-годишен пијанист, чија кариера почнува на шестгодишна возраст. Тој e учесник на приближно 25 меѓународни натпревари, од кои има добиено 21 прва награда, Гран при награди, награди од публика и многу специјални награди. Добитник е на наградата „13 Ноември“ на Град Скопје.

Арда има настапувано со оркестарот на Македонската филхармонија, Софиската симфониета, Квартетот ЕОС и Квинтетот Мармара. Често одржува концерти ширум Европа (Германија, Франција, Италија, Белгија, Турција, Грција итн.).

Тој во моментот е студент во класата на Ана Виницкаја на Универзитетот за музика и театар во Хамбург.

The post Солистички концерт на пијанистот Арда Мустафаоглу вечерва во Салон 19.19 appeared first on Република.

Културно информативен центар - Скопје соопшти дека денеска ќе се отвори групна изложба на студентите од осмиот семестар на студиската програма Сликарство на Факултетот за ликовни уметности - Скопје насловена „Четирите мајстори на модернизмот“.

Како што најавија, Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста ,,Европски месец на креативност“ во галеријата Империјал 1 - ЈУ Културно Информативен Центар, каде што до крајот на мај ќе биде отворена групната изложба насловена „Четирите мајстори на модернизмот“.

Учесници се: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.

Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков, се наведува во соопштението.

Изложбата ќе биде отворена до 20 април.

The post Изложба „Четирите мајстори на модернизмот“ appeared first on Република.

Минатата недела беше отворена петтата по ред триенална изложба на Графичката работилница „Софија“ од Богданци во Културно информативниот центар во Скопје. Поставени се 150 графички листа, креирани од млади уметници од целиот регион, која е една импозантна бројка кога станува за дела од областа на графиката. Работилницата е со 17-годишна традиција низ која досега продефилираа околу 250 талентирани уметници од ликовните академии во регионот, но и од други европски држави. Изложбата на создадените дела во последните три години ја отвори раководителот на графичката работилница, Виктор Семенпеев.

Имаме соработка со сите ликовни академии од регионот и ако во првите години ние им се обраќавме да делегираат учесници, сега самите студенти аплицираат и изразуваат желба да бидат дел од графичката работилница. Токму тоа е најдобар доказ дека сме успеале да изградиме успешна приказна, која по условите за работа и можностите за креирање дела во различни графички техники, се издвојува како единствена во регионот, рече Семенпеев.

Директорот на КИЦ, Антонио Димитров, потенцираше:

Минатата година се обидовме да вметнеме во програмата колку што е можно повеќе графички работилници и мислам дека успеавме со тоа да ја популаризираме оваа ликовна техника. Веќе 17 години Графичката работилница „Софија“ од Богданци претставува своевидно јадро на графиката каде млади уметници и студенти ги почнуваат своите први чекори во оваа техника“.

Целта на Графичката работилница „Софија“ е популаризирање на графиката како начин на уметничко изразување и размена на искуства меѓу младите графичари од различните графички школи од регионот.

Јас се чувствувам многу пријатно што стигнавме дотука и што за една година ќе бидеме полнолетни. Што е всушност оваа работилница? Тоа е една мала приказна меѓу мене и мојот драг пријател Драган Семенпеев-Цапе. Сакавме да создадеме работилница што нема да личи на ликовна колонија туку ќе биде во функција во текот на целата година, изјави професорот Костадин Танчев - Динка.

Промотор на изложбата беше Илија Ико Каров, кој ја истакна важноста на оваа работилница:

Бројот три во нашата цивилизација има многу големо значење. Покрај тоа што застапува многу возвишени нешта во различни култури на сите страни на светот, особено во нашата микро цивилизација, тој претставува многу големо нешто, го претставува светото тројство и во тој контекст сакам да спомнам дека бројот три секогаш кога ќе го спомнете во ликовен контекст ме потсетува на една иста работа, а тоа е триеналето на Графичката работилница „Софија“ од Богданци“.

Организатор на работилницата е Здружението на граѓани Графичка работилница „Софија“ Богданци, а главен поддржувач на настанот е Печатница Софија Богданци, како и Министерството за култура. На работилницата до сега имаат учествувано уметници од академиите во Белград, Нови Сад, Ниш, Загреб, Осијек, Љубљана, Варшава, Солун, Сараево, Софија и Скопје.

Изложбата ќе биде отворена до 13 фебруари 2024 година.

The post Во КИЦ отворена петтата триенална изложба на графичката работилница „Софија“ appeared first on Република.

Стотина графики од современи автори од земјава и од светот ќе бидат претставени на 6. Меѓународна изложба „Ex Libris Скопје 2023“, која ќе биде отворена вечер во 20 часот во Културно-информативниот центар – Скопје.

Делата се изработени во различни традиционални графички техники, како линорез, сува игла, бакропис, мецотинта, акватинта, фотолитографија, како и современи техники – дигитална графика и нивно комбинирање.

Ex Libris, што буквално значи „од книгите на”, е латински израз што се користи за означување сопственост на книга. Ex Libris графиката се однесува на уметничките идентификации поставени во книгите за да ги означат сопствениците и воедно да ја украсат книгата, соопшти КИЦ-Скопје.

Изложбата е биенална, а првото издание се одржа во 2012 година. Колекцијата од изданијата на меѓународната изложба „Ex Libris Скопје“ досега има над 600 дела од 300 автори од четириесетина земји.

Покрај натпреварувачкиот карактер, изложбата сама по себе претставува прослава на графиката и литературата во својата класична колекционерска форма. Имајќи ја предвид современата дигитална култура, книгата како колекционерски артефакт е сѐ помалку застапена во животот на секојдневниот читател, а со тоа и потребата од категоријата Ex Libris. Оваа изложба има цел да го поттикне интересот кон традиционалните графички техники и да ја освежи колекционерската култура на книгите, наведува КИЦ во најавата за изложбата.

The post Отворање на 6. Меѓународна изложба „Ex Libris – Скопје 2023“ appeared first on Република.

Во Културно информативниот центар (КИЦ) во Скопје денеска ќе се одржат две книжевни трибини. Во 12 часот е закажана „Книжевната сцена во современиот културен контекст“ , а во 13,30 ќе се разговара на тема „Детска книжевна продукција“.

Говорници на првата дебата се авторот Петар Андоновски, Живко Грозданоски, автор и книжевен преведувач, Јулијана Величковска, авторка, уредничка во „ПНВ Публикации“, директорка на „Скопскиот поетски фестивал“ и програмска директорка на „Поетска ноќ во Велестово“ и Владимир Јанковски, автор и уредник во издавачката куќа „Готен“.

Говорници на втората се проф. д-р Весна Мојсова-Чепишевска, Ника Гавровска, авторка и уредничка во издавачка куќа „Гаврош“ и Бистра Георгиева, авторка.

Трибината „Детска книжевна продукција“, проект на Ана Јовковска, докторанд на културолошки студии на Институтот за македонска литература при УКИМ е тематско продолжение на панел-дикусијата „Книжевната сцена во современиот културен контекст“.

Фокусот е на литературата за деца, акцентирање на важноста од едукативната компонента, педагошката функција на литературата и уметноста, развивање на креативноста кај децата и поттикнување на љубопитството преку читање во правец на развивање на критичко, иновативно размислување, како и следењето на современите светски текови на детската продукција во рамки на литературата и илустрацијата, соопшти Културно-информативниот центар - Скопје.

Модераторка на двете е Ана Јовковска, авторка и новинарка која ја организира дебатата во рамките на програмата за литературна дејност „Македонски книжевни текови“ на КИЦ.

The post Денеска две книжевни трибини во КИЦ во Скопје appeared first on Република.

Вечерва, 27 ноември, во Културно информативниот центар (КИЦ), во Салон 19:19 ќе се одржи Концертот на Музичка младина на Македонија. Настанот е во рамки на Денови на европско Скопје.

The post Концерт на Музичка младина на Македонија во Салон 19:19 appeared first on Република.

На 12 октомври (четврток), од 18:30 часот, во КИЦ на Република Македонија ќе се одржи промоцијата на книгата „Картографирање на себеси“ од македонската поетеса Славица Гаџова Свидерска. На вечерта, посветена на преведената и наскоро издадена книга на бугарски јазик од Издавачката куќа „Ерго“, ќе говорат: издавачот Мартин Христов, преведувачката Поли Муканова, писателот Владимир Левчев, како и самата авторка – Славица Гаџова Свидерска.

Накратко за „Картографирање на себеси:

Во прекрасните стихови со кои Славица Гаџова Свидерска се картографира себеси , го откриваме целиот свет: од „Охридска“ до „Африканска“ и до „Арктичка“ стихотворба, од домашните архиви на телата до скривалиштата на стравот. Свидерска е македонска, но и космополитска поетеса со неповторлив творечки ракопис. Лесно и непринудено таа постигнува завидна длабочина и висок квалитет во својата поезија. Секоја стихотворба во оваа книга е откровение. (Владимир Левчев)

Издигајќи го својот моќен, бескомпромисен глас против секакви варијации на „политиката на стравот“, авторката успева да го закотви и победи стравот, не со очај, бегство или пренебрегнувачки однос, а преку создавање на мирно, спокојно, сигурно, скоро магиски заштитено катче. Имено во тоа циклично повторување на почетокот и крајот е исходот, спасението од ирационалниот страв во овој свет овде и сега. (д-р Лидија Капушевска–Дракулевска)

За Славица Гаџова е многу важно индивидуалното, интимното доживување на спознанието, пронижано од номадски експедиции, а токму такви експедиции даваат дополнителна сила, камчињата во компонирањето на мозаикот, уше една оптика во издвојувањето на предизвиците кои ни ги нуди животот и кои необично го освежуваат духот. (д-р Звонко Танески)

Славица Гаџова Свидерска (1984, Битола) е македонска поетеса, преведувач, есеист, литературен теоретичар, доктор на филолошките науки. Ги има издадено стихозбирките „Бескрајност“ (2001), „Писма“ (2012), „Политики на љубовта“ (2015), и „Тела“ (2016). Автор е и на научните монографии: Литература и дискурси на власта“ (2013), „Литература и политичко насилство“ (2018), како и на литературно-филозофските есеи „За смислата и апсурдот“ (2017). Носителка е на наградите „Енхалон“ на Струшките вечери на поезијата (2012), „Ацо Караманов“ на „Карамановите поетски средби“ (2016), „Орфеева лира“ на престижниот фестивал за поезија „Орфеј“ во Пловдив, Бугарија (2019). Во 2022 година на добива наградата „Македонска литературна авангарда“ за книгата „Политики на стравот“ (2021). Нејзината поезија е преведувана на англиски, кинески, бугарски, српски, хрватски, босански, чешки, словачки, турски, и албански.

The post Промоција на книгата „Картографирање на себеси“ од Славица Гаџова Свидерска во Македонскиот културен центар во Софија appeared first on Република.