Во Mакедонскиот културно информативен центар во Тирана, е отворена изложба на сликарката Тања Манева, насловена „Боите на душата“, на која се претставува со нејзините гостинки, Стела Рустемај од Тирана и Драгана Пајковиќ-Додиг од Белград.
Како што информираат од КИЦ -Тирана, изложбата која беше отворена прексиноќа во прекрасна атмосфера, тиранската љубопитна публика, дел од дипломатскиот свет и останатите гости, сликите на Манева ги прифати со големо воодушевување. Магијата со која зрачат нејзините нови дела, направи неколку од сликите да бидат веднаш продадени.
Изложбата е во организација на македонскиот КИЦ во Тирана, од каде што велат дека Татјана Манева се претстави со 6 нови дела преку кои може да се забележи возбудлива промена во нејзиниот стил.
Македонскиот КИЦ во Тирана, продолжува со својата програма. На 3 мај 2024 во театарот „АрТурбина“ во Тирана ќе гостува Албанскиот театар од Скопје со претставата „Диво Месо“ од Горан Стефановски, во режија на Мартин Кочовски.

The post Изложбата „Боите на душата“ на Тања Манева во Македонскиот културен центар во Тирана appeared first on Република.

Македонскиот Културно-информативен центар во Тирана ги претстави „Woodwind quintet Phil-harmonic Five“ од Скопје.

Како што информираат од КИЦ, синоќа во несекојдневна и пријатна атмосфера, во Гранд Паркот во Тирана, дувачкиот квинтет имал едночасовен концерт на отворено, каде се претставиле со дела од Хајдн и домашни автори (Љубомир Браноѓолица).

Гранд Паркот во Тирана е место каде што после 18 часот попладне, излегуваат на прошетка голем број на жители. Огромниот парк од осум километри,  во попладневните и вечерните часови, за разни видови релаксација го користат голем број посетители. Овој простор важи за место каде тиранчаните зборуваат за духовните нешта во овој град и свет. Овој парк е на некој начин духовно светилиште каде се случуваат безброј концерти, театарски престави, изложби, стои во соопштението од КИЦ.

The post Настап на дувачкиот квинтет „Woodwind quintet Phil-harmonic Five“ во Тирана appeared first on Република.