Сараевскиот ќебап официјално е заштитен како автохтон бренд и посебен производ на Босна и Херцеговина. Ова го потврди градоначалничката на Сараево, Бенијамина Кариќ, на прес-конференција во градското собрание, најавувајќи дека наскоро ќе следи и заштита на сараевскиот сомун.

Пред две години почнавме процес на заштита на ќебапот. Ќе продолжиме да работиме на заштита на автохтони домашни производи. Тој сега е заштитен како бренд и како посебен традиционален производ на БиХ, нагласи Кариќ.

Таа додаде дека после заштитата на ќебапите како бренд, следи и заштитата на ќебапите во ЕУ.

Можеме да објавиме дека по заштитата на ќебапите, ќе тргнеме во акција за заштита на сараевскиот сомун“, посочи Кариќ.

Според неа, Сараево се гордее со својата историја, олимпискиот дух, а секогаш е важна гастрономската понуда која привлекува голем број туристи.

Ако сте дошле во Сараево и не сте пробале ќебапи, не можете да го напуштите градот, додаде Кариќ, повикувајќи ги граѓаните на дегустација на 3.000 ќебапи пред џамијата во Башчаршија.

Директорот на Агенцијата за безбедност на храна, Џемил Хајриќ, изјави дека денеска се одбележува „круна на напорите“ кои почнале пред неколку години и се однесуваат на усогласувањето на законодавството на БиХ со ЕУ.

Процесот резултираше со тоа што Советот на министри на БиХ усвои правна рамка, која овозможи силно да се почне со обележување на географското потекло и традиционалниот углед на храната. Сараевскиот ќебап е осмиот производ кој ја помина процедурата и веројатно е еден од најзначајните, посочи Хајриќ

The post Сараевскиот ќебап и сомун ќе бидат заштитени како автохтон босански бренд appeared first on Република.

Лукас Подолски, 38-годишниот фудбалер кој се уште е активен во полскиот Горник Забрзе, a најголемите успеси ги постигна со Баерн Минхен, Арсенал, Интер и Галатасарај, додека во 2014 година стана светски шампион со Германија, во моментов го заслужува епитетот „крал на ќебапите“.

Културните, социјалните и деловните ангажмани на Подолски го наведоа во текот на неговата долга и успешна фудбалска кариера да почне музички фестивал, да создаде спортски центар и фудбалски турнир на славни личности со навивачите. Исто така, во 2017 година, само две години по заминувањето од Арсенал, тој го создаде својот бренд за сладолед „Ice Cream United“.

Во 2018 година го отвори својот прв ресторан за донер ќебап, кој го нарече „Мангал Донер“, откако беше инспириран од времето поминато во Галатасарај. За неколку години брендот „Мангал Донер“ се прошири низ Германија, а Подолски отвори 30 ресторани.

Подолски, кој освои 130 натпревари за Германија и постигна 49 гола, активно е вклучен во проширувањето на „Мангал Донер“.

Ако нарачате мени во Мекдоналдс, плаќате колку во моите ресторани. Или уште повеќе... Сепак, вашиот храната ќе биде сра*е, нема квалитет“, вели Подолски за својор донер.

Како што објави весникот „Сан“, со своите бизнис активности, Подолски успеал да ја зголеми својата нето вредност на повеќе од 207 милиони евра.

The post Од врвен голгетер и светски шампион до „Крал на донерот“: Бизнисот на Подолски му донесе богатство од 207 милиони евра appeared first on Република.