Бразилскиот играч за врска Касемиро во следните неколку денови треба да стави потпис на договор со премиерлигашот Манчестер јунајтед, пренесуваат денеска британските медиуми.

Според истите извори, 30-годишниот бразилски репрезентативец веќе ги договорил личните услови со Манчестер јунајтед, а англискиот прволигаш до мадридски Реал испратил понуда во висина од 60 милиони евра плус десет милиони евра во бонуси.

Касемиро во Јунајтед треба да заработува двојно повисока плата отколку во Реал.

Медицинските прегледи се очекуваат во текот на денешниот или утрешниот ден, по што треба да потпише договор на четири години со опција за продолжување за уште една година.

The post Манчестер Јунајтед се засилува со Касемиро appeared first on Република.