СВР Скопје поднесе кривична пријава против П.П. поради постоење основи на сомнение за сторено кривично дело „предизвикување општа опасност“.

На 12.03.2024, на ул.„Христијан Тодоровски - Карпош“ пријавениот, по претходно недоразбирање во сообраќајот, учествувал во физичка пресметка со Н.Б., во која со пиштол во воздух испукал 10 проектили, соопштија од МВР.

The post Пукање сред Чаир по кавга поради сообраќајот appeared first on Република.

На 29 март во 02.15 часот во Скопје, полициски службеници од Полициската станица Аеродром го лишиле од слобода М.И.(26) од Република Србија, постапувајќи по претходна пријава дека околу 21.15 часот на подрачјето на општина Аеродром во Скопје, по претходно недоразбирање во сообраќајот, физички го нападнал Д.Ј.(21) од Скопје.

Притоа, Д.Ј. се здобил со тешки телесни повреди констатирани во Комплекс клиники „Мајка Тереза“.

По целосно документирање на случајот ќе следува соодветен поднесок.

The post Србин претепал скопјанец – се скарале околу возење во Аеродром appeared first on Република.

Вчера во Полициска станица Центар Д.М.(47) од Скопје пријавил дека во 18.20 часот на раскрсницата на подрачје на Центар по претходно недоразбирање во сообраќајот две лица му упатувале закани и се обиделе физички да го нападнат него и неговиот син, при што му го оштетиле неговото патничко моторно возило „рено сеник“ со скопски регистарски ознаки.

Од МВР велат дека се преземаат мерки за расчистување на случајот.

The post Дивјаци и во Центар: Му ја кршеле колата и тргнале да го тепаат со синот поради недоразбирање во сообраќајот appeared first on Република.

Четири лица, меѓу кои и еден малолетник се повредени во крвавата пресметка меѓу соседи од две семејства во Чаир средата вечер.

Како што соопштија од МВР, полициски службеници од СВР Скопје ги лишиле од слобода С.Ф.(38) и С.Н.(31), двајцата од Скопје, кои се сомничат дека во плац на бул.„Македонско-косовска бригада“ во Скопје учествувале во физичка пресметка помеѓу две семејства – соседи, во која било употребено огнено оружје и остри предмети.

Со повреди од огнено оружје се здобиле М.И.(51) и еден малолетник, додека со повреди од остар предмет се здобиле Ш.И.(22) и С.И.(27).

Повредените биле пренесени во болницата „8 Септември“ каде што им била укажана лекарска помош.

Увид на местото извршила екипа од СВР Скопје и се преземаат мерки за расчистување на случајот, велат од МВР.

The post Крвава пресметка со пиштоли и ножеви на две семејства во Чаир, малолетник во болница appeared first on Република.

Познат брачен терапевт ги објаснува причините за распаѓањето на браковите, кои најчесто ги среќавал во пракса. Еве како жените и мажите си ги уништуваат браковите…

1. Љубовта меѓу мажот и жената обично започнува со вљубеност која никогаш не се претвора во љубов.

2. Мажот ја напушта жената тогаш кога ќе сфати дека веќе не ја сака.

3. Мажот ја напушта жената бидејќи е тип на „патолошки Дон Жуан“ (заводник) кој ги менува жените, несвесно одмаздувајќи им се, најчесто од комплекси поради мајката, поради разни трауматични случувања од детството.

4. Повеќевековниот патријархален тип на жена има една основна цел: да се омажи и да има деца. Сложените и значајни еротско-сексуални страни на брачните односи се занемаруваат.

5. По неколку години брак со деца, жената или комплетно одбива сексуални односи или мрзоволно ги извршува без лично учество.

6. Природното посветување поголемо внимание на новороденото дете од страна на жената во првата година или две, се претвора во понатамошно долгогодишно давање предност на детето во однос на мажот. Мажите стануваат љубоморни на децата, па така бараат поповолна партнерка за брачна или вонбрачна врска.

7. „Кастрирачкиот тип на жена“, слично на машкиот Дон Жуан, несвесно му се одмаздува на мажот така што го уценува или го одбива или глуми во односите во бракот. Слично на одмаздољубивиот маж, и овој тип на жена несвесно му се одмаздува на својот татко поради трауматични случувања од детството.

8. Женското либидо е послабо од машката сексуална желба, пократкотрајно е и во најдобар случај трае до климактериумот. Потоа, почнува да преовладува машкиот хормон и тоа доведува до промени во однесувањето на жената.

9. Постои, поретко, за среќа, трет тип на жени за кои секој полов чин е нешто ужасно, срамно и одвратно. Ваквата жена, и кога го крие тоа од мажот, не е во состојба подолго време да го крие овој недостаток.

10. Постојат тип на жени што сакаат да доминираат во бракот, и тоа на повеќе начини. Кога мажот посериозно ќе му се спротивстави на ваквото однесување на жената, а таа не може да ја промени оваа особина, тој ја напушта.

11. Од разни причини, неуспешниот прв брак (особено ако се случил рано), се заменува со успешен и долготраен втор брак. Мажот или жената што созреале, стануваат успешни индивидуи, па бараат позрел партнер во вториот брак. Доколку жената не созреала за време на бракот, а мажот созреал и обратно, зрелиот партнер веќе нема потреба за симбиоза, па оттука доаѓа до разделба или развод.

The post Вака мажите најчесто ја уништуваат својата жена appeared first on Република.

Сè појасно е дека премиерот на Република Македонија, Димитар Ковачевски е сè понервозен кога ќе го прашаат кој од двата предлози кои ги даде претседателот на ВМРО-ДПМНЕ, Христијан Мицкоски за заштита на индентитетот и интеграција на ЕУ ги прифаќа. Ковачевски тоа уште еднаш го потврди и на одговарање на новинарско прашање при денешната негова изјава во Богданци.

Имено новинарот го праша Ковачевски, кои од предлозите на Мицкоски е за вас е прифатлив и дали за некој од тие предлози имате разговарано во партијата како можен прифатлив?

Одговор кој го даде Ковачевски е следниот:

Од кој медиум сте вие? Бевте на прес конференцијата? А беше некој ваш колега? А пуштија кај вас на телевизија од прес конференција? Значи да ви повторам што беше на прес-конференција.

The post Ковачевски се искара со новинарите, и не даде одговор кој предлог на Мицкоски го прифаќа appeared first on Република.

Вчера  во 16.43 часот во СВР Скопје било пријавено дека на ул.„8 Септември“, по претходно недоразбирање во сообраќајот, настанала расправија помеѓу Д.М.(50) од Скопје, кој управувал патничко возило „мерцедес“ и Е.Н.(19) од Скопје, кој управувал мотоцикл „пиаџо“, а сопатник бил С.Р.(28) од Скопје, и двете со скопски регистарски ознаки.

Притоа, според пријавеното, Е.Н. со остар предмет му се заканувал на Д.М., а потоа со возилото удрил во мотоциклот, при што со телесни повреди се здобил С.Р., констатирани во Градската општа болница „8 Септември“. Се преземаат мерки за расчистување на случајот.

The post Поради сообраќајна кавга прво му излегол со нож, другиот тргнал да го гази appeared first on Република.

Хрват бил уапсен и казнет откако се скарал сам со себе.

Во неправосилната пресуда објавена деновиве, се наведува дека на 8 март годинава во угостителскиот објект „Тип топ“ во Вишњевац, 27-годишното момче го нарушило јавниот ред и мир оти викал на јавно место, говорејќи гласно, а неразбирливо, додека зборувал сам со себе.

Тој, според очевидци, во ресторанот почнал да вика: „Дали сум јас идиот!?“ По кусо време го турнал пепелникот од масата, а потоа и самиот паднал од столот на подот. После тоа повторно викал на цел глас „Јас сум ќелав, но не сум глупав мајмун!“ …Па, повторно седнал до масата и почна да вика дека ќе скрши сѐ и „нека се јават на кого и да сакаат“.

По „караницата“, човекот е прогласен за виновен за нарушување на јавниот ред и мир. Казнет со 700 куни, но ќе треба да плати 100 куни (823 македонски денари), бидејќи неговите два дена во полициски притвор се бројат како 600 куни.

The post „Дали сум јас идиот?!“: Хрват казнет оти се скарал сам со себе appeared first on Република.

Уште една нова година се ближи. Се трудиме да бидеме расположени, ништо да не нè нервира, бараме подароци … Сепак, ваквите денови можат да бидат и многу стресни поради дополнителниот притисок во секојдневната комуникација, брзањето, зголемувањето на обврските и се разбира, „потребата“ да се биде повеќе расположен.

Зошто паровите се караат за празниците повеќе од вообичаеното?

За време на празничните периоди има многу очекувања и активности кои нè оттргнуваат од нормалното секојдневие. Паровите повеќе се караат бидејќи им е нарушена нормалната рутина и постои притисок да се исполнат очекувањата овој период од годината да биде „магичен“, пишува „Метро“.

Овие очекувања може да се спротивни на нашите индивидуални верувања и може да се појават тензии меѓу различниот начин на гледање на нештата. Затоа најдобро е да му се препуштиме на денот со насмевка и да не се грижиме премногу за тоа што успеавме да направиме, а што не.

The post Зошто паровите најмногу се караат за Нова година appeared first on Република.