СВР Велес излезе со детали за сообраќајката во која загина едно лице, а три се тешко повредени, на патот од Кавадарци за Росоман, кај росоманското село Рибарци.

Вчера во ОВР Кавадарци било пријавено дека околу 08.45 часот во близина на село Рибарци, општина Росоман, се случила сообраќајна несреќа помеѓу патничко возило „сеат“ со велешки регистарски ознаки, управувано од 18-годишната В.З. од Градско и товарно возило „опел“ со велешки регистарски ознаки, управувано од Б.Ј.(46) од Велес, појаснија од СВР Велес.

Оттаму соопштија дека од здобиените повреди на местото починал М.П.(40) од Велес, сопатник во товарното возило, а смрт констатирал лекар.

Со тешки телесни повреди се здобиле возачот на товарното возило и 18-годишната А.Н., сопатник во патничкото возило, а со телесни повреди се здобил возачот на патничкото возило, констатирани во болницата во Кавадарци. Увид на местото извршиле јавен обвинител во содејство со увидна екипа од ОВР Кавадарци. По наредба на јавен обвинител телото на починатиот било дадено на обдукција, информираа од СВР Велес.

The post 40-годишник е загинатиот во тешкиот судир кај Росоман appeared first on Република.

Едно лице загинало на лице место, а три се тешко повредени во сообраќајка што се случила утрово околу 9 часот кај село Рибарци, на регионалниот пат од Кавадарци кон Росоман. Оваа информација ја потврдија за МИА од Итната медицинска помош во Кавадарци.

Трите лица се транспортирани до кавадаречката болница, додадоа од Брза помош Кавадарци.

Од СВР Велес потврдија за МИА дека на лице место се врши увид, по случена сообраќајна несреќа помеѓу две возила.

The post Утрово тежок судир кај Росоман, едно лице загина на лице место appeared first on Република.

Три лица се повредени од кои едно потешко во страшна сообраќајна несреќа која утрово се случила на патот Кавадарци - Росоман.

Според првичните информации станува збор за две лица во раните дваесетти години и уште едно постаро лице.

Станува збор за директен судир но нема информации како дошло до него.
Регионалниот пат Кавадарци-с.Росоман, од 07:00 часот е во целосен прекин поради сообраќајна несреќа, соопшти АМСМ.

ТППЕ Кавадарци излезе на терен со 8 пожарникари, 2 возила за техничка интервенција и 1 амбулантно возило.

The post Тешка сообраќајна несреќа на патот Кавадарци – Росоман appeared first on Република.