На 29.11.2024 година во 21.10 час во ОВР Кавадарци Д.П.(49) од Кавадарци, пријавила дека на улица „Никола Минчев“ во Кавадарци била нападната од неколку кучиња, при што била соборена на земја и касната, а од случајни минаувачи кучињата биле избркани.

The post Кавадарчанка искасана од улични кучиња appeared first on Република.

Денес со почeток од 20 часот, во Дом на култура Иван Мазов – Климе“ Кавадарци ќе се оддржи ексклузивен “Концерт на Јордан Костов Квартет“.

Еден од музичарите кои го освојуваат светот со својата музика – Јордан Костов, со својот квартет доаѓа во родното Кавадарци. Ретка прилика во живо да се видат неговите музички мајстории.

Овој пат во состав:
Драган Теодосиев (Македонија) на тапани – најдобар млад македонски џез музичар за 2024 на Скопје Џез фест; Маки Хачија (Јапонија) на пијано – вокален перформер, пијанист, има издадено осум самостојни албуми.

Соработува со врвни професионални играчи, музичари, поети, ликовни уметници низ целиот свет; Јордан Костов (Македонија) на хармоника – музичар кој го освојува светот со својот инструмент и музика со десетина албуми во својот репертоа, што самостојни, што со неговите групи.

Описот на нивната музика оди вака: Публиката во Кавадарци ќе може да слушне испреплетување на повеќе музички свери, балансиран контраст на импро и комплексни и едноставни мелодии со моменти на космички звук , хармонски манипулации итн. Арт од енергична вокална техника, модерен џез и силна ритам секција.

Овој квартет ќе го донесе духот на алтернативата , подземјето и авангардата од Токио но и други свери, во исто време оживувајќи го духот на Никола Бадев.

Влезот на концертот е бесплатен. Се гледаме на светска музика!

The post Ексклузивен концерт на „Јордан Костов Квартет“ вечерва во Кавадарци appeared first on Република.

Во четврток, на 21 ноември од 20 часот, во Галеријата при Домот на културата „Иван Мазов - Климе“ во Кавадарци ќе се одржи изложба на македонски рок артефакти и промоција на три енциклопедиски дела на најголемиот хроничар на македонската рок музика Тошо Филиповски: “Промоција на книгите: Македонска Дискографија-Винили 1958-2019, Македонски Рок Времеплов и Мизар-Откровенија 1981-2021” и “Мала ретроспективно - патувачка изложба – 6 децении македонска рок-музика, 1963-2023”.

Оваа изложба/промоција доаѓа по големата изложба која Тошо Филиповски ја приреди во Музејот на рокенролот во Сараево, Босна и Херцеговина и успешната турнеја низ САД каде ја промовираше македонската рок музика.

Од Домот на културата „Иван Мазов – Климе“ ги најавуваат и следните настани -  „Недела на театарот“, а во неа претставите: вторник, 19 ноември 2024, 19 часот - „Спанаќ со пржени компири (Каша и кубаси)“ на Театар при Дом на култура „Иван Мазов - Климе“ Кавадарци, сабота, 23 ноември, 19.30 часот - “Болва во уво“ на Театар при Центар за култура Ковин, Србија, понеделник, 25 ноември 2024, 19 часот - “Кавадаречки пастуви“ на Театар при Дом на култура “Иван Мазов - Климе“ Кавадарци.

В петок, на 22 ноември од 19 часот ќе се отвори самостојна изложба на познатиот уметник од Косово - Хајруш Фазлиу.

The post Изложба на македонски рок артефакти и промоција на три енциклопедиски дела на Тошо Филиповски во Кавадарци appeared first on Република.

Вработен пријавил физички напад од сопственик на фирма во Кавадарци, а приведен е и жител на неготинско село кој ја нападнал сопругата, информираат попладнево од Секторот за внатрешни работи - Велес.

Синоќа во 19:35 часот во ОВР - Кавадарци, А.Д., на возраст од 49 години од Неготино, пријавил дека додека бил на работно место во фирма во Кавадарци, бил физички нападнат од Ќ.М., сопственик на фирмата. Се преземаат мерки за расчистување на настанот, појаснуваат од СВР - Велес.

Подоцна, во 21:25 часот, полициски службеници од ОВР - Неготино го лишиле од слобода Ц.Ј., 66-годишник од неготинско село, затоа што во семејниот дом, физички ја нападнал неговата 63-годишна сопруга.

Ц.Ј. бил задржан во полициска станица. За настанот, известен бил јавен обвинител. По документирање на случајот, против Ц.Ј. ќе биде поднесен соодветен поднесок, додаваат од СВР - Велес.

Оттаму информираат и дека вчера во 13 часот, полициски службеници од ОВР - Неготино извршиле претрес во домот на А.Т., 45-годишно лице од Демир Капија. Тоа, по претходно издадена наредба од Основен суд - Неготино.

При претресот биле пронајдени и одземени пакувања со пиротехнички средства-петарди. По документирање на настанот, против А.Т. ќе биде поднесена кривична пријава за „недозволено изработување, држење и тргување со оружје или распрчкувачки материи“, предвидено по член 396 од КЗ, додаваат од СВР - Велес.

The post Вработен пријавил физички напад од сопственик на фирма во Кавадарци appeared first on Република.

Во Кавадарци денеска ќе се одржи Првиот фестивал на македонскиот автомобилизам.

Организатор на фестивалот е автомобилскиот Youtube канал - RPMmk, а целта е да се одбележи и промовира македонскиот автомобилизам како дел од македонската култура,  да се подигне сообраќајната култура, да се оддаде почит кон сите успешни автомобилисти и да се прикажат сите новитети во сферата на автомобилизмот.

- Фестивалот на македонскиот автомобилизам претставува возбудлива можност за прослава на автомобилската индустрија во нашата држава, за промоција на градот и државата. Промовирање на новитетите, предностите и можностите кои ги нуди секој автомобилски бренд. Зачувување на автомобилската историја во нашата држава како и поставување на нови граници и традиции, велат организаторите.

Најавуваат присуство на импортери на нови возила во земјава, олдтајмери, тјунинг возила, луксузни и уникатни возила, како и компании/сервиси кои нудат услуги за автомобили. Спортски легенди и спортски автомобили исто така ќе бидат дел од еднодневниот фестивал.

The post Прв фестивал на македонскиот автомобилизам во Кавадарци appeared first on Република.

Дела од ликовниот уметник Ниче Василев се дел од изложбата што вечерва беше отворена во Музеј галеријата во Кавадарци.

Трајче Цветков, виш кустос и историчар на уметноста при Музејот, рече дека 50-годишната кариера на Василев е прослава на бојата, емоциите и убавината во сликарството.

- Преку неговиот лирски пристап и мајсторство на техниката, тој изработи дела што продолжуваат да инспирираат и да предизвикуваат. Ниче Василев не само што ја претставува женската фигура, туку ја создава и нејзината приказна. Неговото сликарство се карактеризира со длабоко истражување на бојата, емоциите и претставувањето на жената во сликарството. Во неговите платна, женската фигура не е само облик, туку симбол на емоции и живот. Оваа динамична употреба на бојата не само што го подобрува визуелното влијание, туку и ја поканува публиката емотивно да се вклучи во уметничкото дело, истакна Цветков.

Неговата способност, додаде тој, да ја пренесе сложеноста на човечкото искуство преку боја, форма и наратив, остава неизбришлива трага во сликарството.

- Како што оди напред, придонесите на Василев несомнено ќе продолжат да ги инспирираат и предизвикуваат и уметниците и публиката, обезбедувајќи го неговото наследство како витален глас во современото сликарство, подвлече Цветков.

The post Во Кавадарци отворена изложба на слики од уметникот Ниче Василев appeared first on Република.

Под мотото „Иницирај дела, иницирај промени“, Општинската организација на Црвен крст Кавадарци вечерва организираше настан, во рамките на Неделата на млади, што се одбележува од први до седми октомври.

Целта е промоција на работата на младите на Црвен крст на Република Македонија, како активни лидери кои придонесуваат за ширење на хумани вредности и делување за позитивни промени во заедницата. Оваа година Неделата на младите ја одбележуваме преку активности за зајакнување и вмрежување на волонтерите во рамки на клубовите на млади, како и со завршни промотивни активности, преку користење на дигитални алатки за пренос и вклучување во живо од различни настани, беше посочено на средбата во домот на културата „Иван Мазов - Климе“.

Пред присутните се обрати претседателот на Општинската организација на Црвен крст Кавадарци, Димитар Каракулев.

Младите се движечка сила во општеството. Младите како двигатели и промотори на вредностите во животот, се вклучени во многубројни активности на Црвениот крст. Расте интересот за нивно активно учество во проектите од хуманитарен карактер, подвлече Каракулев.

Различните екипи на хуманитарни волонтери, како и поединци, ги презентираа своите активности, од хуманата мисија што ја извршуваат.

The post Црвен крст Кавадарци ја одбележа Неделата на млади appeared first on Република.

Со дела насликани со вино, дел од изложбата „Во слава на лозјето и виното“, во Музеј галерија Кавадарци, вечерва беше одбележан утрешниот Светски ден на вранецот.

Директорот на Музеј галерија Кавадарци, Јаким Зимоски, потсети дека винската сорта „вранец“ е една од најзастапените во Тиквешијата, како најголем лозаровинарски регион во државата. Нагласи дека самото вино е своевидна уметност, дека двете уметности одат заедно и дека секогаш ќе поддржуваат вакви и слични проекти.

Трајче Цветков, виш кустос и историчар на уметноста, меѓу другото, подвлече дека виното, како уметност, раскажува приказна.

Со себе го носи духот на земјата, трудот на лозарот и заедничките моменти на радост и славење. Секој потег на четката е проткаен со нијанси на фин винтиџ, доловувајќи го богатството на нашите искуства. Додека ја истражувате оваа изложба, ве поканувам да се нурнете во овие приказни, дозволете боите и текстурите да ве пренесат до лозја облеани со сонце, интимни собири и радосни здравици кои остануваат во нашите сеќавања, истакна Цветков.

Тој додаде дека овие дела ги надминуваат традиционалните техники, повикуваат да размислиме за ритуалот на конзумирање вино, вртењето на чашата, аромата на дабот и овошјето, начинот на кој доброто вино може да го подобри самиот момент.

Како што маестралната слика може да предизвика емоции, така може и една голтка вино. Заедно, тие потсетуваат на убавината во наједноставните животни задоволства. Нашите уметници не само што создадоа визуелно неверојатни дела, туку ги истражуваа и темите на поврзување и заедница. Чинот на споделување вино е инхерентно социјален, средство за зближување на луѓето. Додека се движите низ галеријата, размислете како секое дело резонира со приказните и врските што сте ги изградиле преку заедничка чаша вино, нагласи Цветков, подвлекувајќи дека уметноста постои во секое шише и секое платно, рече тој.

Климе Коробар, историчар на уметност и ликовен критичар, куратор на изложбата, меѓу другото, нагласи дека Кавадарци е вистинското место, срцето на Тиквешијата, за да се прослави овој ден.

Делата сликани со вино се само дел од изложбата. Вториот дел го сочинуваат дела сликани на оваа тема, а во третиот се трудови од австрискиот уметник
Бернхард Холеман, посветени на виното.

Настанот е во организација на Музеј галеријата и Асоцијација за култура „ИКОН“, а благодарение на соработката со „Винотек“ и „Џи-ем- ен“, посетителите можат да дегустираат вина од сортата вранец.

Пред присутните настапија музичарите од Трио ФИШ.

Покровители на настанот се градоначалникот и Советот на Општина Кавадарци.

The post Со дела насликани со вино во Кавадарци одбележан Светскиот ден на вранецот appeared first on Република.

На три ресторани и една месарница во Кавадарци им се изречени парични казни за пласирање во промет небезбедна храна и неспроведени санитарни прегледи за вработените лица, информира денеска Агенцијата за храна и ветеринарство.

Недоследностите се најдени при вонредните инспекциски контроли што биле спроведени кај оператори за храна неделава во Кавадарци.

Изречените глоби се движат од 600 до 3 илјади евра во денарска противвредност за правните лица, зависно од големината на субјектот и по 400 и 500 евра во денарска противвредност за одговорните лица во правните субјекти. Уништени се 87 килограми небезбедна храна ( месо, замрзнати производи, замрзната риба).

The post Tри ресторани и месарница во Кавадарци служеле небезбедна храна appeared first on Република.

Фудбалската федерација на Македонија (ФФМ) го суспендираше денеска Градскиот стадион во Кавадарци поради инцидентот што се случи на неделниот прволигашки натпревар меѓу Тиквеш и Вардар.

Инцидентот се случи во финишот на дуелот кога втор асистент судија Гоце Петревски беше погоден од трибините со полно пластично шише по што натпреварот бил прекинат.

„Суспензијата трае до донесување на конечна одлука на Дисциплинска комисија на ФФМ и е во рамки на натпреварот од 6. коло на ПМФЛ помеѓу ГФК Тиквеш 1930 Кавадарци-ФК Вардар АД одигран на 22. септември“, соопшти ФФМ.

Комисијата за натпревари на ФФМ го регистрираше натпреварот меѓу Тиквеш и ФК Вардар со службена победа од 0:3 за гостинскиот тим.

The post ФФМ: Суспендиран теренот во Кавадарци appeared first on Република.

Министерот за внатрешни работи Панче Тошковски денеска (21.09.2024) беше во работна посета на Општина Кавадарци каде оствари средба со градоначалникот на Кавадарци, Митко Јанчев.

Директен повод за средбата беше добивањето директен пристап на МВР – ОВР Кавадарци во современиот мониторинг центар, кој е во состав на општината. Овој директен пристап во сопствените простории до системот ќе биде во насока на координирано, брзо и ефикасно работење на полицијата заедно со локалната власт во интерес на јавната безбедност на граѓаните на Кавадарци.

„Голема благодарност до градоначалникот и општината Кавадарци затоа што успеаја овој систем да го создадат сами со сопствени средства и да го споделат со МВР. Со овој систем од над 200 камери кој ќе го имаме во рамки на системот на министерството значително ќе го подигнеме квалитетот на работењето на полицијата. Факт е дека криминалитетот во Кавадарци е значително намален во изминатиот период и очекуваме со пристапот на МВР до овој систем и посветеното работење уште повеќе да се подобри безбедносната состојба во општината.
Ние како министерство сме фокусирани максимално на проектот којшто е поврзан генерално со зголемување на безбедноста на граѓаните на целата држава, проектите од „Сејф Сити“ како во Кавадарци, така и Скопје, Куманово и Тетово. Ќе сториме се во најбрз можен рок да ги ставиме во употреба сите тие технолошки системи во овие четири града а понатаму на целокупната територија се со цел да добиеме едно побезбедно општество, потенцираше министерот Тошковски.

„Општина Кавадарци ви изминатите пет години инвестираше во Сајф Сити град со поставени над 220 камери на територијата на Кавадарци со цел заштитување на урбаната опрема од појави како хулиганство. Таа цел ја постигнавме и надминавме. Истите камери со меморандум за соработка ги префрламе на ОВР Кавадарци каде полиција ќе делува првентнтивно во заштита на безбедноста на жителите на Кавадарци. Со поставување на камерите, криминалитетот последните четири години е во драстичен пад, а огромен број од откриените кривични дела се откриени заради присуството на камерите“, нагласи градоначалникот на Кавадарци, Митко Јанчев.

The post Соработка меѓу МВР и Општина Кавадарци: Директен пристап на МВР до мониторинг системот од 200 камери за безбеден град appeared first on Република.

Премиерот Христијан Мицкоски денеска ќе биде во посета на општина Кавадарци каде ќе присуствува на поставување на камен темелник на Дом на култура со спортска сала во селото Дреново.

Како што информира владината прес-служба, проектот ќе чини 25.000.000 денари.

Премиерот ќе изврши увид и во градежните активности на Дневниот центар за лица со телесна или ментална попреченост, а ќе присуствува и на презентацијата „Safe Sity“ во Кавадарци.

„Safe Sity“ е проект почнат во 2019 година со општински средства и досега се вложени 13.000.000 денари. Поставени се вкупно 220 камери.

The post Премиерот Мицкоски во посета на Кавадарци appeared first on Република.

СВР Велес поднесе кривична пријава Ј.Ф.(24) од Кавадарци поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.

На 16.03.2024, полициски службеници извршиле претрес во домот на пријавениот, при што биле пронајдени и одземени марихуана, таблети МДМА и пари.

The post Дома му нашле марихуана, таблети и пари: Уапсен дилер од Кавадарци appeared first on Република.

Поради основано сомнение дека сторила кривично дело „убиство во обид“, Основното јавно обвинителство Кавадарци поведе истрага против 32-годишна жена.

Како што информира денеска Јавното обвинителство, вчера во раните утрински часови, при вршење семејно насилство, осомничената се обидела да ја лиши од живот сопствената мајка.

https://republika.mk/vesti/crna-hronika/krv-imashe-sekade-vo-sobata-velat-doktorite-koi-nokva-pomagaa-na-majka-napadnata-od-kerka/

Додека жртвата спиела во заедничкиот дом, осомничената која подолг период се заканувала дека ќе го стори делото, ја удрила својата мајка со тврд предмет (чекан) по главата. Сведок на настанот бил таткото на осомничената, кој ја задржал и не ѝ дозволил да избега по настанот.

Поради опасноста од бегство, пред се имајќи ја предвид висината на запретената казна за ваков облик на кривично дело, можноста да влијае врз сведокот или да се обиде да го доврши кривичното дело, јавниот обвинител до судијата на претходна постапка од Основниот суд во Кавадарци достави предлог за определување мерка притвор, се вели во соопштението.

Судијата го прифатил предлогот и синоќа донел решение со кое на осомничената и определил притвор во траење од 30 дена.

The post На кавадарчанката што ја удираше мајка си со чекан по глава ќе ѝ се суди за обид за убиство appeared first on Република.

Кавадарчанка со тврд предмет ја нападнала мајка си рано изутринава, оваа информација ја потврди за МИА, доктор Мирослав Нерков од Брзата помош.

Ние како екипа на Итната медицинска помош заминавме на лице место веднаш по дојавата. Жената имаше повреда на главата, голема исеченица и оток на местото на ударот, дома крв имаше секаде во собата. Ја однесовме во кавадаречката болница, појасни Нерков.

Од СВР Велес го потврдија случајот.

На 10.09.2024 во 03.30 часот во Кавадарци, полициски службеници од Полициската станица Кавадарци ја лишиле од слобода В.Ѓ.М.(32) од Квадарци, постапувајќи по претходна пријава дека со тврд предмет ја нападнала нејзината 60 – годишна мајка. В.Ѓ.М. била задржана во полициска станица, известен бил јавен обвинител и по целосно документирање на случајот против неа ќе биде поднесена соодветна пријава, рекоа од СВР Велес.

The post „Крв имаше секаде во собата“, велат докторите кои ноќва помагаа на мајка нападната од ќерка ѝ appeared first on Република.

Денеска бев во Кавадарци каде што започнува Тиквешкиот гроздобер. Лозјата кои ги негуваат со љубов и труд, сега ги откриваат своите богатства. Овој ден е момент на славење на нашето наследство и заедништво. Секој грозд е резултат на работа и посветеност, објави на својот Фејсбук профил претседателот на македонската влада, Христијан Мицкоски.

The post Мицкоски од Кавадарци: Лозјата кои ги негуваат со љубов и труд, сега ги откриваат своите богатства appeared first on Република.

Во рамките на манифестацијата „Тиквешки гроздобер“ во Кавадарци,  синоќа во Музеј галеријата беше отворена изложба на дела од Мирослава Микица Трујкановиќ.

Оваа изложба е патување низ креативната визија на Микица која се повеќе се развива. Додека се движиме од слика до слика, поканети сме да го доживееме нејзиниот свет од различни перспективи, да ја почувствуваме напнатоста и ослободувањето, движењето и тишината што ја карактеризираат нејзината работа. Додека ја истражуваме галеријата, дозволете ни да ги цениме не само поединечните дела, туку и сеопфатниот наратив што тие го создаваат заедно. Микица Трујкановиќ ни подари дела за размислување, истражување и поврзување. Нејзината работа служи како потсетник дека уметноста не е за доловување на реалноста, туку изразување на суштината на нашите најдлабоки емоции и мисли, рече Трајче Цветков, виш кустос во Музејот.

Пред присутните се обратија и авторката на делата, директорот Јаким Зимоски и претседателот на Совет на Општина Кавадарци, Стојанче Рамов.

The post Изложба на дела од Мирослава Микица Трујкановиќ во Музеј галеријата во Кавадарци appeared first on Република.

Малолетник се здобил со телесни повреди на рингишпил во Кавадарци, информираа денеска од СВР Велес.

Утринава во 00.40 часот во ОВР Кавадарци бил извршен службен разговор со В.К.(38) од Прилеп, сопственик на рингишпилот во Кавадарци, по претходно пријавен настан од кавадаречката болница. Според пријавеното, бил донесен малолетник, врз кој, додека бил на рингишпилот во Кавадарци, паднал метален предмет од рингишпилот и малолетникот се здобил со телесни повреди, констатирани во болницата во градот, соопштија од СВР Велес.

Оттаму појаснија дека извршен е увид од увидна екипа од ОВР Кавадарци и се преземаат мерки за расчистување на случајот.

The post Малолетник се повредил на рингишпил во Кавадарци, врз него паднал метален предмет appeared first on Република.

„Дискриминација кај младите“ беше именуван настанот што вечерва беше реализиран во дворот на Вински музеј Кавадарци, во организација на Комисија за еднакви можности при кавадаречкиот општински Совет и „Europe house“ од Велес.

На настанот, присутните млади имаа можност да проследат проекција на филм, како и да се запознаат со иницијативата за заедничко вмрежување на младите од регионот.

Координаторката за еднакви можности при кавадаречката локална самоуправа на настанот истакна дека една од целните групи на комисијата се токму младите.

- Знаеме дека младите се двигатели на промени, носители на нови идеи и иновации, но често се изложени на различни форми на дискриминација што можат да ги ограничат нивните можности и да ги спречат во остварувањето на нивниот потенцијал. Како Комисија за еднакви можности на општина Кавадарци една од целните групи ни се токму младите, кои преку темата за младинско претприемништво успеавме неколку пати да ги собереме на заеднички средби, да ги детектираме кои се предизвиците со кои се соочуваат младите и да покренеме кампања за поттикнување на младите да бидат претприемачи, донесувачи на одлуки, да се едуцираат за своите права и да се изборат за нив, рече Марија Камчева, координатор за еднакви можности при кавадаречката локална самоуправа.

Камчева подвлече дека целта на настанот е да се актуелизира темата за дискриминација, да се подигне нивото на свесност и да се насочи вниманието кон можностите за позитивна промена.

- Важно е да разбереме дека дискриминацијата не само што влијае на индивидуалните животи на младите, туку и на целокупниот развој на општеството. Секој млад човек заслужува шанса да биде слушнат, ценет и да има можност за напредување. Нашата задача е да работиме на создавање средина во која сите млади ќе имаат еднакви можности и ќе бидат третирани со почит и праведност. Се надевам дека денешниот настан ќе донесе нови перспективи, идеи и решенија за намалување на дискриминацијата и ќе го охрабри секој од нас да се вклучи во создавањето на подобро општество за младите, додаде Камчева.

Упати и апел до присутните млади.

- Ако сакате да промените нешто, не чекајте друг да го направи тоа, вие треба да бидете таа промена. Промената што сакаме да ја видиме во светот започнува со нас самите. Никој не може да го промени светот сам, но сите заедно можеме да дадеме свој придонес во создавањето на подобар свет, свет без дискриминација. Во борбата против дискриминацијата, секој глас има важност. Не молчете, зборувајте за правдата бидејќи дискриминацијата не може да ја задуши вашата страст за правда. Постојано борете се за своите права и правото на сите. Не дозволувајте дискриминацијата да ви го скрши духот. Наместо тоа, користете  ја како гориво за вашата борба за правото на еднаквост. Само оние кои се доволно храбри да се борат за правдата, ќе видат вистинска промена, истакна Камчева.

Александар Мукаетов, претседател на Комисијата за еднакви можности, рече дека Комисијата продолжува да спроведува активности, со цел подобрување на животот во локалната заедница.

- Овојпат нашата фокусна точка e диксриминацијата, особено дискриминацијата кај младите кои често се соочуваат со разни видови дискриминација која може да влијае на нивната интеграција во општеството.Со оваа соработка сакаме да ги освестиме младите за овие проблеми кои се се почести, да ја подигнеме свеста и да поттикнеме позитивни промени. Нашата цел како Комисија е да создадеме средина каде што сите млади луѓе ќе се чувствуваат прифатени и поддржани. Ги повикувам на активно учество сите заинтересирани стани од локалните заедници, образовни институции, да се вклучат во овој важен процес. Само со заеднички напори можеме да придонесеме младите луѓе да не бидат изложени на дискриминација, а нашиот влог ќе придонесе за поголема инклузија и еднаквост во локалната заедница, нагласи Мукаетов.

Тој додаде дека со ова, комисијата се вклучува во кампања дека сите млади се исти, еднакви и рамноправни.

Младиот европски амбасадор Ѓорѓи Ристов, меѓу другото, рече дека ги поддржува ваквите иницијативи, за европско општество и подобра иднина.

The post Во Кавадарци настан на тема дискриминација кај младите appeared first on Република.

Пожар синоќа ја зафати фабриката „Ником“ во Кавадарци. На терен интервенирала Територијалната противпожарна единица од Кавадарци со екипи на Комуналец, Шумското стопанство Бор, како и екипи од Велес и Неготино. Утрово, од Противпожарната единица потврдија за МИА дека пожарот бил локализиран околу 01:30 часот, но нивна екипа останала на терен за да ја следи состојбата.

За пожарот синоќа информираше и градоначалникот на Кавадарци, Митко Јанчев. Тој на Фејсбук напиша дека Територијалната противпожарна единица интервенирала во полн состав од 30 пожарникари.

На терен биле испратени и екипи на јавното претпријатие Комуналец, Голд Никел и шумското стопанство Бор, како и екипи од Велес и Неготино.

The post Пожар во фабриката „Ником“ во Кавадарци appeared first on Република.