Интерпол Загреб го информираше Министерството за внатрешни работи на Србија дека го привеле Милован Здравковиќ врз основа на меѓународна потерница.

Милован Здравковиќ е висок член на Кавачкиот клан на Радоје Звицер и негов кум.За нас е важно дека тој учествувал во планирањето и подготвувањето на кривичното дело тешко убиство извршено на 19 јануари 2020 година во Атина, кога беа убиени Стеван Стаматовиќ и Игор Дедовиќ.Тие во моментот на убиството поседуваа македонски пасош издаден од претходната власт.

И Здравковиќ поседувал хрватски пасош но тоа била оригинална исправа. Тој бил задолен за  големи количества наркотична дрога кокаин од Јужна Америка, која понатаму била транспортирана и дистрибуирана во Европа.

The post Упасен кумот на Звицер од кого не постои ниту една фотографија appeared first on Република.

Продолжи судењето на водачот на кавачкиот клан, Радоје Звицер, кој е во бегство и  и 44 други обвинети за убиствата на Александар Халабрин, Драган Ристиќ Чаѓа и Александар Шарац, како и обидите за убиство на сега починатиот Лазар Вукиќевиќ, за чија ликвидација се суди криминалната група Вељко Беливук, потоа Самир Дивљановиќ, Милош Ниловиќ Руња, Андрија Зариќ.

Савиќ бил вклучен во обвинението поради сомневање дека учествувал во убиството на Сарач, но според обвинението, по апсењето во Црна Гора зборувал за убиствата и им го отворил телефонот Скај на истражителите, поради што тие што го ангажирале се обиделе да го отрујат.

Како што е наведено во обвинението, во печеното свинко кое му го однело сестра му ставиле цијанид, но тој го изел месото и преживеал, бидејќи отровот го ставиле во свињата уште додека била топла, па „цијанидот се впил“.

https://republika.mk/vesti/balkan/padna-osnovachot-na-kavachkiot-klan/

The post На сведокот-соработник во притвор му пратиле свинско печено наполнето со цијанид appeared first on Република.

Основачот на Кавачкиот клан Игор Божовиќ (53) утринава е уапсен, дознава „Вијести“.

Службениците на Специјалното полициско одделение (СЈО) го чекаа Божовиќ на излегување од притвор, а тој беше уапсен по налог на Специјалното државно обвинителство (СДТ), кое против него поднесе повеќе обвиненија и води повеќе кривични истраги за создавање на криминална организација.

Тригодишниот притвор на Божовиќ утрово заврши бидејќи тој и неговиот син Владимир беа уапсени на 12 април 2021 година во Португалија, според потерницата на НЦБ Интерпол Подгорица.

Постапката против Божовиќ и Слободан Кашчелан е во тек пред Вишиот суд во Подгорица поради обвинувањата дека на крајот на мај 2010 година организирале криминална група чии членови се занимавале со шверц на дрога, изнуда, перење пари, перење пари и поткуп.

Божовиќ беше уапсен на Пиринеите во април 2021 година, а потоа во 2017 година по него беше распишана меѓународна потерница за неколку тешки кривични дела.

The post Падна основачот на Кaвачкиот клан appeared first on Република.

Петар Лазовиќ понуди кауција од 9,3 милиони евра за ослободување од притвор, што е најголемата кауција во историјата на црногорското правосудство.

Обвинетиот Лазовиќ, поранешен вработен во Агенцијата за национална безбедност, беше уапсен во јули 2022 година по налог на Специјалното државно обвинителство (СДТ), кое го товари за создавање криминална организација, шверц на дрога и оружје.

Ова е последна во низата милионски понуди за кауција што Лазовиќ ги достави до Вишиот суд во Подгорица за да се одбрани од слобода. Како и претходните, Судот го отфрли и овој од 9,3 милиони евра.

Лазовиќ речиси две години е во притвор во Спуж, кај Подгорица, каде го чека почетокот на судењето.

Уапсен е на 18 јули 2022 година, откако, како што тогаш соопшти СДТ, во досиејата на Европол доставени до нив, бил идентификуван како член на Кавачкиот клан.

The post Полицаецот од Кавачкиот клан понуди кауција од девет милиони евра appeared first on Република.

Водачот на Кавачкиот клан Радоје Звицер планирал да ангажира адвокат за оние кои се обиделе да го убијат  во Киев. Адвокатот пак за време на средбите требало да ги отруе тие што за малку ќе го ликвидираа.

Тој беше тешко ранет на крајот на мај 2020 година во Украина, во елитен дел на Киев, кога група атентатори од Црна Гора и Србија пукаа кон него на улица додека џогираше - неколку куршуми го погодија во пределот на градите, но се опорави по операцијата.

Од сигурна смрт го спасила сопругата Тамара Звитер, која, како што пишуваат тамошните медиуми, истрчала од зградата, ги застрелала напаѓачите со пиштол и ги натерала да побегнат.

Меѓу атентаторите беше и Стефан Ѓукиќ од спротиставениот Шкањарски клан.Тој стана познат на јавноста откако беше обелоденето дека има македонски пасош под името Каче Герги.

Министерот Панче Тошковски во интервуто за „Република“ најави дека ќе бидат проверени сите пасоши дадени на криминалци.

https://www.youtube.com/watch?v=FoCJt9Idx1U&embeds_referring_euri=https%3A%2F%2Frepublika.mk%2F&source_ve_path=MjM4NTE&feature=emb_title

The post Звицер планирал да го отруе Стефан Ѓукиќ од Шкаљарскиот клан кој има македонски пасош appeared first on Република.

Водачот на Шкаљарскиот клан Јован Вукотиќ во пресретнатата комуникација на „Скај“ со  Стефан Ѓукиќ кој беше еден од неговите играчи, бара тие да ги издржат тешките моменти за кланот и оти ќе стигне осветата за сите.

Вукотиќ уште му се жали на Стефан дека е покраден за пет милиони евра и оти нема да се смири додека не го најде тој што се осмелил тоа да му го направи.

Околностите се такви какви што се, лоши, но сепак подносливи за тие што се живи како нас, па може да се решат што е можно повеќе и ако е можно и ако некој има обврска. Обврска може да биде кога некој пријател ќе му даде збор на друг или нешто што и двајцата го прават или соработуваат, па мора да се почитува, а ако не се почитува, тогаш се поставува прашањето зошто, му напишал Вукотиќ на Ѓукиќ.

На тоа Стефан му одговара.

Ние сме пуштени низ вода.  Обврска може да биде кога некој пријател ќе му даде збор на друг или нешто што и двајцата го прават или соработуваат, па мора да се почитува, а ако не се почитува, тогаш се поставува прашањето зошто, прашува Ѓукиќ

Ѓукиќ за македонската јавност е познат затоа што беше еден од 200 криминалци кои МВР на чело со Оливер Спасовски му даде македонски пасош и тој беше Каче Герги.

Под тој идентитет Стефан изврши неуспешен идентитет на водачот на Кавачкиот клан Радоје Звицер во Киев, Украина.

The post Убиецот на Шкаљарскиот клан со македонски пасош му се пожалил на шефот: Пуштени сме низ вода appeared first on Република.

Црногорскиот полицаец Љубо Миловиќ, кого српското Обвинителство за организиран криминал го обвинува дека организирал криминална група која шверцувала дрога од Јужна Америка во земјите на Европската унија е близок  Радоје. Звицер.

Миловиќ со месеци е во бегство, никој не знае каде се крие, а колку е важен за функционирањето на Кавачкиот клан несомнено покажаа пораките на Скај кои се појавија.

Љубо поседува сметка со речиси 50 милиони евра, а благодарение на парите што ги поседува успешно се крие со месеци и ја избегнува раката на правдата.

The post Полицаецот на Кавачкиот клан има 50 милиони евра на сметка appeared first on Република.

Од новите транскрипти на шифрираната апликација „Скај“, кои до црногорските истражители ги достави Европол се oткрива  дека на почетокот на октомври 2020 година, полицаецот Петар Лазовиќ   му испратил на Радоје Звицер, фотографија од Мило Ѓукановиќ, со зборовите:

„Поглаварот вели дека нема да ја даде државата без голема болка“

Лазовиќ му објаснува на Звицер дека е со неговиот татко Зоран, на прославата на раѓањето на внукот на тогашниот претседател на државата.

Шефот доби внук“, му испратил Лазовиќ на Звицер на 3 октомври 2020 година околу 18 часот,

„Велам пред сите. Комита е вистински брат“-стоело во пораката.

The post Кавачкиот клан бил на крштевка на внукот на Ѓукановиќ appeared first on Република.

На вчерашното судење во Подгорица не се појави обвинетиот Стефан Ѓукиќ, припадник на кланот Шкаљарскиот клан и неговата сопруга Данијела.Тие се товарат за убиство на нивниот пријател Велизар Гардашевиќ.

За македонската јавност, Ѓукиќ е познат како еден од над 200 криминалци кому МВР му издаде македонски пасош.

Не е познато дали во моментот на исчезнување Ѓукиќ го корисел нашиот пасош на име Каче Герги. Ѓукиќ на 29 јануари 2019 година се сликал за македонска патна исправа.

Тој во мај 2020 година во Киев се обиде да го убие водачот на конкурентскиот Кавачки клан Радоје Звицер.

Ѓукиќ испукал неколку куршуми кон Звицер додека рој џогирал пред зграда во елитниот дел на Киев. Го спасила сопругата Тамара која отворила оган кон напаѓачите и тие се разбегале.

https://republika.mk/vesti/crna-hronika/kriminaltsite-so-makedonski-pasoshi-lani-ili-bea-ubieni-ili-im-se-gubi-tragata/

https://republika.mk/vesti/balkan/ukrainskiot-zakon-za-osloboduvanje-zatvorenici-kje-go-izvadi-i-atentatorot-na-kavachkiot-klan-so-makedonski-pasosh/

https://republika.mk/vesti/balkan/prva-dama-na-mafijata-policijata-i-shkaljarcite-ja-sledele-tamara-za-da-dojdat-do-zvicer/

The post Исчезна ликвидаторот на Кавачкиот клан со македонски пасош appeared first on Република.

Во просториите на полициската станица во Котор, Црна Гора, на 30 јули 2020 година двајца полициски инспектори организирале сексуални оргии со две жени, а за жешката акција преку криптиран телефон се фалеле кај полицаецот Љуба Миловиќ, кој е обвинет дека е во врвот на Кавачкиот клан.

Црногорскиот портал „Борба“ дошол до фотографии кои се дел од досието кое Европол го доставило до надлежните органи за прислушуваните пораки.

Една од двете жени на фотографиите била замешана и во друга афера една година претходно кога осудениот Ѓ.П. кој ја издржува казната во Специјалната болница за психијатрија во Котор, објави фотографија на која е во болничка соба со едно голо и друго делумно голо женско лице, кое е облечено во униформа на здравствен работник.

The post Полицајци се фалеле кај Кавачкиот клан дека имале секс во станица appeared first on Република.

Судењето на словенечкиот огранок на „Кавачкиот клан“ во Љубљана ги откри тарифите за транспорт на дрога, како и детали за начинот на испорака на дрогата од Шпанија и трикови за измамување на полицијата од јужна Европа.

Ценовник

Шпанија - Словенија 250 еврa
Шпанија - Риека/Загреб 750
(кокаин, половина килограм 450)
Шпанија - Сплит 900
Шпанија - Виена/Минхен 1.000

Возачите на автобусите не примале  плати за својата работа бидејќи добивале провизии од транспортот на дрогата.

The post Проверете дали ви се исплати: Oва е ценовникот за превоз на дрога на Кавачкиот клан со автобус appeared first on Република.

Невиден скандал ја тресе Црна Гора откако еден од вработените случајно открил дупка на ѕидот во депото на Вишиот суд во Подгорица.

Според црногорските медиуми, копањето на тунел долг 30 метри, кој водел од станот од приземјето на станбена зграда на улицата Његошева до просториите на Вишиот суд во Подгорица, е поврзано со Кавачкиот клан и нејзините водачи во бегство Радоје Звицер и Слободан Кашчелан, кои се во притвор.

Еден од доказите што упатува на тоа е дека лицето кое влегло во депото преку ископаната дупка особено било заинтересирано за случајот на Кашчелан, по кој бил извршен претрес. Сепак, иако се веруваше дека тунелот бил ископан со цел да се украде некој предмет што се чувал во судското депо.

Вакви случаи потсетуваат на сцените од криминалната серија „Narcos“ за Пабло Ескобар.  За да го сокрие фактот дека еднаш бил осуден, Ескобар им наредил на своите соработници да ја запалат судската зграда, додека неговиот наследник Ел Чапо успеал да побегне од затвор преку тунел ископан до неговата ќелија.

The post Tунелот во судот во Црна Гора е копан по примерот на Ескобар и Ел Чапо appeared first on Република.

Во голема акција во Хрватска се упапсенисоработници на Радоје Звицер, водачот на Кавачкиот шверц на неколку стотици килограми кокаин, вреден најмалку седум милиони евра!

Според хрватските медиуми,уапсените на територијата на Риека и Загреб се поврзани со исчезнувањето на 200 килограми кокаин пролетта минатата година, што предизвика конфликт меѓу кланот.

Интересно за нас што меѓу нив е и македонски државјанин (58)  кој украл 200 килограми кокаин од членовите, дрога што  од Загреб требало да биде пренесена во земјите од Западна Европа. По кражбата на дрога вредна милиони, хрватската полиција ги зголеми безбедносните мерки во таа земја, бидејќи се очекуваа нови крвави конфликти поради исчезнувањето на кокаинот.

Кражбата на кокаин со голема вредност резултирала со многу брза и агресивна реакција на нарко кланот, кој испрати свои луѓе во Хрватска да откријат кој ја украл дрогата, а се обиделе да се вратат и да ги „казнат“ виновниците.

Тие биле испратени во Хрватска „на задача“ од наркобосот Радоје Звицер, односно токму за да се одмаздат за исчезнувањето на дрогата или да се обидат да ја најдат и да ја вратат на сопственик - изјавија тие.

Но, Македонецот набрзо бил уапсен со уште неколку соработници, а хрватската полиција од 200 украдени пронашла 125 килограми кокаин, закопани во буриња на неколку локации во близина на Загреб.

Со апсењето нашиот државјанин се спасил луѓето на Звицер да не го ликвидираат.

The post Kој е македонскиот државјанин кој му украл дрога на наркобосот Радоје Звицер? appeared first on Република.

Една од  најпознатите српски актерки падна во рамките на истрагата за злосторствата на Кавачкиот клан дознава „Република.рс“.

-Кога оперативците на Европол и Евроџаст во соработка со МВР на Србија ги искршиле шифрираните телефони со апликацијата Скај, кои ги користеле членовите на кланот, наишле и на кодното име Мерлинка. Преку вкрстена комуникација и долга оперативна работа утврдија дека тоа е звучно име од филмот и од малите екрани.

Таа стапила во интимни односи со политичари, бизнисмени и други јавни личности, а потоа ги уценувала со помош на членови на кланот. Исто така, на нејзиниот шарм не останале имуни и некои високи полициски функционери од кои извлекувала информации за текот на истрагата, кој бил под лупа на МУП и какви дејствија се планираат.

The post Шифра „Мерлинка“: Eдна од најпознатите српски актерки работела за Кавачкиот клан appeared first on Република.

Групата собрана околу бегалецот со полициска значка, Љубо Миловиќ, со години шверцувал кокаин во Европа.

Откако црногорските истражители пред два дена извршија историска акција за апсење на поранешни и сегашни припадници на полицијата, кои, како што се верува, со години соработувале со Кавачкиот  клан, откриено е како полицискиот нарко картел шверцувал кокаин.

Кланот шверцувал кокаин од Јужна Америка во Европа, а истражителите пронашле докази за најмалку три тони бел прав.

Дрогата кон Европа одела од пристаништето Бар, но и преку Антверпен, Германија и Турција. Доказ за тоа на црногорските истражители им обезбеди Европол, со целосни транскрипти од разговорите водени преку шифрираната апликација „Скај“.

Специјалното државно обвинителство анализирајќи ги доказите утврдило дека Љубо Миловиќ во тој криминален бизнис вмешал неколку негови колеги - активни и поранешни полицајци, главно негови кумови и пријатели, пишува Вијести.

Сите имале прецизни улоги во кланот, некои имале задача да ги искористат своите службени овластувања за да проверат дали нивните колеги кои работат со чест се на нивната трага и да алармираат доколку постои опасност. Други имаа задача да ги вмрежат оние што им беа потребни за да ги стават валканите пари на легални канали.

The post Полицајците во Црна Гора главна логистика на Звицер appeared first on Република.

Радослав Станишиќ, попознат како Рака Дилингер, важеше за близок пријател на Жељко Ражнатовиќ Аркан. Учествувал во организирањето на спектакуларното бегство на Аркан од шведскиот затвор во осумдесеттите години.

Рака Дилингер беше косопственик на казиното „Рандеву“, чие отворање беше планирано за летото 1997 година во хотелот „Маестрал“ во Милочер.

Но, тој беше убиен  со калашников додека со пријателите излегувал од хотелот Могрен.

А токму на годишнината од убиството во Милочер исчезна Никола Станишиќ, 24-годишниот син на Рака Дилингер. Скутерот со кој го приклучил на плажата во Милочер бил пронајден следниот ден во близина на островот Свети Никола.

И тоа било единствената трага што остана. Сомнежите се  дека го убил Кавчачкиот клан телото го испржиле со киселина.

The post Синот на пријателот на Аркан Кавачкиот клан го испржил со киселина appeared first on Република.

Полицијата во Белгија заплени околу 115 килограми кокаин сокриен во бетонски плочи како дел од меѓународна полициска операција чија цел е разбивање на српска криминална мрежа, соопшти белгиското правосудство.

Уапсени се вкупно девет лица, пет во Белгија, две во Холандија, едно во Луксембург и едно во Србија, се наведува во соопштението на обвинителството.

Дрогата е запленета во Арлон, на југоистокот на Белгија, при претрес на магацин. Осомничените се обиделе да го сокријат кокаинот со бетонски плочи за полесен извоз.

Откриени и одземени се најмалку 103 пакувања со тежина поголема од еден килограм (вкупно околу 115 килограми) за кои на пазарот се проценува дека се во вредност од 11,5 милиони евра, се вели во соопштението на обвинителството.

Претреси беа извршени истовремено во Холандија, Луксембург и Србија.

„Севкупно, речиси 100 припадници на различни полициски служби биле ангажирани во операцијата за разбивање на српска криминална организација која се занимава со меѓународна трговија со кокаин“, соопшти обвинителството.

The post 115 килограми дрога на Кавачкиот клан запленети во Белгија appeared first on Република.

Црногорските државни органи нема да бараат негова екстрадиција на Жељко Бојаниќ (56), припадник на „кавачкиот клан“ од Котор, кој беше уапсен во Турција под сомнение дека го убил Ристо Мијановиќ (33), кој исчезна во 2020 година и потоа го погреба на неговиот имот.

Како што пренесува црногорска Борба, Министерството за прва дивизија на Црна Гора нема формирано ниту предмет на меѓународна потерница, ниту предмет на екстрадиција во врска со Бојаниќ.

Которчанецот беше уапсен на 6 ноември во луксузната истанбулска населба Саријер под сомнение дека го извршил убиството на Мијановиќ а неговото тело го закопа во дворот на неговата вила.

Ристо Мијановиќ исчезна во 2020 година кога неговиот адвокат го пријавил за исчезнат. Истрагата утврдила дека Мијановиќ потоа бил киднапиран, брутално мачен и закопан во оваа населба, каде што се наоѓа и вилата на Бојаниќ.

Кој е Жељко Бојаниќ

Жељко Бојаниќ, Милан Миловац и Петар Чошиќ, најблиските соработници на Дарко Шариќ, најголемиот наркобос на Балканот, од 2019 користат македонски пасоши со украден идентитет. Бојаниќ имал дури два македонски пасоши, еден на име Спиро Аговски и втор со име на украден идентитет на Јордан Белчев.

Црногорските медиуми го прогласија за најбараниот криминалец во Европа. Една од меѓународните потерници по него беше издадена од Интерпол на Словенија за трговија со дрога. Сепак, на 8 јули 2019 година Бојаниќ добива македонски пасош со украден идентитет на Спиро Аговски, а два месеци подоцна, на 25 септември, му бил издаден уште еден македонски пасош со украден идентитет на име Јордан Белчев. На два пати, Бојаниќ во некоја од канцелариите на управните служби на македонското Министерство за внатрешни работи се фотографирал, оставал отпечаток на прст и добил два пасоши со две различни имиња. Дури на 2 март 2021 година е откриен неговиот вистински идентитет.

Жељко Бојаниќ беше еден од најдоверливите луѓе на Дарко Шариќ, познатиот балкански наркобос. Бојаниќ беше задолжен за транспорт на кокаин од Јужна Америка кон Европа со користење мегакрузери и перење пари од трговијата со кокаинот со вложување во недвижнини.

The post Црна Гора нема да бара екстрадиција на членот на Кавачкиот клан кој има два македонски пасоши, дали МВР ќе го бара? appeared first on Република.

Светските безбедносни служби во соработка со српската полиција дошле до преписка од шифрираната апликација „Аном“ од која дознале дека членови на кавачкиот криминален клан подготвуваат одмазда против државни функционери и одредени лица.

Пораките од тајниот комуникациски софтвер ги пронашле и анализирале речиси сите светски служби: Европол, Интерпол, ДЕА, ФБИ...

Во комуникацијата на членовите на кавачкиот клан кои ги планирале атентатите се издвоиле неколку имиња. Меѓу нив, како што наведуваат, се најпознатите имиња на тројца криминалци, кои наводно се блиски со Вељко Беливук.

Од прислушуваната комуникација се дознало дека  сериозно работат на убивање на сите кои ги истражуваат нивните злосторства, како и на оние кои ги уапсиле нивните соработници, меѓу кои и Вељко Беливук, Марко Миљковиќ и 28 нивни соработници.

The post Кавачкиот клан распиша „конкурс“ за атентатори appeared first on Република.

Полицаецот Петар Лазовиќ, кој беше уапсен во Црна Гора откако ЕУРОПОЛ во таа земја достави материјал со кој се докажува дека е поврзан со Kавачки клан бил во постојан контакт со еден од водачите на кланот на Радоје Звицер, со кого се сретнал за време на посетата.

Лазовиќ го известил Радоје Звицер дека „непознато лице по име Хари кое  знае се и ќе го информира за секој планиран настан“.

„Кажи им, ако се обидат сами, некој паметен полицаец, да побараат ДНК, да кажат дека нема и да викнат адвокат - а јас сум адвокатот“, наводно му напишал Лазовиќ на шефот на криминалецот. клан, Радоје Звицер.

The post Полицаец со кодно име „Јуниор“ бил врската со Звицер и Кавачкиот клан appeared first on Република.