Првиот вицепремиер и министер за животна средина, Изет Меџити најави дека Владата донесе одлука да одвои 20 милиони евра за финансирање на проектот за изградба на подземна катна гаража кај плоштадот „Скендерберг“ во Скопје.

Проектот предвидува изградба на 371 паркинг место, распоредени на две подземни нивоа на површина од повеќе од 13 илјади метри квадратни.

Ваквата одлука била официјализирана на денешната редовна седница на Владата.

Според Меџити, изградбата на ваквиот проект е особено значајна за Старата скопска чаршија и општина Чаир. Добивањето на дозволата за изградба е при крај од Министерството за транспорт, а градежните активности треба да започнат на почетокот на наредната година.

The post Владата одвои финансиски средства за изградба на катна гаража кај „Скендербег“ appeared first on Република.

Голема трагедија доцна синоќа ги потресе скопјани.

На улицата до катната гаража „Разловечко востание“ во центарот на Скопје, спроти Градскиот трговски центар (ГТЦ), синоќа било пронајдено безживотното тело на 15-годишно момче кое најверојатно паднало од катната гаража.

Извори од Министерството за внатрешни работи (МВР) ја потврдија информацијата за Плусинфо, но засега не откриваат повеќе детали за трагедијата.

The post 15-годишно момче падна од катна гаража во Скопје, починало на лице место appeared first on Република.

Владата ја одржа 13. седница, на која се донесени повеќе одлуки и решенија, меѓу кои и за спроведување на постапката за изградба на катни монтажни гаражи во Универзитетски Клинички центар - Комплекс клиники „Мајка Тереза“ Скопје, со што ќе се решава сообраќајниот хаос во Клиничкиот центар.

Како што информираат од владината прес-служба, Владата усвоила информација за формирање Комисија за спроведување на постапката за доделување на договор за воспоставување на Јавно приватно партнерство за изградба на катни монтажни гаражи во Универзитетски Клинички центар - Комплекс клиники „Мајка Тереза“ Скопје.

The post Владина комисија ќе ја рагледува изградбата на монтажни катни гаражи во Клинички центар appeared first on Република.

Судскиот процес кој го покрена АД Пелагонија АД Гостивар против општина Центар поради раскинувањето на договорот за изградба на катна гаража на ул. Мито Хаџивасилев Јасмин бб од 2014 година доби разрешница. Апелациониот суд одлучи општината да исплати обештетување од речиси 73 милиони денари.

Тогашното раководство одлучило дека не е потребна катна гаража и средствата ги пренамениле за изградба на училиштето Киро Глигоров. Имајќи во предвид дека постои можност за судска разрешница која ќе биде неповолна за општина Центар, Градоначалникот Горан Герасимовски ги превзема сите активности со цел Буџетот на општината да не биде блокиран, а од друга страна и покрај огромниот износ кој треба да се исплати да не бидат запрени проектите кои се однесуваат на подобрување на животот и секојдневното функционирање на граѓаните на Општина Центар.

Револтиран сум што после маратонските судски процеси, сето ова заврши на штета на центарци. Тековните проекти што ги спроведува општината не смеат да бидат запрени ниту смее да има застој во работата и услугите што ги даваме на граѓаните. Нема да дозволам сметката на општината да биде блокирана. Мораме до крај да ги спроведеме започнатите проекти како градинката во Пролет, модернизацијата на уличното осветлување, доградбата на Коле Неделковски, реконструкцијата на улиците, истакна Герасимовски.

Дополнително, покрај основниот долг, Општината треба да исплати и камати, со што севкупниот долг ќе се дуплира. Се работи за правосилна извршна пресуда што може да биде предмет на присилно извршување пред надлежен извршител.

Општината се соочи со блокирање на сметката за истиот предмет уште во 2018 година, овојпат вели градоначалникот Герасимовски нема да дозволам тоа да се случи.

The post Центар ќе мора да плати 1.1 милион евра за договорот кој го раскина Жерновски appeared first on Република.

Деновиве е актуелна една несреќна изјава од страна на министерката за култура, дека изградбата катната гаража во Охрид не била од јавен интерес и затоа е блокирано односно нема приоритет кај нив како министерство! Напиша на Фејсбук градоначалникот на општина Охрид, Кирил Пецаков.

– За нештата да бидат појасни, година и пол не малтретираат и мене како градоначалник и граѓаните на Охрид, со милион забелешки,препораки и измени. Иако по сите тие е постапено, упорно не добиваме позитивно мислење од култура, за на крај како што јавно кажав од министерство во стручниот тим да викаат „што си замислуваат тие ќе правеле катана гаража“!

– Во прилог имате закон за експропријација, член 7, каде јасно е напишано што е ЈАВЕН ИНТЕРЕС од локано значење и тука е напишана засебно КАТНА ГАРАЖА!

– Тотална неписменост и непознавање на законите, не само општо, туку и за сопствените ингеренции и надлежности!

– НАПОЗНАВАЊЕТО на законите и постапувањето спротивно од законите со кочење на една од НАЈБИТНИТЕ проекти за Охрид како град си носи и одговорност сама по себе за непостапување! И ви ветувам не ја оставам оваа работа така како шо мислите! 

За жал само докажувате дека далеку сте од менаџирање и водење на една држава, а и најголем срам сте што некогаш ја водел државава! Ви се ближи крајот, порача Пецаков.

The post Пецаков: Власта има тотално непознавање на законите appeared first on Република.

Изнервиран што со автомобилот удрил во столб на монтажниот паркинг зад трговскиот центар „Буњаковец“, скопјанец излегол и искршил уште 18 ветробрански стакла на возилата кои биле таму паркирани.

Ова е сведоштвото за невообичаеното утро на граѓаните на оваа населба во центарот на Скопје кои ги разбудил звукот на кршење на стаклата при што веднаш дотрчале на паркингот да видат што се случува, и останале шокирани од глетката. Оштетените ваквата ситуација ја раскажаа за „Канал 5“ позади камерите, оти не сакаа да бидат снимени. Тие велат дека го познаваат сторителот, кој имал психички проблеми.

Според неофицијалните информации, сторителот прво ветробранските стакла ги кршел со рака, а откако се повредил, продолжил да ги оштетува со тврд предмет, од каде и произлегол звукот кој што ги разбудил граѓаните.

Oд МВР сооптшија дека полициски службеници од Полициска станица Центар при СВР Скопје го привеле С.А.(48) од Скопје, постапувајќи по пријави од граѓани примени во 07.25 и 07.40 часот, според кои во катна гаража во близина на трговски центар на подрачјето на Центар било извршено оштетување на нивните патнички возила.

Од страна на полициски службеници веднаш е излезено на местото на настанот и по преземени мерки било констатирано дека станува збор за оштетување на 18 патнички возила коишто биле паркирани во катната гаража, велат оттаму.

Извршен бил увид од страна на увидна екипа, а по дополнителни мерки утврден е сторителот кој ги извршил оштетувањата, кој бил приведен во полициска станица и со него бил извршен службен разговор.

За случајот е известен Јавен обвинител по чии насоки делото е класифицирано по чл.243 од Кривичниот законик и се гони по приватна тужба, а од страна на МВР ќе се преземат сите неопходни активности за документирање на делото.

The post Се изнервирал што удрил во столб: 48-годишен скопјанец ги искршил 20-тината возила во катната гаража кај „Буњаковец“ appeared first on Република.

Утринава биле уништени околу 20 автомобили во катната гаража „Буњаковец“, објави „Фокус“.

На фотографиите може да се забележи дека се искршени предни и задни шофершајбни на автомобилите, но и уништени врати и други делови од возилата.

Се уште официјално не е позната причината – што точно се случило, но од Министерството за внатрешни работи за „Фокус“ го потврдија случајот.

„На 22.07 во 07.25 часот во СВР Скопје било пријавено дека во катна гаража во близина на трговски центар на подрачјето на Центар имало оштетено неколку возила. На лице место излезени полициски службеници и се работи на расчистување на случајот“. се наведува во одговорот од МВР.

Повеќе фотографии може да погледнете на „Фокус“.

The post Искршени околу 20 автомобили во катна гаража во Скопје appeared first on Република.

Екипи на ЈП „Градски паркинг“ отстраниле денеска 36 возила од катната гаража „Беко“ за кои паркинг места веќе објавија дека биле резервирани за непознати привилегирани корисници.

Од јавното претпријатие информираат дека во катната гаража „Беко“, на катот -1, подолг временски период биле паркирани службени возила кои не се користеле и непотребно зафаќале 12 означени паркинг места. Имало и 24 паркинг места кои до сега од непознати причини биле резервирани за непознати привилегирани корисници, а паркирање на тие места за граѓаните не било дозволено.

Со акцијата се ослободени вкупно 36 паркинг места и се ставени во функција на корисниците. Воедно, екипите на претпријатието спроведоа акција на чистење на катот -1 со што целосно е отстранет насобраниот смет, велат оттаму.

Катната гаража „Беко“ која е лоцирана на улицата „Даме Груев“ во строгиот центар на градот располага со вкупно 605 паркинг маста, организирани на 2 ката под земја и шест ката над земја. Од вкупниот број паркинг места, 16 се резервирани за лицата со попреченост, а три за родители со мали деца, сите соодветно обележани со хоризонтална сигнализација. Паркинг местата за родители со мали деца се наоѓаат на катот -1, а паркинг местата за лицата со попреченост се соодветно распределени по катови. На катот -1 е поставен електричен полнач за автомобили.

Градот Скопје и ЈП „Градски паркинг“ апелираат до граѓаните да внимаваат со своите возила да не ги узурпираат обележаните паркинг места кои се исклучиво наменети за лицата со попреченост и за родителите со мали деца, за да им се овозможи соодветна пристапност на овие лица.

The post Отстранети 36 возила на непознати привилегирани од катната гаража „Беко“ appeared first on Република.