Масовно се крадат катализатори од автомобилите во Скопје. Последни вакви случаи се регистрирани во скопската населба Аеродром, каде во една вечер биле украдени десетина катализатори на паркингот кај булеварот АСНОМ. Сопствениците дознаваат дека се ограбени кога ќе го стартуваат возилото и ќе слушнат ненормална бука од автомобилот.Потоа,наместо на работа завршуваат на автомеханичар каде и дознаваат за кражбата. Штетата изнесува и по неколку стотици евра во зависност од возилото. Катализаторот содржи благороден метал, па нејасно е дали крадците ги продаваат како суровина или пак како автодел на црниот пазар.

Катализаторот има функција да ја спречи штетната емисија на гасови кои ги испушта автомобилот, па возило кое работи без овој дел загадува многу повеќе. Дека нешто не е во ред со автомобилот се забележува бидејќи  од ауспухот излегува црн чад. Митревски вели, вакво возило не би требало да помине на технички за регистрација.

Катализатори се крадат и во другите градови. Полицијата успеала да сузбие неколку вакви групи, но освен алат за кражба, катализатори не се пронајдени.

Изминатите неколку години крадењето катализатори е тренд не само кај нас туку и во другите земји низ светот. Од нив се заработуваат илјадници евра. Родијумот како благороден  метал во моментов на берзата чини над 20 000 долари за унца, односно за 28 грама. За разлика од него, златото чини десет пати помалку.

The post Масовно се крадат катализатори од автомобилите во Скопје appeared first on Република.

Банална тема во споредба со агресијата на Украина и хуманитарната катастрофа, но по Скопските паркинзи дрски крадци во текот на ноќта крадат катализатори на возила. Наводно катализатор од постаро бензиско возило се продава на црно 150+ евра. Ја подигаат колата и со брусилица на батерии хируршки прецизно ја сечат издувната гранка. Мене ми се случи ноќта помеѓу 3ти и 4ти март. Во сервисот ми кажаа дека сум 4ти дента со ист проблем. Не пријавив во полиција, но на овој начин сакам да ги известам граѓаните и МВР за оваа безбедносна закана. Ако колата ви звучи ко трактор и не влече, веднаш одете во сервис за ауспуси☺. Мора веднаш да се спречат ваквите банди, полицијата мора да патролира навечер, дека наскоро ќе почнат да ни вадат бубрези по улица, пишува на Фејсбук, Ѓорѓи Лазаревски.

The post По Скопските паркинзи дрски крадци во текот на ноќта крадат катализатори на возила appeared first on Република.