Украинската армија изврши напад со ракета со боева глава полна со касетни бомби на терен на кој се обучувале руски војници.

Во нападот очигледно биле користени американски ракети и дека ова е најмалку шести случај во последните осум месеци руски војници да се соберат на отворено во област во дострелот на ракетите што ги има Украина и веднаш биле нападнати.

The post Украинците со касетни бомби гаѓаа Руси на обука appeared first on Република.

Германскиот канцелар, Олаф Шолц, повторно ја бранеше одлуката на САД за испорака на контроверзна касетна муниција на Украина, но во исто време ја истакна важноста на меѓународниот договор за забрана на овој вид муниција.

 Американската влада донесе одлука што не е наша, туку ја донесе суверено. Во спротивно, САД можеби нема да можат да обезбедат доволно муниција за Украина, која се бори против руската инвазија, изјави Шолц.

Тој, сепак, изјави дека меѓународната Конвенција за касетна муниција, на која Германија е потписник, е „од големо значење“ и оти тој е многу загрижен за потенцијалното влијание на неексплодираните касетни бомби врз цивилите долго по завршувањето на војната.

Речиси 80 години по крајот на Втората светска војна, предупредувањата за неексплодирани бомби остануваат релативно чести во Германија. И затоа е многу оправдана загриженоста што ја истакнуваме со оваа конвенција. И јас исто така сум посветен на тоа, рече Шолц.

САД, Украина и Русија ја немаат потпишано конвенцијата, со која се бара да се забрани касетната муниција. Оружјето се бомби што се распрснуваат над целта, расфрлајќи голем број помали експлозиви. Голем дел не се детонираат, но остануваат како закана со години во иднината.

The post Шолц е за забрана на касетните бомби, но ја поддржува одлуката на САД да ги испорачаат на Украина appeared first on Република.

- Руските власти денеска оценија дека одлуката на САД да испорача касетни бомби во Украина е гест на „признавање на слабостите“, додавајќи дека тоа ќе го направи Вашингтон „соучесник“ во убивањето цивили со тоа контроверзно оружје.

„Пренесувањето на касетна муниција е гест на очај и признавање на слабостите во контекст на неуспехот на таканаречената украинска контраофанзива“, се вели во соопштението на руското Министерство за одбрана.

Руската дипломатија го осуди „циничниот обид да се продолжи агонијата на актуелните украински власти кои не се грижат за цивилните жртви“, бидејќи овие касетни бомби убиваат неселективно.

„Со набавка на касетна муниција, Вашингтон всушност ќе биде соучесник и ќе биде одговорен за смртта на руски и украински деца“, додаваат руските власти.

Тоа оружје е забрането во многу земји, особено во Европа, потписнички на Конвенцијата од Осло од 2008 година. Во таа конвенција не се вклучени ниту САД, ниту Украина, ниту Русија.

Американскиот претседател Џозеф Бајден изјави дека одлуката за испорака на касетна муниција во Украина е „многу тешка“, но дека е „исправна

The post Русија разочарана од одлуката на САД да и дадат касетни бомби на Украина appeared first on Република.

Украинскиот министер за одбрана Олексеј Резников ја поздрави одлуката на САД да испратат касетна муниција во земјата.

Во објава на Твитер, Резников рече: „Новото оружје значително ќе ни помогне да ги деокупираме нашите територии, истовремено спасувајќи ги животите на украинските војници“.

Тој рече дека муницијата „нема да се користи на официјално признатата територија на Русија“.

„Нашиот став е едноставен – мораме да ги ослободиме нашите привремено окупирани територии и да ги спасиме животите на нашите луѓе. Украина ќе ја користи оваа муниција само за деокупација на нашите меѓународно признати територии. Оваа муниција нема да се користи на официјално признатата територија на Русија“, рече Резников.

The post Украина ветува дека ќе користи касетни бомби само за деокупација на нејзините територии appeared first on Република.

Генералниот секретар на НАТО, Јенс Столтенберг изрази разбирање за тековните дебати во САД за вооружување на Украина со касетни бомби против Русија.

- Соочени сме со брутална војна, рече тој, истакнувајќи дека двете страни користат касетни бомби. Сепак, Столтенберг истакна дека Украина користи касетна муниција само во одбрана.

- Русија користи касетна муниција за да нападне, да ја нападне Украина. Украина користи касетна муниција за да се заштити од агресорот, рече тој.

Столтенберг рече дека на поединечни сојузници е да одлучат какво оружје и опрема ќе и испратат на Украина, но подвлече дека НАТО нема заеднички став околу употребата на касетни бомби.

Според извештаите објавени вчера во американските медиуми, САД треба да испратат касетна муниција во Украина за да и помогнат на земјата разорена од војна дополнително да ја одбие руската инвазија. Според Си-Ен-Ен, официјалното соопштение би можело да биде објавено денеска.

Канцеларијата на Високиот комесаријат за човекови права на Обединетите нации (ОХЦХР) во Женева го осуди планот, истакнувајќи дека меѓународната Конвенција за касетна муниција се обиде да го забрани оружјето. САД, Русија и Украина не ја потпишаа конвенцијата.

- Касетната муниција расфрла мали бомби на широк простор, рече Марта Хуртадо, портпаролка на ОХЦХР.

- Тие убиваат и осакатуваат луѓе години подоцна по завршувањето на конфликтот, нагласи таа.

The post Со исти ја бомбардираа Србија: Столтенберг тврди дека касетните бомби што им ги дадоа на Украина ќе бидат за самоодбрана appeared first on Република.

Американскиот претседател Џо Бајден го одобри испраќањето американска касетна муниција во Украина, а повлекувањето на оружјето од залихите на американското Министерство за одбрана треба да почне денеска.

Весникот „Вашингтон пост“ пишува дека со овој потег ќе се заобиколи амриканскиот закон што забранува производство, употреба или пренос на касетна муниција со стапка на неуспех поголема од еден процент.

Ова оружје, што првпат беше употребено за време на Втората светска војна, обично фрла голем број мали бомби и е познато по тоа што убива цивили.

Касетната муниција, исто така, е забранета со поголемиот дел од светската Конвенција за касетна муниција од 2008 година, која САД, Русија и Украина не ја потпишаа.

Во текот на последната година драстично се смени ставот на администрацијата на Бајден за обезбедувањето на Украина со касетна муниција. Во декември, портпаролот на Советот за национална безбедност, Џон Кирби, изјави дека САД се загрижени поради испраќањето на контроверзното оружје, што е забрането во повеќе од 100 земји бидејќи неексплодираните убојни средства на крајот можат убијат цивили.

The post „Вашингтон пост“: Бајден дозволи на Украина да и се испорачаат касетни бомби од резервите на Пентагон appeared first on Република.

„Би-Би-Си“ објави извештај во кој се тврди дека постојат докази оти нападот на железничката станица во Краматорск бил изведен со касетни бомби, чија употреба е забранета со меѓународното право.

Касетните бомби содржат голем број помали бомби што се распрснуваат пред ударот и експлодираат во поширока област. Повеќе од 50 цивили загинаа во нападот на железничката станица, која беше преполна во моментот на експлозијата.

Новинарите на „Би-Би-Си“ по нападот ја посетиле железничката станица во Краматорск и пронашле мали кратери на земјата кои се конзистентни со боевата глава која содржи касетна муниција.

На местото на нападот беа пронајдени остатоци од ракета „Точка-У“ од советската ера. Станува збор за балистичка ракета со краток дострел, која може да носи касетна боева глава која содржи 50 помали бомби - наведува „Би-Би-Си“.

Ваквиот извештај е во спротивност со украинските тврдења непосредно по експлозијата дека нападот бил извршен со руски проектил „Искандер“. Ракетите „Точка-У“ се проектили коишто ги користи украинската армија, а кои се исфрлени од употреба во Русија уште во 2019 година.

Експертите консултирани од „Би-Би-Си“, наведуваат дека малите кратери на станицата се во согласност со касетната муниција која може да се користи со ракетите „Точка-У“.

Кратерите се сосема конзистентни со муницијата како ГН24, касетна муниција од советската ера која може да се смести во боева глава од проектилите „Точка-У“ - вели Сидарт Каусал, експерт за ракети во британскиот Кралски институт за одбранбени прашања

The post Масакрот на железничката станица во Краматорск е изведен со украински прокетил кој носел забранети касетни бомби!? appeared first on Република.

Канцеларијата за човекови права при ОН соопшти дека има „веродостојни извештаи“ кои покажуваат дека руската војска постојано користела незаконски забранети касетни бомби во населените области на Украина, нагласувајќи дека оваа практика се смета за воено злосторство.

Агенцијата на ОН има десетици свои набљудувачи во Украина, а повеќе треба да пристигнат кога ќе почне со работа комисијата формирана од Советот заради истрага на можни воени злосторства. Засега е потврдена смртта на на најмалку 549 цивили од руската инвазија на Украина на 24 февруари. ОН велат дека вистинската бројка е веројатно поголема.

Употребата на касетна муниција во населените области поради нејзиниот широк опсег не е во согласност со принципите на меѓународното хуманитарно право за водење конфликти, изјави за новинарите во Женева портпаролката на Канцеларијата на ОН за човекови права, Лиз Тросел.

Ги потсетуваме руските власти дека нападите врз цивили и цивилни објекти, како и таканаречените области за бомбардирање лоцирани во села и градови, и други форми на случајни, недискриминирачки напади се забранети со меѓународното право и може да претставуваат воени злосторства, рече Тросел. .

Касетната бомба содржи мноштво помали експлозивни полнења со сопствени запалки. Русија не е потписник на Конвенцијата за забрана на касетна муниција од 2008 година, иако е обврзана со меѓународното хуманитарно право, особено кога станува збор за забрана на неселектирани напади.

The post ОН: Голема е веројатноста Русите да користат касетни бомби во населени области appeared first on Република.

Генералниот секретар на НАТО Јенс Столтенберг изјави дека има докази дека Русија користи касетни бомби во својата инвазија.

На прес-конференција, тој им рече на новинарите:

Видовме употреба на касетни бомби и видовме извештаи за употреба на други видови оружје што би било во спротивност со меѓународното право.

The post Столтенберг: Видовме употреба на касетни бомби и извештаи за употреба на други видови оружје што e во спротивност со меѓународното право appeared first on Република.