Коалицијата ВЛЕН излезе како победник во сите општини со мнозинско албанско население. Од утре почнуваат преговорите за нова влада помеѓу ВМРО-ДПМНЕ и Коалиција ВЛЕН. Честитки на сите Албанци, честитки за сите граѓани, изјави Биљал Касами од БЕСА.

Според анализите кои ги имаме, Касами рече дека, најверојатно ќе излезат подеднакво по број на пратеници со коалицијата ДУИ.

– Разликата во гласови нема да помине 10 илјади, нагласи Касами.

The post Касами: Од утре почнуваат преговорите за нова влада помеѓу ВМРО-ДПМНЕ и Коалиција ВЛЕН appeared first on Република.

Добитници на овие избори сме ние, коалицијата Влен. ДУИ има купено гласови од загрозените гласачи кои имаат потреби од пари. Влен ги доби гласовите на Албанците, изјави претседателот на БЕСА и дел од коалицијата Влен, Билал Касами на прес конференција.

ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.

Кандидатот на Влен за претседател, Арбен Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.

The post Касами: ДУИ има купено гласови appeared first on Република.

Најпрво сакам да им се заблагодарам на гласачите кои гласаа за нашиот кандидат. Победникот сме ние од коалицијата ВЛЕН. ВЛЕН ги освои гласовите на Албанците. ДУИ го загуби легитимитетот да ги претставува Албанците, изјави Билал Касами од коалицијата ВЛЕН.

„Овој резултат да се преточи во мандат на пратеници, тоа е мала разлика. ДУИ ја уништи можноста на овие избори да биде избран претседател Албанец. Оваа трка важеше денеска и уште повеќе ќе важи на 8 мај“, изјави Касами.

The post Касами: ВЛЕН ги освои гласовите на Албанците, продолжуваме уште посилно на 8 мај appeared first on Република.

Знаме со картата на т.н. „голема Албанија“ денеска повторно се вееше во Општина Тетово. Овој пат знамето беше истакнато додека тетовскиот градоначалник Билал Касами промовираше новоасфалтирана улица.

Касами потоа даваше изјави за медиумите и се фотографираше додека во заднина се вееја знамето на „голема Албанија“ и албанското национално знаме. Тој изјави оти знамињата кои се најдоа на денешниот настан ги поставиле граѓаните како „одговор на провокациите од власта“.

Не само јас ниту граѓаните не се плашат од ваквите уцени, луѓето веќе се убедени дека мора да има промени на централна власт за да имаат подобри услови во иднина“, изјави Касами оценувајќи дека прекршочните пријави кои беа поднесени против него и Општината поради непочитувањето на Законот за употреба на грбот, знамето и химната на РСМ се политичка порака до него.

The post Знаме со картата на „голема Албанија“ денеска повторно се вееше во Тетово додека Касами промовираше новоасфалтирана улица appeared first on Република.

Претседателите на Алтернатива, Движењето Беса, и Демократското движење, Африм Гаши, Билал Касами и Изет Меџити денеска на заедничка прес-конференција пред Собранието побараа итно да се стави на гласање потребата од промена на Уставот, со цел да се помине што побрзо првата фаза на уставните измени и како што велат, да влеземе во суштински процес на тие измени. Заедно со ова, тие од претседателот на Собранието Талат Џафери, побараа да ги стави и амандманите за, како што се вели во изјавата, за измена на навредливото именување на 20 проценти за албанскиот јазик, како и амандманот против застареност на случаите на политичка корупција.

 Ги повикуваме сите пратеници, без разлика на нивната политичка, етничка и идеолошка припадност, итно, без дискусија и без никакво одлагање, да гласаат за потребата од промена на Уставот и предложените амандмани. На овој начин, сите ние докажуваме на која страна сме и која е нашата стратешка определба, рече претседателот на Алтернатива, Африм Гаши.

Додаде дека доколку на краток рок не се обезбеди потребното мнозинство за гласање на првата фаза од уставните измени, ќе биде јасно дека овој парламентарен состав нема капацитет да ги деблокира преговорите за ЕУ интеграција.

Ако ова се покаже како точно, не треба да губиме ни час повеќе. Во тој случај, односно доколку нема доволно мнозинство да се гласа првата фаза од уставните измени, повикуваме да се гласа за распуштање на Парламентот и распишување на предвремените избори, за да се бара друг парламентарен состав кој ќе има капацитет и политичка волја за протуркање на интегративните процеси кон Европската Унија, рече Гаши.

На новинарско прашање како ќе се оди на предвремени избори, со оглед на тоа декa опозицискиот состав нема доволно пратеници за да ги изгласа предвремените избори, Гаши рече дека тоа е прашање за Владата, затоа што власта, како што кажа е за уште еден час повеќе или ден повеќе да остане на власт и дека за нив само тоа е важно и ништо друго.

Во однос на прашањето дали ќе се направи парламентарна група од пратениците на овие три партии, Гаши информираше дека во тек се преговори за тоа и дека тоа како можност не се исклучува, но и дека прашање е на време кој чекор попрво ќе се направи.

The post Гаши, Меџити и Касами бараат заедно со уставните измени да се расправа и за албанскиот јазик и корупцијата appeared first on Република.

Билал Касами преку прес-конференција за медиумите ја повикува Владата да не си поигрува со чувствата на семејствата на 14-те жртви кои ги загубија животите во пожарот во модуларната болница во Тетово.

„Ја повикуваме Владата да не си поигрува со чувствата на членовите на семејствата на загинатите од модуларната болница во Тетово, сериозно да го сфати ова прашање и да ги казни главните актери на трагедијата. Ќе бидеме дел од кревањето на гласот на граѓаните и одговорните за овој случај ќе ги изведеме пред лицето на правдата“ – изјави Билал Касами.

Меѓу другото, Касами рече дека деновиве како опозиција ќе го покренат ова прашање и во Собранието на Македонија.

The post Касами: Казнете ги главните актери на трагедијата во Тетово appeared first on Република.

Во недостаток на идеи и проекти дел од опозициските партии продолжуваат да играат на картата на национализмот и да се обидуваат да ги влошат меѓуетничките односи и да ги разнишаат европските вредности.

Либерално-Демократската партија најостро ја осудува скандалозната објава на лидерот на БЕСА и градоначалник на Тетово, Билал Касами, во која на социјалната мрежа Фејсбук напиша „Добредојдовте во албанскиот главен град во Македонија!“.

Либерално-Демократска партија упатува порака дека Македонија е мултиетничка држава и Тетово е и ќе биде мултикултурен град, а не главен град на Албанците.

Како либерал-демократи секогаш приоритет ќе ни биде почитување и обезбедување еднакви права и можности за сите граѓани на Македонија. 

Симптоматично е што оваа објава доаѓа само неколку недели по барањето за формирање Заедница на албански општини, по теркот на она што се договара за Косово, барање кое дојде од Алтернатива, уште една опозициска партија од албанскиот политички блок.

The post ЛДП најстрого ја осудува скандалозната објава на Касами, Македонија е мултиетничка држава appeared first on Република.

Прекин во снабдувањето со струја го одложи отчетот кој градоначалникот на Тетово, Биљал Касами го планираше за денеска

Поради прекин во снабдувањето со електрична енергија во централното градско подрачје, каде е сместена и зградата на општина Тетово, пресот на градоначалникот Билал Касами, за една година локална власт се одложува за утре 11.11.2022 година ( петок) во 10:30 часот.“ – информираа од општина Тетово.

The post Снема струја за отчетот на Билал Касами во Тетово appeared first on Република.

До крајот на оваа недела Биљал Касами ќе се обиде да одржи средба со лидерите на сите албански партии во земјава, потврдуваат за Канал 5 од Движењето Беса.

Покана ќе испратат до Али Ахмети, Арбен Таравари, Африм Гаши и Мендух Тачи, со цел да изградат заеднички став за промена на формулацијата во уставот каде што албанскиот јазик стои како јазик што го зборуваат 20% од населението. Изјавата на лидерот на ДУИ Ахмети дека ”20те отсто” не ја загрозуваат положбата на Албанците, ја сметаат за скандалозна, а официјално само потврдуваат дека ќе се борат за ваква уставна промена.

Ахмети викендов кажа дека албанскиот јазик ќе биде прецизиран во македонскиот Устав во вистинско време и со тоа нема да се загозат Македонците, без да прецизира дали тој ќе се обиде да ги разубеди другите албански партии да не ги условуваат уставните измени со ова прашање. Од неговата партија засега нема одговор, дали Ахмети ќе прифати средба иницирана од Касами.

The post Се најавува тет-а-тет средба на Ахмети со лидерите на опозициските партии на Албанците appeared first on Република.

Движењето БЕСА е подготвено да соработува со која било политичка партија или групација во албанската опозиција со кои би имале заедничка цел, а тоа е конечено и во албанскиот политички кампус да има ротација на власта. Сите политички партии со кои може да седнеме, да се договориме, ние сме подготвени да разговараме да формираме широк опозициски фронт, рече денеска во одговор на новинарско прашање претседателот на Движењето БЕСА Билал Касами.

Тој на прес-конференција рече дека Движењето Беса констатира оти Извештајот на ЕК за 2022 е сериозен извештај кој, како што рече, зборува за недостатокот на капацитетот на Владата да ги имплементира препораките на Европската комисија за пристап на земјата кон ЕУ.

Единствениот кластер кој е повисоко рангиран е тој од надворешната политика и безбедност кој како таков избалансиран со политиката на ЕУ и НАТО, додека сите други кластери тапкаат во место.  Истите дури резултираат уште послабо од претходниот извештај на Комисијата. Потполна стагнација на напредокот во борба против корупцијата, непотизмот, општа неспособност на Владата за транспарентно менаџирање со финансиите, како и неспособност за привлекување на европските фондови и нивно лошо досегашно менаџирање, сега и во минатото, изјави Касами во седиштето на партијата во Скопје.

Во областа на владеењето на правото и заштита на човековите права Комисијата, како што рече, иако потенцира дека државата има напредок во овој правец, изразува загриженост во однос на условите и состојбата на затворите кои ги смета како трагични. Според него, „Владата е неспособна за да изработи стратегија за реформи во медиумите и  адаптација на Изборниот законик во согласност меѓународните стандарди и практики“.

The post Касами: БЕСА е подготвено да соработува со која било партија за ротација на власта во албанскиот политички кампус appeared first on Република.

Денеска од 10 часот е започнат увидот во поранешниот тутунски комбинат „Македонија табак“ каде во понеделникот избувна пожар што предизвика голема материјална штета. Во пожарот беа повредени околу петнаесет пожарникари кои десетина часа се бореа за локализирање и ставање под контрола на огнената стихија.

Дадени се наредби на експерти од повеќе области при Одделот за криминалистичко технички испитувања и вештачења во МВР да почнат со утврдувањето од каде и како започнал пожарот.  Присутни се експерти за хемиски анализи, од противпожарна област и слично, како и претставници на електродистрибутивната компанија и МВР, брифираа денеска од Обвинителството.

Околу пожарот, утре состанок треба да одржи и Општинскиот кризен штаб, информираше градоначалникот Биљал Касами.

Општинскиот кризен штаб по првата седница побара проверка на мерењето на квалитетот на воздухот од Владата, како и други мерки за справување со последиците од пожарот.

The post OJO: Почна увидот во поранешниот тутунски комбинат „Македонија табак“ appeared first on Република.

Градоначалникот на Тетово Билал Касами денеска посети тројца пожарникари кои беа повредени при пожарот.

Токму Касами ги објави фотографиите од посетата на болницата.

По успешната работа, не треба да ги заборавиме оние кои се здобија со повреди за време на операцијата. Денеска бев во посета на болница за да ги посетам 3-те пожарникари кои беа повредени при гаснењето на пожарот!

The post Касами ги посети пожарникарите: Не треба да ги заборавиме оние кои се здобија со повреди за време на операцијата appeared first on Република.

Градоначалникот на општина Тетово и лидер на Движење Беса, Биљал Касами вечерва во дебатниот магазин „Click Plus“ на ТВ21 истакна дека најдобра опција се избори оваа есен.

Според него, оваа есен е најдобрата опција за да имаме предвремени парламентарни избори со цел да се стави крај на политичката криза.

„Идната влада ќе ја има можноста и капацитетот за решавање на сите проблеми вклучувајќи и спорот со Бугарија“, порача Касами.

The post Касами: Избори оваа есен е најдобрата опција appeared first on Република.