Во координирани акции спроведени помеѓу 8 и 19 ноември низ Европа и Обединетите Арапски Емирати е разбиен таканаречениот „суперкартел“ за трговија со дрога, соопшти денеска Европол.

Во акцијата се уапсени 49 осомничени членови на картелот што контролираше речиси третина од трговијата со кокаин во Европа. Обемот увезен кокаин во Европа под контрола на осомничените бил огромен, а полицијата во текот на истрагата запленила над 30 тони дрога.

Во акцијата биле вклучени полициите и безбедносните служби на Шпанија, Франција, Белгија, Холандија, Обединетите Арапски Емирати и на САД. Тринаесет лица се уапсени во Шпанија, шест во Франција, десет во Белгија, 14 во Холандија и шест во Дубаи, меѓу кои и Холанѓанец со пасош на БиХ.

Против 40-годишниот Холанѓанец, кој е и државјанин на Босна и Херцеговина, е покрената кривична истрага врз основа на пресретнати пораки од апликацијата „Скај“. Тој не само што е осомничен за увоз на големи количества кокаин, туку и дека организирал увоз на близу осум тони суровина за производство на амфетамин. Сировините за производство на лекови пристигнале преку пристаништето Антверпен и имале компанија во Холандија како крајна дестинација.

The post Разбиен „суперкартелот“ за шверц на кокаин низ Европа appeared first on Република.

Мексиканските власти соопштија дека масакрот на 20 граѓани во јужно Мексико е дело на нарко-бос кој ги користел социјалните мрежи за да обвини ривалска банда.

Мексиканските нарко-картели сè почесто ги користат социјалните мрежи за да ги обвинат своите ривали за нападите и на тој начин да ги доведат во заблуда властите и јавноста.

Рикардо Мехија, помошник секретар за јавна безбедност на Мексико, денеска изјави дека властите извршиле рација на пет имоти на браќата Хуртадо, кои работат под името на картелот „Фамилија Мичоакана“. Во овие рации беа пронајдени ранчови, луксузни куќи, животни како тигри, зебри, антилопи…

Градоначалникот, неговиот татко и уште 18 мажи беа убиени во нападот на 5 октомври во градот Тотолапан. Одговорноста за нападот првично беше преземена во видео кое и се припишува на речиси исчезната банда позната како „Текилерос“. Мажите во мрачното видео рекоа дека го извршиле нападот и повторно го зазеле Тотолапан.

„Текилеросите“ долго време го тероризираа градот, но беа протерани пред многу години од група „одмазници“ за кои се верува дека се поддржани од „Фамилија Мичоакана“, која доминира во областа.

Хозе Алфредо Хуртадо, кој ја води „Фамилија Мичоакана“ заедно со неговиот брат Џони, објави видео неколку дена подоцна во кое вели дека тој бил цел на пукањето и за влакно избегал.

Според истрагата, тие извршиле масовна егзекуција и се обиделе да направат да изгледа како некоја друга група, вели Мехија.

Во Мексико, жителите на градовите под притисок на еден картел често формираат групи „одмазници“ и се обраќаат кон ривалските картели за помош во борбата против угнетувачот.

Картелите заработуваат голем дел од своите пари во Мексико со изнудување исплати за заштита на локалните фармери и бизнисмени

The post Картелот „Фамилија Мичоакана“ сее страв во Мексико appeared first on Република.

Картелска престрелка во Мексико резултирала со смрт на 11 членови на банда, како и еден мајмун-пајак, облечен во мал „панцирен елек“, маскирна јакна и пелени, објави „ЦБС Њуз“. Мајмунот бил пронајден како лежи преку градите на мртов вооружен маж за кој се верува дека бил негов сопственик.

„Мексико Дејли Пост“ се сомнева дека мајмунот му припаѓал на човек со врски во мексиканскиот картел „Ла Фамилија Мичоакана“. Додека сопственикот починал од неколку прострелни рани, причината за смртта на мајмунот останува мистерија, а аутопсијата треба да ја изврши ветеринар. Од 11 убиени лица, 10 биле потврдени дека се мртви на лице место на престрелката во градот Текскалтитлан, додека последниот е прогласен за мртов во болница.

Според „Инфобае“, Канцеларијата на јавниот обвинител на државата Мексико соопшти дека пет мажи и три жени се меѓу осомничените кои ја преживеале престрелката и биле приведени. Тие на крајот би можеле да се соочат со обвиненија за трговија со животни. Уапсен е и малолетник кој нема наполнето 15 години.

Безбедносниот аналитичар, Дејвид Соседо, за „Асошиејтед прес“ вели дека чувањето егзотични животни се смета за симбол на статус и моќ, додавајќи дека поседувањето „приватната зоолошка градина било предуслов за да се биде дел од кругот на големи шверцери на дрога“. Соседо сугерира дека некои картели користеле животни за погрозни практики, како што се тортура или исчезнување на нивните жртви.

The post Мајмун облечен во панцирен елек пронајден мртов по крвава престрелка на картели во Мексико appeared first on Република.

МВР за два дена го промени ставот за убиството на ракометарот Даниел Тот. Од првичното соопштение нема траги на насилство до тоа дека е убиен со нанесување на физички смртоносни удари во пределот на главата. Различните ставови наметнуваат дилема дали МВР сака да сокрие убиство?, реагираат во партиското соопштение од ВМРО ДПМНЕ.

Како МВР во првичниот извештај утврди дека нема трагинна насилство врз младиот ракометар? Зошто дури два дена се даде да избегаат дел од сторителите на грозоморното убиство?

Дали се вистина информациите дека власта на СДСМ и ДУИ кријат лица припадници на еден нарко картел близок до Спасовски?, велат од ВМРО ДПМНЕ.

 

The post ВМРО ДПМНЕ: Дали МВР го крие убиецот на ракометарот Тот за кој се говори дека е близок до нарко картел кој го штити МВР? appeared first on Република.