Британскиот весник „Гардијан“ го отпушти својот карикатурист Стив Бел по повеќе од 40 години работа поради „антисемитска карикатура“ на Бенјамин Нетанјаху.
Бел изјавил дека весникот „Гардијан“ го отпуштил поради карикатура за која е оценета дека е антисемитска, пренесува Н1.

Ми беше кажано дека повеќе не се подготвени да ја објавуваат мојата работа по карикатурата на Бенјамин Нетанјаху, изјави Бел за британските медиуми.

На карикатурата се гледа како Нетанјаху носи боксерски ракавици и држи скалпел над својот гол стомак додека прави засек во форма на Газа, со натпис: „Жители на Газа, излезете веднаш“.

The post „Гардијан“ му даде отказ на карикатурист после 40 години работа, поради карикатура на Нетанјаху appeared first on Република.

Познатиот битолски карикатурист Блаже Докуле уште еднаш се закити со награда на фестивалот на карикатури во Сеул, Јужна Кореја „SICACO 2O21“.
Тоа е 11-та награда на карикатуристот на Битолски весник, Блаже Докуле, на овој тринаесети по ред традиционален фестивал на карикатури во Јужна Кореја.
За тоа колку Докуле е ценет во Сеул, Јужна Кореја најдобра потврда е што организаторите на Фестивалот, на каталогот за фестивалот само од него објавија две карикатури, додека на сите останати учесници им објавија по една карикатура.
Инаку Блаже Докуле има зад себе мошне богата кариера во цртање карикатури. Тој цели 50 години е карикатурист на Битолски весник и активно твори. Автор е на десетици илјади карикатури во над 40 домашни и странски весници.
Добитник е на над 50 награди во земјата и странство, а негови карикатури се објавувани во бројни галерии во светот.

The post Kарикатуристот Блаже Докуле награден на фестивалот на карикатури во Сеул appeared first on Република.

Познатиот француски сатиричен весник „Шарли ебдо“, познат по своите карикатури кои често ја минуваат границата, овој пат му се посвети на Новак Ѓоковиќ , кој може да биде депортиран од Австралија по долга битка за виза.

Ситуацијата на српскиот тенисер е тема број еден во светот изминатава недела, а сатиричниот весник, кој своевремено беше нападнат од терористи поради исмејувачките цртежи на пророкот Мухамед, сега посвети неколку цртежи на маките на Ѓоковиќ.

„Новак Ѓоковиќ го заслужува најдоброто“, е насловот на мини-стрипот од четири карикатури, а цртежите и пораките се брутални.

„Ѓоковиќ како исклучок“, пишува на првата слика, на која се гледа како тенисерот ја блокира вакцината со рекет, а под неа пишува „големите шампиони го заслужуваат најдоброто“.

На другата е Ѓоковиќ со собирач на топки кој е на респиратор.

„Да му дадеме собирач на топки каков што заслужува“, пишува над сликата, додека над собирачот се испишани зборовите: „Требаше да се вакцинирам“.

Третиот цртеж е со порака „Да му дадеме спонзори какви што заслужува“.

Последната порака е особено брутална. Ѓоковиќ е поканет во Франција со цртеж на ковчези со натпис „не вакциниран“ и зборовите: „Тука ќе ја најдете вашата среќа меѓу нашите антиваксери“.

The post „Шарли Ебдо“ објави серијал брутални карикатури за Новак Ѓоковиќ appeared first on Република.