Шефот на македонската дипломатија Бујар Османи информираше дека имал средба со помошник државниот секретар за европски и евроазиски прашања, Карен Донфрид.

На средбата било утврдено задоволство од одржувањето на Стратешкиот дијалог Македонија – САД, преку кој дополнително се зајакнува партнерство и се надградуваат билатералните односи меѓу двете земји.

На средбата присуствувала и американската амбасадорка во Македонија, Кејт Мери Брнз.

The post Османи-Донфрид: Се зајакнува партнерството меѓу САД и Македонија appeared first on Република.

Сега е вистинско време ЕУ да го исполни својот дел од задачата и да го деблокира нашиот пристапен процес преку усвојување на преговарачката рамка и одржување на првата меѓувладина конференција за време на француското претседателство, рече министерот за надворешни работи, Бујар Османи по средбата со помошник државната секретарка на САД за европски и евроазиски прашања Карен Донфрид која денеска е во посета на земјава.

Османи предупрди дека отсуството на напредок во евроинтегративниот процес ќе има сериозни последици за нашата држава и за земјите од Западен Балкан, но отвора, како што напомена, и простор за штетни влијанија од трети земји поради што „забрзување на евроинтегративните процеси е значаен геополитички интерес и за нашите партнери“.

Според него, процесите на проширување на ЕУ претставуваат и безбедносна политика и оттука, членството на регионот во Унијата е од суштинска важност за регионалната и европската безбедност и стабилност. Никој од нас, потенцира Османи, нема време за губење.

-Македонија е европска земја и лојален партнер со значителен напредок во реформските процеси. Иако се уште земја кандидат, РСМ во целост или стопроцентно е усогласена со заедничката надворешна и безбедносна политика на ЕУ и воедно со сите рестриктивни мерки што произлегуваат од воената агресија на Русија врз Украина. Цениме дека сега е вистинско време за ЕУ да го исполни својот дел од задачата и да го деблокира нашиот пристапен процес преку усвојување на преговарачката рамка и одржување на првата меѓувладина конференција за време на француското претседателство. Тоа ќе претставува големо охрабрување и за другите земји од Западен Балкан. Ќе се потврди кредибилноста на ЕУ и ќе се охрабрат процесите за надминување на разликите и помирувањето во регионот. Иако стабилен, регионот е обременет со бројни прашања кои создаваат простор за диригирана нестабилност засилена со надворешни влијанија од центри на моќ во чиј интерес не е стабилноста и просперитетот на регионот, нагласи министерот.

Тој повтори дека земјава го поддржува и се солидаризира со украинскиот народ, како и дека  јасно ги осудува руските воени дејства во земјата.

-Војната во Украина демонстрираше јасна потреба и за внесување нова динамика во евроинтегративните процеси на земјите од Западен Балкан, укажа Османи.

На прес-конференцијата министерот потенцира дека како НАТО сојузник, Македонија ја презема обврската активно да придонесе во регионалната стабилност.

-Во оваа смисла и САД, како и останатите НАТО сојузници може да сметаат на земјава како стабилен и кредибилен партнер при адресирањето на сите отворени прашања во регионот. Тоа е и наша обврска, но и наш директен интерес да бидеме дел од еден безбеден, стабилен и просперитетен регион опкружени со земји соседи кои ја делиме нашата европска и евроатлантска иднина, рече Османи.

The post Османи: Сега е вистинско време ЕУ да го исполни својот дел од задачата, нема време за губење appeared first on Република.

Силно ги поддржуваме вашите евроаспирации и сакаме што побрзо да се одржи меѓувладината конференција. Премногу се одолговлекува нејзиното одржување. Исполнивте тешки задачи, ги исполнивте реформите и заслужувате брзо да напредувате. Иднината на Македонија е во ЕУ, порача помошник државната секретарка на САД за европски и евроазиски прашања, Карен Донфрид по денешната средба со министерот за надворешни работи, Бујар Османи.

На заедничката прес-конференција со Османи во МНР, Донфрид истакна дека пристапувањето на земјава во ЕУ ќе донесе поголема стабилност на Балканот и поголем простперитет во Европа.

-САД изразува пофалби за напорите на Македонија за евроатланстката иднина. Силно ги поддржуваме вашите евроаспирации и сакаме што побрзо да се одржи меѓувладината конференција. Предолгo се одолговлекува нејзиното одржување, нагласи Донфрид.

Таа ја пофали земјава и во однос на јасно изразениот став околу руско-украинскиот спор.

-Вие сте бранители на демократијата и на владеењето базирано на правила. Застанавте заедно со меѓународните партнери во поддршка на украинскиот народ. Знаете колку е важна слободата и повеќе пати сте докале дека сте стабилен партнер. Ова е време на предизвици и можности Македонија покажа дека е способна да застане во одбрана на човековите права. Треба да го одржите темпото на реформите, но покажавте дека можете да се справите со предизвикот, подвлече американската помошник државнаа секретарка.

Таа дополни дека САД ја ценат и улогата на нашата држава во тројката на ОБСЕ, како и дека со нетрпение го очекуваат нашето претседавање.

Донфрид го најави и стратешкиот дијалог на двете влади што треба да се одржи во Вашингтон.

The post Донфрид: Премногу се одолговлекува меѓувладината конференција, Македонија исполни тешки задачи, заслужува брз напредок appeared first on Република.

Помошник-државната секретарка на САД за европски и евроазиски прашања Карен Донфрид денеска ќе ја посети Македонија во рамки на која ќе оствари средба со претседателот Стево Пендаровски, премиерот Димитар Ковачевски, министерката за одбрана, Славјанка Петровскаи и со нејзиниот домаќин, министерот за надворешни работи, Бујар Османи.

Како што соопшти МНР, во фокусот на разговорите се очекува да бидат билатералните односи меѓу двете земји, евроинтеграциските перспективи на Македонија, соработката во НАТО и актуелните состојби во земјава и регионот.
По средбата во МНР, Донфрид и Османи ќе одржат заедничка прес-конференција.
Посетатата на Донфрид на Скопје е во рамки на нејзината турнеја низ земјите од Западен Балкан. Како што соопшти Стејт департментот, Донфрид во Скопје ќе има средби со функционерите на земјава при што ќе изрази силна поддршка за преговорите на земјата за влез во ЕУ и ќе се заблагодари за помошта за Украина. Таа ќе ја повика Македонија, како најнова членка на НАТО, да ја продолжат блиската соработка за низа регионални, безбедносни и одбранбени прашања за промовирање на демократијата и регионалната стабилност.

Дел од турнејата на Донфрид на Западен Балкан се и Албанија, Босна и Херцеговина, Црна Гора, Србија и Косово, од каде на 25 април ја започне посетата на регионот.

Донфрид доаѓа во Македонија еден ден по посетата на Скопје на еврокомесарот за проширување Оливер Вархеји, кој на средбите со државниот врв во земјава порача дека се посветени да ги продолжат напорите за почеток на преговори со Македонија пред завршувањето на француското претседателство со Европската Унија. Вархеји во Скопје дојде од Софија каде си замина со истата порака – прашањето за почеток на преговорите на Македонија со ЕУ да се реши до крајот на франуцското претседателство, во јуни. вг/лв/

The post Помошник-државната секретарка Донфрид во посета на Македонија appeared first on Република.