Пораката „Не е до нив, до тебе е“ пристигна до многумина, затоа што караванот од оваа кампања отпатува низ повеќе градови низ Македонија. А во недела, диџеј Мац и актерот Бојан Кирковски доаѓаат во Скопје, во Градски парк на Школка. Затоа, доколку сакате да се забавувате, да се насмеете до солзи и на позитивен начин да донесете вистинска одлука, дека ВИЕ сте тие што ќе учествуваат во креирањето на вашата држава, не наоѓајте нови изговори и оваа недела (21.04.2024) во 15:00 часот, бидете во првите редови од публиката на Школка на стенд ап настапот на Бојан Кирковски.

Благодарение на оваа кампања, секој од нас ќе посвети многу поголемо внимание на правото на глас и на одговорноста што ја имаме кон нашата најголема граѓанска должност. Но, доколку ти сеуште со недоверба си го поставуваш прашањето „Што ќе смени баш мојот глас“, тогаш дефинитивно треба да ги зачуваш следните локации и датуми на караванот, за да го добиеш вистинскиот одговор – „Не е до нив, до тебе е„.

Диџеј Мац и Бојан Кирковски ви закажуваат следна средба уште утре, 19.04.2024 во Градски парк во Кочани, а караванот ќе патува и во Куманово - Градски плоштад (20.04.), Скопје, Центар – Школка (21.04), Битола - Широк сокак (22.04), Скопје, Ѓорче Петров – Парк (23.04), Прилеп - Градски плоштад (24.04) и Охрид - Плоштад ‚‚Св. Климент Охридски‘‘ (27.04).
Исто така, голем дел од познатите личности од македонската јавна сцена, со задоволство прифатија да бидат дел од оваа кампања, затоа што сите имаат една цел - заедно со граѓаните да се обидат да ги променат навиките и да ја издигнат свеста во Македонија за вредноста на правото на глас на повисоко ниво.

Искористете го викендот и оваа недела дојдете во Градски парк во Скопје, на Школка за да се насмеете на ваша сметка и низ урнебесна комедија да се уверите дека навистина, „Не е до нив, до тебе е“. Ако и ова неделно попладне не одвоите време за природа, стенд ап забава и за храбра одлука, тогаш дефинитивно, не е до нив, до вас е.

The post Караванот „Не е до нив, до тебе е“ во недела доаѓа во Градски парк на Школка appeared first on Република.

Кога е во прашање името на Бојана и Скендеровски продукција постојано има нови случувања. Имено на 23 март стартува втотиот дел од караванот „Македонијо во срце те носиме“. Прв на списокот градови е Свети Николе.

Концертот е закажан на 23 март на Тодорова сабота, а стартот на концертот е во 14 часот и истиот ќе се одржи во рамките на прославата која е традиционална во овој град и е по повод овој убав празник.

Значи, убавата македонска песна продолжуваме да ја славиме и оваа година, а пораката останува иста - дојдете заедно да пееме и да ја обоиме Македонија со најубавите звуци и, се разбира, да го зачуваме највредното – музичкиот аманет што ни го оставиле генерациите пред нас.

The post На 23 март стартува втотиот дел од караванот „Македонијо во срце те носиме“ appeared first on Република.

Караванот „Македонијо во срце те носиме“ во четврток (12 октомври) доаѓа во Скопје. По Штип, Велес, Битола, Прилеп, Кочани, Тетово и Кавадарци убавата македонска песна ќе се слушне и во главниот град, каде ќе биде заокружен првиот дел од приказната наречена „Македонијо во срце те носиме“, а која во овој дел од турнејата опфати осум града. Скопскиот концерт ќе се одржи во паркот пред салата Расадник во Кисела Вода, а е со почеток во 20:30 часот.

На репертоарот веќе ви е добро познато ќе се најдат сите 12 песни од проектот - „Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“... и, секако, химната на овој крај „Ми заплакало село Ваташа“..., а публиката ќе ги види и чуе Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасовска, Мина Блажев, ДНК, Ламбе Алабаковски и Миле Кузмановски.

„Македонијо во срце те носиме“ е проект со потписот на Скендеровски продукција, а аранжманот на сите 12 песни е на маестро Николче Мицевски. Проектот има за цел да им се продолжи векот на песните и да се испрати порака особено до младите генерации дека треба да го чуваме она што го имаме, највредното - нашата земја и нејзиното наследство.

Дојдете заедно да пееме и да ја обоиме Македонија со најубавите звуци и, се разбира, да го зачуваме највредното – музичкиот аманет што ни го оставиле генерациите пред нас.

The post „Македонијо во срце те носиме“ ја заокружува приказната во Скопје! appeared first on Република.

Караванот „Македонијо во срце те носиме“ вчера во Тетово беше на шеста средба со публиката од предвидените осум во целата земја. Убавата македонска песна се слушаше во Паркот на револуцијата, каде на репертоарот беа сите 12 песни од проектот – „Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“… и, секако, „Ми заплакало село Ваташа“…

Публиката на сцената ги виде и ги слушна Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасовска, Мина Блажев, ДНК, Ламбе Алабаковски и Миле Кузмановски.

Се пееше од срце, во еден глас, со развиорени македонски знамиња.

„Македонијо во срце те носиме“ е проект со потписот на Скендеровски продукција, а аранжманот на сите 12 песни е со потписот на Николче Мицевски. Проектот има за цел да им се продолжи векот на песните и да се испрати порака особено до младите генерации дека треба да го чуваме она што го имаме, највредното – нашата земја и нејзиното наследство.

The post „Македонијо во срце те носиме“: Во паркот во Тетово се пееше од срце, во еден глас, со развиорени македонски знамиња appeared first on Република.

Дојран беше местото каде се одржа третиот од серијата јавни настани за подигање на јавната свест помеѓу младите луѓе насловен „Дојди и раскажи ја својата приказна – Остави трага“. Во рамките на мултимедијалниот настан за подигнување на јавната свест во локалната заедница, особено меѓу младите луѓе и потребата за создавање на вистинско еднакво и различно општество, се одржа панел дискусија, на која покрај Министерката за труд и социјална политика, Јована Тренчевска, се обратија и Фатмир Битиќи, Заменик претседател на Владата, Сирил Бомгартнер, Амбасадор на Франција и Сања Лукаревска, Директорка на УЈП. Своите успешни и инспиративни приказни  ги раскажаа и Василка Салевска-Трајкова, која ја извршува функцијата Менаџер за корпоративни прашања во компанијата Филип Морис Интернешнл, Нева Грашиќ, советничка во Владата на Словенија, Марија Андреева, Проектна раководителка од Програмската канцеларија на Совет на Европа во Скопје, Претседателот на ФОП, Бленди Ходаи и асистентката на ИБУ Универзитетот, Назли Чан.

Министерката за труд и социјална политика, Јованка Тренчевска посочи дека е горда што денес како министерка може да остави трага правејќи конкретни позитивни промени во општеството.

The post Родовата рамнотежа да биде врвен приоритет appeared first on Република.

46,7 отсто од вкупното население во Македонија е вакцинирано со две дози против ковид-19, а само 8,9% се вакцинирани со трета доза. Многу е опаднат процентот на вакцнирани деца со втора доза против сипаници, па поради тоа Министертвото за здравство организира караван за информирање и вакцинација каде што ќе бидат посетени 24 населени места во Македонија.

Караванот почнува утре, на 19 октовмри, со поддршка од Агенцијата на САД за меѓународен развој (УСАИД), Фондот за деца при Обединетите нации (УНИЦЕФ) и Светската здравствена организација (СЗО).

Под слоганот „Заедно заштитени - вакцините делуваат“, караванот ќе пренесува до локалните заедници информации за редовните вакцини за деца, за вакцините против сезонски грип и за вакцините против КОВИД-19 и ќе овозможи вакцинација против КОВИД-19 на лице место.

Повеќе од два века вакцините им помагаат на луѓето да останат здрави - почнувајќи од првата вакцина за заштита од големи сипаници, па сѐ до најновите вакцини што се користат за спречување тешки случаи на КОВИД-19. Оттогаш, семејствата и заедниците веруваат дека вакцините овозможуваат заштита за сите - од новороденчиња до повозрасни лица, велат од МЗ.

Пандемијата КОВИД-19 предизвика огромен притисок кај здравствените системи и услуги, а нарушувањата го загрозија долгогодишниот тешко стекнат напредок во редовната вакцинација кај деца. На пример, процентот на деца кои ја примиле втората доза против сипаници опаднал од 93,4 отсто во 2019 година на 68,5 отсто во 2020 година, со покачување на 80,4 отсто во 2021 година.

Бидејќи караванот почнува во пресрет на сезоната на грип, тој ќе споделува информации за вакцинација против сезонскиот грип во контекст на ковид-19. Повторно ќе се истакне потребата од вакцинирање против ковид-19, бидејќи 46,7% од вкупното население во Македонија се вакцинирани со две дози, а само 8,9% се вакцинирани со трета доза. Тимовите за имунизација кои патуваат со караванот ќе обезбедат вакцинација против ковид-19 на лице место.

За време на настаните ќе има на располагање и услуги за мерење крвен притисок, организирани во соработка со Црвен Крст на Македонија.

Во продолжение е списокот на времето и локациите кога караванот ќе ги посети заедниците низ целата земја:

• 19-ти октомври Плоштад Куманово [10:00-12:00 ч.]; Черкези, училишниот двор [12:30-14:30 ч.]; и Старо Нагоричане, пред Општината [15:00-17:00 ч.]
• 20-ти октомври Плоштад Струмица [10:00-12:00 ч.]; Ново Село, пред болницата [12:30-14:30 ч.] и Василево, пред Домот на културата [15:00-17:00 ч.]
• 21-ти октомври Велес, пред театарот [10:00-12:00 ч.]; Чашка, на Плоштадот кај Општината [12:30-14:30 ч.]; и Бузалково, до општината [15:00-17:00 ч.]
• 22-ти октомври Прилеп, пред Старата Чаршија [10:00-12:00 ч.]; Долнени, пред општината [12:30-14:30 ч.]; и Кривогаштани, пред Општината [15:00-17:00 ч.]
• 23-ти октомври Битола, Саат-кула [10:00-12:00 ч.]; Новаци, до пазарот Шик [12:30-14:30 ч.]; и Могила [15:00-17:00 ч.]
• 24-ти октомври Охрид, Плоштад Крушевска Република [10:00-12:00 ч.]; Мешеишта, до полигонот [12:30-14:30 ч.]; и Косел, [15:00-17:00 ч.]
• 25-ти октомври на Плоштад Тетово [10:00-12:00 ч.]; Боговиње, пред општината [12:30-14:30 ч.]; и Теарце, Училишниот двор на основното училиште „Кирил Пејчиновиќ“ [15:00-17:00 ч.]
• 26-ти октомври Плоштад Скопје [10:00-12:00 ч.]; Сарај, пред основното училиште „Дитуриа“ [12:30-14:30 ч.]; и Ракотинци, пред Општината [15:00-17:00 ч.]

The post 46,7 отсто од вкупното население во Македонија е вакцинирано со две дози против ковид-19, многу е опаднат процентот на вакцнирани деца со втора доза против сипаници, МЗ организира караван за имунизација во 24 места appeared first on Република.

По посетени вкупно 14 градски и рурални подрачја низ целата држава, во Струга денеска ќе заврши караванот за вакцинација против КОВИД-19. Освен можноста да се прими вакцина против вирусот, медицинските екипи, Црвениот крст и студенти од медицински здруженија презентираа веродостојни информации за вакцинацијата и придобивките од неа, како и за ризиците од одложување на вакцинирањето.

Караванот за промоција на вакцинацијата како безбедна имунизација започна на 21 март во Шуто Оризари, а ќе заврши денеска во Струга, каде од 11 до 15 часот на новото шеталиште граѓаните ќе можат да се имунизираат против коронавирусот.

Согласно податоците од Институтот за јавно здравје, речиси 41,2 проценти од вкупното население во земјава е вакцинирано со две дози, а со помош на Караванот пријавено е зголемување од над 11 отсто во просечниот дневен број на вакцинирани лица.

Во текот на вчерашниот ден регистрирани се 300 нови случаи на КОВИД-19, од вкупно 2.493 тестови. Оздравени се 197 лица, од кои 129 се од Скопје, а починато е едно лице од Битола на 71-годишна возраст во болнички услови.

Досега во земјата се направени вкупно 1.966.968 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 306.474, бројот на оздравени пациенти е 295.434, на починати е 9.227, а бројот на активни случаи изнесува 1.813.

Од следната недела се очекува Главниот координативен кризен штаб да ги прифати мерките предложени од Комисијата за заразни болести, која препорача да се укине мерката за носење маски за средношколците и повторно да се организираат училишни екскурзии во основните и средните училишта.

Овој предлог на Комисијата доаѓа откако Владата неделава ги усвои мерките за укинување на маските за учениците од основните училишта, настава со физичко присуство на факултетите, но со задолжително носење заштитна маска и максималната исполнетост на капацитетот на отворен и затворен простор од досегашниот до 75 проценти, како и укинување на обврската за задолжително поседување сертификат за вакцинација или прележаност во отворениот дел на угостителските објекти.

The post Последен ден од караванот за вакцинација, забележан раст во просечниот дневен број на вакцинирани appeared first on Република.

За 12 дена потрошени едвај 40-тина вијали на „Фајзер“ во Караванот за имунизација. Во мобилните пунктови во Шуто Оризари, Ново Село, Струмица вакцини примиле над 200 граѓани. Најголем број од нив биле за трета доза, а ретки биле оние кои првпат се појавиле пред вакцинални тимови. Здравствените власти велат дека зголемувањето на опфатот е минимален и во земјата сеуште има 41,2 проценти вакцинирани што е далеку од европскиот просек.

Целта на караванот е да ги поттикнеме граѓаните да одат на вакцинација бидеји голем дел од населението останува незаштитено од можните тешки последици на ковид 19. Невакцинираните имаат поголем ризик од фатален исход, изјави др. Владимир Рендевски заменик министер за здравство.

Караванот за вакцинирање против КОВИД-19 денеска ќе биде во Кичево, а ќе заврши утре во Струга. Надлежните апелираат граѓаните да се вакцинираат со цел да се заштитат од тешки форма на болеста, хоспитализација и смрт поради инфекција со КОВИД-19.

Во рамки на караванот, како што соопшти вчера Министерството за здравство, се остварени посети на вкупно 14 градски и рурални подрачја низ целата држава.

Бројот на активни случаи во државава вчера изнесуваше 1.715 од кои најголем број 919 во Скопје. Според вчера објавените податоци од Институтот за јавно здравје, при направени 1986 тестови регистрирани се 201 нови случаи на КОВИД-19 од кои 37 се реинфекции, оздравени се 249 пациенти, а починати се две лица.

Вкупната бројка на КОВИД-дијагностицирани лица во нашата земја од почетокот на епидемијата изнесува 306.178, бројот на оздравени пациенти е 295.237, а на починати е 9.226.

The post Само 200 граѓани примиле вакцина на вакциналниот караван appeared first on Република.

Министерството за здравство со поддршка од Светска здравствена организација, УСАИД и УНИЦЕФ од понеделник (21 март) почнува со караван за вакцинација против Ковид-19, кој ќе опфати 14 локални заедници низ државата. На секое од овие места, согласно распоредот, граѓаните ќе имаат можност да се вакцинираат и да се информираат за придобивките од имунизацијата против Ковид-19. Исто така, на овие локации граѓаните кои се вакцинирани во странство ќе имаат можност да се евидентираат во системот МојТермин, соопшти Министерството за здравство.

Имајќи предвид дека невакцинираната популација има поголем ризик од смртен исход од Ковид-19, во споредба со вакцинираните, тоа значи дека голем дел од популацијата останува незаштитена. Одлуката за вакцинирање не треба да се одложува. Вакцинирањето е побезбеден начин за заштита на здравјето, отколку инфекцијата со вирусот, која може да доведе до смртен исход, а бустер дозите овозможуваат континуирана и максимална заштита, велат од МЗ.

Покрај активностите од караванот за вакцинација, кои ќе се реализираат во следните две недели и ќе опфатат 14 локални заедници, граѓаните имаат можност секој ден да се вакцинираат и во здравствените домови во државата.

Инаку, статистичките податоци покажуваат дека се намалува старосната граница на заразени од коронавирус кои развиваат тешка клиничка слика на болеста. Меѓу последно евидентираните хоспитализации и смртни случаи, предизвикани од компликации на Ковид-19 во земјава има сè повеќе млади лица, кои се на удар и во најголем ризик во четвртиот бран на пандемијата, така што со овој караван целта е да ја приближиме можноста за вакцинирање до сите категории граѓани кои досега не се вакцинирале, додаваат од МЗ.

Вакцините кои се користат се сигурни и безбедни, и здравствените домови располагаат со доволни количини вакцини.

Вакцинацијата останува најефикасна заштита од заболување, развивање тешка форма на болеста, хоспитализација и смрт, а колективниот имунитет е единствениот начин да се победи пандемијата.

Во продолжение распоредот со локации кои се вклучени во организиран караван:

21 март од 11 до 15 часот – Шуто Оризари, плоштад
22 март од 12 до 16 часот – Кратово, плоштад
23 март од 12 до 16 часот – Радовиш, плоштад
24 март од 12 до 16 часот – Струмица, плоштад
25 март од 12 до 16 часот - Ново Село (Струмица), на пазарот
26 март од 11 до 15 часот – пред Ист Гејт Мол во Скопје
27 март од 11 до 15 часот – Куманово, плоштад
28 март од 12 до 16 часот – Липково, паркинг во село Матејче
29 март од 12 до 16 часот – Арачиново, до поштата
30 март од 12 до 16 часот – Чучер Сандево, во ОЈУ Партизански дом во село Сандево
31 март од 12 до 16 часот – Зелениково, во дворот ОУ „Марко Цепенков“
1 април од 12 до 16 часот – Врапчиште, Дом на култура во село Неготино
2 април од 11 до 15 часот – Кичево, Дом на култура
3 април од 11 до 15 часот – Струга, Ново Шеталиште

The post Тргнува караванот за вакцинација против ковид-19 во повеќе општини низ државата appeared first on Република.

Караван за вакцинација против Ковид-19 стартува од понеделник во 14 локални заедници низ државата. Активноста на Министерството за здравство е со поддршка од Светската здравствена организација, УСАИД и УНИЦЕФ.

Од МЗ порачаа дека вакцините кои се користат се сигурни и безбедни и оти здравствените домови располагаат со доволни количини. Вакцинацијата, истакнаа, останува најефикасна заштита од заболување, развивање тешка форма на болеста, хоспитализација и смрт, а колективниот имунитет е единствениот начин да се победи пандемијата.

На секое од местата опфатено со караванот граѓаните ќе имаат можност да се вакцинираат и да се информираат за придобивките од имунизацијата против Ковид-19. Исто така, на овие локации граѓаните кои се вакцинирани во странство ќе имаат можност да се евидентираат во системот „МојТермин“.

Организираниот караван за вакцинација ќе се спроведува:

 на 21 март од 11 до 15 часот на плоштадот во Шуто Оризари,

на 22 март од 12 до 16 часот на плоштадот во Кратово,

на 23 март од 12 до 16 часот на плоштадот во Радовиш,

на 24 март од 12 до 16 часот на плоштадот во Струмица,

на 25 март од 12 до 16 часот на пазарот во струмичко Ново Село,

на 26 март од 11 до 15 часот пред Ист Гејт Мол во Скопје,

на 27 март од 11 до 15 часот на плоштадот во Куманово,

на 28 март од 12 до 16 часот на паркингот во селото Матејче во Липково,

на 29 март од 12 до 16 часот до поштата во Арачиново,

на 30 март од 12 до 16 часот во ОЈУ Партизански дом во село Сандево во Чучер Сандево,

на 31 март од 12 до 16 часот во дворот ОУ „Марко Цепенков“ во Зелениково,

на 1 април од 12 до 16 часот во Домот на културата во село Неготино во Врапчиште,

на 2 април од 11 до 15 часот во Домот на културата во Кичево и

на 3 април од 11 до 15 часот кај новото шеталиште во Струга.

– Имајќи предвид дека невакцинираната популација има поголем ризик од смртен исход од Ковид-19, во споредба со вакцинираните, тоа значи дека голем дел од популацијата останува незаштитена. Одлуката за вакцинирање не треба да се одложува. Вакцинирањето е побезбеден начин за заштита на здравјето, отколку инфекцијата со вирусот, која може да доведе до смртен исход, а бустер дозите овозможуваат континуирана и максимална заштита. Покрај активностите од караванот за вакцинација, кои ќе се реализираат во следните две недели и ќе опфатат 14 локални заедници, граѓаните имаат можност секој ден да се вакцинираат и во здравствените домови во државата, потенцираат од Министерството.

Статистичките податоци на МЗ покажуваат дека се намалува старосната граница на заразени од коронавирус кои развиваат тешка клиничка слика на болеста. Меѓу последно евидентираните хоспитализации и смртни случаи, предизвикани од компликации на Ковид-19 во земјава има сè повеќе млади лица, кои се на удар и во најголем ризик во четвртиот бран на пандемијата, така што, истакнуваат од МЗ, целта со овој караван е да ја приближиме можноста за вакцинирање до сите категории граѓани кои досега не се вакцинирале.

Според податоците на Министерството за здравство, во земјава вчера се евидентирани нови 319 случаи на КОВИД-19, од направени 2.250 тестови. Пријавени се двајца починати во изминатите 24 часа, а оздравеле 288. Од вкупниот број на позитивни (319), регистрирани се 54 реинфекциии.

Од почетокот на пандемијата, вкупната бројка на КОВИД-дијагностицирани лица во земјава достигна 302.867. Оздравени се 291.719 пациенти, а битката со вирусот ја изгубиле 9.164 лица.

The post Преку организиран караван ќе се зголемува вакцинацијата против Ковид-19 appeared first on Република.

Министерството за здравство со поддршка од Светска здравствена организација, УСАИД и УНИЦЕФ од понеделник (21 март) почнува со караван за вакцинација против Ковид-19, кој ќе опфати 14 локални заедници низ државата. На секое од овие места, согласно распоредот, граѓаните ќе имаат можност да се вакцинираат и да се информираат за придобивките од имунизацијата против Ковид-19. Исто така, на овие локации граѓаните кои се вакцинирани во странство ќе имаат можност да се евидентираат во системот МојТермин, соопшти Министерството за здравство.

Имајќи предвид дека невакцинираната популација има поголем ризик од смртен исход од Ковид-19, во споредба со вакцинираните, тоа значи дека голем дел од популацијата останува незаштитена. Одлуката за вакцинирање не треба да се одложува. Вакцинирањето е побезбеден начин за заштита на здравјето, отколку инфекцијата со вирусот, која може да доведе до смртен исход, а бустер дозите овозможуваат континуирана и максимална заштита, велат од МЗ.

Покрај активностите од караванот за вакцинација, кои ќе се реализираат во следните две недели и ќе опфатат 14 локални заедници, граѓаните имаат можност секој ден да се вакцинираат и во здравствените домови во државата.

Инаку, статистичките податоци покажуваат дека се намалува старосната граница на заразени од коронавирус кои развиваат тешка клиничка слика на болеста. Меѓу последно евидентираните хоспитализации и смртни случаи, предизвикани од компликации на Ковид-19 во земјава има сè повеќе млади лица, кои се на удар и во најголем ризик во четвртиот бран на пандемијата, така што со овој караван целта е да ја приближиме можноста за вакцинирање до сите категории граѓани кои досега не се вакцинирале, додаваат од МЗ.

Вакцините кои се користат се сигурни и безбедни, и здравствените домови располагаат со доволни количини вакцини.

Вакцинацијата останува најефикасна заштита од заболување, развивање тешка форма на болеста, хоспитализација и смрт, а колективниот имунитет е единствениот начин да се победи пандемијата.

Во продолжение распоредот со локации кои се вклучени во организиран караван:

21 март од 11 до 15 часот – Шуто Оризари, плоштад
22 март од 12 до 16 часот – Кратово, плоштад
23 март од 12 до 16 часот – Радовиш, плоштад
24 март од 12 до 16 часот – Струмица, плоштад
25 март од 12 до 16 часот - Ново Село (Струмица), на пазарот
26 март од 11 до 15 часот – пред Ист Гејт Мол во Скопје
27 март од 11 до 15 часот – Куманово, плоштад
28 март од 12 до 16 часот – Липково, паркинг во село Матејче
29 март од 12 до 16 часот – Арачиново, до поштата
30 март од 12 до 16 часот – Чучер Сандево, во ОЈУ Партизански дом во село Сандево
31 март од 12 до 16 часот – Зелениково, во дворот ОУ „Марко Цепенков“
1 април од 12 до 16 часот – Врапчиште, Дом на култура во село Неготино
2 април од 11 до 15 часот – Кичево, Дом на култура
3 април од 11 до 15 часот – Струга, Ново Шеталиште

The post Од понеделник започнува караван за вакцинација против Ковид-19 во повеќе општини низ државата appeared first on Република.