Верувале или не, вашиот избор кажува многу за вашата личност.

The post Што открива изборот на пијалок за вас? appeared first on Република.

Се верува дека постојат точки на лицето со помош на кои може да се анализира карактерот. Една од нив е бојата на очите.

Темносина боја на очите значи дека личноста е сензуална и отворена, но истовремено нежна и чувствителна.

Темнозелени очи означуваат енергија и инвентивност. Луѓето со зелени очи се спонтани и луцидни и кога сте со нив во друштво, навистина треба да си ја изострите својата интелигенција.

Чоколадно-кафени очи упатуваат на страстен карактер, лојалност и посветеност. Исто така, овие личности напорно работат за да обезбедат удобен живот за своето семејство. Кафените очи обично упатуваат на великодушност.

Сивите очи означуваат висок степен на интелигенција и рафинираност, но недоволно страст, бидејќи овие личности имаат склоност да размислуваат и премеруваат.

Црните очи се многу ретки, а ги имаат доминантни и впечатливи луѓе, кои својата цел нема секогаш да ја постигнат на најфиниот начин.

The post Бојата на очите го открива карактерот appeared first on Република.

Ритамот на животот нѐ притиска, ништо не можеме да стигнеме, не се дружиме, а дури и не успеваме да ги анализираме луѓето, нивните склоности и навики. За тие драгоцени информации често бараме помош од астролог или нумеролог. Меѓутоа, постои поедноставен начин да дознаеме сѐ за некој човек. Доволно е да го прашаме за неговата крвна група.

За почеток да напоменеме: крвните групи се разликуваат по присуството или отсуството на т.н. сврзувачки фактор. Можно е тоа да е некако поврзано со способноста за коагулација, поточно: колку е повисок неговиот индекс, толку е послабо својството на згрутчување на крвта. Според основната класификација, постојат четири крвни групи: 0, А, Б и АБ.

Секако, и животот го коригира нечиј карактер, така што овде се зборува само за тенденциите во однесувањето на одредена личност.

Резиме на јапонски начин

Што и да мислат скептиците, теоријата за поврзаноста на карактерот и крвната група има научна потврда. Имено, многу истражувачи ја испитувале таа зависност на историски, психолошки, медицински, па дури и на мистичен план.

Денес водечки приврзаник на оваа теорија е доктор Тошитака Номи, чиј татко исто така многу години се занимавал со врската помеѓу крвната група и психичките карактеристики на човекот. Уште во 1980 година, Номи со Александар Бешер ја напиша книгата „Ти – тоа е твојата крвна група“, која веднаш стана бестселер.

Само во Јапонија се продадени шест милиони примероци! Не навлегувајќи во биохемиските карактеристики, авторот на едноставен јазик објаснил како да постапуваме со луѓето од различните крвни групи за да постигнеме успех, што треба да избегнуваме за да не се разболиме, но и со кого да се венчаме. Тука се дури наведени описи на страшни последици за оние што ќе ги занемаруваат неговите совети.

Можеме да веруваме или не на сензационалните изјави на авторот, но во Земјата на Изгрејсонцето „кецу-еки-гата“ е сериозен тест на компатибилноста. Менаџерите за човечки ресурси многу сериозно се поставуваат спрема анализата на крвната група при приемот на работниците на работа.

На железничките станици и во трговските центри и ресторани има апарати што ја одредуваат крвната група на основа на капка крв, и не само тоа, постои друштвото „АБ0“, со филијали во целата земја. Целта на оваа организација е да им помогне на поединците и на претпријатијата во прогнозата за ефикасноста на работата на одредена личност и за нејзината психичка компатибилност со колегите.

Наследство од предците

Јапонците сметаат дека секоја крвна група водела тешка и карактеристична борба за своето постоење. Без обѕир на тоа што таквиот пристап е преполн со догматски замки, постојат многу научни трудови во кои се следи врската помеѓу компатибилноста на крвните групи и бројот на браковите и разводите, успешноста во одредена работа, методите на зачувување на здравјето, особеностите на исхраната итн.

Многу современи научници – специјалисти во областа на хематологијата не се сомневаат во биолошката врска помеѓу крвната група и реакцијата на стрес. Низ еволуцијата се менувале дигестивниот тракт, имунитетот и ендокриниот систем, а бројот на крвните групи се зголемувал. Паралелно еволуирал и мозокот, со самото тоа и системите што се одговорни за умствените и емоционалните реакции.

Се појавиле различни психолошки типови и обрасци на однесување што се нераскинливо поврзани со крвната група. Тоа е како штафета што ни ја предале предците. Не е чудно што кај народот се вели „лоша крв“ немајќи го предвид духовниот, туку психичкиот аспект на нечија личност.

Официјално не постои научна дисциплина хематопсихологија, но податоците за кои се зборува овде не се видени во шолја од кафе или на гравчиња. Тие се резултат на илјадагодишни емпириски забележувања, кои на одреден начин се обединети и класифицирани.

0-група Најенергичните луѓе

Се смета дека припадниците на крвната група нулта се насочени на постигнување одреден резултат.

Оваа група предводи по бројот на своите претставници (до 45% од жителите на Земјата). Ако вашиот познаник зрачи со оптимизам, сака да ризикува и тешко пронаоѓа компромиси, веројатно има крвна група нулта.

На мажите им се допаѓа да бидат лидери, имаат самодоверба и се доста осетливи на критики на нивна сметка. Проблемот е во тоа што наведените карактеристики често раѓаат самољубје, што, секако, влијае на односите со луѓето.

Оној што за партнерка ќе избере жена со крвна група нулта треба да има предвид висока сексуалност. Запаметете, нивната девиза е „што е мое, не го давам на никого“, така што се можни изливи на љубомора.

А-група Способност за самоконтрола

Носителите на А-група (има приближно 35%) одлично се согласуваат во тим. Главно се скромни и друштвени луѓе, не им е туѓа пристојноста, како ни способноста за приспособување на опкружувањето.

Основна црта: способност да владеат со себе и да не противречат. Развиената интуиција им помага да најдат решение во сложени ситуации, а умот и воздржаноста ги прават успешни во животот. Меѓутоа, толку атрактивниот збир на лични квалитети понекогаш треба скапо да се плати.

Главен непријател на луѓето со оваа крвна група е акумулирањето на стресот. Обидувањето сѐ да се држи под контрола и „чувањето сѐ во себе“ доведуваат до пораст на анксиозноста. Како резултат на тоа може да настапи момент кога преовладуваат емоциите, што генерално и не е лошо.

Полошо е доколку вештината да се изборите со себе го турка човекот во психосоматско заболување од типот „каде што е најтенко, таму се кине“. Така што девиза на оваа група е „научете да ја намалите напнатоста“!

За мажите со оваа крвна група често се својствени срамежливост и романтичен пристап во љубовните односи. Оние што ја ценат верноста кај жените, нека бараат припаднички од А-група.

Б-група Искрени и деловни

Носители на крвната група Б има само 14%. За разлика од претходните групи и претставници што го акумулираат стресот, Б-типот е многу пофлексибилен и умее да се спаси од негативните емоции. Луѓето со оваа крвна група знаат да ги комбинираат искреноста и деловноста, што не е секогаш едноставно, дури понекогаш е и противречно.

Не сакаат да зависат од никого и постојано се трудат да менуваат нешто во својот живот. Тие бараат партнери блиски по духот. Ако не најдат таков, жените со оваа крвна група често имаат проблеми во бракот.

За жал, основна слаба точка на претставниците од Б-група им е што многу длабоко ги допира неправдата што се однесува лично на нив. Доколку меѓу вашите подредени имате луѓе со оваа крвна група, знајте дека со викање и понижување нема да постигнете ништо добро.

АБ-група Најретка на планетата

И на крајот, АБ-групата е најретка на планетата. Се среќава само кај седум проценти луѓе.

Тие во комуникацијата се доста меки и секогаш се подготвени да го сослушаат и да го разберат соговорникот. Меѓутоа, се стекнува впечаток дека со никого не сакаат да ги расипуваат односите. Во тоа всушност е и нивната внатрешна противречност. Кога ќе се сретнат со човек што е за нив непријатен, тие сѐ решаваат без конфликт, дипломатски, што води кон внатрешни конфликти. Ако земеме во обѕир дека имунолошкиот систем на претставниците на оваа група не е силен, меѓу нив има многу невротичари.

Нивен основен проблем е неодлучноста. Носителите на оваа група често се уметници, но нивниот манир да се трошат („досадно е да се занимаваш само со едно нешто“) претставува пречка во постигнувањето сериозен успех во некоја област.

Умот и кротката нарав на овие мажи ги привлекуваат жените, но треба да се има предвид дека длабочината на чувствата не им е најсилната црта на овие луѓе. Што се однесува на дамите, претставничките на групата АБ кај спротивниот пол многу ги ценат посветеноста и вниманието.

Сега, кога знаете сѐ за врската помеѓу крвната група и карактерот, треба само да го „примените“ своето знаење на роднините и на пријателите и да ги согледате од поинаков агол…

Извор: Убавина и здравје

The post Крвната група го одредува карактерот appeared first on Република.

Дали ви е важна страста или блискоста? Контактот со очи или допирот на мека кожа? Сите ваши афинитети во сексот откриваат многу работи за вашиот карактер, а најмногу работи открива позата што ви е омилена вам и на вашиот партнер.

Мисионерска поза

Кај мажите оваа поза сугерира дека сакаат да играат на сигурно, но и дека би можеле да бидат посамоуверени. Оваа поза им е омилена на оние кои сакаат интимност. Ако сте жена и ова е вашата омилена поза, најверојатно многу брзате во животот и сексот и сакате да се опуштите.

Каубојска поза

Оваа поза ја одбираат жените кои сакаат да доминираат. Многу се самоуверени и сакаат да имаат моќ. Ова може да е знак и дека мажот сака да биде потчинет во сексот, но е и многу грижлив и посветен во исполнувањето на женските желби.

Кучешка поза

Оние кои ја сакаат оваа поза бараат восхит и возбуда во животот. Добро се запознаени со нивната дива страна. Жените на кои им е омилена оваа поза најчесто сакаат да бидат потчинети, додека кај мажите може да укажува на бегање од интимноста.

Лажичка

Блискоста и интимноста што ги пружа оваа поза се многу романтични и им овозможува на паровите да постигнат и страст, но и нежност. Жените кои ја обожаваат, сакаат бавен и сензуален секс, но во животот се опуштени. Мажите кои ја сакаат оваа поза, се грижливи и романтични.

The post Што открива вашата омилена секс поза за вашиот карактер? appeared first on Република.

Со секој ден од неделата владее конкретна планета која носи одредени аспекти, карактеристики и особини кои ги носиме со своето раѓање

Понеделник: Ова е непостојан и променлив ден. Може да биде добар за писатели бидејќи има аспекти на будење инспирација и фантазија. Месечината во астрологијата симболизира женски принцип и ги штити припадничките на понежниот пол. Дамите родени во понеделник најчесто се добри сопруги и мајки како и одлични домаќинки

Вторник: Владeтел на вториот ден од неделата е Марс. Борци,хероји, витези се раѓаат на овој ден. Во минатот се сметало дека вторник е многу тежок ден бидејќи било забележано дека токму на овој ден започнувале војни и воени удари. Ден за акција, почетоци, борби, драстични промени и смели потези. Не се препорачува одмор. Во вторник започнувајте ги сите нови проекти.

Среда: Владар на третиот ден е Меркур, планета која се поврзува со трговија, знаење и информации. Умот станува најактивен, љубопитен и отворен за комуникација. Луѓето родени во среда размислуваат многу брзо. Овој ден е погоден за патувања, склучување договори, нови контакти, административна и интелектуална работа.

Четврток: Со овој ден владее Јупитер. Луѓето родени во четврток ги привлекуваат другите со својот оптимизам и широкоградост. Тие се родени водачи и најчесто имаат висока положба во друштвото. Во старите култури луѓето родени во четврток биле избирани за свештеници и важеле за мудреци.

Петок: Божицата на љубовта (Венера),убавината и уживањето владеат со овој ден. Се смета дека родените во петок носат мир, хармонија и убавина. Тие се уметници, естети, дипломати и се во постојана потрага по сензуални уживања. Ова е ден кога луѓето се расположени за опуштање и забава. Но, петок не е погоден за венчавки и љубовни состаноци. Во петок не многу веројатно да се попушти пред телесните желби и ниските страсти.

Сабота: Со овој ден владее Сатурн,во сабота се раѓаат филозофи,научници и осаменици. Луѓето родени во сабота имаат многу сериозен став за животот и имаат развиено чувство за одговорност. Склони се да бидат тажни и загрижени. Овој ден е погоден за завршување стари обврски но не и за започнување нови. Сабота е непогоден ден за венчавки и долги патувања.

Недела: Со седмиот ден во неделата владее Сонцето. Луѓето родени во недела зрачат со позитивна енергија,дарежливост и љубов кон животот. Ова е ден за прослави, креативност, среќа и успех. Најдобар ден за венчавки и за воведување промени во животот. Неделата е погоден ден и за медицински третмани бидејќи тогаш започнува нов циклус за опоравување на организмот. Родените во недела се харизматични и ведри. Не им се покоруваат на нормите, секогаш се во потрага кон нешто ново. Тоа се стабилни личности на кои ги следи среќа во животот. Неделата не е погодна за изолација и медитација

The post Во понеделник се раѓаат одлични домаќинки, во петок страсни љубовници appeared first on Република.

Некои карактерни особини може да бидат опасни и важно е да се внимава кога ќе се појават. Одредени знаци од Зодијакот тоа ги прави поопасни од другите и тие се познати по нивното агресивно однесување

Скорпија

Родените во овој знак се жестоки и упорни, страсни лидери и опсесивно сакаат да контролираат се. Лесно одат до врвот на моќта, но се потпираат на агресивно однесување и имаат тенденција да чуваат тајни кога им одговара.

Овие особини ги ставаат на врвот на оваа листа. Тие се манипулатори кои никој никогаш не може да ги измами, добри се во сарказамот и „спуштање“ на другите.

Лав

По природа како лидер, Лавовите ја сакаат моќта исто како и Скорпиите. Имаат подеднакво доминантни личности кои се проникнати со ароганција и секогаш се во центарот на вниманието.

Тие се неодоливи за другите поради нивниот шарм и способност добро да се забавуваат. Овој магнетизам ги прави моќни и опасни во присуство на други. Гледаат како некој се однесува со нив и жестоко ги казнуваат оние што им нанесуваат штета.

Овен

Родените во знакот Овен сакаат брзина и конкуренција. Нивните очекувања се секогаш златен медал и шанса да го освојат. Овните се импулсивни и подеднакво агресивни.

Во секој случај, опасно е другите луѓе да им застанат на патот. Гневот кај Овенот можете да го препознаете по неговото ладно однесување.

The post Овие три хороскопски знаци се лидери, но и валкани играчи склони кон агресивно однесување appeared first on Република.

Во книгата „Прво лице: зачудувачки искрен автопортрет“ објавена во 2000 година, се откриваат голем број неверојатни детали од животот и детството на рускиот претседател Владимир Путин, кои оставиле силен белег на неговиот карактер.

Владимир Путин е роден на 7 октомври 1952 година во Ленинград, денешен Санкт Петербург. За време на Втората светска војна, Ленинград беше под опсада 900 дена. Во тој период, повеќе од милион луѓе умреле од глад, а многу семејства биле уништени. Татко му отишол во војната, а Путин во една од своите книги напиша дека неговата мајка била на работ на смртта за време на војната.

Еднаш мајка ми се онесвести од глад. Луѓето мислеа дека е мртва. За среќа, мајка ми се разбуди на време и почна да стенка - напиша тој.

Неговиот татко успешно се вратил од војната, но тој до крајот на животот кривел поради повредите предизвикани од шрапнели.

Се верува дека брачната двојка Путин изгубила две поголеми деца, едното починало од дифтерија за време на војната, а другото поради друга детска болест. Владимир Путин бил „бебе чудо“ кое пристигнало доцна. Неговиот семеен дом бил ужасен, а неговото семејство морало да го сподели со уште две семејства.

Немаше топла вода, немаше када. Тоалетот беше ужасен и беше толку ладно, ужасно - вели неговата поранешна учителка Вера Дмитриевна Гуревич.

Куќа полна со стаорци

Првата „војна“ што ја водел сегашниот руски претседател Владимир Путин била војната против стаорците што се појавиле во ходниците на неговиот мрачен детски дом во трошната советска станбена зграда.

На влезот имаше орди стаорци. Јас и моите пријатели ги бркавме со палки. Еднаш забележав огромен стаорец и го бркав по ходникот додека не го истерав во ќош. Немаше каде да бега. Одеднаш се фрли кон мене. Бев изненаден и исплашен бидејќи сега стаорецот ме бркаше мене. За среќа бев малку побрз и успеав да му ја затворам вратата пред носот. Тогаш многу добро ја сфатив изреката „Набиен во ќош“ - пишува Путин во книгата „Прво лице: зачудувачки искрен автопортрет“.

Бил малтретиран од неговите врсници

Путин како дете бил малтретиран од своите врсници. Тој бил стен за своите години, па морал брзо да зајакне. Сега тој има црн појас и сака светот да го знае тоа.

Родителите на Путин работеа дење и ноќе, мајка му работеше на разни неквалификувани работи. Малиот Вадимир беше оставен сам на себе. Се дружеше во дворот со други момчиња, како и сите деца. Често го малтретираа, се додека не почна да тренира самбо, руска верзија на боречки вештини, а подоцна се префрли на џудо - пишува Маша Гесен, авторка на „Човекот без лице: Неверојатниот подем на Владимир Путин“.

Во својата книга, Хесен наведува дека Путин е „остар, многу амбициозен и многу, многу алчен“ и дека неговите родители ја „хранеле“ таа алчност. Така Путин како тинејџер имал часовник, нешто што неговиот татко го немал. Кога неговите родители освоиле автомобил, тие наводно му го дале на нивниот син студент.

Неговите родители го третираа како „крал“ и му даваа чувство дека секогаш е во право - смета Гесен.

Еден од тие докази би можел да биде неговата „Путинова палата“, па за неговата потреба да се чувствува супериорно говорат фотографиите на кои тој јава гол до појас или фотографијата со францускиот претседател Емануел Макрон, кој седи на другиот крај од долгата маса.

Според податоците објавени на веб-страницата на Кремљ, Путин сакал да работи во разузнавачката служба, дипломирал право на Државниот универзитет во Ленинград, има и докторат по економија, а бил избран меѓу 100 и повеќе студенти за КГБ.

Неговата најистакната особина, според мене, беше неговата борбеност и силната волја да ги постигне своите цели - вели неговиот колега од факултетот и КГБ, Павел Кошелев.

Во доцните 1980-ти, Путин бил испратен во Дрезден, Источна Германија, да работи на борбата против шпионирањето. Бил офицер на КГБ, а дојде на чело на ФСБ, по што стана наследник на Борис Елцин кога тој поднесе оставка во 1999 година.

Путин изјави дека неговата кариера во КГБ го подготвила за претседател.

Дисциплинирано однесување и денес е јасно видливо бидејќи тој работи помеѓу 16 и 17 часа на ден. Во средината на 1980-тите се ожени со Људмила Путин, поранешна стјуардеса и со неа има две ќерки.

Откако тој и Људмила се разведоа во 2014 година, таа наводно рекла:

„Нашиот брак заврши поради фактот што едвај се гледаме. Владимир е целосно задлабочен во својата работа“.

The post Во сиромашниот дом се борел со стаорци, другите деца го малтретирале: Непознати детали од детството на Владимир Путин appeared first on Република.