За изборите догодина со Предлог-буџетот за 2024-та се предвидени една милијарда денари или за секој циклус по 500 милиони денари, рече денеска министерот за финансии Фатмир Бесими.

Според него, планираните капитални инвестиции за време на изборите не смеат да се промовираат, но нивната реализација нема да се стопира.

-Јасно е во Законот за спречување на корупција дека за време на избори, тоа што е проектирано не се прекинува, туку за не може да се промовира. Не може да се промовира или да се почне со нови проекти кои може да влијаат врз изборниот циклус. Така да, овие проекти што се проектирани може да се реализираат во текот на наредната година, затоа што се работи за дел од нив што се тековни проекти. Планираните 733 милиони евра за капитални инвестиции во 2024 година се проекции за проекти што се во тек, за нивна реализација, чија реализација доспева во текот на наредната година според првичните планирања на ресорните министерства. Нивното финансирање, дел е од буџетот, дел е од меѓународните финансиски институции. И токму од оваа претпоставка, според проекциите и дискусиите на ресорните министерства, ние ги имаме дефинирано овие за наредната година и веќе оваа година, ако гледаме реализација и назад во претходните години, имаме постојана реализација на повисоко ниво на капитални инвестиции во однос на претходните години, објасни Бесими, одговорајќи на новинарски прашања, откако претходно ги образложи буџетските ставки за 2024 година во Предлогот што го усвои Владата.

Според министерот, од 2021-ва наваму, земјава секоја година бележи раст не само на проектирани, туку и на реализирани инвестиции.

-Во однос на Буџетот или во однос на БДП ако ги гледаме капиталните инвестиции, од 2020 година кога беа 2,4 или 2018 или 17, кога тие беа на пример, 1,8 , 18, 3,2, 17 година и 20 се на 2,4. Ние од 2021-ва натака имаме секоја година раст на реализирани, не само проектирани, на капиталните расходи, 3,2 имаме во 2021, 3,6 имаме во 2022 и сега проектираме на 4,6 од БДП, реализација на планирани капитални расходи или гледано номинално, ако капиталните расходи во 2018 година биле на 12,1 милијарда денари, сега зборуваме за проектирани 45 милијарди денари. Значи неколкукратно повеќе инвестиции, а и во текот на 202 година имаме 28,7 милијарди капитални реализирани, а во текот на оваа година имаме реализирано до сега 59 отсто од планот. Во однос на 2022 година, јануари и ноември, во капиталните расходи имаме за 95 отсто повисоки. Значи, скоро двојно повеќе во однос на минатата година реализација на капиталните расходи. Ако сме имале реализација на капиталните лани 16 милијарди денари заклучно со ноември, сега имаме 31,3 милијарди денари во овој ист период. Скоро дупло повеќе капитални расходи во однос на тоа што било минатата година, истакна Бесими.

Тој информира и дека годинава досега се реализирани 69 отсто од планираните средства за капитални инвестиции.

Бесими информира дека на владина седница поминаа два закона за задолжување кај ЕИБ и ЕБОР за железничкиот Коридор 8.

The post За изборите предвидени една милијарда денари, почнатите капитални инвестиции ќе се реализираат и во изборна година appeared first on Република.

Имавме доста турбулентен период во изминативе 100 дена. Не само што направивме неверојатен пресврт на политичката сцена во Република Македонија, туку општините ги вративме на вистинскиот колосек. Работата во локалните самоуправи повторно едно значително високо ниво и наместо како нашите претходници, да си одиме со завршување на работното време, не само ние туку и на вработените во општинските администрации им воведовме нов начин на функционирање кој значи целосна предаденост и жртва во работата, ова денеска го истакна градоначалникот на Општина Штип, Иван Јорданов за време на неговиот говор на настанот „100 дена локална власт- отчет на градоначалници на ВМРО-ДПМНЕ“ организиран во Кочани

Јорданов потенцираше дека ефикасноста во работата на Општина Штип се утврди уште во првите 100 дена и наместо да се прекине со сите започнати проекти заради суета, политичка гордост и некоректност како што претходно се правело, со експресен од се заврши почнатото, а веќе се реализира визијата која е понудена на граѓаните во изборната програма.

Тој наведе и низа проекти кои се реализираните во изминатите 100 дена

За нецели 3 месеци воведов нов принцип на работа. Веднаш почнавме со асфалтирање на улици каде долго време поради несериозниот пристап на претходните функционери, жителите на неколку улици на урбаната област на градот газеа во кал. Во централното градско подрачје, за неверојатни 2 месеци го завршивме првиот опфат од конзолата на улица Васил Главинов. Во населба Караорман вложивме 2,4 милиони денари во асфалтирање на неколку улици, а истото го направивме во населбите Железничка и Пребег, а веќе почнавме да го реализираме проектот „Штип без кал“ кој предвидува асфалтирање на улиците во сите приградски населби“, нагласи Јорданов.

Тој исто така додаде и дека Зоолошката градина во Штип повторно ќе стане место каде децата ќе уживаат и ќе учат за животните, а тоа се должи на блиската и интензивна соработка со Зоолошката градина во Скопје.

Јорданов ја истакна и меѓународната соработка која е високо на агендата на општина Штип.

Меѓународната соработка е високо на нашата агенда ја зајакнавме врската со Хрватската заедница во нашиот град тековните проекти и можности за идна соработка беа основите на средбата со амбасадорот на Република Бугарија, а таков начин на комуникација воспоставивме и со нашите американски и чешки пријатели. Врз основа на барање на граѓаните, дури 37 проценти од општинскиот буџет се за капитални инвестиции а со кои предвидуваме три развојни проекти: изградба на обиколница од Булевар Гоце Делчев до Ново Село, изградба на крстосница на пресек меѓу улиците Борис Крајгер и Сремски Фронт и изградба на фекална канализација во населба Железничка. Еден од овие проекти веќе е во фаза на реализација и механизацијата е токму во населба Сењак каде се уредува најопасната и најфрекфрентна крстосница во нашиот град. Почитувани, веќе е јасно со нашата работа полека но сигурно ја оправдуваме довербата дадена од граѓаните.Ова е само почеток на она што ќе следува а жителите на секоја општина од Источниот регион ќе се уверат дека секој наш збор е апсолутна вистина и реалност“, истакна Јорданов.

The post Јорданов: 37% од буџетот на Општина Штип е наменет за капитални инвестиции appeared first on Република.