Македонската репрезентација за компјутерската игра „Кантер страјк“ втора година по ред го освои првото место на европското првенство во е-спортот, соопштија од Македонската е-спорт федерација.

Македонија ја победи Украина во финалето на првенството кое се одржува во Романија.

Победничкиот тим го сочинуваа: Павле "stYleEez" Стојановски, Дамјан "kyxsan" Стоилковски, Александар "CacaNito" Ќулукоски, Даниел "dan1" Глигоров и Јане "aidKiT" Апостолоски.

The post Македонија вторпат е европски шампион во „Кантер страјк“ appeared first on Република.

Градоначалникот на Општина Охрид, Кирил Пецаков денеска оствари средба со младиот охриѓанец Александар Ќулукоски, член на Македонската „Кантер страјк“ репрезентација, која го освои првото место на Светското е-спорт првенство кое се одржуваше во Израел, во ноември минатата година.

На средбата се разговараше за условите за развој на електронскиот спорт (е-спортот) во Охрид, како една нова спортска дисциплина која веќе доби и официјално признание од Агенцијата за млади и спорт, на ниво на нашата држава.

Градоначалникот Кирил Пецаков во името на Општина Охрид на младиот Ќулукоски му врачи еднократна парична помош од 30.000 денари како поддршка и мотив за поголеми успеси на понатамошните натпреварувања.

Александар Ќулукоски се натпреварува под псевдонимот „CacaNito“ и заедно со македонска репрезентација се очекува да се натпреварува на Европското првенство и на Меѓународниот турнир од светски ранг во Дубаи.

The post Пецаков на Александар Ќулукоски, член на Македонската „Кантер страјк“ репрезентација му врачи еднократна парична помош од 30.000 денари appeared first on Република.