Јапонија планира да замени 25.000 камиони со автономна камионска линија од 500 километри.

Земјата на изгрејсонцето смисли начин да се ослободи од возачите и штетните емисии што камионите ги испуштаат преку автоматизирање на товарниот транспорт. Тоа значи и елиминирање на потребата од увоз на возачи имигранти. За таа цел, Јапонците сакаат да ги поврзат градовите со повеќекилометарски „подвижни транспортери“ кои ќе преместуваат товар.

Соодветниот проект е дискутиран од експертската група на Министерството за земјиште, инфраструктура, транспорт и туризам на Јапонија од февруари.

Во моментов, обемот на онлајн шопинг во Јапонија расте, а бројот на возачи во камионската индустрија се намалува. Како резултат на тоа, се предвидува дека до 2030 година, едноставно нема да има кој да ги транспортира приближно 30 отсто од стоките. Ова е проблемот што е дизајниран да го реши логистичката линија што сакаат да ја постават меѓу Токио и Осака.

Постојат неколку опции за овој проект, вклучително и 500 километри долга подвижна лента или тунели по кои би се патувало со беспилотни колички.

Ваквата линија би можела да премести исто толку товар колку 25.000 камиони. Во исто време, проектот ќе чини 23 милијарди долари без да се земат предвид подвижните ленти или количките со автопилот, а овие пари мора да бидат обезбедени до 2034 година.

The post Јапонија планира да замени 25.000 камиони со автономна камионска линија од 500 километри appeared first on Република.

Земјите-членки на Европската унија денеска одобрија нов закон со кој ќе се заострат ограничувањата за емисиите на јаглерод диоксид (CO2) од тешките патни возила, како камиони и автобуси.

Како што пренесе ДПА, законот ќе ги прошири правилата согласно кои моментално се регулираат камионите со тешки товари за да ги опфатат урбаните автобуси, автобусите и приколките.

Просечните емисии на CO2 за големите патни возила треба да се намалат за 45 проценти до 2030 година, 65 отсто до 2035 година и 90 проценти до 2040 година, во споредба со нивоата од 2019 година. Урбаните автобуси не би требало воопшто да испуштаат CO2 до 2040 година и да ја исполнат целта за намалување од 90 отсто до 2030 година.

Ограничувањата беа привремено договорени во јануари од Белгија, дејствувајќи во име на земјите-членки на ЕУ и преговарачите за Европскиот парламент. Највисоките дипломати потоа му дадоа зелено светло на тој договор во февруари, отворајќи го патот за позитивно гласање во Европскиот парламент во април.

Денешната одлука на министрите од земјите-членки е последниот чекор. Се очекува Европската комисија да го разгледа влијанието на законот во 2027 година.

Во соопштението за печатот на ЕУ се вели дека тешките возила се одговорни за 25 отсто од емисиите на стакленички гасови од патниот транспорт во ЕУ. Првите ограничувања за такви возила беа поставени во 2019 година.

The post Членките на ЕУ одобрија построги ограничувања за CO2 за камиони и автобуси appeared first on Република.

Од први февруари македонските компании кои увезуваат или извезуваат во Србија и обратно, камионите со стока ќе ги мерат само еднаш. Истото ќе се однесува и за стоки кои транзитираат низ двете држави.

Ова доаѓа откако денеска директорот на Царинска управа на Македонија – Стефан Богоев и директорот на Царинска управа на Србија, Бранко Радујко потпишаа Меморандум за признавање на белешките од мерење на царинските терминали т.н. кантарски белешки помеѓу двете земји.

Говорејќи за значењето на потпишаниот протокол, Богоев истакна дека заклучно со ноември 2023 година трговската размена со Србија изнесува 985,9 милиони евра, при што извозот е 365,9 милиони евра или 2,9 проценти повеќе од претходната година.

Притоа целиот увоз, извоз и транзит се одвива преку граничниот премин Табановце на кој минатата година на влез се евидентирани речиси 140 илјади товарни моторни возила, а на излез 170 илјади камиони.

Сите овие товарни возила на влез и на излез се мереле два пати, еднаш во Македонија и еднаш во Србија, а со потпишување на денешниот Протокол за признавање на т.н кантарските белешки овие товарни возила како што кажав ќе се вагаат само еднаш, што за компаниите ќе значи заштеда на време и пари. Ветив дека Царинската управа ќе делува како партнер на бизнис заедницата, се со цел создавање услови за зголемување на нивната конкурентност на меѓународниот пазар. Чекор по чекор со ваквите мерки овозможуваме остварување на тие цели - рече Богоев.

The post Од 1 февруари камионите на македонско-српската граница ќе се мерат само еднаш appeared first on Република.

Силното невреме што денеска ја зафати Словенија преврте неколку камиони на регионалниот пат кај Поднанос, поради што сообраќајот се одвива многу отежнато.

Според информациите, се превртеле камиони со возачи од Романија, Србија и Хрватска.

Возачот од Хрватска имал 23-години и неговиот камион со преиколка при судар се превртел на десната пришто тој е хоспитализиран, но со полесни повреди.

Невремето предизвикува големи проблеми во областа Северна Приморска, а ударите на ветерот достигнуваат и повеќе од 100 километри на час.

Поради невремето затворен е и крајбрежниот главен пат од врската меѓу Кастелец и Козина кон Љубљана, а Информативниот центар за сообраќај ги повика возачите да се придржуваат до ограничувањата.

The post Силното невреме преврте неколку камиони во Словенија appeared first on Република.

Поради обилни врнежи од снег на патниот правец Гостивар – Кичево преку планинскиот превој Стража се воведува забрана за сообраќај за тешки товарни возила.

АМСМ информира дека забарната почна во 15:00 часот.

The post Забрана за камиони на Стража appeared first on Република.

Укината е забраната за тешки товарни возила на патниот правец крак Маврово – Дебар, соопшти АМСМ.

Од Јавното претпријатие за одржување и заштита на магистралните и регионалните патишта информираат дека во 06:30 часот е укината забраната за тешки товарни возила за патниот правец Гостивар-Стража-Кичево, а во 8 часот и забраната за тешки товарни возила за патниот правец Крива Паланка – ГП Деве Баир, соопшти утрово директорот на Центарот за управување со кризи, Стојанче Ангелов

The post Укината забраната за камиони на уште два патни правци appeared first on Република.

Конвојот од 20 камиони утрово ја помина границата Рафа, единствениот граничен премин меѓу Египет и палестинската енклава, кој не е контролиран од Израел. Во Газа се внесени пакети со храна, вода и лекови.

Палестинското Министерство за здравство изрази загриженост што горивото не е дел од хуманитарната помош и апелираше до меѓународната заедница и Египет веднаш да се вклучат во испораката на гориво и итни медицински материјали пред да бидат изгубени повеќе човечки животи во болниците.

Израелската армија претходно денеска објави дека хуманитарната помош што влегува во Појасот Газа ќе оди само на југот на енклавата, каде што претходно ги повика палестинските цивили да се евакуираат.

Портпаролот на израелските одбранбени сили Даниел Хагари изјави дека нема да има гориво во хуманитарната помош.

The post Камиони со хуманитарна помош конечно пристигнаа во Газа appeared first on Република.

Полска денеска ја затвори својата источна граница со Белорусија за белоруски и руски камиони, трактори и тешки возила со приколки и полуприколки регистрирани во која било земја, објави полската новинска агенција ПАП.

Полско-белоруската граница е и надворешна граница на ЕУ и Шенген зоната.

Во февруари Полска го затвори граничниот премин Бобровники. Како одговор, Белорусија го отежна преминувањето на границата на полските камиони. На крајот на февруари, Варшава го затвори и граничниот премин Кукурики-Корошчин за белоруски тешки товарни возила.

Најблизок сојузник на Русија е Белорусија, во која има полско малцинство од околу 300.000 луѓе.

Претходно белорускиот Врховен суд ја потврди казната за новинарот Анджеј Почобут, претставник на полското малцинство во Белорусија. Тој во февруари беше осуден на осум години затвор за „поттикнување омраза“ и „повикување на акции насочени кон нанесување штета на Белорусија“.

Почобут за полските медиуми ги покриваше протестите во Белорусија предизвикани од претседателските избори во август 2020 година, за кои се веруваше дека биле наместени. Белорускиот претседател Александар Лукашенко постојано ја обвинуваше соседна Полска дека стои зад демонстрациите.

The post Полска ја затвори границата за камиони од Белорусија и Русија appeared first on Република.

Српскиот министер за сообраќај Томислав Момировиќ денеска изјави дека по анализа на компаративните практики и различни „пилот“ проекти, мистерството испратило иницијатива до ЈП „Патишта на Србија“ да изработат студии за забрана за престигнување на товарните возила на автопатишта во одредени временски интервали, кога е зголемен интензитетот на сообраќајот, јави дописникот на МИА од Белград.

„Нашата цел е да го забрзаме сообраќајот за луѓето кои патуваат по автопатите да можат побрзо да стигнат до своите дестинации, а забраната за престигнување за камиони на автопатите ќе го намали метежот, ќе го забрза сообраќајот и дополнително ќе ја зголеми безбедноста на учесниците во сообраќајот, посочи министерот Момировиќ и додаде дека Србија е важна транзитна земја во Источна Европа, а Владата на Република Србија и ресорното министерство водат активна сообраќајна политика, што подразбира дека моментално се работи на создавање на Национална стратегија за развој на сообраќајот“, се наведува во соопштението на Министерството за градежништво, сообраќај и инфраструктура.

The post Во Србија покрената иницијатива за забрана камионите да престигнуваат на автопатиштата appeared first on Република.

Последниот пакет санкции од Европската Унија кон Русија вклучува и забрана за движење на руски и белоруски камиони на територија на Унијата, освен оние кои превезуваат лекови, пошта или нафтени деривати. Рокот за спроведување на оваа мерка измина викендов, што предизвика огромен хаос на границите.

Агенцијата „Ројтерс“, преку снимки од дронови, ги прикажа километриските редици на границата меѓу Полска и Белорусија, каде што се формираа колони на камиони, долги и до 80 километри, во обид да ја напуштат европската почва по стапувањето во сила на овие санкции. Поради огромните гужви, чекањето за излез од ЕУ достигнуваше и до 33 часа. Нешто слично се случуваше и на границите на Литванија.

Во неделата беше крајниот рок за камионите од Русија и Белорусија да ја напуштат ЕУ, но има илјадници товарни возила кои сè уште се на тлото на ЕУ по изминувањето на крајниот рок. Тоа, пак, го отвора прашањето што ќе се случува со овие камиони.

Според „Би-Би-Си“, една од можностите е дека тие би биле запленети од националните власти, можност поради која Полска се плаши дека Русија и Белорусија може реципрочно да го направат истото со полските камиони во нивните земји. Вакво нешто изјави полски функционер како претставник на транспортните групи.

Според полската агенција ПАП, веќе во понеделникот, надвор од крајниот рок, просечното време на чекање било намалено на околу три часа, при што околу 50 камиони чекале да преминат во Белорусија на границата со Корошчин. Заплената не се случи, но рокот за усогласување со наведените санкции беше продолжен.

Белорусија, од своја страна, постапи на сличен начин, забранувајќи камиони од Европската Унија да циркулираат на нејзина територија.

The post Колона од руски камиони долга 80 километри заглави на граница во обид да ја напушти ЕУ поради санкциите appeared first on Република.

Земјите од Европската Унија, кои граничат со Русија и Белорусија, забранија влез на камиони регистрирани во тие две земји, кои превезуваат одредена стока.

Руската царинска служба соопшти дека возилата што се користат за меѓународен транспорт, а се со руски и белоруски регистарски таблички, нема да можат да превезуваат стока на територијата на ЕУ, пренесува Ројтерс.

Според достапните информации, ограничувањата сè уште не важат за патниот товарен транспорт што испорачува фармацевтски, медицински, прехранбени и земјоделски производи, вклучително пченица, енергија, обоени метали и ѓубрива, соопшти царинската служба.

Транзитот од Русија до руската енклава Калининград се уште е отворен за возила регистрирани во Русија.

ЕУ, во петокот формално усвои нови санкции кон Русија, вклучително и забрана за увоз на јаглен, дрво, хемикалии и други производи, исто така спречувајќи многу руски бродови и камиони да влезат во европскиот блок, потсетува Ројтерс.

The post На товарни камиони од Русија и Белорусија им е забранет влезот во ЕУ appeared first on Република.

Двајца македонски возачи на камиони, кои по речиси две недели чекање на границата меѓу Украина и Полска, добиле дозвола да излезат од државата, меѓутоа без нивните камиони, јавува „Сител“.

Како што објаснува сопственикот на компанијата од Валандово, украинските гранични служби на двајцата возачи им рекле дека имаат пет минути за да ги земат личните работи и да ја напуштат државата, така што им ги заплениле двата камиони, без притоа да им дадат никакво објаснување, а ниту документ за запленувањето.

Освен македонските камиони, биле одземани и неколку руски и белоруски камиони кои во претходните две недели исто така беа заглавени на украинската граница.

Сопственикот на компанијата од Валандово бара помош од институциите за да може да си ги врати возилата кои чинат повеќе од 200.000 евра.

Инаку, двата камиони биле товарени со јаболко кое патувало кон Русија, а во Украина влегле пред да почне воената операција на руската армија на територијата на Украина, но потоа биле пренасочени да се вратат назад, но две недели без никакво објаснување беа држени на украинско-полската граница.

https://youtu.be/LCQCSCC6KgI

The post Имате пет минути да ја напуштите државата, им рекле на двајцата македонски возачи чии камиони ги запленија украинските граничари appeared first on Република.

Од 08.00 часот е воведена забрана за сообраќај на тешки товарни возила на патниот правец крак Маврово – Дебар поради интензивни врнежи од снег, соопшти АМСМ.

Сообраќајот на државните патишта се одвивa по претежно влажни коловози, на повисоките места со остатоци од кашест снег на коловозот по интервенција на дежурните екипи на ЈП Македонија пат. Врнежи од снег имаме во Јужниот и Југо-Западниот дел на Републиката,Маврово и Смојмирово.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

The post Забрана за камиони на патот Маврово – Дебар appeared first on Република.

Од 14 часот е укината забраната за движење на тешки моторни возила на патниот правец Ресен-Битола, превој „Ѓавато“ и обратно, соопшти АМСМ.

Забраната за сообраќај за тешки товарни возила беше воведена од 6:20 часот изутринава поради обилни врнежи од снег.

The post Укината забраната за движење на камиони на Ѓавато appeared first on Република.

Од 15.30 часот е укината забраната за сообраќај за тешки товарни возила на патниот правец крак Маврово – Дебар, информираа од АМСМ.

Засега останува во сила забраната за сообраќај за тешки товарни возила на патниот правец А2 Гостивар – Кичево преку планинскиот превој Стража, воведена поради врнежи од снег.

The post Укината забраната за сообраќај на камиони на патот крак Маврово – Дебар appeared first on Република.

Од АМСМ известуваат дека од 08:40ч. е укината забраната за ТМВ на патниот правец Кичево – Гостивар на превој Стража

Останатите активни информации:

ЗАБРАНА ЗА ДВИЖЕЊЕ НА ТМВ: Од 06:50ч. се воведува забрана за сообраќај за тешки товарни возила на патниот правец Маврово-Дебар поради обилни врнежи од снег.

СОСТОЈБА: Сообраќајот на државните патишта се одвива по претежно влажни коловози, наместа со остатоци од кашест снег на коловозот по интервенција од дежурните екипи на ЈП Македонијапат. Снег врне во Крива Паланка, Маврово и Попова Шапка.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

The post Укината забраната за камиони на Стража appeared first on Република.

Денеска (04.01.2022), полициски службеници од Полициската станица за граничен премин и граничен надзор Ново Село извршиле контрола во две товарни возила, со тетовски регистарски ознаки, сопственост на правно лице од с.Мала Речица, тетовско.

При контролата било утврдено дека возилата не поседуваат уредна документација, односно лиценците и изводите за вршење превоз во внатрешен и меѓународен патен сообраќај се фалсификувани.

The post Камиони од Мала Речица со фалсификувани документи сакале да ја напуштат Македонија appeared first on Република.