Демократската потпретседателка на САД, Камала Харис, има три проценти предност пред републиканскиот противкандидат на претседателските избори, Доналд Трамп, 45 наспроти 42 проценти, покажува новата анкета на Ројтерс и Ипсос.

Харис, исто така, има три проценти предност меѓу гласачите кои најверојатно ќе излезат на гласање – 47 отсто од нив се за демократ, а 44 отсто за републиканец.

Стандардната маргина на грешка во анкетата е околу четири отсто, пишуваат британските медиуми.

Иако разликата меѓу двајцата кандидати не е премногу различна од анкетата спроведена пред една недела, новата анкета завршена до неделата покажува знаци дека гласачите, особено демократите, се позаинтересирани за годинашните избори отколку во 2020 година, кога актуелниот претседател Џо Бајден го победи Трамп .

Околу 78 отсто од регистрираните гласачи анкетирани во тридневната анкета, вклучително и 86 отсто од демократите и 81 отсто од републиканците, изјавија дека се „речиси сигурни“ дека ќе излезат на гласање на 5 ноември. Овој процент порасна од 74 отсто колку што беше во истражувањето спроведено пред пет години во речиси истиот период.

Ројтерс и Ипсос анкетираа 938 Американци на национално ниво, вклучително и 807 регистрирани гласачи.

The post Харис со водство пред Трамп во најновата анкета appeared first on Република.

Републиканскиот претседателски кандидат Доналд Трамп изјави дека неговиот настап на првата предизборна телевизиска дебата со демократската противкандидатка Камала Харис бил најдобар досега, истакнувајќи дека оваа „важна“ дебата покажала колку демократите се „слаби“.

- Беше многу интересно и се покажа колку се слаби, колку се патетични, изјави Трамп веднаш по дебатата на телевизијата Еј-Би-Си Њуз. Поранешниот американски претседател нагласи дека дебатата всушност била „три против еден“, алудирајќи на тоа дека модераторите наводно биле на страната на демократката Камала Харис.

Трамп додаде дека не знаел дека пејачката Тејлор Свифт ја поддржала Харис и оти смета дека анкетите покажуваат дека тој добро се претставил за време на дебатата.

Камала Харис, пак, по дебатата соопшти дека „имаме работа“, и оти американскиот народ во вторник навечер имал можност да види за што се залагаат кандидатите. Таа нагласи дека поделбите не треба да бидат во фокусот на претседателските кампањи.

Демократскиот американски претседател Џозеф Бајден на Х напиша дека Харис во дебатата докажала дека е „најдобриот избор да ја води нацијата напред“.

- Не се враќаме назад, напиша Бајден.

Поранешната прва дама на САД Мишел Обама оцени дека „постои само еден кандидат подготвен да биде претседател“ и ги повика гласачите да гласаат за Камала Харис и кандидатот за потпретседател Тим Волц.

Потпретседателскиот кандидат на Трамп, Џеј Ди Венс, рече дека Камала Харис „нема суштина“, додека републиканецот има „вистинска визија“ за САД. Тој додаде дека Трамп е горд на своите достигнувања, додека Харис „со причина“ се срами од она што го направила досега.

Коментаторите на Си-Ен-Ен, Џејк Тапер и Крис Волас, заклучија дека дебатата била „погубна“ за Трамп, оценувајќи дека е исто толку лоша за поранешниот претседател како што беше дебатата во јуни за Џо Бајден. Анкетата на Си-Ен-Ен покажа дека, по дебатата, 45 отсто од гласачите имаат позитивно мислење за Харис, а 44 отсто имаат негативен став за потпретседателката.

Тоа е подобрување во однос на периодот пред дебатата, кога 39 отсто од гласачите изјавиле дека позитивно гледаат на Харис. Во исто време, ставовите на набљудувачите на дебатата за Трамп не се променија многу, 39 отсто го оцениле позитивно, а 51 отсто неповолно, слично на ставовите пред дебатата меѓу истите гласачи.

Идентичен дел од набљудувачите на дебатата, 54 отсто, рекле дека имаат барем одредена доверба во способноста на кандидатите да ја водат земјата, а 36 отсто рекле дека имаат голема доверба во Трамп, додека 32 отсто од гласачите го кажале истото за Харис. Во јуни, само 14 отсто од оние кои се вклучија во претседателската дебата меѓу Трамп и Џо Бајден изразија целосна доверба во способноста на Бајден да ја води земјата. Во однос на вчерашната дебата, гледачите на Си-Ен-Ен рекоа, 42 отсто до 33 отсто, дека Харис понудила подобар план за решавање на проблемите на земјата од Трамп, а 22 отсто рекле дека ниту еден од кандидатите не понудил добар план.

Демократската кандидатка Камала Харис и републиканецот Доналд Трамп вчера се соочија во првата и жестока телевизиска дебата во Филаделфија, борејќи се за гласови пред претседателските избори во САД закажани за ноември. Главните теми беа економијата и имиграцијата, како и војните во Појасот Газа и Украина

The post И Трамп и Харис задоволни од тв дуелот appeared first on Република.

Демократскиот кандидат Камала Харис води пред републиканецот Доналд Трамп со 45 отсто наспроти 41 отсто во анкетата на Ројтерс/Ипсос, која покажа дека актуелниот американски потпретседател предизвикал нов ентузијазам кај гласачите и ја обновил трката пред изборите на 5 ноември.

Предноста од четири процентни поени меѓу регистрираните гласачи е поголема од предноста од еден поен на Харис пред поранешниот претседател во анкетата на Ројтерс/Ипсос кон крајот на јули. Новата анкета – која беше спроведена во текот на осумте дена до средата и има маргина на грешка од два процентни поени – покажа дека Харис добива поголема поддршка меѓу жените и Американците со шпанско потекло.

Харис води пред Трамп со 49 проценти наспроти 36 проценти – или 13 процентни поени – и кај жените и кај Хиспано-американските гласачи. Во четири анкети на Ројтерс/Ипсос спроведени во јули, Харис имаше девет поени предност кај жените и шест поени предност кај Хиспано-американците.

Трамп води меѓу белите гласачи и мажите, и во двата случаи со слични маргини како во јули, иако неговата предност меѓу гласачите без диплома се намали на седум поени во последното истражување, помалку од 14 поени во јули.

Резултатите покажуваат како се промени трката за претседател на САД во текот на летото. Претседателот Џо Бајден (81) ја напушти својата кампања на 21 јули по катастрофалната дебата против Трамп што предизвика повици од неговите колеги демократи да се откажат од неговата кандидатура за реизбор.

Оттогаш, Харис доби предност против Трамп во националните анкети, но и во некои од критичните држави.

„Очигледно е дека трката против Харис е поголем предизвик за Трамп бидејќи овие бројки се менуваат, но сигурно не е несовладлива“, рече Мет Волкинг, републикански стратег за кампањата кој работеше на кампањата на Трамп во 2020 година, како одговор на резултатите од анкетата на Ројтерс/Ипсос.

Тој рече дека Трамп треба да остане максимално фокусиран во неговата кампања „за да не ги исплаши“ гласачите кои се наклонети кон него бидејќи не им се допаѓал Бајден.

The post Харис ја зголеми предноста пред Трамп appeared first on Република.

Републиканскиот претседателски кандидат Доналд Трамп ги обвини претседателот Џозеф Бајден и неговата демократска ривалка Камала Харис за обидот за атентат минатиот месец, обвинувајќи ги дека ѝ отежнуваат на Тајната служба да го заштити.

Трамп ова тврдење, за кое не понуди докази, го изнел вчера во ток-шоуто „Д-р Фил“ што го води Фил МекГроу, објави „Гардијан“.

Претходно беше објавено дека неколку агенти на Тајната служба од канцеларијата во Питсбург биле ставени на административно отсуство по нападот на Трамп на 13 јули во Пенсилванија.

The post Трамп ги обвини Бајден и Камала Харис за неодамнешниот обид за атентат врз него appeared first on Република.

Владата на САД заклучи дека иранската влада стои зад хакирањето и протекувањето податоци насочени кон претседателската кампања на републиканскиот кандидат Доналд Трамп и кампањата на американскиот претседател Џозеф Бајден и кандидатката на демократите Камала Харис, соопштија ФБИ и други американски разузнавачки агенции.

ФБИ го информираше Трамп за своите прелиминарни наоди откако медиумите објавија дека добиле документи за кои се верува дека се од профил на висок функционер од кампањата на Трамп, а штабот на Камала Харис соопшти дека хакерите биле неуспешни во нивните обиди да ја хакираат нејзината кампања, пренесува Си-Ен-Ен.

Меѓународната заедница е убедена дека преку социјален инженеринг и други напори, Иранците бараа пристап до поединци со директен пристап до претседателските кампањи на двете политички партии. Таквите активности имаат за цел да влијаат на изборниот процес во САД, се вели во соопштението на ФБИ, Канцеларијата на директорот на националната разузнавачка служба и на Агенцијата за кибер безбедност и инфраструктурна безбедност.

Се додава дека таквиот пристап не е нов и оти Иран и Русија ја користеле оваа тактика не само во САД за време на овој и претходните изборни циклуси, туку и во други земји во светот.

Иранската мисија во ОН ги отфрли, како што ги нарече, „непоткрепените“ тврдења дека Иран стои зад хакерската операција.

Ваквите обвинувања се неосновани. Исламската Република Иран нема ниту намера ниту мотив да се меша во претседателските избори во САД. Доколку американската влада искрено верува во валидноста на нејзините тврдења, треба да ни достави релевантни докази, соопшти постојана мисија на Иран во ОН за Си-Ен-Ен.

The post Иран ги хакирал кампањите на Трамп и Бајден-Харис appeared first on Република.

Потпретседателката на САД, Камала Харис, официјално стана претседателски кандидат на Демократската партија, откако беше избрана преку онлајн гласање на Демократскиот национален комитет.

Таа е првата Црнкинка и Индијка која стана кандидат на водечка американска партија за кампања за Белата куќа.

Харис е родена во Калифорнија во 1964 како дете на имигранти: нејзината мајка потекнува од Индија, а татко ѝ е роден во Јамајка. По нивниот развод, Камала и нејзината сестра Маја главно биле одгледани од мајка им под силно влијание на индиските традиции, но потоа сите ја присвоиле црната култура на Оукленд. „Мајка ми многу добро сфаќаше дека одгледува две црнкинки. Таа беше посветена кон тоа јас и Маја да пораснеме во самоуверени, горди црнкинки“, напиша Харис во својата автобиографија.

Таа вели дека отсекогаш била комотна со својот идентитет и се опишувала себеси како Американка.

Откако поминала четири години на Харвард и добила диплома по право на Калифорнискиот универзитет во Хестингс, Харис станала главен обвинител на Сан Франциско, а потоа. во 2017 година беше избрана за сенаторка.

Таа од 2014 година е во брак со адвокатот Даглас Емхоф, станувајќи помајка на неговите две деца.

The post Камала Харис официјално претседателски кандидат на Демократската партија appeared first on Република.

Даг Емхоф, сопруг на американската потпретседателка Камила Харис, призна дека ја изневерувал својата прва сопруга, после шокантното откритие дека наводно и направил дете на семејната дадилка.

Емхоф, кој сега има 59 години, тогашната сопруга Керстин пред повеќе од деценија ипол ја изневерувал со плавокосата дадилка Најен Нејлор, која наводно останала бремена.

Нејлор не го задржала бебето - рекол на британски Дејли мејл, извор директно упатен во аферата.

Емхоф призна дека имал афера, меѓутоа не го навел името на Нејлор или нејзината наводна бременост.

Извор на британскиот медиум исто така екол дека Емхоф, кој инаку е познат адвокат, и признала на Камила дека имал вонбрачна афера пред да се венчаат и дека врската со дадилката е прекината пред да почнат за излегуваат.

The post Скандал ја тресе Америка: Испливаа шокантни детали од минатото на сопругот на Камила Харис appeared first on Република.

Американскиот потпретседателка Камала Харис и поранешната американска државна секретарка Хилари Клинтон би можеле да го победат републиканскиот претседателски кандидат Доналд Трамп доколку се кандидираат за претседател, покажуваат резултатите од анкетата објавена од „Политико“.

Според анкетата на Bendixen & Amandi Inc., најголемата демократска агенција за анкети, Харис води пред Трамп со 42 отсто наспроти 41 отсто, додека Клинтон го води пред републиканскиот кандидат со малку поголема разлика од 43 отсто наспроти 41 отсто.

Истата анкета, исто така, покажа дека американскиот претседател и демократски претседателски кандидат Џозеф Бајден би изгубил од Трамп со 42 отсто поддршка во споредба со 43 отсто поддршка за Трамп.

Бајден веќе се соочува со зголемен притисок во неговата партија да се повлече од трката за реизбор, откако доживеа дебакл за време на телевизиската дебата со Трамп минатиот месец, пренесе Хил.

The post Анкета: Камала Харис и Хилари Клинтон може да го победат Трамп, доколку се кандидираат за претседател appeared first on Република.

Потпретседателката на САД, Камала Харис денеска најави нова помош за Украина во висина од 1,5 милијарди долари.

Харис, која е меѓу учесниците на дводневната мировна конференција во швајцарското одморалиште Бургеншток, истакна дека 500 милиони долари се наменети за енергетскиот сектор на Украина.

Помошта е наменета и за хуманитарни цели.

The post Потпретседателката на САД најави нова помош за Украина од 1,5 милијарди долари appeared first on Република.

Американската влада денеска соопшти дека „нема вмешаност на Украина“ во масакрот во предградието на Москва, откако рускиот претседател Владимир Путин ја спомена можната поврзаност на терористите со Украина, бидејќи тие наводно се обиделе да побегнат во таа земја.

Нема докази дека Украина била вмешана во масакрот во кој загинаа 137 лица, а одговорноста за нападот ја презеде џихадистичката група Исламска држава“, изјави денеска американската потпретседателка Камала Харис.

„Исламска држава сноси целосна одговорност за нападот. Немаше вмешаност на Украина“, изјави портпарол на Советот за национална безбедност на САД.

Вашингтон го коментираше вчерашниот говор на рускиот претседател кој го осуди „варварскиот терористички“ чин и додаде дека „четворицата извршители“ на нападот се уапсени „додека се движеле кон Украина“, не споменувајќи ја Исламската држава.

Исламска држава, против која Русија се бори во Сирија и која е активна и на рускиот Кавказ, веќе изврши напади на руска територија од крајот на 2010 година. Сепак, џихадистичката група никогаш не ја презеде одговорноста за напад од толку големи размери.

Исламската држава во петокот навечер преку Телеграм објави дека е одговорна за нападот и дека тоа е дел од „војна со земјите кои се борат против исламот“.

Сепак, ниту Путин, ниту руските безбедносни служби не ја обвинија Исламската држава, туку објавија дека осомничените за нападот имале „контакти на украинската страна“ и дека планирале да побегнат во таа земја.

The post Харис: Нема вмешаност на Украина во масакрот во близина на Москва appeared first on Република.

Американската потпретседателка Камала Харис рече дека Вашингтон нема „апсолутно никаква намера“ да испраќа борбени единици во Израел или Газа. Во интервју за Си-Би-Ес во неделата Харис изјави:

Ние немаме апсолутно никаква намера, немаме планови да испратиме војска во Израел или Газа. Точка.

Харис, која е добро информирана за кризата на Блискиот Исток, вели дека тесно се придржува до пристапот на претседателската администрација, а тоа е да го поддржи Израел да се брани, но во исто време да ги заштити цивилите.

Според повеќето проценки, загинаа најмалку 1.400 Израелци – рече таа мислејќи на нападот на Хамас од 7 октомври со кој започна војната.

Израел, без никакво сомневање, има право на самоодбрана. Исто така, многу е важно да се разделат Хамас и палестинскиот народ, кој заслужува еднакви мерки на безбедност, самоопределување и достоинство. Бевме многу јасни кога рековме дека мора да се почитуваат правилата на војната и дека хуманитарната помош мора да се дистрибуира непречено – додава американската потпретседателка.

На прашањето дали војната може да се прошири надвор од Појасот Газа, Харис ја повтори изјавата на претседателот Џо Бајден „Иран да не се меша“:

Значи еден збор. Немојте. Многу е јасно – рече Харис.

“What's the message to Iran?”

Kamala Harris: “Don't”

pic.twitter.com/Nb8uCpXvl3

— Benny Johnson (@bennyjohnson) October 30, 2023

Таа одговори и на прашање дала и Бајден догодина во ноември ќе биде здрав за одржувањето на следните избори, со оглед на тоа што овој ноември тој ќе напони 81 година.

Немам време да погодувам дали некој од Демократите би можел да го замени. Воопшто нема да се занимавам со тоа, бидејќи Бајден е многу жив и се кандидира за реизбор – објасни потпретседателката.

The post Не и точка: Американците нема да испратат војска во Газа appeared first on Република.