Во текот на следната година ќе почне автоматското казнување на возачите во сообраќајот кои ќе бидат снимени од камерите на системот Сејф сити, најави министерот за внатрешни работи Панче Тошковски. Министерот не може да прецизира точно кога ќе почне, можно е во јануари, но најверојатно подоцна, затоа што ќе треба да се направат и законски измени за да се озвозможи автоматското казнување на сторителите на прекршоците.

Целта на овој систем, категоричен е Тошковски, е да се намали трицифрениот број на жртвите во сообраќајот, а не да се собираат пари од граѓаните.

Според министерот, претходната власт на СДСМ и ДУИ не презела соодветни чекори за овој систем да се имплементира целосно до крај. Не направиле план за тоа како ќе се поставуваат камерите, а не утврдиле ниту како ќе се одвива наплатата на казните. За да се решат овие прашања, формирана и работна група.

Како и сè друго, и ова си го терале како процес „буцни прачка, пиј вино“. Така не бива. Ние сакаме навистина системски да ги решиме проблемите, но заклучно со 2024 година, нема теорија. Се надевам дека заклучно со 2025 година ќе можам да им презентирам на граѓаните систем кој што функционира, барем во Тетово, Скопје и во Куманово. Потоа се надевам дека ќе констатираме намален број на човечки жртви. Целата е таа, а не наплата на пари од граѓаните, вели Тошковски.

Тој додаде дека територијата на Скопје сè уште не е целосно покриена со камери.

Кога се тестирал системот, на 20 отсто од камерите биле констатирани 2.000 прекршоци.

Според Тошковски, со системот ќе завршат и ургенциите за укинување на казните.

Една од придобивките на Сејф сити е тоа што нема да има повеќе јави му се на Петре, на Трајче, на министерот, на главниот инспектор, на помошникот, на градоначалничката, туку едноставно компјутер ќе е. Нема кому да е јавите. Едноставно, ќе треба да му ѕвоните на компјутерот. Од таа страна нема да ви одговорат, посочи министерот.

Министерот рече и дека се потребни одредени законски измени за воспоставување на систем којшто ќе ги казнува оние кои управуваат моторно возило спротивно на закон, исклучувајќи го човечкиот фактор за одлуката дали треба или не треба да биде казнет.

Ќе треба да се направат одредени законски измени и да се утврдат чекорите кои што ќе се преземат во иднина, за на крајот на денот имаме систем којшто ќе ги казнува сите оние кои управуваат моторно возило спротивно на закон, исклучувајќи го човечкиот фактор во одлуката дали треба или не треба казна. Се надевам дека во текот на 2025 година ќе имаме финална имплементација на овој проект, рече вчера Тошковски.

The post Ќе нема веќе „повикај пријател“: Камерите на „Сејф сити“ наскоро ќе ги испорачаат првите казни appeared first on Република.

Панче Тошковски во „Дејли Клик“ на ТВ21 откри колку возачи биле фатени во тест периодот на новите камери. Тошковски кажа дека камерите работат, и дека во тестиран период биле фатени многу возачи со брзина 30 километри на час над дозволената.

„Мислам дека е многу поважно да спасиме човечки живот. Најмал проблем дали на фотографијата ќе открие друго лице. Камерите работат, не дека не работат. Поставување на камерите е добар проект. Дај Боже да го имплементираме 3-4-5 години поназад, па ние денеска да не говориме на таа тема, ниту од криминалистички аспект ниту од сообраќаен аспект. Ако било имплементирано порано, денеска ќе зборувавме за намален криминалитет или сообраќајки“, рече Тошковски

Тој додаде:

„Од прилика некаде околу 25-30% кои треба да се постават на територија на Град Скопје се поставени, и тест анализата која беше направена во насока на констатација на сообраќајни прекршоци, и тоа само над 30 км на час поголема брзина, вкупната бројка на прекршоци беше над 2000 возачи кои возеле над дозволената брзина за 24 часа. И тоа со 20% капацитет од камерите. Замислете која ќе е вкупната бројка на дневна особа доколку бидат поставени сите камери на територија на Град Скопје, Куманово, Тетово, и ако се лови со само над 10 километри на час. Таа бројка би била над 20.000 за 24 часа“, рече Тошковски.

The post За 24 часа со 20% од новите камери во Скопје фатени над 2000 возачи кои возеле над дозволената брзина appeared first on Република.

Министерот за внатрешни работи Панче Тошковски информира дека се работи на техничко решение покрај кое треба и законско за функционален систем при следењето на сообраќајот со камери.

Тошковски истакна дека целта е што поскоро ставање во функција на камери со кои ќе се утврдуваат и казнуваат сообраќајните прекршоци, со цел да се намалат жртвите во собраќајот и да се зглеми сообраќајната култура.

Поставувањето на камерите треба да покрие и дел од криминалистичката работа на Министерството за внатрешни работи.

Фокусирани сме на тоа да предвидиме соодветно и техничко, моментално се работи на техничко, но и законско решение кое што ќе ни овозможи функционален систем. И кога е отпочнат проектот никој не размислувал во насока на тоа како навистина да ќе биде ставен во функција целиот тој систем. Колку казни ќе продуцира на дневна основа, дали тие ќе може да се сработат од страна на вработените во рамки на Министерството како ќе се процесираат. Кој ќе води постапката дали треба да се зголеми бројот на вработени во рамки на Министерството коишто ги работел прекршоците од аспект на изрекување на прекршоци. Ќе одат во суд, како ќе постапува судот моментално еден судија за прекршоци во Скопје работи на повеќе од 2.000 предмети на дневна основа закажува повеќе од 45 судење. Кој ќе ги сработи тие предмети? Целта ни е на крајот да го видиме бенефитот од аспект да се намалат жртвите да се покрене сообраќајната култура, изјави Тошковски при посетата на Јегуновце.

Тошковски појасни дека камерите би требало конкретно да утврдат сторен прекршок во три сегменти: погрешно паркирање, преминување на црвено светло и недозволена брзина.

Еден од клучните проекти ако не сакаме да има по стотина жртви на годишна основа, мораме сообраќајната култура да ја подигнеме не едно скалило, туку три, четири скалила нагоре, рече Тошковски.

The post Тошковски: Фокусирани сме на функционален систем за следење на сообраќајот со камери appeared first on Република.

Вчера во Белград почна да работи автоматскиот систем на детекција на пречекорување на дозволената брзина во зоните каде најмногу  не се почитуваше ограничувањето на брзината од 50 км/час. Станува збор за четири сообраќајни раскрсници во Белград, а освен овој систем, прекршоци откриваат и сообраќајните камери во Белград, а што снимаат открива Курир.рс.

Системот за автоматско откривање на пребрзо возење ќе се применува на булеварот Михајло Пупин - Бранков Мост, раскрсницата на булеварот Никола Тесла и Улица Ушќе, на раскрсницата на улиците Антифашистички Борба и Јуриј Гагарин, како и на булеварот Краља Александра кај маркетот Ѓерам, информираат од МУП.

Најавено е дека овие системи во наредниот период ќе бидат инсталирани и на некои други локации. Покрај овие системи, сообраќајните прекршоци ги откриваат и сообраќајните камери.

Во моментов се користат камери кои освен брзина откриваат поминување на црвено светло, па возење по жолта лента. Има и камери кои ги имаат потребните технички карактеристики за да можат да го снимат прекршокот на неносење појас, како и неправилна употреба на мобилниот телефон при возење.

Најпрво на сопственикот на возилото му се испраќа барање да даде информација за лицето кое го управувало возилото, во одредено време на одредено место. Оваа информација сопственикот е должен заедно со изјавата на возачот да ја достави до Министерството за внатрешни работи на Србија, по што полицијата против возачот ќе поведе соодветна прекршочна постапка. Доколку сопственикот на возилото не ја исполни својата обврска, се соочува со парична казна од 100.000 до 120.000 динари, како физичко лице. Тоа не е казна за прекршок направен со неговото возило, туку за недавање на бараните податоци за возачот. Исто така, во законот стои дека изјавата на возачот дека го управувал возилото мора да биде заверена на нотар.

Што се однесува до правните лица, за нив е предвидена глоба од 60.000 до 600.000 динари доколку не ги дадат бараните податоци за возачот.

Ова се казните за брзо возење:

Казна од 3.000 динари е предвидена за пречекорување на дозволената брзина во населено место до 10 км/ч.
Надминување на брзината од 11-20 км/ч - казна од 5.000 до 10.000 динари.
Надминување на брзина од 21 км/ч - 50 км/ч - казна од 6.000 до 20.000 динари.
Надминување на дозволената брзина од 51 km/h до 70 km/h – од 15.000 динари до 30.000 динари.
Надминување на брзината над 70 км/ч - од 100.000 до 120.000 динари, со минимум 15 дена затвор и 14 казнени поени.

The post Мапа од локациите на 4 камери кои детектираат пречекорување на брзината: Внимавајте како возите во Белград appeared first on Република.

Се ближи ли крајот на сообраќајното дивеење во Скопје? ... Дел од булеварите и улиците во метрополата веќе добиваат „нови очи“ кои ќе ги ловат несовесните возачи, ноќните тркачи по улиците и сите оние кои го загрозуваат својот и животот на околината на било каков начин...

На булеварите се вози брзо, а често не се почитува ниту црвеното светло на семафорите, па во недостаток на полиција и радар, камерите ќе ги документираат овие прекршоци, објави Канал 5.

Од МВР засега не откриваат премногу што се ќе се казнува, бидејќи законот за камерите треба да ја заврши потребната собраниската процедура. Она што е засега познато е дека клучен ќе биде сегментот за брзото возење и поминување на црвено. Сепак, според некои информации, се бара модалитет да се казнува и за не носење на појаси, лошо и опасно престројување, непочитување на сообраќајните знаци.

Новите камери кои се поставуваат во Скопје се дел од проектот „Безбеден град“ кој има за цел зајакнување на сообраќајната безбедност. По завршувањето на сите потребни активности околу овој проект, јавноста ќе биде соодветно известена, велат од МВР и тоа е засега сѐ што откриваат.

Во последниот период сме сведоци на се повеќе сообраќајни несреќи, некои за жал и со трагични последици. Граѓаните велат по улиците чувствуваат повеќе страв отколку безбедност, па ова решение, доколку се спроведе како што треба и функционира добро, тогаш ќе биде полн погодок.

Камерите веќе подлежеа на тестирање, а Канал 5 дојде до информација дека во време на тестирањето во само неколку часа биле забележани повеќе илјади сериозни прекршоци.

Извор: Канал 5

The post Камерите во Скопје за само два часа, регистрирале 5.000 сообраќајни прекршоци appeared first on Република.

Италијанското Министерство за транспорт одлучи дека повеќе нема да испраќа фотографии од сообраќајните камери на домашните адреси на возачите. Причината? Заштита на приватноста.

Министерството изминатиов викенд објави дека возачите кои ќе бидат фатени како возат со брзина поголема од дозволената ќе бидат испратени само казнени известувања на нивната адреса. Само доколку возачот поднесе службен приговор за казната, тогаш на домашна адреса ќе добие фотографии направени со камери за брзина.

Весникот „Кориере дела сера“ пишува дека оваа одлука била одобрена од италијанските служби за заштита на податоците. Истиот весник, исто така, наведува дека полициските фотографии предизвикале големи „проблеми во врските, браковите и деловните зделки“ откако камерите за брзина откриле дека некој е во нивниот автомобил кој не се очекувало да биде таму.

Министерот за транспорт Матео Салвини постојано ја критикуваше употребата на камери за брзина со цел намалување на сообраќајните прекршоци, тврдејќи дека општините ги користат за да генерираат приходи.

Мораме да спасиме животи преку превенција и контроли, но и да ги спасиме паричниците на граѓаните ослободувајќи ги од анархијата на камерите за брзина, рече Салвини, според Corriere della Sera.

Тој рече дека камерите за брзина треба да останат во области со висок ризик, вклучително и во близина на училишта и болници, „но не и на патишта со две ленти за да се оданочуваат и вознемируваат возачите“.

Според нацрт-уредбата цитирана од Corriere della Sera, камерите за брзина мора да се инсталираат за да се гарантира безбедноста и циркулацијата на сообраќајот, а не да се собираат пари за општините.

Италија има околу 11.000 камери за брзина – повеќе од која било друга земја членка на ЕУ.

The post Уништуваат врски и бракови: Фотографии од полициски камери веќе нема да пристигнуваат на домашните адреси во Италија appeared first on Република.

Министерството за внатрешни работи за Плусинфо информира дека веќе е извршено тестирање на опремата од системот „Сејф сити“ во поглед на брзото возење и поминувањето на црвено. Резултатите од тестирањето на опремата и на камерите се позитивни.

Имплементацијата на надградбата на системот „Сејф сити“ е во почетна фаза. Во тек се пристигнување на целокупната опрема и подготовките за поставување на новите локации – велат од МВР за Плусинфо.

Оттаму додаваат дека временската рамка за имплементацијата за надградбата за системот „Сејф сити“ е класифицирана информација.

Засега не можеме да информираме кога точно ќе биде пуштен во употреба новиот систем. Во поглед на прашањето која е цената на надградбата на системот „Сејф сити“ и која е фирмата која е ангажирана за нејзина имплементација, истото е класифицирана информација – додаваат од МВР.

Како што претходно информиравме, поминувањето на црвено, движењето со поголема брзина од дозволената, погрешното паркирање и сличните прекршоци ќе бидат регистрирани од новите камери на „Сејф сити“, а казните за сообраќајните прекршоци ќе пристигнуваат на домашните адреси на сопствениците на автомобили.

Според информациите на Плусинфо, а тоа го потврдија и од МВР, сѐ уште не се донесени законските промени за да биде пуштен во функција системот. Со овие промени треба да биде овозможено фотографијата за сторениот прекршок од страна на возачот да се користи како доказен материјал за негово санкционирање.

Во постапка се измени и дополнувања на Законот за безбедност на сообраќајот на патиштата, со цел да се уреди начинот на обезбедување и испраќање на доказниот материјал од сторителот на прекршокот – велат од МВР.

По стартувањето на новиот систем со новите камери, возачите ќе треба да бидат многу повнимателни, бидејќи ќе бидат казнувани за секое зголемување на брзината над дозволеното. Исто така, системот ќе ги регистрира и оние возила кои на раскрсница ќе минат кога на семафорот ќе биде вклучено црвено светло.

Покрај овие казни, од „Сејф сити“ ќе фрчат казни и за непрописно паркираните возила, кои го попречуваат нормалното одвивање на сообраќајот во градските средини.

Нема да куртулат ниту возачите кои не ги носат безбедносните појаси, како и оние кои користат мобилен телефон додека управуваат со автомобилот.

На крајот на минатата година нашиот извор нѐ информираше дека секој сторител на сообраќаен прекршок што ќе биде „фатен“ од камерите, на домашна адреса ќе добие фотографија од возилото со регистарската табличка, местото, времето и опис за тоа кој прекршок е направен.

Доколку сопственикот го негира прекршокот, тврдејќи дека тој не го управувал возилото за кое е утврдена казна, тогаш повторно ќе му биде испратена фотографија само од лицето кое го возело автомобилот, но не и на другите патници кои се наоѓале во тој момент во возилото. Тогаш казната ќе биде наменета за возачот, но не и за сопственикот на автомобилот. Секако, приватноста на секој од возачите ќе биде загарантирана, па затоа фотографии ќе добива само лицето кое го управува автомобилот – објасни тогаш нашиот извор.

Камери коишто ќе евидентираат сообраќајни прекршоци засега ќе има во Скопје, во Тетово и во Куманово, како и на автопатиштата, а во иднина се размислува за воведување на системот „Сејф сити“ и во другите градови во земјава и на автопатиштата.

Извор: Плусинфо

The post „Сејф сити“ во функција: Еве кога ќе почне да стигаат сообраќајни казни на домашна адреса! appeared first on Република.

Ќе пристигаат ли казни за сообраќајни прекршоци на домашна адреса? Вакви муабети се раширија меѓу корисниците на социјалните мрежи откако беа забележани нови камери на скопските раскрсници. Уреди во сина боја се поставуваат до веќе постоечките камери, а од МВР за „Република“ велат дека тоа се камери кои се поставуваат во рамките на проектот „Безбеден град”.

На прашањата дали се планира воведување на казни за брзо возење, поминување на црвено светло и слични сообраќајни прекршоци кои се регистрирани од овие камери, од Министерството велат дека тие сè уште се поставуваат и дека откако сите предвидени ќе бидат поставени, ќе се користат за документирање на сообраќајни прекршоци.

Потенцираат и дека камерите сè уште не се во функција.

По завршувањето на сите потребни активности околу овој проект соодветно ќе ја известиме јавноста, велат од Министерството.

Министерот за внатрешни работи Оливер Спасовски неодамна ја најави надоградбата на системот „Сејф сити“, но зборуваше за вклучување на автопатиштата низ државата и други поголеми градови.

Во овој момент го имаме само во Скопје, Куманово и Тетово, а во тек е процес на надграба на целиот овој систем. Надградбата ќе ги вклучи и автопатиштата низ државата и овие три градови и тука ќе се вклучи, секако, и електронското утврдување на собраќајните прекршоци. Идејата е да се прошири, пред се, во големите градови кадешто имаме поголема фреквенција на луѓе. Штип е е еден од тие градови, иако мораме да кажеме дека Истокот, подрачјето на Штип е мирно, стабилно, меѓутоа секаде кадешто имаме видео надзор имаме подобрување на безбедносната состојба, но ни помага и во откривачката дејност на јавната безбедност, рече Спасовски во одговор на новинарското прашање.

The post Се поставуваат нови камери во Скопје, од МВР велат дека ќе се користат за документирање на сообраќајни прекршоци appeared first on Република.

Група родители, чии деца се згрижени во дебарската градинка „Брешија“ повеле иницијатива за поставување камери, односно видеонадзор внатре во просториите на објектот.

Дека постои ваква инцијатива беше обелоденето на последната седница на Советот на општината, но засега не даваат појаснувања за причината за барањето, освен дека „видео надзорот во градинката е потреба на времето“.

Во расправата што се одржа во Советот, советникот од СДСМ, Шкелзен Чанка, кој е родител на деца во оваа градинка, истакна дека дефинитивно треба да се постават камери на местата каде што се реализираат воспитно-образовните активности на децата.

Повеќе од убеден сум дека сите родители бараат инсталирање видеонадзор. Како родители сакаме да знаеме како се третираат децата воопшто, но и како се одвива воспитно-образовниот процес. Затоа, барам од управата на градинката „Брешија“ да го реализира нашето барање како родители, бидејќи тоа е во интерес и на родителите и на раководството. Ова треба да се случи што е можно поскоро. Мислам дека тоа е поврзано со транспарентноста, рече Чанка.

Додаде дека нема информации како е во другите градинки, но смета дека барањето е многу објективно.

Директорка на градинката Ајрие Дачи вели дека нема ништо против поставување видеонадзор во дневните простории, но за тоа потребна е консултација со надлежните институции, особено со Министерството за труд и социјална политика, за тоа дали има законски опции за ова барање.

-Барањето го имаме в предвид и како такво ќе го пренесеме до централните институции за да добиеме одговор поврзан со законитоста на поставувањето видео надзор во просторите каде што се децата. Се надевам дека многу брзо ќе имаме одговор согласно законските одредби, рече Дачи.

Вели дека во градинката „Брешија“ и дополнителниот објект „Колизија“, каде е сместена и народната кујна, има видеонадзор на главните, но и споредните влезови.

Во дебарската градинка опфатени се 370 дечиња и е една од најдобрите во државава, како во однос на опременоста така и според квалитетот на наставниот кадар и грижата за децата.

The post Родители бараат да се постават камери во дебарската градинка, сакале да гледаат како ги воспитуваат appeared first on Република.

Египет планира да инсталира уреди за следење на движењето на ајкулите, по минатонеделниот напад во Црвеното Море, објавија локалните медиуми.

Руски турист (28) загина по напад од тигреста ајкула, која го одвлече под водата во градот Хургада на 8 јуни, јави Анадолија.

„По нападот, Министерството за животна средина одлучи да инсталира уреди за следење на движењето на ајкулите во Црвеното Море, особено тигрестите“, пишува весникот „Ал-Масри ал-Јум“.

Овој потег исто така има за цел да ги утврди причините за нападите на ајкулите.
Двајца туристи од Европа загинаа во напади на ајкула во близина на Хургада во 2022 година. Во 2020 година, едно момче од Украина ја загуби раката, а египетски туристички водич остана без нога.

Во 2018 година, ајкула уби и чешки турист на плажа во Црвеното Море. Во сличен напад во 2015 година беше убиен и германски турист.

The post По минатонеделниот напад, Египет ќе инсталира уреди за следење на ајкулите во Црвеното Море appeared first on Република.

Премиерот Димитар Ковачевски и министерот за економија, Крешник Бектеши повторно пазареа со камери. Овојпат заедно со директорот на Државниот пазарен инспекторат, Горан Трајковски посетија супермаркет во населбата Капиштец.

Како што соопштија од Влада, посетата на маркетот е по повод новите, замрзнати цени на тестенините и млечните производи кои од денеска, според владината одлука, треба да бидат пониски за 15, односно 10 проценти.

The post Премиерот и министерот повторно со камери на пазарење, овојпат макарони appeared first on Република.

Од јавното обвинитество соопштија дека се издадени повеќе наредби за расчистување на слуачјот. Се врши обдукција на убиените, а доказните материјали подигнати од Шиша бар, како и од запалениот автомобил се прибираат и ќе се предадат на вештачење. Дадена е наредба да се изврши разговор со повреденото лице, кое по интервенцијата во старата градска болница, веќе е пуштено на домашно лекување.

The post Обезбедени снимки од видео надзорот, ќе се вештачи и изгореното ауди со кое избегаа напаѓачите appeared first on Република.

Хрватскиот ракометар Денис Тот (27), кој денеска трагично почина на КАРИЛ, вчеравечер бил нападнат од дечко и девојка пред да биде пронајден во бесознание пред скопската дискотека Привилиџ, објави „А1он“, повикувајќи се на информации од полиција откако биле прегледани безбедносните камери од „Сејф Сити“.

Инцидентот се случил пред дискотеката, откако дечко и девојка влегле во едно такси возило, а Тот нешто им кажал преку прозорецот, по што двајцата излегле од таксито и му удриле шлаканици, а откако Хрватот паднал на земја, девојката со нога неколкупати го удрила во главата. Тот не давал никаков отпор при нападот, по што дечкото и девојката си заминале.

Тот околу 4 часот утрината бил најден како лежи во бесознание со брза помош бил пренесен на КАРИЛ, откако било констатирано дека има мала сатурација и слаб срцев пулс, по што денеска попладне ја загуби животната битка и почина.

Министерството за внатрешни работи денеска објави дека ракометарот бил донесен во Ургентниот центар но без видливи повреди, но после прегледувањето на безбедносните камери отворен е предмет во полиција.

The post Ракометарот Тот бил нападнат од две лица, покажуваат снимките од безбедносните камери appeared first on Република.