Еден 51-годишник е приведен по вчерашната потрага по пријава за противправно лишување од слобода на 36 годишна жена, информира денеска СВР Тетово.

Вчера, петок - 4 август околу 20 часот и 30 минути во тетовското село Палатица, полициски службеници од ОВР Гостивар ја пронашле М.К.(36) од Данска за која претходно е добиена пријава дека против нејзина волја е задржана во Гостивар.

-Според пријавеното, тоа било организирано од нејзиното поранешно момче и други лица од Данска. По преземени мерки и активности, бил лишен од слобода Ќ.З. (51) од тетовско Камењане и по извршениот службен разговор од страна на Јавен обвинител од Основно Јавно Обвинителство Гостивар и по негови насоки, против Ќ.З. ќе биде поднесена кривична пријава согласно член 140 ст 1 од Кривичниот законик и истиот по брза постапка ќе биде изведен пред судија во претходна постапка, соопштија од канцеларијата за односи со јавноста при СВР Тетово.

Според член 140 од Кривичен законик претставува Противправно лишување од слобода при што тој што друг противправно ќе затвори, ќе го држи затворен или на друг начин ќе му ја одземе или ограничи слободата на движење, ќе се казни со парична казна или со затвор до една година.

Ако делото е сторено при вршење семејно насилство, сторителот ќе се казни со затвор од шест месеци до три години.

The post Приведен 51 годишник од Камењане, осомничен за противправно лишување од слобода на 36 годишна жена appeared first on Република.

Вчера (16 март) во 7 часот и 10 минути во СВР Тетово пријавено е дека на регионалниот пат Тетово-Пирок, во Камењане, се случила сообраќајна несреќа во која учествувале две патнички возила со тетовски регистарски ознаки, „фолксфаген пасат“ управуван од 45-годишниот Н.Р. од Камењане и „сеат кордоба“ што го управувал Б.С.(42) од тетовско Синичане, како и автобус „мерцедес“ со тетовски ознаки, паркиран од Р.Ф.(55) од Камењане.

Во несреќата, возачот на „кордобата“ Б.С. се здобил со тешки телесни повреди, а неговиот малолетен сопатник со телесни повреди, констатирани во тетовската
Клиничка болница, соопштија од СВР Тетово.

На местото на несреќата увид извршиле екипа од Секторот за внатрешни работи Тетово.

The post Судир на три возила во Камењане, повредени две лица appeared first on Република.