Магистралниот пат Градско - Прилеп е пуштен за сообраќај по тешката сообраќајка кај Росоман, во која загинаа две, а тешко беа повредени три лица, информираа попладнево од МВР.

Патот беше затворен за сообраќај поради увид на местото на сообраќајната несреќа и сите што транзитираа во тој дел на државата, наместо преку Росоман, патуваа преку Кавадарци.

Како што претходно информираше МВР, околу 06.30 часот во Полициската станица Кавадарци било пријавено дека на регионалниот пат Прилеп – Росоман, кај место викано „Камен дол“, се случила сообраќајна несреќа помеѓу возило „фиат добло“ со прилепски регистарски ознаки, управувано од К.Ѓ.(55) од Прилеп и патничко возило „фолксваген голф“ со штипски регистарски ознаки, управувано од Љ.С.(61) од Свети Николе.

Малку подоцна на истото место, патничко возило „даеву матиз“ со штипски регистарски ознаки, управувано од С.С.(55) од Свети Николе, удрило во комбе „мерцедес“ со скопски регистарски ознаки, управувано од И.И.(52) од Скопје, кое претходно излегло од коловозот за да ги избегне двете возилата кои учествувале во несреќата, соопштија од МВР.

Од здобиените повреди на местото на несреќата починале возачот К.Ѓ. и сопатничката во возилото „голф“, С.С.(55) од Свети Николе, а смрт констатирал лекар од Итна медицинска помош Кавадарци. Со тешки телесни повреди се здобиле возачите Љ.С. и С.С., како и сопатничка во возилото „матиз“, О.С.(54) од Свети Николе, констатирани во Комплексот клиники „Мајка Тереза“ во Скопје. Увид на местото на несреќата извршиле јавен обвинител и екипа од Полициската станица Кавадарци.

The post Патот Градско-Прилеп пуштен за сообраќај по тешката сообраќајка утрово кај Росоман appeared first on Република.

Регионалната ТВ во Кавадарци на социјалните мрежи објави фотографии од несреќата што утрово се случи кај Росоман, во која загинаа две лица, а тројца се тешко повредени повредени.

Регионалната ТВ во Кавадарци на социјалните мрежи објави фотографии од несреќата што утрово се случи кај Росоман, во која загинаа две лица, а повеќемина се повредени.

Итната медицинска помош веднаш замина на лице место по дојавата за сообраќајка кај Росоман, со три екипи. Вклучени се и вработени што не беа на смена ама беа спремни да помогнат во секој момент, изјави за МИА доктор Ратко Грков, раководител на Службата за брза помош во Кавадарци.

Смртта кај двете лица била констатирана на лице место.

Според првичните информации, имало верижен судир на четири возила.

Од полиција повеќе детали најавуваат за подоцна. На терен интервенира и Територијалната противпожарна единица на Кавадарци со две возила и шест пожарникари.

The post Нови фотографии од несреќата кај Камен Дол appeared first on Република.

Тешка сообраќајна несреќа се случи утрово на патот од Прилеп кон Градско кај Росоман. Затворен е патот за движење преку Росоман, потврди за МИА, портпаролот на СВР Велес, Ристе Самарџиев. Повеќе детали, се најавуваат за подоцна.

На терен интервенира и Територијалната противпожарна единица од Кавадарци со две возила и шест пожарникари.

Според првичните информации, во сообраќајната незгода учествувале четири возила.

Сообраќајната незгода е после кафеаната кај росоманското село Камен Дол и мора да се врти преку Кавадарци.

Според Авто мото сојузот на Македонија, патот е во прекин од 06:40 часот.

The post Утрово тешка несреќа го затвори патот кај Камен Дол appeared first on Република.

Изгаснат е пожарот кој денеска попладне го зафати Чобанско маало во каменичкото село Костин Дол.

Се работеше за пожар кај местото викано Бушилка, при што беше зафатена борова шума, информираа од Територијалната противпожарна единица од Македонска Каменица.

Површината зафатена од пожарот не е утврдена.

Покрај екипи на ТППЕ Македонска Каменица во гаснењето на пожарот учествуваше и дел од месното население.

The post Изгаснат пожарот во каменичкото село Костин Дол appeared first on Република.