Припадници на руската Федерална служба за безбедност (ФСБ) уапсиле жител на Калининград под сомнение дека планирал терористички напад врз објекти на Балтичката флота и аеродромот Храброво, а по инструкции на украинскиот баталјон „Азов“.

Во соопштението на ФСБ се прецизира дека се работи за локален жител роден 1967 година, државјанин на Русија.

Како што се посочува, пријавениот го признал делото и против него е поведена кривична постапка за делата „подготовка за терористички акт“ и „недозволено производство на оружје“.

Во соопштението се додава дека во неговата куќа била пронајдена бомба од домашно производство со околу пет килограми ТНТ, како и преписки со активни членови на „Азов“, пропагандна литература, како и симболи на таа организација.

The post Планиран напад врз аеродром и објекти на Балтичката флота: Спречен терористички напад во Калининград appeared first on Република.

Руското Министерство за одбрана соопшти дека три авиони МиГ-31-Е опремени со хиперсонични ракети Кинжал се преместени во Калининград, руската ексклава на брегот на Балтичкото Море, која се наоѓа помеѓу Полска и Литванија.

Од руското министерство додаваат дека авионите постојано ќе бидат во состојба на готовност.

Истовремено, финското министерство за одбрана соопшти дека два руски воени авиони МиГ-31 го нарушиле воздушниот простор на Финска, во близина на градот Порво во Финскиот залив.

Шефот за комуникации на финското Министерство, Кристијан Вакури, за „Ројтерс“ изјави дека прекршувањето на воздушниот простор се случило околу 8:40 часот, а авионите се движеле кон запад, додавајќи дека руските авиони биле во финскиот воздушен простор две минути.

Тие влегоа во финскиот воздушен простор на еден километар - изјави Вакури, без да прецизира дали авионите биле придружувани до напуштањето на финскиот воздушен простор.

The post Во Калининград префрлени „мигови“ вооружени со хиперсонични ракети „Кинжал“, Финска се жали на нарушување на воздушниот простор appeared first on Република.

Лидерот на руската политичка партија Праведна Русија За вистината, Сергеј Миронов предложи Калининград, центарот на руската ексклава межу Литванија и Полска, да биде преименуван во Владибалтиск.

Можеби дојде време да се размисли за преименување на Калининград согласно со современата реалност и домашната традиција. На пример, Владибалтиск и соодветно, Балтичка територија - истакна Миронов, јавија руски медиуми.

Владибалтиск е комбинација од името на рускиот претседател, Владимир Путин, со тоа на градот што требало да го има по 1946 година.

Според Миронов, стратешки, регионот е многу важен за Русија.

Од ова име веднаш станува јасно дека се работи за истурена станица на најзападната граница на нашата татковина, што се простира од Тихиот Океан до Балтикот. Но, се разбира, за тоа треба да одлучат жителите на регионот - додаде Миронов.

Калининград е седиште на руската Балтичка флота и генерално се работи за високо милитаризирана зона каде, покрај десетици илјади војници и морнари од Балтичката флота, се наоѓаат и балистичките ракети Искандер, што може да носат нуклеарни боеви глави.

Градот подпадна под руска власт по победата над нацистичка Германија на крајот од Втората светска војна. Претходно, историскиот германски град се викаше Конигсберг и имаше мнозинство германско население.

Во 1946 година, градот требало да биде преименуван во Балтик, но, на крај го добил името Калининград во чест на истакнатиот болшевички и советски лик, Михаил Калининград.

The post Лидер на руска партија предложи Калининград да биде преименува според претседателот Путин во Владибалтиск appeared first on Република.

Калининград, руската ексклава меѓу Литванија и Полска, наскоро би можело да биде изземена од некои од санкциите наметнати од Европската Унија кон Русија за извоз на одредени стоки. Како што пишува германски „Шпигел“, ваквата можност доаѓа откако германскиот канцелар Олаф Шолц во четвртокот ги повика Вилнус и Брисел да ги укинат ограничувањата за товарниот транспорт од Русија до ексклавата, наведувајќи дека таму не треба да се применуваат европските санкции против Москва.

Според „Шпигел“, Европската комисија подготвува документ со кој се појаснува примената на тие санкции, во кој се наведува дека на Москва ќе и бидат дозволени транзитни рути за сите производи, но во ограничени количини, односно онолку колку што е споредливо со испораките од времето пред руската воена операција во Украина.

На 18 јуни литванските власти објавија дека забрануваат затранспорт на стоки опфатени со санкциите на ЕУ преку територијата на таа земја од Русија до Калининград, територија која ја нарекуваат „Ахилова пета на НАТО“ и која стана жешка точка во конфликтот меѓу Русија и Западот,. Листата на санкции на ЕУ вклучува јаглен, метали, градежни материјали и напредна технологија.

Таквата литванска одлука предизвика револт во Русија. Додека литванските цариници почнаа да ги запираат товарните возови за проверка, Москва се закани со „практична“ одмазда доколку ЕУ не ги одблокира металите заглавени во транзитот. Портпаролот на Кремљ, Дмитриј Песков, исткана дека забраната од Литванија е „без преседан“ и „незаконска“.

Потоа се огласи високиот претставник на ЕУ за надворешна политика, Хозеп Борел, кој ги отфрли наводите на Москва дека Литванија применува национални санкции, посочувајќи дека тоа се санкции на ЕУ, додека литванската премиерка Ингрида Шимонита посочи дека забраната за транзит не е насочени кон блокирање на регионот, туку против стоките кои подлежат на европски санкции.

Кога дојде до врвот на повеќенеделните тензии, германсиот канцелар, Олаф Шолц интервенираше и, говорејќи на прес-конференција на самитот на НАТО во Мадрид, порача дека е „прашање на ЕУ да ги утврди потребните рамки и правила“ за транспорт на товар од Русија до нејзината ексклава.

Се разбира, тие санкции мора секогаш да се ставаат во светло на фактот дека станува збор за сообраќај меѓу два дела на Русија - истакна Шолц, сугерирајќи дека не треба да се применуваат санкции на ЕУ за руски стоки, бидејќи овие стоки не влегуваат во блокот како увоз, тукуи само минуваат како транзит преку територијата на ЕУ.

The post Европа подготвува документ со кој Калининград ќе биде исклучен од антируските санкции appeared first on Република.

Литванскиот национален Центар за кибер безбедност, обвини дека државни и приватни институции во Литванија се нашле на удар на голем ДДОС напад (негирање на услуга).

Многу е веројатно таквите или уште посилни напади да продолжат и во наредните денови, особено во транспортниот, енергетскиот и финансискиот сектор. Беа нападнати и безбедните мрежи што ги користат овие институции - додаваат од Центарот.

Британските медиуми јавуваат дека руската хакерска група „Килнет“ ја презела одговорноста за нападот, објавувајќи дека тоа е одмазда за одлуката на Литванија да го забрани транспортот на руска стока преку нејзината територија до руската ексклава Калининград.

Нападот ќе продолжи се додека Литванија не ја укине блокадата. Уништивме 1.652 веб-извори. И тоа е само досега - порачал портпаролот на „Килнет“ за британските медиуми.

Калининград, по копнен пат е поврзан со остатокот од Русија со железница преку Литванија, која е членка на Европската унија и НАТО.

The post Литванија обвини дека претрпела масовни руски кибер напади како одмазда за блокадата на Калининград appeared first on Република.

Руското Министерство за надворешни работи денеска ќе го повика на разговор амбасадорот на ЕУ во Москва, Маркус Едерер, поради забраната на Литванија за движење на стоки опфатени со санкциите на ЕУ кон Калининград, соопшти гувернерот на Калининград, Антон Алиханов.

Официјален Вилнус го забрани транзитот на стоки опфатени со санкциите на ЕУ преку територијата на Литванија до и од руската ексклава што се наоѓа меѓу Литванија и Полска.

Ова е, се разбира, ситуација која може да се реши преку дипломатија. Колку што знам, Маркус Едерер, амбасадорот на ЕУ во Русија, ќе биде повикан во Министерството за надворешни работи - изјави гувернерот на Калининград.

Руското Министерство за надворешни работи се уште не ја потврди информацијата, но Кремљ вчера ја осуди литванската блокада.

Оттаму обвинија дека литванската одлука за блокирање на железничкиот сообраќај меѓу Русија и енклавата Калининград на Балтичкото Море е „незаконска“.

Одлуката е навистина без преседан и штетна за сите - изјави портпаролот на Кремљ Дмитриј Песков.

Членките на ЕУ редовно ги засилуваат санкциите против Русија по нејзината воена операција во Украина во февруари.

Неколку источноевропски земји, како што е Литванија, воведуваат и засебни санкции, поради нивната загриженост дека Русија еден ден ќе полага право и на нивната територија.

The post Aмбасадорот на ЕУ ќе биде повикан во руското МНР поради литванската блокада на руски транзит кон Калининград appeared first on Република.

Руските медиуми посветија особено внимание на изјавата на амбасадорот на Украина во Полска, Андриј Дешчица, кој изјави дека неговата земја преговара со Полска и балтичките земји за целосно затворање на границите со Русија и Белорусија.

Ние (украинската страна) преговараме со Министерството за инфраструктура на Полска, со владата на Полска со цел целосно затворање на границите (меѓу Полска и Белорусија). Дури и ако одлуката не е донесена на ниво на ЕУ - изјави Дешчица.

Тој исто така информираше дека Украина апелирала до Литванија, Летонија и Естонија „во исто време да ги затворат своите граници со Руската Федерација и со Белорусија“.

Мислам дека оваа одлука (за затворање на границите ) ќе биде донесена. Тогаш нема да треба да ја чекаме ЕУ и целосно ќе ги блокираме сите испораки за Руската Федерација - порача Дешчица.

Според него, доколку балтичките земји се одлучат на ваков чекор, за такви мерки нема да биде потребна посебна дозвола од Европската Унија. Во тој случај, секој транспорт до и од Русија преку Летонија, Литванија и Естонија може да биде блокиран.

Во меѓувреме, одлуката на Литванија да ја затвори границата со Белорусија ќе доведе до прашање на комуникација меѓу главните територии на Русија и Калининград, руската енклава на Балтичкото Морре, која од Руската Федерација е одвоена и со Белорусија.

Веројатно е дека забраната на Вилнус за Русите да ја минуваат границата може да резултира со насилно создавање на коридор од копното до Калининград, со сите последователни последици што може да ги предизвика таквата одлука. Русија повторно ќе биде принудена на екстремни мерки за одбрана на своите национални интереси и територијален интегритет, пишуваат руските медиуми.

https://www.youtube.com/watch?v=UVpdj9jxjzo&feature=emb_title

Во исто време, министерот за јавна администрација на Естонија, Јаак Ааб, во интервју за телевизискиот канал ЕРР, истакна дека владата на неговата земја нема да се меша во копнениот премин на руско-естонската граница. Ааб ја смета за сосема можна забраната за издавање туристички визи од Руската Федерација во Естонија.

Што е коридорот Сувалки?

Коридорот Сувалки е единствената копнена врска меѓу Калининград и Белорусија и е коридор долг 65 километри, кој НАТО го користи за снабдување на балтичките држави со оружје и опрема.

Името на коридорот се поврзува со истоимениот град во североисточна Полска, крај границата со Литванија. Всушност, тоа е граница на четирите земји Полска, Литванија, Белорусија и Русија (енклавата Калининград) на самиот раб на Балтичкото Море.

Од друга страна, Литванија е подготвена да го брани коридорот Сувалки по секоја цена во случај на војна. Според медиумите, Полска и другите членки на НАТО ќе помогнат.

Долго време Литванија и Полска развиваа заеднички план (стратешка насока) за одбрана на коридорот Сувалки. Она од што стравува Вилнус е дека Русија и Белорусија, во заедничка операција, ќе ја блокираат оваа стратешка комуникациска рута со тенкови и војници, што целосно ќе ја отсече оваа членка на ЕУ и НАТО од остатокот на Европа, а со тоа и уште две земји, Летонија и Естонија.

https://www.youtube.com/watch?v=K-JEd1VNzE8&feature=emb_title

Затоа, Полска и Литванија веќе имаат детален план за одбрана на овој коридор. Имено, би се формирала заедничка полско-литванска единица, односно борбена група која би имала само една задача - да издржи колку што може до пристигнување на засилувања од литванската и естонската армија, како и борбените групи на НАТО стационирани на Балтикот.

Планот, кој наводно постои, ја одредува локацијата на единиците и каде ќе бидат нивните позиции доколку Русите тргнат со тенкови, како маневрите на борбените групи, огнената поддршка и противвоздушната одбрана која треба да ја запре борбената авијација на Русија и евентуалните хеликоптерски десанти.

The post Украина бара Полска и Литванија целосно да го отсечат Калининград, Русија може да биде принудена воено да обезбеди коридор appeared first on Република.