Полицијата поднесе кривична пријава против И.И.(44) и А.И.(49), двајцата од Скопје, поради тешки дела против општата сигурност и предизвикување општа опасност, соопшти МВР.

Тие се осомничени дека запалиле кафеана на 13 ноември, денот на ослободувањето на Скопје од фашистичкиот окупатор.

На 13 ноември во Скопје, пријавените со запалива течност предизвикале пожар во угостителски објект во главниот град, пишува во полицискиот билтен.

The post Празникот на градот, двајца скопјани го прославиле со полевање кафана со бензин, па ја запалиле appeared first on Република.

Во октомври споредено со септември пораснале цените за угостителските услуги за 1,1 процент, додека пак во однос на октомври минатата година се зголемени за 6.1 процент, покажуваат податоците на Државниот завод за статистиска.

Според пресметките кумулативниот индекс на цените на угостителските услуги во периодот јануари – октомври во однос на истиот период лани е зголемен за 5,6 проценти, а во однос на декември минатата година за 3 проценти.

Податоците покажуваат дека на годишно ниво ноќевањата поскапеле за 21,3%, алкохолот за 4,9% и храната за 2,1%.

На месечно ниво ноќевањата поскапеле за 5,9%, алкохолот за 0,3%, а храната за 0,2%.

Кумулативно за периодот јануари-октомври најмногу поскапеле ноќевањата за 13,5% и алкохолот за 5,6%. Храната што се нуди во овие објекти во истиот период поскапела за 3,4%.

The post Цените на угостителските услуги не престануваат да растат appeared first on Република.

Тетовската полиција привела четириесет и петгодишен маж кој ја нападнал партнерката во угостителскиот објект каде што работела.

Вчера во 20:25 часот на улица „Благоја Тоска“ во Тетово, полициски службеници од СВР Тетово го лишиле од слобода С.М.(45) од Тетово, кој околу 19:30 часот бил пријавен од А.М.(46) од Гостивар со која живееле во вонбрачна заедница, дека во угостителски објект во Тетово каде што таа работела, истиот физички ја нападнал“, информираат од СВР Тетово.

С.М. е задржан во полициска станица за понатамошна постапка и против него ќе следува соодветен поднесок.

The post Ја претепал девојка му во кафеаната во Тетово каде што работела appeared first on Република.

СВР Битола поднесе кривична пријава против М.М. од Битола поради постоење основи на сомнение за сторено кривично дело предизвикување општа опасност.

„На 16 април 2024 година, пријавениот битолчанец фрлил отпушок од цигара во угостителски објект, при што предизвикал пожар кај клима уредите“, соопшти МВР.

Оттаму велат дека се преземаат активности за решавање на случајот.

The post Битолчанец фрлил отпушок во кафеана и предизвикал пожар appeared first on Република.

МВР информира дека вчера во 16.15 часот во СВР Скопје било пријавено дека во патничко возило „опел“ со скопски регистарски ознаки пред угостителски објект во населба Хиподром бил пронајден починат Ф.Ш.(65) од с. Студеничани, Скопско.

Лекар од Итна медицинска помош констатирал смрт без видливи траги на насилство.

Увид извршила екипа од СВР Скопје, а по наредба на јавен обвинител телото на починатиот било дадено на обдукција.

The post Во „опел“ паркиран пред кафеана во Хиподром пронајден починат 65-годишник од Студеничани appeared first on Република.

Угостителските услуги во јануари годинава, во споредба со истиот месец од 2023, се зголемени за 6.3 %, соопшти Државниот завод за статистика.

Во однос на декември лани, пак, угостителските услуги поскапеле за 0.6 %.

Споредено по групи на услуги, зголемување е забележано во групите Храна за 0.3 %, Алкохолни пијалаци за 1.6 %,
Безалкохолни пијалаци за 1.7 % и Ноќевања за 0.8 %.са/

The post Веќе не се влегува во кафана: Угостителските услуги поскапеа за шест посто appeared first on Република.

На социјалните мрежи масовно се шерува видео снимка на која е прикажана масовна тепачка во ресторан која се случила минатиот викенд.

Сите се запрепастени од оваа снимка, која доби негативни коментари на социјалните мрежи.

На таа снимка има само мал дел од општата тепачка, односно втората рунда кога страстите донекаде се смирија и пред да дојде полицијата по пријавата. На видеото не се гледа пресметката која и претходеше, која беше жестока бидејќи не се знаеше кој кого удира, па ресторанот беше вистинско бојно поле, открива извор за српските медиуми.

Според изворот, пред крај на работното време, штом музичарите го завршиле последниот блок, почнала расправија, а потоа и невидена тепачка.

Најмалку десет млади мажи и жени се тепаа меѓу себе со тупаници и нозе, летаа шолји, чаши, пепелници, инвентар од кафеаната… Шанкот се тресеше од врева, пцовки, туркање, закани и врисоци додека келнерите се обидуваа да ги смират и раздвојат „завојуваните“ гости. Оштетен е и инвентарот, а на ѕидовите останаа највпечатливите траги на вандализам, пренесуваат медиумите во Србија.

https://twitter.com/015_petar/status/1622271424755896321?ref_src=twsrc%5Etfw%7Ctwcamp%5Etweetembed%7Ctwterm%5E1622271424755896321%7Ctwgr%5E901c8eb0b6d8551806033713ee796fc602980eda%7Ctwcon%5Es1_&ref_url=https%3A%2F%2Fulica.mk%2Fd0bdd0b5-d181d0b5-d0b7d0bdd0b0d0b5-d0bad0bed198-d0bad0bed0b3d0be-d183d0b4d0b8d180d0b0-d181d0bdd0b8d0bcd0bad0b0-d0bed0b4-d0bcd0b0d181%2F

The post Не се знае кој кого тепа и удира: Снимка од масовна тепачка во кафеана appeared first on Република.

Ноќва околу 3:45 часот било пријавено дека пред угостителски објект во Берово по претходна расправија бил нарушен јавниот ред и мир со меѓусебна пресметка помеѓу Т.Р. од Франција од една страна и Д.Т. (28) и Т.П. (33), двајцата од с. Будинарци.

Според пријавеното, Т.Р. го удрил Т.П. со стаклен предмет.

Се работи на расчистување на случајот.

The post Французин кршел шишиња од главата на будинарчани во кафеана во Берово appeared first on Република.