Претседателот на Ракометната федерација на Македонија, Живко Мукаетов денес се сретна со кадетската репрезентација која во неделата го освои ЕХФ шампионатот што се играше во Летонија.

Македонските кадети со освојувањето на турнирот обезбедија пласман на Светското првенство 2023 година и на Европското првенство во 2024 година.

Организаторот им ја скрати химната во делот за Гоце Делчев, Питу Гули ама дечкиве продолжија со пеење и ја испееа цела химна ❤️
Браво дечки 💪🇲🇰🇲🇰 pic.twitter.com/uZXOOQAas7

— Кичеецот (@mancesterovec7) August 14, 2022

Мукаетов им го честиташе успехот на ракометарите и стручниот штаб, и на сите што дадоа придонес за овој резултат.

Воедно, првиот човек на македонскиот ракомет посочи дека репрезентацијата ќе биде наградена со 700.000 денари, откако одлуката за премијата ќе помина на Управен одбор. Мукаетов уште еднаш покажа дека знае да ги цени успесите на македонските ракометари и дека не се случајни резултатите на репрезентациите во сите категории на кои РФМ им овозможува идеални услови за тренинзи и подготовки

The post Ракометарите кои гордо ја пееја македонската химна ќе добијат 700.000 денари appeared first on Република.