Кадетската кошаркарска репрезентација на Македонија вечерва ја победи Австрија со 95:88, но тоа не беше доволно за пласман во четвртфиналето и поради поразот од Естонија завршивме како трети во групата.

Со третата позиција македонските кошаркари ќе одат во разигрувањето за од 9. до 16. позиција на Европското првенство во Б-дивизијата на кое Скопје е домаќин.

Натпреварот против Австрија започна со минута молк во чест на легендата на македонската кошаркар Лазар Лечиќ кој почина во текот на вчерашната вечер.

Македонија фаворитската улога лесно ја оправда, иако уште од пред натпреварот беше познато дека нашите шанси за четвртфинале се загубени. Најефикасен во нашите редови беше Ѓорѓи Цветковски со 25 поени, Ѓорѓевиќ постигна 19, а Данев 18. Во редовите на Австријците Вицман уфрли 26 поени.

Претходно Шведска со 78:77 ја совлада Естонија, па така овие две селекции имаа седум бода како и Македонија, но ние отпаднавме поради најлоша кош-разлика.

The post Македонија ја победи Австрија, но остана без четвртфинале на кадетското ЕП во Скопје appeared first on Република.

Машката кадетска репрезентација на Македонија заврши на 9. позиција на Светското првенство во Хрватска. Избраниците на Раде Стојановиќ во вечерашниот дуел против Чешка одиграа на ниво и славеа со 28:22, со што остварија историски пласман.

Победата над Чешка и деветтото место беа прославени со легендарните песни – „Бисер Балкански“ и „Земјо Македонска“…

извор: 24 ракомет

The post „Бисер Балкански“ и „Земјо Македонска“ ечат среде Хрватска appeared first on Република.

Кошаркарите на Вардар до 18 години го освоија шампионскиот трофеј во јуниорската категорија откако на завршницата која се одигра во малата сала при СЦ „Јане Сандански“ во организација на Феникс 2010 во драматично финале славеа против екипата на Водно Санс со 85-77.

Младиот кошаркар на Вардар Павел Иванов ја понесе главната индивидуална награда на завршниот турнир во Скопје, откако беше прогласен за најкорисен играч на турнирот.

[caption id="attachment_645697" align="alignnone" width="720"] Павел Иванов беше прогласен за МВП[/caption]

Иванов беше клучен за триумфот на „црвено-црните“. Со неколку забивања, но и блокади под сопствениот кош буквално го реши натпреварот за златниот медал. Тој средбата ја заврши со 20 поени и 11 скокови, на кои додаде три асистенции и по две украдени топки и блокади.

Иванов беше одличен и во полуфиналето во кое Вардар беше подобар од Работнички. На таа средба младиот „вардарец“ исто така имаше двојни бројки во поените и скоковите.

Сребрениот тим на Водно Санс беше предводен од Јаничиќ и Ќириловски со по 17 поени, додека во натпреварот за бронзениот медал, Работнички беше подобар од организаторот на завршниот турнир, Феникс 2010 со 77-65.

The post Вардар е кошаркарски јуниорски првак на Македонија, Павел Иванов прогласен за МВП appeared first on Република.

Кадетите на фудбалскиот клуб Вардар се победници на Купот на Македонија во соодветната конкуренција. „Црвено – црниот“ состав во финалниот дуел беше подобар од тимот на Шкендија до 4-1, и на тој начин дојде до драгоцениот трофеј.

Со гол на Горјан Цветков во 21. минута Вардар го отвори резултатот. Цветков погоди од пенал, откако во противничкиот шеснаесетник фаулиран беше Бундалески, по што главниот судија покажа на белата точка. Шкендија израмни на 1-1 во 32. минута.
Во 43.минута Ѓорѓи Дошев со еврогол од 25 метри ја погоди мрежата на Шкендија за предност на Вардар од 2-1 на полувреме. Во 72. минута во добра шанса се најде Бундалески кој со глава биеше крај голот. После неколку прилики, беше прашање на време кога ќе го зголемиме водството. Тоа се случи во 76.минута кога после центар шут од десната страна на Фидановски, кој влезе во игра, Филип Јовановски беше играчот кој успеа да ни донесе предност од 3:1. Во 90.минута „печат“ на големата победа да стави Зоран Фидановски за конечни 4:1 во ова финале на Купот.
Вардар: Филевски Никола , Кулуковски Влатко, Ајетовиќ Нуман, Здравковски Симеон, Стојилевски Марко (К), Спасиќ Тино, Јовановски Филип, Цветков Горјан, Дошев Ѓорѓи, Радевски Филип и Бундалески Максим.
Играа уште и Леонид Илиевски, Зоран Фидановски, Лука Јакимовски, Никола Уневски, Михаил Кузмановски, Матеј Митревски и Виктор Стефановиќ.

The post Кадетите на Вардар го освоија фудбалскиот Куп, ја декласираа Шкендија со 4-1 appeared first on Република.

Младите македонски ракометни со пет победи во исто толку одиграни средби го освоја првото место на ЕХФ шампионатот за играчи до 18 години што се одржа во Рига, Летонија.

Избраниците на селекторот Раде Стојановиќ попладнево во финалето ја совладаа селекцијата на Швајцарија со 24-22 полувреме 13-10 и заслужено се закитија со златото.

Триумфот на ова првенство е дотолку поголем за оваа генерација, која се овој резултат се избори и за настап на две следни големи натпреварувања.

Тие следната година ќе играат на Светското првенство за ракометари до 19 години, а во 2024-та ќе бидат и дел од елоитата на Европскиот шампионат за играчи до 20 години .

The post Кадетите го освоија ЕХФ-шампионатот и обезбедија пласман на ЕП и СП appeared first on Република.