Во координирана акција со ПСОН Ѓорче Петров беа затекнати повеќе лица со моторни возила како го прекршуваат законот за јавна чистота. Против истите ќе бидат поднесени соодветни пријави и казни, објави градоначалникот Александар Стојковски.

Грдите слики покрај контејнерите се резултат на несоодветно одлагање на кабастиот отпад. Правиме максимални напори со Комунален пункт на Општина Ѓорче Петров за ваквите слики да бидат минато и потребна е поголема вклученост од целата заедница.

The post Ѓорче Петров преплавено со кабаст отпад: Граѓани фатени на дело како фрлаат каучи и машини во контењер appeared first on Република.

Градот Скопје заедно со градските јавни претпријатија и во координација со Oпштина Кисела Вода денеска почнаа голема пролетна работна акција на подрачјето на општина Кисела Вода. Заеднички екипи до крајот на неделата спроведуваат активности за темелно чистење на булеварите и улиците, рачно и машинско миење на улиците, собирање на кабаст отпад, санирање на оштетувања на коловозите, поставување и обновување на сообраќајната сигнализација, садење нови садници и уредување на зеленилото, санации на пријавени дефекти и проблеми од страна на граѓаните, заловување на бездомни кучиња, каде по нивен хуман третман ќе биде овозможено да бидат вдомени, целосно чистење на атмосферските и фекалните линии,  како и прочистување на дождовните сливници на булеварите и градските улици.

Во рамките на оваа голема акција, ЈП „Комунална Хигиена” постави специјални садови за кабаст отпад на неколку локации, каде што граѓаните ќе можат да го остават, по што тој бесплатно ќе биде подигнат и транспортиран на соодветна локација од страна на ова градско претпријатие.

Локациите на кои од денеска до недела може да се остава кабастиот отпад се следните:

УЗ Населба Драчево - ул. “Бранко Заревски” бр.17, Парк на бранители;

УЗ Кисела Вода - ул. “Христо Татарчев" (главна улица - наспроти ЈГД „8 Март“);

УЗ Цветан Димов - ул. “Георги Димитров” (заден влез на СГУ Васил Антевски-Дрен);

УЗ Црниче - ул. “Наум Охридски” бб (пред УЗ Црниче);

Во големата пролетна работна акција во Кисела Вода на терен координирано работат екипи на градските јавни претпријатија: Паркови и зеленило, Комунална хигиена, Водовод и канализација, Улици и патишта и Лајка.

Пролетната акција во општина Кисела Вода ќе трае од 21 до 27 март, а потоа теренските екипи на Јавните претпријатија ќе продолжат со работа во наредната општина.

The post Пролетна работна акција во Кисела Вода: Одложете кабаст отпад на овие локации appeared first on Република.

Општина Кисела Вода ги информира своите жители дека од понеделник до 27 март (недела), ќе се одвива акција за подигнување на кабаст отпад.

Акцијата ќе се спроведе во соработка со јавното претпријатие „Комунална хигиена“. При тоа, ќе бидат поставени специјални садови за кабаст отпад на неколку локации, а граѓаните ќе можат да го остават, по што тој бесплатно ќе биде подигнат и транспортиран на соодветна локација од страна на ова градско претпријатие.

Специјалнитре контејнери за кабаст отпад ќе бидат поставени на следните локации: УЗ населба Драчево- улица „Бранко Заревски”, број 17, Парк на бранители, УЗ „Кисела Вода“- улица „Христо Татарчев” (главна) наспроти градинката „8-ми Март“, УЗ „Цветан Димов“- улица „Георги Димитров” (заден влез на СГУ „Васил Антевски-Дрен)“ и УЗ „Црниче“ – улица „Наум Охридски”, бб (пред УЗ „Црниче“)

Правилното одложување на кабастиот отпад има директно влијание во зачувувањето на урбаната животна средина од аспект на санитарно и еколошко значење, а исто така, на тој начин се спречува создавањето на диви депонии и грда слика за средината во која се живее. Се надеваме на совесното однесување на сите наши жители за кои се спроведува оваа акција, соопштија општинските власти.

The post Акција за бесплатно собирање на кабаст отпад во Кисела Вода appeared first on Република.