ренерот на Јувентус, Тиаго Мота ги искажа впечатоците за играта на неговиот тим синоќа во ремито со Парма (2:2) во 10. коло од Серија А.

-Дадовме толку многу шанси и самите ги создадовме за противникот. Треба да се подобриме за да ги добиеме резултатите што сакаме да ги постигнеме. Направивме грешки при последните приоди кон противничкиот гол - ни недостасуваше последното додавање и завршницата, изјави Мота по натпреварот.

Јувентус ја продолжи серијата без пораз - тимот нема пораз оваа сезона (4 победи и 6 нерешени). Торинскиот тим е на 4. место во поредокот со 18 бодови.

Парма е на 14. место со 9 бодови

The post Јувентус кикна дома против Парма appeared first on Република.

Судот во Торино одлучи да му конфискува речиси 75 милиони евра на сопственикот на Јувентус, Џон Елкан. Станува збор за финансиски средства, движен и недвижен имот.

Братот на Елкан, Лапо, неговата сестра Гинерва и претседателот на клубот Џанлука Фереро исто така се под истрага за „даночна измама“ и „измама на штета на државата“.

Семејството Елкан, наводно, го наследило имотот по смртта во 2019 година на нивната баба Марела Карачиоло, сопруга на поранешниот шеф на Фиат и поранешен сопственик на Јуве, Џани Ањели.

Според адвокатите на Елкан, конфискацијата на имотот е стандардна постапка што не значи дека обвинетите се виновни.

Потенцираме дека Марела Карачоло е жител на Швајцарија од раните 70-ти години, многу пред да се родат браќата Елкан. Нејзината желба да живее во Швајцарија беше непроменета“, се вели во соопштението на адвокатите, кои се „убедени дека можат да ја докажат невиноста на своите клиенти“.

Јувентус по четири кола сезонава во Серија А има две победи и два нерешени натпревара.

The post На газдата на Јувентус судот му конфискува речиси 75 милиони евра appeared first on Република.

По комплетираниот трансфер на Нико Гонзалес од Фиорентина, Јувентус има договор и со Порто, за позајмица на Франсиско Консеисао.

Овој фудбалер реши да го напушти португалскиот клуб по промените кои се случија во раководството и во стручниот штаб, а од сите понуди, ја избра понудата на тимот од Торино.

Како што е најавено, Консеисао првата сезона ќе ја игра како позајмен играч, Јувентус за истото ќе плати 7 милиони евра, но ќе нема обврска да го откупи неговиот договор.

The post Јувентус со две нови засилувања во своите редови appeared first on Република.

Нов играч на женската екипа на Јувентус е Алиша Леман (25), девојката на Даглас Луиз. Доведувањето на Леман беше експресна желба на Бразилецот, кој го направи еден од главните услови за потпишување договор со торинскиот клуб. Леман ја носи титулата еден од најубавите фудбалери.

Пред Луиз, Леман беше во врска со репрезентативката Рамона Бахман (32).

Атрактивната фудбалерка често ја разбрануваше јавноста со своите изјави, па во една прилика изјави дека мажите на натпреварите на женскиот тим доаѓаат само поради една причина.

-Вистината треба да се каже. Доаѓаат да фантазираат за секс со нас девојките што  играме. Ако гледаме машки фудбал, многу девојки одат на трибините да го бодрат клубот, а не да фантазираат за секс со фудбалери - изјави Леман.

The post Новата фудбалерка на Јувентус љуби и жени и мажи appeared first on Република.

Јувентус синоќа ремизираше на гостувањето кај Болоња во натпреварот од 37. коло во Серија А - 3:3.

Торинскиот тим заостануваше со 0:3 до 76. минута, кога погоди Федерико Киеза. Аркадиуш Милик погоди во 83. минута, а минута подоцна голот на Кенан Јилдиз му донесе реми на клубот.

Така Јувентус за прв пат во својата историја не загуби во натпревар од Серија А во кој заостануваше најмалку три гола разлика.

Јувентус со 68 бода останува на четвртото место во серијата, зад третопласираната Болоња која има исто така 68 бода, но со подобра гол-разлика.

До крајот на сезоната останува уште едно коло

The post Jувентус се врати од три гола негатива appeared first on Република.

Јувентус синоќа на „Олимпико“ во Рим ја совлада Аталанта со 1:0 и го освои Купот на Италија.

Стрелец на единствениот гол беше Душан Влаховиќ во 4. минута по асистенцијата на Андреа Камбиасо.

Јувентус го освои Купот на Италија по рекорден 15-ти пат.

За Аталанта, финалето беше шесто во историјата на клубот. Тимот од Бергамо остана на единствениот трофеј освоен во 1963 година.

The post Јувентус сепак освои еден трофеј па макар и купот appeared first on Република.

Тренерот на Јувентус, Масимилијано Алегри верува дека неговиот тим може да ја освои титулата во италијанското фудбалско првенство.

- Ништо не е невозможно во фудбалот. Мора да веруваме дека сме способни за нешто извонредно, дека можеме да го претвориме невозможното во возможно. Мораме да дадеме максимум, а ако некој друг сепак не надмине, останува само да му подадеме рака и да му аплаудираме на неговите напори. Драго ми е што стигнав до 300-та победа. Се сметам себеси за многу среќен бидејќи работев со извонредни фудбалери, кои ми беше вистинско задоволство да се гледаат, изјави Алегри за „Football Italia“.

Вчеравечер Јувентус го победи Лече (3:0) во 21. коло во Серија А. За Алегри оваа победа беше 300. во Серија А.

Јувентус се наоѓа на првото место со 52 бода, еден повеќе од Интер кој има и натпревар помалку

The post Jувентус се врати во игра за Скудетото appeared first on Република.

- Жалбата на Јувентус за враќање на титулата од 2005/06 е одбиена. Во понеделникот, италијанскиот државен совет отфрли уште еден обид на „Бјанконерите“ да ја оспорат одлуката со која на тимот му беше одземена титулата на Италија во 2006 година.

Јувентус поднесе жалба, во која обвинети беа Италијанската фудбалска федерација, Интер и Италијанскиот олимписки комитет.

Титулата конечно му е доделена на Интер.

Јувентус ја заврши сезоната 2005/06 со рекордни 91 бод во првенството, но поради учество во корупциски скандал во италијанскиот фудбал, познат како „калчополи“, беше дисквалификуван, му беше одземена титулата и беше префрлен во Серија Б

The post Aпелација не му ја врати титулата на Јувентус за сезоната 2005/06 appeared first on Република.

Тренерот на Јувентус, Масимилијано Алегри зборуваше за целите на „Старата дама“ во новата сезона.

- Треба да се стремиме да се вратиме во Лигата на шампионите – тоа е нашата цел. Играњето во најелитното фудбалско натпреварување е многу важно за нас и за приходите на клубот. Имаме многу млади играчи кои се покажаа добро минатата сезона, но можеме да очекуваме тие да направат уште еден чекор. Сега треба да останеме фокусирани за најдобар почеток во Серија А, изјави Алегри за „La Gazzetta dello Sport“.

Во мај оваа година на Јувентус му беа одземени 10 бода во италијанското првенство. Тимот заврши на седмото место во поредокот на крајот од сезоната.

Јувентус прв пат по 12 години нема да игра во Лигата на шампионите на УЕФА

The post Јувентус сака следната година да се врати во Лигата на шампионите appeared first on Република.

Најтрофејниот италијански фудбалски клуб Јувентус објави синоќа преку својот официјален сајт дека се повлекува од проектот за формирање Суперлига, зад кој сега остануваат само шпанските гиганти Реал Мадрид и Барселона.

Одлуката на Јувентус доаѓа само неколку денови откако клубот од Торино се спогоди со УЕФА околу казната поради финансиски малверзации поврзани со плати на играчите и доби зелено светло едногодишната суспензија да ја издржи во сезоната 2023/24 во која требаше да настапува во Конферециската лига.

Обидот да се формира европска фудбалска Суперлига, замислена како паралелно натпреварување на Лигата на шампиони од 12 клубови од Англија, Шпанија и Италија, пропадна само неколку денови по иницирањето во април 2021 година под жесток притисок од фудбалските навивачи и УЕФА.

Зад проектот официјално сè уште стојат мадридски Реал и Барселона, додека проектот експресно го напуштија Манчестер јунајтед, Манчестер сити, Челзи, Ливерпул, Тотенхем, Арсенал, Милан, Интер и Атлетико Мадрид.

The post И Јувентус ја напушти: Суперлигата ја прогласуваме за „умрено“ appeared first on Република.

увентус не се пласираше во Лигата на шампионите според резултатите од настапот во Серија А и одземањето на бодовите.

Избраниците на тренерот Масимилијано Алегри синоќа загубија од Милан (0:1) во натпреварот од 37. коло на Серија А.

По одземањето на 10 бода поради финансиски малверзации, Јувентус останува со 59 поени во 37 натпревари.

„Старата дама“ нема да игра во Лигата на шампионите за прв пат по сезоната 2010/11. Тогаш тимот го зазеде 7. место во Серија А.

Јувентус се уште има шанси да влезе во европските натпреварувања. Заостанувањето во однос на Рома која е на 6.место е бод, а од петтата Аталанта два бода.

Во последното коло од Серија А, Јувентус ќе игра на гости кај Удинезе

The post Можеби ќе го гледаме против Шкендија или Струга: Јувентус нема да игра во Лигата на шампионите appeared first on Република.

Јувентус и седум од нивни поранешни и сегашни директори, вклучувајќи ги Андреа Ањели и Фабио Паратичи, се обвинети од страна на Италијанската фудбалска федерација (ФИГЦ) за користењето на „маневри со исплатата“ на платите на фудбалерите. Ова е нов случај покрај тој за вештачкото зголемување на трансферите на фубалерите.

Според „Газета дело спорт“, обвинителот на ФИГЦ, Џузепе Кине ги обвинува Јувентус и директорите: Андреа Ањели, Павел Недвед, Фабио Паратичи, Федерико Керубини, Џовани Мана, Пало Моргантти и Стефано Брагин за договорите за исплата на фудбалерите „под рака“ и покрај тоа што јавно објавуваа дека фудбалерите се откажале од платите како дел од мерките за штедење поради пандемијата на Ковид-19.

Судењето ќе се одржи во јуни, а меѓу потенцијалните казни се предупредување, финансиска казна, но и казна со одземање поени.

Не е јасно колкава казна со поени ќе биде побарана, но тоа ќе се смени откако „бјанконерите“ ќе ја добијат казната за претходниот случај во понеделник на 22 мај. Според „Газета“, федерацијата сака да ги реши двата случаи пред крајот на јуни, за казните да бидат додели за сезоната 2022/23.

https://twitter.com/Gazzetta_it/status/1659606845172989968?ref_src=twsrc%5Etfw%7Ctwcamp%5Etweetembed%7Ctwterm%5E1659606845172989968%7Ctwgr%5E8250458fc45123aad0ae47daadb5399d78b68609%7Ctwcon%5Es1_&ref_url=https%3A%2F%2Fmakfax.com.mk%2Fsport%2Fnovo-obvinenie-za-juventus-sega-za-sluchajot-so-manevri-so-isplatata%2F

The post Ново обвинение за раководството на Јувентус, правеле „маневри со исплатата“ и давале пари „под рака“ appeared first on Република.

Јувентус има намера да се раздели со пет играчи на лето за да ги намали трошоците. Голема е веројатноста по одземањето на 15 бода, Јувентус следната сезона да не влезе во Лигата на шампионите.

Поради загубата на приходите, клубот ќе мора да ги намали трошоците за играчите.

Според „Газета дело спорт“, италијанскиот клуб нема да ги обнови договорите со Адриен Рабио, Алекс Сандро, Хуан Квадрадо, Леандро Паредес и Анхел Ди Марија. Поради ова Јувентус ќе заштеди околу 70 милиони евра плати.

Договорите на сите горенаведени играчи со Јувентус се со важност до летото 2023 година.

The post Криза: Јувентус нема да ги продолжи договорите со неколку фудбалери за да заштеди 70 милиони евра appeared first on Република.

Италијанскиот фудбалски гигант Јувентус може да се соочи со драконска казна поради финансиските малверзации поврзани со трансфери на своите играчи и да биде исфрлен од УЕФА од сите европски натпреварувања, објави денеска весникот „Газета дело Спорт“.

Казната би стапила на сила во првата сезона во која Јувентус ќе избори пласман во едно од трите клупски натпреварувања во организација на УЕФА (Лига на шампиони, Лига Европа и Конференциска лига). Тоа значи дека доколку Јувентус на крајот на оваа сезона не избори пласман во Европа, казната автоматски ќе се префрли за следната сезона, пишува весникот.

Јувентус во петокот беше казнет со одземање 15 бодови во Серија А поради финансиски малверзации при трансфери на играчи во периодот од 2019 до 2021 година.

The post УЕФА ќе го исфрли Јувентус од сите европски натпреварувања? appeared first on Република.

Обвинителството во Торино поднело барање за обвинение против 12 лица кои се под истрага, меѓу кои и поранешниот претседател на клубот Андреа Ањели, поранешниот потпретседател Павел Недвед, поранешниот извршен директор Маурицио Аривабене и Фабио Паратичи, објави „Скај Спорт Италија“.

Под истрага се вкупно 16 физички и правни лица, меѓу кои и Јувентус како клуб. „La Gazzetta dello Sport“ пренесува дека властите во Торино веќе подготвиле налог за апсење на лицата на списокот. Во рок од 5 дена судијата ќе треба да одреди термин за рочиште.

Според веб-страницата на новинарот Џанлука Ди Марцио, клубот се соочува со парична казна која се движи од неколку стотици илјади до неколку милиони евра. Лицата под истрага може да се соочат со парични казни од 20.000 до 5 милиони евра и/или затворска казна од 1 до 8 години.

Претходно беше објавено дека бордот на директори на Јувентус поднел оставка. Оваа одлука е поврзана со истрагата на обвинителството за фактите за прекршување на известувањето и последователните проблеми со одобрувањето на буџетот. Функционерите на клубот се обвинети за преценување на трансферните трошоци на играчите, како и за лажни податоци за трошоците за персоналот и за криење на вистинската висина на платите на фудбалерите

The post Пола управа на Јувентус ќе оди во затвор? appeared first on Република.

Сите директори на Јувентус денеска си поднесоа оставки и си заминаа од функцијата, пренесува италијански La Gazzetta dello Sport.

Претседателот Андреа Ањели, неговиот заменик Павел Недвед и извршниот директор Маурицио Аривабене го напуштаат клубот. Со нив клубот го напуштаат голем број директори и помали функционери, а тоа се Лоренс Дебро, Масимо Дела Рагионе, Катрин Финк, Даниела Марилунго, Франческо Ронкаљо, Џорџо Такија и Сузан Кејвуд.

Да потсетиме, клубот беше обвинет дека на сомнителен начин остварувал приходи во 2018, 2019 и 2020 година. Под истрага се 16 лица, сегашни и поранешни вработени во клубот, а имињата кои најмногу се издвојуваат се Андреа Ањели, Павел Недвед и Маурицио Аривабене, луѓе кои денеска го напуштија клубот.

Зад сѐ стојат тајните документи кои што клубот ги потпишал со Кристијано Роналдо за време на пандемијата на коронавирус. Според нив, според La Gazzetta dello Sport, Јувентус на својот тогашен напаѓач му ветил исплата од 19,9 милиони евра, што, според обвинителството, не било наведено во финансиските извештаи на клубот.

Јувентус ветил дека ќе му ја плати споменатата сума на Роналдо дури и ако тој го напушти клубот пред крајот на договорената соработка, што португалскиот напаѓач го направил со заминувањето во Манчестер Јунајтед. Во времето на пандемијата, Јувентус најавил големи намалувања на платите, а подоцна потврдиле дека поради финансиски проблеми на играчите им биле ускратени приходите што требало да ги добијат за четири месеци.

Обвинителството се обидува да докаже дека тоа не е точно, дека постојат поединечни необјавени документи меѓу клубот и играчите, односно дека се фалсификувани сметките на клубот, за годините 2019, 2020 и 2021 година. Пронајден е токму таков документ дека Роналдо потпишал со торинскиот гигант. La Stampa претходно напиша дека Роналдо одбил да даде изјава во обвинителството кога го прашале за спорниот документ.

The post Целото раководство на Јувентус си поднесе оставки поради аферата со Роналдо appeared first on Република.

Италијанскиот фудбалски гигант Јувентус не се пласира во осминафиналето во Лигата на шампионите.

Избраниците на тренерот Масимилијано Алегри синоќа загубија на гостувањето кај Бенфика (3:4) во 5. коло од групната фаза. ПСЖ и Бенфика од групата Х се пласираа во осминафиналето со по 11 бода, додека Јувентус и Макаби имаат по три бода и ќе се борат за учество во плејофот во Лигата на Европа.

Јувентус во 6. коло ќе му гостува на ПСЖ, а Макаби ќе ја пречека Бенфика.

Торинскиот клуб не успеа да се квалификува во плејофот на Лигата на шампионите за прв пат по сезоната 2013/14. Таа сезона „Старата дама“ под водство на Антонио Конте го зазеде третото место во групата со Реал Мадрид, Галатасарај и Копенхаген.

Следните две сезони Јувентус играше два пати во финалето на Лигата на шампионите, но загубија во двата случаи (2014/2015, 2016/2017).

The post Јуве е во голема криза, нема да игра во плејофот на ЛШ appeared first on Република.

Пријателскиот натпревар меѓу мадридски Атлетико и Јувентус од Торино што требаше утре да се игра во Израел е откажан од безбедносни причини.

– Имајќи ја предвид безбедносната состојба, натпреварот со Јувентус што требаше да се игра в недела на стадионот „Блумфилд“ во Тел Авив е откажан од безбедносни причини, соопшти попладнево шпанскиот прволигаш.

Израелски авиони бомбардираа денеска цели во Појасот Газа, а палестинските милитантни возвратија со ракетни напади врз израелски градови.

Борбите траат втор ден по повеќе од една година релативно затишје долж границата.

The post Во Газа се пука, небезбедно е Јуве и Атлетико да играат во Тел Авив appeared first on Република.

Фудбалерот на Јувентус и француски репрезентативец, Пол Погба, ќе мора да го оперира менискусот на десното колено, поради што ќе биде надвор од теренот најмалку четири месеци, пренесуваат италијанските медиуми.

Погба се повреди претходно оваа недела за време на тренинг од претсезонските подготовки на Јувентус во САД.

Поради повредата, Погба ќе мора да го пропушти и претстојното Светско првенство, коешто ќе се игра во ноември и декември во Катар и нема да се враќа на теренот до крајот на оваа година.

The post Само што дојде во Јувентус, Погба мора на операција на коленото appeared first on Република.

Најдобриот дефанзивец во Серија А за минатата сезона, Бразилецот Глејсон Бремер, од Торино ќе направи трансфер во редовите на градскиот ривал Јувентус за сума од 40 милиони евра плус седум милиони евра во бонуси во зависност од постигнатите резултати.

Италијанските медиуми пренесуваат дека Јувентус ги договорил условите за трансферот, со што преостанува Бремер да ги мине задолжителните медицински прегледи.

Претходно, најблиску до потписот на бразилскиот дефанзивец Бремер беше Интер, но во трката се вклучи Јувентус, кој обезбеди многу пари со продажбата на Матијас де Лихт, инкасирајќи 80 милиони евра од неговиот трансфер во Баерн Минхен.

The post Најдобриот дефанзивец во Серија А, од Торино преминува во Јувентус за 47 милиони евра appeared first on Република.