Грчката полиција уапсила 35-годишен маж, кој злоупотребувал и малтретирал лица со инвалидитети и попреченост и сето тоа го пренесувал во живо на социјална мрежа, додека пак гледачите од него барале да врши конкретни дела како физички повреди, сексуални дејства и слично насилство за што плаќале одреден износ, јави дописничката на МИА од Атина.

Според медиумите во Грција, станува збор за познат грчки јутјубер, кој ја користел платформата Тик Ток.

Од грчката полиција соопштија дека уапсениот најмалку од јануари 2023 година, под псевдоним користел профил на социјална мрежа на која во живо емитувал навредливи однесувања кон лица со ментална попреченост и од тоа се стекнал со незаконска финансиска корист.

Поконкретно овие дела се состоеле од постојана злоупотреба, физичко повредување и сексуални дејствија, кои ги барале гледачите кои гледале пренос во живо, плаќајќи соодветен износ на пари, соопштија од грчката полиција.

Уапсен бил вчера во неговиот дом во Атина, бидејќи во раните утрински часови во живо злоупотребувал две лица, а се товари за трговија со луѓе и физичко повредување на изнемоштени лица, кривично дело со расистички карактеристики поради инвалидитет.

The post Познат јутјубер злоставувал и измачувал немоќни лица, сè пренесувал во живо appeared first on Република.

Вчерашната ждрепка за групната фаза од Европското првенство во 2024 година го одбележа моментов кога во салата каде се одржуваше манифестацијата одекнаа звуци како од порно филм.

Никој не можеше да сфати што се случува, но организаторот некако успеа да ја смири ситуацијата и да ја истера на шега. Ден подоцна, откриено е кој го предизвикал инцидентот за кој се зборува низ светот.

И денеска повторно се тврди дека станува збор за јутјуберот Дениел Џарвис кој на своите профили на социјалните мрежи, во најава во живо, покажа како подготвил изненадување за сите кои се наоѓаат во Хамбург.

На видеото кое го постави, може да се види како со телефонот се јавува некому, а на телевизија во исто време се гледа како учесниците во ждрепката реагираат на она што се случува.

https://www.youtube.com/live/IbBX06VQF_s?si=bnwlISkkddBPKrWu

The post Откриено кој пуштал порно звуци на ждерката за ЕП 2024 appeared first on Република.

Јутјубер под корисничко име Скуба Џејк на социјалните мрежи ја објави својата снимка од подморницата Титан на OceanGate, во која беше оваа година, неколку недели пред трагедијата, на „мисија III“. Неговата експедиција на крајот беше откажана поради неочекувани проблеми. Трагедијата во која подморницата со пет патници имплодираше е „Мисија V“.

Во видеото, меѓу другото, можете да видите како изгледа процесот на влегување во подморницата, затворање со 17 завртки однадвор и нуркање.

„Ако експедицијата не беше откажана, можев да бидам во таа подморница“, вели Јутјубер кој поминал девет дена на бродот OceanGate во видеото. Тој го покажа и процесот на мерење пред да влезе во подморницата.

Влезот во подморницата можете да го видите од дваесеттата минута.

https://www.youtube.com/watch?v=O-8U08yJlb8

Носев чоколадни колачиња, два сендвичи и камера за да можам да го снимам“, објасни тој.

На видеото може да се види и Стоктон Раш, извршен директор на OceanGate, кој загина во подморницата. Во една сцена, Стоктон го покажува и контролорот што управувал со подморницата. Исто така, на оваа снимка се слуша Раш како вели дека го откажува нуркањето затоа што „нешто не е во ред со мозокот на подморницата“, односно со системот за контрола.

The post Бил во подморницата пред трагедијата: Јутјубер покажа како изгледа целиот процес на затворање однадвор appeared first on Република.