Американската разузнавачка агенција ЦИА работела по план на Балканот. Во најпознатата шпионска анализа под бројот 15-90, точно се предвидени настаните по смртта на Тито, колапсот на државата и граѓанските војни. Истовремено, најавено е дека најтешките конфликти ќе се водат во БиХ и Косово, објави „Република.рс“.

Американскиот амбасадор, Ворен Цимерман, бил испратен во Југославија во 1989 година со специјална задача. Пораката што ја донел, а која од Вашингтон ја испратил заменик-државниот секретар на САД, Лоренс Иглбергер, била дека Југославија си го одслужила своето време и дека повеќе нема значење за Америка како што имаше за време на Студената војна.

Документи од 1990 година: Детален распоред на државата

- Сè почнува од Словенија на почетокот на 1990 година.

- Во Словенија, а во помала мера и во Хрватска „никнува нов национализам, свртен кон Западот“.

- Со отцепувањето на Словенија и Хрватска, Југославија ќе престане да функционира како федерална држава

- За една година веројатно се ќе се распадне

- Економските реформи нема да спречат распаѓање

- Србија ќе го блокира обидот на Словенците и Хрватите да формираат конфедерација од Југославија

- Распадот ќе продолжи и по заминувањето на Словенија и Хрватска

- Насилството ќе биде жестоко и долготрајно

- БиХ претставува најголема закана за развојот на фундаменталните етнички поделби во Југославија меѓу Србите и Хрватите во големо меѓузаедничко насилство

- Етничката мешавина во БиХ, муслиманите повеќе од 40 отсто, Србите 32 отсто и Хрватите 18 отсто од вкупното население - отсекогаш била потенцијално опасна

- По ова, ќе следи воен бунт на Албанците на Косово, кои ќе имаат поддршка од албанското малцинство во Црна Гора и Македонија.

The post Декласифицирани документи покажуваат дека ЦИА работела по план: Распадот на Југославија одел како по книга appeared first on Република.

Стандардот на Југославија беше 10 пати поголем од стандардот на Словачка, Полска, Унгарија,
Бугарија, Романија заедно. А стандардот на вашите земји, затоа што тука гледам луѓе од
Словачка, Чешка, сега е подобар само поради тоа што сте членки на ЕУ. Патот на напредување на Западен Балкан, како што велите вие, е членство во ЕУ. Дали ќе дојде тоа одеднаш или секторски тоа зависи од начинот на кој ќе се спроведува.

https://www.youtube.com/watch?v=fvowWdg5mn0&embeds_referring_euri=https%3A%2F%2Frepublika.mk%2F&source_ve_path=MjM4NTE&feature=emb_title

Ова, меѓу другото, го изјави премиерот Димитар Ковачевски во Братислава каде учествува на Глобалниот безбедносен форум Глобсек 2023.

Премиерот нешто слично кажа и неодамна во Скопје, по средбата со сенаторот Крис Марфи. И тогаш говореше за некогашниот југословенски стандард, ветувајќи дека ќе им го врати на македонските граѓани.

Според премиерот, поддршката од европските фондови е клучна за развојот на земјите од
Балканот, а членството во ЕУ е единствениот пат за нивен напредок.

-Обединета Европа е единствениот одговор кон справување со кризите и кон справување со предизвиците, кои произлегуваат од оваа војна која се води и која има негативни ефекти и врз економијата и врз енергетиката, порача Ковачевски.

Тој нагласи дека Конференцијата, на која учествуваат претставници од над 65 земји, се одржува во критичен момент за европскиот континент, во време на безбедносни и многу други предизвици, кои произлегуваат од војната во Украина, која, како што рече, е надоврзана со економска, енергетска, но и демократска вредносна криза во голем дел од Европа.

Како одговорен дел од меѓународната заедница, членка на НАТО, претседавач со ОБСЕ и земја со започнати преговори за членство во ЕУ, Ковачевски нагласи дека имаме обврска и должност активно да учествуваме со свој придонес кон колективната одговорност за мирот, за градење на демократијата и човековите права, како и за негувањето на добрососедските односи, бидејќи единствено така може да имаме стабилен и економски силен регион и  Европа во целина.

– Приликите кои се случија на европскиот континент го променија светот неповратно во текот на изминатата година и половина. Тоа беше сигнал за Владите дека ако сакаме да ја добиеме оваа битка во економска и енергетска смисла мора да направиме многу, да дејствуваме итно, но да бидеме солидарни, сплотени и да делуваме и дејствуваме заедно. Само така, може и успеавме во текот на изминатата практично тешка зима да се справиме и со енергетската и со економската криза и да обезбедиме за нашите граѓани непречено снабдување и со енергенси, електрична енергија и храна и да обезбедиме доволно финансиски средства во буџетот за да можат да бидат финансирани сите функции во државата непречено, порача Ковачевски.

Ковачевски, заедно со албанскиот премиер Еди Рама, ќе се обрати на панел сесија на тема „Отворени патишта: Балканот се враќа во игра“, на кој, како што рече, ќе разговараат за важноста на регионалната соработка, предизвиците кои ги имаме, но пред се можностите кои што ги имаат земјите од ЗБ преку иницијативата ОБ, преку Берлинскиот процес и секако преку брзото пристапување во ЕУ.

Во текот на денот, Ковачевски посочи дека ќе има билатерална средба со францускиот претседател Емануел Макрон, на којашто, како што рече, ќе разговараат за важни теми кои што се врзани за нашето зачленување кон ЕУ, секако и за билатералната соработка која ја имаме со Франција од првиот ден од нашата независност.

На Форумот, учествуваат шефови на држави и влади од Европа и светот, како и претставници на најзначајните и највлијателни меѓународни организации. Во фокус на дискусиите на претстојниот Форум се три теми – натамошната поддршка за Украина, отпорноста на Европа наспроти војната, како и ублажувањето на глобалните последици од конфликтот преку зајакнување на економските и енергетските врски.

Стратешката грешка што пред пет години ја направи ЕУ не може да се реши за пет минути

Кога ќе направите стратешка грешка не може да ја решите за 5 минути. Стратешките грешки имаат свој ефект во период од 5 до 10 години најмалку. Знам дека претседателката на Европската комисија е голем пријател на нашите земји, а и личен пријател, што ни помогна во најпредизвикувачките времиња затоа што неколку години работиме во ситуација на криза со пандемијата, економската, енергетската криза. Помошта што ја добивме беше потребна, нужна во тоа време, но исто така морам да потенцирам дека нашиот народ, нашите институции, заедно со премиерите на Албанија и Грција, работиме заедно сè со цел да ја решиме кризата и ја поминавме зимата, изјави премиерот Димитар Ковачевски.

Додаде дека не постои држава, што требало да донесе помачни одлуки од нас за да стане членка на ЕУ и НАТО.

Запрашан за исполнувањето на критериумите за членството во ЕУ, Ковачевски рече дека кога
станува збор за пристапувањето, сите говоревме за Копенхашките критериуми, но тие се веќе
можеби заборавени.

-Што требаше да направи Македонија за да стане членка на НАТО и ЕУ? Ако постои
држава што требало да донесе помачни одлуки од нас, не знам. Го сменивме името за да станеме членка. И кога се заврши со тоа, НАТО испорача, ЕУ не. Тоа се факти. Затоа што измислија некакво вето поради владеењето на правото и некои други работи, рече Ковачевски.

Тој рече и дека не би се согласил оти сите земји, што се приклучиле кон ЕУ, во тој момент биле на ниво на Франција или Шведска во поглед на интегритетот, владеењето на правото и демократија.

The post Таче жали по Југославија додека „проси“ во ЕУ appeared first on Република.

Премиерот Димитар Ковачевски и на Форумот Глобсек 2023 во Братислава правеше споредби со стандардот на поранешна Југославија во однос на другите земји во Источна Европа.

„Стандардот на Југославија беше 10 пати поголем од стандардот на Словачка, Полска, Унгарија, Бугарија, Романија заедно. А стандардот на вашите земји, затоа што тука гледам луѓе од Словачка, Чешка сега е подобар само поради тоа што сте членки на ЕУ. Патот на напредување на Западен Балкан, како што велите вие е членство во ЕУ. Дали ќе дојде тоа одеднаш или секторски тоа начинот на кој ќе се спроведува“ рече Ковачевски.

Ковачевски потенцираше дека земјите во југоисточна Еворпа па и во Источна Европа, се економски силни, затоа што се членки на ЕУ. Правејќи споредба со стандардот на поранешна Југославија, Ковачевски рече дека стандардот тогаш бил 10 пати поголем од стандардот на некои сегашни земји членки на ЕУ.

The post Ковачевски во Братислава: Стандардот во Југославија беше 10 пати поголем appeared first on Република.

Пратеничката на Српската напредна партија, Марина Рагуш, обелодени досега непознат извештај на Советот на Европа (СЕ), во кој, покрај страшните последици од нападите на НАТО врз Србија, се посочува и дека бомбардирањето на СРЈ во 1999 година загадило и седум европски земји.

Станува збор за извештај на СЕ, кој бил усвоен од Парламентарното собрание на Советот на Европа на 24 јануари 2001 година, но кој, од непознати причини, останал непознат цели 23 години.

Во него се наведуваат сериозните последици од воените дејства на НАТО врз животната средина не само во Србија туку и во земјите на Југоисточна Европа – Македонија, Албанија, Бугарија, Грција, Унгарија, Романија и Украина.

Собранието со загриженост го констатира сериозното влијание врз животната средина на воените операции извршени од НАТО против СРЈ во периодот од 24 март до 5 јуни 1999 година, а штетите се прошириле и во неколку други земји во Југоисточна Европа и ќе имаат долгорочни ефекти врз здравјето и квалитетот на животот на луѓето“, се наведува во извештајот за влијанието на војната во СРЈ врз животната средина во Југоисточна Европа.

Рагуш вели дека околните земји го повикале СЕ да направи анализа бидејќи утврдиле дека нивото на штетни материи опасни за животот на сите живи организми е многукратно зголемено. Утврдено е дека преносот на загадувачите по воздушен, речен и копнен пат ја зафатил цела Југоисточна Европа.

Напорите на воздушните сили на НАТО да ги уништат индустриските локации и инфраструктурата предизвикаа опасните материи да ги загадат воздухот, водата и копното. Овие супстанции ќе имаат трајно влијание врз здравјето и квалитетот на животот на луѓето од засегнатите земји. Конкретно, употребата на муниција со осиромашен ураниум, веројатно, ќе ја зголеми појавата на рак и вродени болести меѓу жителите на погодените области, како и меѓу членовите на вооружените сили што служат во овие области“, се наведува во извештајот.

Во него исто така се посочува дека бомбардирањето на еколошки опасните објекти претставува „флагрантно кршење на правилата за заштита на животната средина утврдени со дополнителниот протокол на Женевската конвенција“.

Вкупното количество убојни средства што ги употребил НАТО се проценува на 22.000 до 79.000 тони, со кои биле погодени 78 индустриски локации и 42 енергетски инсталации, но и најмалку 13 национални паркови и природни резервати, како Тара, Копаоник, Фрушка Гора и Шар Планина.

Според извештајот, бомбардирањето ги изложило екосистемите, површинските води, подземните води, земјата и воздухот на Балканот на невидена контаминација со повеќе од сто токсични материи.

Посебен дел од извештајот е посветен на употребата на осиромашен ураниум. НАТО потврди дека употребил околу 31.000 бојни глави со вкупно оптоварување од 10 тони осиромашен ураниум.

Честичките ураниум оксид, кои се ослободуваат по експлозијата, се разнесуваат со помош на ветрот и се таложат на почвата и вегетацијата. Клучниот проблем е што овие честички е невозможно да се неутрализираат или да се отстранат.

Покрај радиоактивните ефекти, ураниумот е многу токсичен и силен канцероген и мутаген, ги уништува хромозомите и предизвикува сериозни нарушувања во репродуктивниот систем.

Беше многу предвидливо дека воената акција ќе има сериозни еколошки последици, кои станаа сосем очигледни уште од самиот почеток, така што може да се претпостави дека еколошката штета предизвикана од НАТО била намерна“, се наведува во извештајот.

Во извештајот на СЕ се наведува и дека до слични податоци дошле и експертите на ОН, кои составиле свој, исто така многу добро документиран извештај.

The post НАТО бомбардирањето на Југославија ја загадило и Македонија, покажува „изгубен” извештај на Советот на Европа appeared first on Република.

Србија вчера одигра лошо против Бразил без ниту еден шут на голот. Избраниците на Пикси не го повторија успехот на репрезентацијата на Југославија на првото Светско првенство во Уругвај.

Во 1930 година во Монтевидео Бразилците заради внатрешни проблеми играа исклучиво со играчи од Рио де Жанеиро но се очекуваше да влезат во полуфинале. Но Југословените ги изненадија и ги победија со 2-1 во првиот натпревар од групата.Головите ги постигнаа Тирнаниќ и Бек.

Пред неколку години за овој успех беше снимен филм наречен „Монтевидео“.

The post Србија против Бразил не го повтори успехот на Југославија во 1930 година appeared first on Република.

Светските првенства во фудбал се одржуваат од 1930 година. Во историјата се одиграни 21 Мундијал. Доколку се направи збирна табела со сите репрезентации кои некогаш учествувале, при тоа во овој рејтинг се доделуваат три бода за победа, еден за нерешено и за натпреварите кои завршувале со изведување пенали и нула за пораз.

На таквата табела лидер е репрезентацијата на Бразил, пред Германија и Италија. Воедно, Бразил е единствената репрезентација која не пропуштила ниту еден турнир.

Табела на првите десет репрезентации:
1. Бразил 237 бода од 109 натпревари
2. Германија 221 бод 109 натпревари
3. Италија 156 бода 83 натпревари
4. Аргентина 144 бодови 81 натпревар
5. Франција 115 бода 66 натпревари
6. Англија 108 бодови 69 натпревари
7. Шпанија 105 бода 63 натпревари
8. Холандија 93 бода 50 натпревари
9. Уругвај 84 бода 56 натпревари
10. Шведска 70 бода 51 натпревар.

Досега на фудбалските Мундијали учествувале 82 репрезентации, вбројувајќи ги и веќе непостоечките СФР Југославија, Чехословачка, СССР и Холандска Индија. Десет од нив на сите натпревари што ги играле биле поразени, а 19 немаат победа.

Светското првенство 2022 ќе с еигра во Катар од 20 ноември до 18 декември

The post Загревање за Катар: На светските првенства учестувале четири сега непостоечки држави appeared first on Република.

Во времето на СФРЈ имало стотици акции и 20.000 локални градилишта.

Младинските акции почнале уште во 1941 година, прво преку собирање оружје и муниција за претстојните битки, а потоа собирање и обувки и облека за борците. Во раните денови на војната била формирана и првата младинска ударна земјоделска бригада, која во период од три месеци собрала 120 вагони пченица и многу овошје и зеленчук.

По војната започнала изградбата на фабрики, канали и електрани.

Во 1946 година, од мај до ноември, била одржана првата сојузна работна акција - изградбата на пругата Брчко-Бановиќи. Во неа учествувале 62.268 млади луѓе и 283 работни бригади. За само шест месеци младинците на Тито изградиле 90 километри железничка пруга, пробиле три тунели со вкупна должина од 600 метри, вклучувајќи го и тунелот Мајевица со должина од 394 метри. Две години подоцна, во 1948 година, започнала ерата на големи операции.

Биле изградени 16 пруги, со вкупна должина од 560 километри, меѓу кои најпознати се Брчко-Бановиќи (90 километри), Шамац-Сараево (242 километра), Добој-Бања Лука (90 километри).

Најголем подвиг била изградбата на автопатот „Братство и единство“, со вкупна должина од 1.066 километри. Учествувале околу 2 милиона млади луѓе, кои во 50-тите години доброволно работеле 135 милиони работни дена. Објектите биле изградени за рекордно брзо време. На пример, автопатот Белград-Загреб од 380 километри бил изграден за помалку од три години.

Младинските акции траеле сѐ до 1990 година, кога биле фрлени лопатите и братството и единството, па почнале да пукаат пушките и младите почнале да пеат други песни.

Извор

The post Само во времето на Тито: 90 км пруга за само 6 месеци, автопат долг 380 км за три години appeared first on Република.

Легендарниот Дејан Савичивиќ се присети на годините кога се распаѓаше Југославија и кога имаше војна поради која беа суспендирани југословенските спортисти. Во 1992 година поради војна на Југославија ѝ беше одземен настапот на Европското првенство иако таа избори пласман на зелениот терен.

-Спортистите не се виновни за ништо што се случува, јас најдобро го знам тоа, затоа што го доживеавме во 1992 година кога на Југославија не ѝ беше дозволено да игра на Европското првенство.

„Не сакам да го бранам Путин, но на своја кожа доживеав исклучување од првенство поради политичка причина. Играњето фудбал, играњето натпревари во секој спорт е порака на мир. Руските фудбалери и другите спортисти од оваа земја немаат никаква врска со Путин, како што ние од таа југословенска генерација немавме врска со војната во Југославија пред 30 години, истакна познатиот фудбалер.

Во 1992 година на ЕП југословенските фудбалери веќе беа во Шведска и се подготуваа за првиот меч кога стигна одлуката на Советот за безбедност на ОН дека се воведуваат санкции кои важат и за спортистите и мораа да се вратат дома.

The post И Југославија беше исфрлена од ЕП во 1992 година appeared first on Република.

Деновиве главна тема е Новак Ѓоковиќ и забраната да учествува на Австралија опен на неколку дена пред почетокот на турнирот

Постарите љубители на спортот сигурно ќе се сетат дека слична ситуација имаше со фудбалската репрезентација на Југославија на Европското првенство во Шведска во 1992 година.

Тоа беше година на веќе почнати војни во Југославија и фудбалерите од Словенија и Хрватска веќе не учествуваа. Но тука беа двајца Македонци, Дарко Панчев и Илија Најдовски.

Југословенските фудбалери веќе беа во Шведска и се подготуваа за првиот меч кога стигна одлуката на Советот за безбедност на ОН дека се воведуваат санкции кои важат и за спортистите.

Тоа беше една од најдобрите репрезентации во Европа во тој момент и сигурно ќе станеше европски шампион. Место Југославија допатува Данска која го освои првото место,
Како најголеми криминалци фудбалерите на Југославија и стручниот штаб биле донесени на аеродромот во Стокхолм и качени во авион без доволно керозин и пилотот не бил сигурен дали безбедно ќе слета во Белград.

The post Не е само Ноле: И на фудбалската репрезентација на Југославија и беше забрането да учествува поради политика appeared first on Република.

Eдна од најдобро чуваните тајни во поранешна Југославија е за појавата на НЛО.....

Тоа се случило на 30 август 1969 година. Имено, тој ден, околу 20 часот, ненадејно се појавило НЛО кое лебдело на приближно 300 метри над аеродромот во Пула, па извесен мајор Јанда издал наредба за општа тревога. Вселенското летало долго триста метри не испуштало звук, а неколку луѓе истрчале до платформата очекувајќи да стапат во контакт со неговиот екипаж.

Само момент подоцна кон него била испукана ракета, но проектилите експлодирале кога го погодиле.

Тито бил информиран за тоа што се случува. Првиот човек на поранешна СФРЈ не сакал да се повлече и оти не е во животна опасност. Откако биле испукани неколку ракети, НЛО се повлекол и се упатил кон Италија, а потоа му се губи секаква трага.

The post НЛО се појавил во Југославија, Тито лично го видел? appeared first on Република.