Од 15 до 22 август во Скопје ќе се одржи петнаесеттото издание на Фестивалот на креативен документарен филм „МакеДокс“.

Овогодишното издание е посветено на архивите, за кое од „МакеДокс“ велат дека е скапоцено наследство што нè претвора во времепловци како ретко што друго.

„Толку е скапоцено што доволно е да отвориме очи за да се наежиме, да начулиме уши за да засолзиме или, пак, да ги брцнеме прстите за да посакаме од него да создадеме нешто ново. Да пресоздадеме сеќавања, да раскажеме поинаку – за да разбереме подобро. Но и за да се разбереме самите, без страв дека најверојатно ќе нè заплисне носталгијата, толку сложена, ама и лековита и подготвени да нè обземат надежта и поривот за промена“, велат од „МакеДокс“.

„Архивата е темелот, но без емоции никаде нема да стигнеме. Обете во себе чуваат неисцрпен креативен потенцијал, а какви приказни ќе посакаме да раскажеме зависи единствено од нас. Но, барем сега знаеме каде треба да копаме ако сакаме будно да живееме додека сме тука, за да почувствуваме длабоко и за да оставиме нешто вредно – и за нас самите, и за тие по нас. Повелете пред филмското платно – заедно да го прославиме јубилејот, да патуваме низ времето и да копаме емоции“, додаваат оттаму.

Фестивалот ќе се одржи на повеќе локации, односно во Куршумли ан, Музеј на Македонија, Сули ан, Младинскиот културен центар и Лабораториум.

The post Јубилејно 15. издание на „МакеДокс“ од 15 до 22 август во Куршумли ан, Музеј на Македонија, Сули ан, МКЦ и Лабораториум appeared first on Република.

The post Јубилејно 20. издание на „Бела ноќ“: Објавен повик за учество appeared first on Република.

Јубилејното 45-то издание на Интернационалниот фестивал на филмската камера „Браќа Манаки“ годинава ќе се одржи во Битола, од 21 до 27 септември. Од неговото основање во 1979 година, овој фестивал е сведоштво на уметноста на кинематограферите, славејќи го наследството на Јанаки (1878-1954) и Милтон (1880-1964) Манаки, инспиративните фигури зад неговото основање.

Јубилејното издание на фестивалот ветува извонредна програма на филмови од етаблирани кинематографери и од нови таленти. Публиката може да очекува ексклузивни премиери, специјални проекции и ретроспективи.

Покрај филмските проекции, фестивалот ќе биде домаќин на привлечни панел-дискусии, работилници и мастер-класови на кои ќе присуствуваат познати личности од индустријата и експерти. Овие сесии ќе обезбедат единствена можност за филмаџиите, ентузијастите и професионалците од индустријата да разменат идеи, да споделат сознанија и да ги прослават различните гласови кои го обликуваат современото кино.

Годинава, филмскиот фестивал „Браќа Манаки“ ја одбележува својата 45-годишнина како фестивал на мајсторите на кинематографијата.

Инициран во 1979 година од Друштвото на филмски работници на Република Македонија (ДФРМ) во соработка со Кинотеката на Македонија, Центарот за култура Битола и градот Битола, по Декларацијата за независност на Република Македонија во 1991 година фестивалот се трансформира во меѓународен и им овозможува на филмовите од целиот свет да влезат во конкуренција за престижните награди Златна, Сребрена и Бронзена камера 300. Битола станува глобален центар за најдобрите кинематографери, откривајќи нови таленти кои оттогаш станаа познати експерти на филмската фотографија и естетика.

Покрај наградите во конкуренцијата КАМЕРА 300, фестивалот се гордее и со својот КЛУБ НА ВЕЛИКАНИ. Овој истакнат клуб ги слави лауреатите на Златната камера 300 за животен опус и Специјалната златна камера 300 за посебен придонес во светската филмска уметност.

Низ годините, вонсериски личности како Свен Никвист, ASC, FSF, Виторио Стораро, ASC, AIC, Сер Роџер Дикинс CBE, ASC, BSC и многу други се закитија со овие престижни награди. Фестивалот продолжува да ја препознава извонредноста, оддавајќи им почит и на етаблираните мајстори и на новите таленти кои имаат значителен придонес во светот на кинематограферската уметност.

Посветеноста на фестивалот на извонредноста ја надминува работата на кинематограферите со наградата Специјална златна камера 300. Освен кинематограферите како Кристофер Дојл и Бруно Делбонел значајни добитници се истакнати режисери и продуценти, како и актерките Кетрин Денев Изабел Ипер и Жилиет Бинош, меѓу другите. Оваа награда им оддава признание на филмски професионалци кои оставиле неизбришлива трага во историјата на кинематографијата.

Фестивалот „Браќа Манаки“ ги поканува љубителите на филмот, филмаџиите и професионалците од индустријата да се придружат во оваа незаборавна прилика. Јубилејното 45-то фестивалско издание ќе се наврати на богатата историја на фестивалот, истовремено славејќи го духот на современата кинематографија. Во текот на 7 дена, присутните ќе можат да очекуваат куриран избор на играни филмови, документарци, кратки и студентски филмови кои пленат, инспирираат и се стимул за понатамошно правење филмови.

The post Јубилејно 45-то издание на „Браќа Манаки“ од 21-27 септември во Битола appeared first on Република.

Во понеделник и вторник на 15 и 16 април на големата сцена во Центарот за култура „Григор Прличев“ во Охрид ќе се одржи 25 –то издание на Детскиот музички фестивал „Распеано рибарче“
Годинава на петте приредби ќе бидат изведени 23 нови детски песни кои претендираат да станат хитови и да го најдат патот до детските срца. На сцената во танцовите кореографии заедно со триесетината изведувачи ќе се појават 100 деца.
Четри приредби се наменети за учениците од основните училишта а завршната приредба е во вторник од 19 часот.
Од самиот почеток до денес фестивалот се потпира на охридски млади изведувачи, автори на музика и текст,композитори, аранжери, короеографи и водители.
-Зад нас се над 500 изведени песни на кои времето не им може ништо и денес некои од нив се пеат а на сцената во хорот и танцовите групи магијата на јавниот настап и сцената ја осетиле близу 3000 деца. Има и такви кои со музиката на еден или друг начин уште се дружат. Без лажна скромност фестивалот „Распеано рибарче“ одамна е бренд, машинерија зад која стои пред сè големата љубов на организаторите, нераскинливата врска со поддржувачите, мирисот на носталгијата кон минатото и одамна зацртаниот пат кон иднината, велат организаторите.
Пред 26 години „Распеано рибарче“ го создаде сега покојниот Коле Петкуќески. Коле ја сакаше естрадата, иако по професија беше машински инженер, во срцето беше наклонет кон музиката, танцот, пеењето.
Фестивалот, годинава е финансиски поддржан од Министерството за култура и Општина Охрид. Зад овој проект се обединети како тим: Мери Димзовска, Милчо Јованоски, Јовица Каралиевски, Елизабета Здравеска и Димче Китрозоски.

The post Јубилејно 25. издание на Детскиот музички фестивал „Распеано рибарче“ на 15 и 16 април во Центарот за култура „Григор Прличев“ во Охрид appeared first on Република.

Ниту Срѓан Марјановиќ може без „Охрид- фест“, ниту пак фестивалот без него, особено кога одбележува три децении траење.

Популарниот екс- ју кантавтор Срѓан Марјановиќ, познат по специфичниот стил („Иди“, „Бебо не плачи“, „Ми смо један другом говорили ви“, „Имаш код мене велики плус“, „Кад једном пукнем ја“) е вљубен нашата земја, поради музиката, пријателите, енергијата...

Имам многу пријатели во Македонија, вели Срѓан.

Го служев воениот рок во онаа прекрасна Југославија, во Битола. Сопругата по потекло беше од Охрид... Многу работи ме врзуваат за вашата земја, и се радувам секогаш кога ќе го го повторам дружењето. Се разбира дека ја сакам македонската кујна, вкусив скоро се...А „Охрид-фест“, тој ми е голема слабост...“

 

Досега овој , слободно може да се нарече- наш музичар, на фестивалот настапувал со песните „Добри мој“, „Пешчани сат“- дует со Маја Оџаклиевска, „Роденден“ а на јубилејното 30-то издание ќе настапи со актерот Бане Видаковиќ во темата именувана според истоимениот роман „А могао сам бити геј“. Песната настана како реакција на Еуросонг: ја враќа насмевката на лице, духовита е, и се лепи на прво слушање. Да потсетиме: Интернационалната вечер на „Охрид фест“, кога настапуваат Срѓан и Бане е на 2 септември, на сцената на Долни Сарај. Се гледаме!

The post Срѓан Марјановиќ: „Охрид-фест“ ми е голема слабост appeared first on Република.

The post Големи имиња на јубилејното издание на „Охрид-фест“: Дадо Топиќ, Гоца Тржан, Неда Украден… appeared first on Република.

The post Јубилејно 10 издание на „ПИН“ конференција: Од 30 ноември до 2 декември простор за негување и развој на македонската и регионалната музичка сцена appeared first on Република.

Од 18 до 21 септември во Скопје ќе се одржи јубилејното, 10. издание на Интернационалниот литературен фестивал „ПРО-ЗА Балкан“, единствен од ваков формат во регионот на кој доаѓаат врвни но и писател(к)и во подем, како и многу познати издавачи од странство.

Дејан Трајкоски е идеен творец и директор на „Про-за Балкан“, член на Друштвото на писателите на Македонија и на Интернационалната федерација на филмски критичари Фипресци. Тој е дипломиран професор по филозофија и поранешен новинар во дневниот весник „Вечер“, а на културната јавност ѝ е познат како писател и автор на романите „Вистина, љубов (Рашомонијада)“ и „Неверство“ за кој ја доби наградата Македонска книжевна авангарда.

Запрашан како е да се организира литературен Фестивал каде што гостите се актуелни и пред сè атрактивни, а воедно да биде задржано и високото ниво на професионалност, Трајкоски во интервју за „Република“ вели дека е многу е тешко, и во исто време, многу е лесно.

Некаде на средина, веројатно, лежи одговорот, вели Трајкоски.

Годинашна добитничка на наградата „Прозарт“ за авторски придонес кон развојот на книжевноста на Балканот е македонската писателка Оливера Николова, мајката на сите писателки. Гости на годинашното издание на „ПРО-За Балкан“ се писателите Дамир Каракаш, Броња Жакељ, Владислав Бајац, Елена Алексиева и Томислав Османли. Во рамки на фестивалот ќе се одржи и разговор со хрватскиот режисер и сценарист, Рајко Грлиќ. Нивното творештво ќе биде промовирано на отворањето на манифестацијата, в недела на 18 септември, во 20 часот, што ќе се одржи во Даут-пашиниот амам, во Националната галерија.

Во рамки на фестивалот ќе се одржи и разговор со хрватскиот режисер и сценарист, Рајко Грлиќ, чиј филм „Караула“ ќе биде прикажан на 21 септември во Кинотека. Разговорот со него е планирано да биде понеделнички, на 19 септември, на вториот фестивалски ден од 20 часот во кафе-книжарницата„Буква“ каде, пак, од 21 часот Бранислав Николов ќе одржи уметнички перфоманс како дел од промоцијата на неговата трета поетска книга, „Полиграф“. Во рамки на 10-то издание на „Про-За Балкан“ ќе се одржи и тркалезна маса на тема „Литература/општество/критика (литературата и критичкото препрочитување на општествените процеси).

Интернационалниот литературен фестивал „Про-за Балкан“ оваа година слави јубилеј 10 години. Вие сте идеен творец на Фестивалот. Кои се Вашите оценки? Ги задоволивте личните критериуми?

ТРАЈКОСКИ: Да. И не.
Да: Затоа што започнавме фестивал со Прокопиев, Лафазановски и Мадешовски, во време кога во Скопје речиси немаше прозни настани со писатели од надвор. Од тој аспект, Скопје како да беше во некаква прозна тишина, само повремено раздрмано од некој случаен сон. Да, и затоа што на фестивалот доаѓаат големи но и писател(к)и во подем, како и видни издавачи од странство. Сакавме да направиме сè, само не некаков вид на паланечко-книжевен туризам. Еве, оваа година дури и Саемот на книга во Лајпциг, вториот по големина во Германија, најави програма посветена на издавачи, со речиси ист формат како нашата „Скопје fellowship“ програма. Во Скопје беше уредничка од Зуркамп, а сега доаѓа уредничка од Галимар. Две професионалки кои што доаѓаат од топ пет најпосакувани фирми во своето поле во Европа. Редок е ваквиот случајот на манифестации од другите уметности во Скопје.
Не: Затоа што... Знаете, сега е време за славење. Ќе ги оставиме буквите од куршуми и пукањата во празно, и ќе славиме. Ако можевме вака 10 години, ќе можеме најмалку уште толку.

Што е потребно за да се одржи Фестивал од ваков формат каков што е Про-За Балкан? Колку логистика, лични контакти, организациски способности се потребни?

ТРАЈКОСКИ: Прво, за тие наши десетгодишни (не)услови, потребен е професионален тим кој што сака да работи и во речиси волонтерски услови. И на тоа сум најмногу горд – фестивалот го работиме 10 години со речиси истиот тим. А личните контакти, тие се можеби најважните. Особено во првите години, кога Македонија речиси ја немаше на мапата. Втората фестивалска година во Скопје дојде една од најпрочуените литературни скаути во светот, Ен Луис Фишер. Луѓе како неа, кои работат за најголемите светски издавачи и имаат моќ на одлучување, не доаѓаат на неистражена мапа туку така. Прокопиев и Лафазановски веќе имаа создадено нивна мрежа на познанства, кои беа клучни.

[caption id="attachment_551266" align="alignnone" width="717"] Тимот на „ПРО-ЗА Балкан“[/caption]

Веќе десетта година по ред, дури и во услови на епидемија на ковид-19 успеавте да го задржите високото ниво на професионалност, актуелност и атрактивност во гостите кои доаѓаат на Фестивалот. Како ви успева?

ТРАЈКОСКИ: Многу е тешко. И во исто време, многу е лесно да се направи фестивалот. Некаде на средина, веројатно, лежи одговорот. Турскиот поет Орхан Вели (во препев на Васко Марковски), вака пее: „Та, оваа брада не ја обелевме на воденичар“.

[caption id="attachment_551265" align="alignnone" width="2048"] Сакавме да направиме сè, само не некаков вид на паланечко-книжевен туризам, вели Трајкоски[/caption]

Што значи за македонската литература одржувањето на Фестивалот Про-За Балкан?

ТРАЈКОСКИ: Фестивалот Про-За Балкан е вмрежување на нашите писатели и издавачи со писателите од регионот и книжевните професионалци од светот. Макар и една соработка да произлегла од сето ова, макар и едно гостување (а се случило многу повеќе), би биле слободни да го парафразираме Милтон Манаки, и да речеме: „ Ако ова чини, сме завршиле голема работа“

Импозантна е листата на гости на Про-За Балкан, од Миљенко Јерговиќ, Анте Томиќ, Мирча Картареску, Басара, Попов, оваа година Рајко Грлиќ, Дамир Каракаш, Броња Жакељ, Владислав Бајац, Елена Алексиева. Какви се нивните впечатоци? Какви анегдоти или случки имате со нив, а кои може да ги откриете на јавноста? Кој што сака да прави кога е во Скопје?

ТРАЈКОСКИ: Ги има многу.
Речиси непознато е дека на фестивалот се сретнаа издавач од Германија и Македонка, и после тоа приказната се преточи во брак. Исто, драго ни беше што пред неколку години неколку од писателите не сакаа да си одат од Скопје. Драго ни беше и кога Јерговиќ кажа дека првата смрт со која се сретнал, била смртта на Немечек. Оти, на многумина од овие простори, првата смрт со која се сретнаа, им беше таа на Немечек. Само што многумина заборавиле. Па тука е писателот, да нè потсети.
Една од тажните анегдоти е кога еден од амбасадорите, пред повеќе години, за време на големите протести од позицијата и од опозицијата, одеше половина час пеш, низ таа гужва од знамиња, за да стигне на отворањето. И не виде нас стотина, како некаков контрапункт на 50.000 или 100.000 луѓе на улица (зависно дали информацијата беше лиферувана од позицијата или опозицијата), како зборуваме за литература, како во некое стаклено ѕвоно. Мислам дека и Дон Кихот да нè видеше, ќе се посомневаше во нашата разумност. Или, пак, можеби немаше да се посомнева...

[caption id="attachment_551267" align="alignnone" width="800"] Трајкоски во друштво со бугарскиот писател Алек Попов и Светослав Басара од Србија[/caption]

Дали Про-За Балкан успеа да се наметне како Фестивал кој ќе ги отвори патиштата за нормална комуникација со регионот?

ТРАЈКОСКИ: За да се отворат патиштата потребно е да се пука од повеќе места, со различни арсенали. Нашиот фестивал е само еден дел од алката. Знаете, колку што се сее, толку се жнее.

Кои се идните планови за следната десетолетка на Про-За Балкан?

ТРАЈКОСКИ: Во вакви општествени околности, како во изминатите 10 години, да се разговара за идни планови е како да кроите приказна од шилци, место од пердуви. Најдраго ми е што неколку од писателите, како Миљенко Јерговиќ, Андреј Блатник..., беа наши гости неколку пати. Обично, луѓето се враќаат само каде што им е топло. Сакам така да продолжиме.

Разговараше: Александра М. Бундалевска

фото: Приватна архива

The post Јерговиќ и Блатник ни беа гости неколку пати, луѓето се враќаат само каде што им е топло appeared first on Република.

Интернационалниот театарски фестивал – „Актер на Европа“, кој што беше основан во 2003 година, кога Европскиот парламент го прогласи Препанското Езеро за меѓуграничен европски парк, меѓу Македонија, Грција и Албанија, оваа година ќе го прослави својот дваесетгодишен јубилеј, утре пред „Сарајот“ во Ресен, со почеток во 21 часот. Фестивалот ќе започне со ретроспектива на легендарните имиња на европскиот театар, досегашни добитници на наградата за животно дело – Актер на Европа.

Светскиот театарски критичар Жорж Бани во списанието за театар на Сорбона, Париз напиша дека Актерот на Европа е еднствениот фестивал којшто ја третира индивидуалната театарска биографија како основа на Европската цивилизација. Прво легендарно име на европскиот театар кое ја понесе оваа награда е Љуба Тадиќ од Белград, а потоа се редеа Јон Карамиитру (Романија), Милена Зупанчич (Словенија), Ана Патресон (Шведска), Марсел Бозоне (Франција), Раде Шербеџија (Хрватска), Брус Мејерс (Велика Британија) итн.

На свеченото отворање ќе се обратат Градоначалникот на Ресен, Јован Тозиевски, претседателот на жирито Мето Јовановски, а беседата за лауреатот ќе ја произнесе претседателот на фестивалот, Јордан Плевнеш. На истата церемионија, признанијата Клучевите на Преспа ќе ги добијат Методија Јоновски и Гоце Ристовски, познати автори и публицисти од Македонија, кои објавиле и посветиле посебни истражувања за Преспа. Традиционалната Голема повелба „Балканот – Срцето на Европа“ оваа година е доделена на грчкиот новинар Христос Матис, и на косовскиот драмски автор Хаќиф Мулиќи. По церемонијата на отворањето ќе настапи Васили Лаерти, актер на Народните театри од Атина и Тирана со Агамемнон од Есхил.

Во официјалната конкуренција на фестивалот оваа година се селектирани: „Поетската вечност на Иго и Бодлер од Франција, „Четири еполети“ од Хаќиф Мулиќи, од Косово, „Синиот портокал“ од Џо Пенхол од Велика Британија, во изведба на Н.И. Центар за култура „Јордан Х.К-Џинот“, Велес, Пеликанот од Аугуст Стриндберг (Шведска), во режија на Теодора Силјаноска, и „Кармен“ од Мигел Делибес, по мотив од романот „Пет часа со Марио“ во изведба Драмски Театар Скопје, во режија на Дејан Пројковски.

Претставите ќе ги оценува жирито во состав: Мето Јовановски, претседател, Елена Трајковска и Владимир Стојчевски.

Свеченото затворање на фестивалот и доделувањето на наградите е предвидено на 11 јули, во 21 часот во Ресен.

The post Јубилејно 20. издание на Интернационалниот театарски фестивал – „Актер на Европа“ од утре во Ресен appeared first on Република.

Годинешново 35. јубилејно издание на фестивалот на новосоздадени македонски песни „Фолк Фест Валандово", ќе се одржи во една натпреварувачка вечер, на 5 јуни, потврдија на денешната прес конференција градоначалникот на Валандово, Перо Костадинов и уметничкиот директор на фестивалот, Живоин Глишиќ.

На единствената натпревувачка вечер ќе бидат претставени 23 новосоздадени фолк композиции, а изборот на победничката песна ќе го одлучува стручното жири и присутната публика во фестивалската сала во Домот на културата „Јанко Узунов", во Валандово.

Во најава на фестивалската програма, на 3 и 4 јуни на градскиот плоштад во Валандово ќе настапуваат Горан и Ленче Куќиќ, Александар и Дац, Љубојна и Владо Јаневски.

Во ревијалниот дел на фестивалот, кој има исклучително културолошко значење за нашата земја, ќе настапи доајенката на македонската фолк песна,Блага Петреска.

The post На 5 јуни јубилејно издание на Фолк фест Валандово appeared first on Република.

Годинава манифестацијата „Златна бубамара на популарноста“ ќе се има јубилејно 25-то издание на 12 мај во Арената „Борис Трајковски“.

Ви го испраќаме и првиот проглас од овогодишната манифестација:

Дојдете да живнеме !!!!

Почитувани љубители на добра забава, нормални цнеи и евтина тарифа на струја, цените скокнаа, платите останаа исти, само Златна Бубамара ви порачува – Дојдете да живнеме!!!

Поо се што поминавме конечно доаѓаат и убави времиња – да се развеселиме, да запаееме и да се насмееме – (сега) конечно можеме да живнеме!

Доаѓа настанот што го чекаме две години.

25. јубилејно издание на „Златна Бубамара на попларноста“.

На 12 мај во арената „Борис Трајковски“

Дојдоа и такви убави времиња кога полесно се доаѓа до две карти за Златна бубамара отколку до две шишиња зејтин

Наместо да кивнеме-време е да живнеме, порачаа организаторите.

The post 25. „Златна Бубамара на популарноста“ под мотото „Да живнеме!“ на 12 мај во aрена „Борис Трајковски appeared first on Република.