Пејачот Боно снима документарен филм под наслов „Бакни ја иднината“ (Kiss the Future) за концертот што групата „Ју-ту“ го одржа во Сараево, БиХ, 1997 година. Музичарот ја добил оваа идеја по посетата на Киев. Продуценти на филмот се Бен Афлек и Мет Дејмон.

Групата „Ју-ту“ отсекогаш покажувала солидарност со луѓето кои се угнетувани. Кога Еџ и јас патувавме за Киев, не размислував за Сараево. Сепак, набрзо се појавија сите спомени. Документарецот ќе ги поврзе нападите на Сараево со оние на Киев… Режисер е Ненад Цицин-Саин. Филмот, исто така, зборува за улогата на уметноста во давањето надеж на луѓето кои треба да живеат во војна, изјави Боно за „Индивајер“ (IndieWire).

Пораката на филмот е: Жителите на Украина допрва ќе преживеат сѐ што преживеало Сараево.

Војната не е завршена. Инспиративно е да се види дека има 60 милиони луѓе во украинската армија, речиси целото население е дел од неа. Сите се свесни колку е вредна слободата и оти мора да ја одбранат, додаде тој.

Врската меѓу поп-рок составот и Сараево постои од 1993 година, и турнејата „ZooTV“, каде што Ирците се обидоа да го свртат светското внимание на војната во БиХ. Американскиот новинар и хуманитарен работник Бил Картер вршеше пренос од концертот во Верона, Италија, од јули таа година.

Поради војната, групата „Ју-ту“ не можеше да дојде во Сараево, но заветот го исполнија четири години подоцна. Го свиреа вообичаениот репертоар, но и песната „Мис Сараево“, напишана за натпреварот за најубава девојка што се одржа во Сараево, и тоа во војната.

The post Боно снима документарец за Босна appeared first on Република.

Ирската рок група „Ју-ту“ им оддаде почит на жртвите на „Крвавата недела“, синоќа, на денот кога пред 50 години британски војници пукаа врз мирни демонстранти во Cеверна Ирска и убија 13 луѓе.

Бендот објавуви и нова верзија на нивната позната песна „Недела, крвава недела“ (Sunday Bloody Sunday) на својот интернет-простор. Видеото е проследено со сцени од настанот.

https://www.youtube.com/watch?v=_xHNDiZQv6w

Предводени од семејствата на жртвите, во текот на вчерашниот ден, стотици луѓе учествуваа во поворката низ улиците на Дери - како што ирските републиканци го нарекуваат градот Лондондери во Cеверна Ирска.

На 30 јануари 1972 година, британски војници убија 13 лица на мирните протести за граѓански права на католиците. Тој колеж е една од најтемните епизоди на конфликтот во Cеверна Ирска меѓу католичките републиканци, поддржувачи на ирското обединување и протестантските лојалисти, поддржувачи на британската круна.

The post „Ју-ту“ со ново видео им оддадоа почит на жртвите од „Крвавата недела“ appeared first on Република.