За предизвикување на вчерашната сообраќајна несреќа во која загина 17-годишно момче, осомничен е возачот на автобусот на ЈСП-Скопје, 51-годишен скопјанец, против кого Основното јавно обвинителство Скопје поведе постапка постапувајќи по кривична пријава.

Како што информира државното Јавно обвинителство, „постои основано сомнение дека возачот сторил кривично дело – тешки дела против безбедноста на луѓето и имотот во сообраќајот“.

Во допис до медиумите ЈО наведува дека вчера (12 август) осомничениот како учесник во сообраќајот на јавните патишта, управувајќи автобус сопственост на ЈСП Скопје по општинскиот пат Шуто Оризари – Горно Оризари, „не се придржувал кон прописите и со тоа го загрозил јавниот сообраќај и го довел во опасност телото на луѓето“.

Кога дошол во близина на крстосница со сервисна улица која го поврзува општинскиот пат со улицата „Александар Урдаревски”, постапил спротивно на член 25 став 1 од Законот за безбедност на сообраќајот на патиштата, па со автобусот свртел во лево за да избегне кабаст отпад, шут и друго ѓубре расфрлани по десната страна на коловозот и преминал на левата страна, односно на дел од коловозот наменет за движење на возилата од спротивната насока. Дејствието го сторил невнимателно, без претходно да се увери дека може да го направи без опасност по другите учесници во сообраќајот и имотот, не водејќи притоа сметка за положбата, правецот и брзината на движење. Како резултат на наведениот пропуст, со предниот лев дел од автобусот се судрил со автомобил „форд галакси” со скопски регистарски ознаки, со кој управувал 17-годишник кој немал стекнато право за управување со моторно возило, информира Обвинителството.

При ударот момчето се здобило со тешки телесни повреди од кое починало, а неговиот сопатник во автомобилот се здобил со тешки телесни повреди и е во животна опасност.

ЈО соопшти дека надлежниот јавен обвинител за осомничениот предложил мерки на претпазливост – привремено одземање на патна исправа за преминување на државна граница и забрана за издавање нова, привремено одземање на возачката дозвола, забрана за напуштање на живеалиште, односно престојувалиште, како и обврска осомничениот да се јавува повремено на определено службено лице.

The post Возачот на автобусот на ЈСП осомничен за сообраќајката во која загина 17-годишен возач, сопатникот се бори за живот appeared first on Република.

Автобусите на Јавното сообраќајно претпријатие „Скопје“ утрово излегоа од двете авто бази во Автокоманда и Ѓорче Петров и редовно сообраќаат.

- Надминати се надоразбирањата околу личниот доход и вработените денес ќе ја добијат јануарската плата. Во интерес на нашите корисници на услуги, ќе ја сервисираме нашата обрска кон нив редовно, со сите автобуси предвидени за јавен градски превоз, изјави утрово за МИА Миќо Стојановски, претседател на Синдикатот на ЈСП „Скопје“.

Тој нагласи дека јавниот градски превоз ќе функционира нормално. Изрази надеж дека ова ќе биде крај на, како што рече, сите недоразбирања и дека нема повеќе граѓаните да се занимваат со вработените на ЈСП „Скопје“, нивните работни обврски и плати.

Според вчерашните најави на синдикатите, денеска автобусите на Јавното сообраќајно претпријатие „Скопје“ не требаше да сообраќаат поради неисплата на јануарската плата

The post Плата ќе има: Автобусите на ЈСП денеска возат appeared first on Република.

Дваесетгодишната Н.М. од Скопје се здобила со тешки телесни повреди, откако, според пријавата во полицијата, вчера на бул.„Христијан Тодоровски - Карпош“ се качила од задната врата во автобус на ЈСП Скопје и по придвижувањето на автобусот паднала на коловозот.

Повредите и биле констатирани во комплексот клиники „Мајка Тереза“.

На 25.03.2023 во 07.20 часот било пријавено дека во Скопје на бул.„Христијан Тодоровски - Карпош“ на автобуска постојка, Н.М.(20) се качила од задната врата во автобус на ЈСП Скопје, управуван од З.Н.(62) од Скопје, и откако автобусот се придвижил, паднала на коловозот. Таа се здобила со тешки телесни повреди констатирани во комплексот клиники „Мајка Тереза“. Извршен бил увид од увидна екипа од СВР Скопје, наведува МВР во редовниот дневен Билтен.

The post 20-годишна скопјанка паднала од автобус на ЈСП и завршила во болница appeared first on Република.