Новиот претседател на Собранието, Африм Гаши веднаш по назначувањето на функцијата, ја имаше првата средба со досегашниот претседател на Парламентот, Јован Митрески, кој во последните три месеци го водеше собранискиот состав.

Митрески и официјално му ја предаде оваа функција на Гаши, за кого гласаа мнозинството пратеници на денешната конститутивна седница.

The post Митрески му ја предаде претседателската функција на Собранието на Гаши appeared first on Република.

Претседателот на Собранието на Македонија Јован Митрески и носител на листата во Изборната единица 5 ги повика сите граѓани да го искористат своето демократско право на глас на денешните парламентарни и претседателски избори.

По остварувањето на своето граѓанско право на глас во избирачкото место 1861 во основното училиште „Браќа Миладиновци“ во Струга, тој нагласи дека денес е еден од поважните денови во државата.

Очекувам успешен изборен процес, според сите демократски правила како што личи на една демократска земја што има аспирации да стане членка на Европската унија. Истовремено, сакам да кажам дека правото на глас е врвно демократско право и ги повикувам сите граѓани да го искористат ова право и за парламентарните и за претседателските избори, изјави Митрески по гласањето.

The post Митрески: Денес е еден од поважните денови во Македонија appeared first on Република.

Идејата која се заговара од структури блиски до СДСМ дека треба да се бојкотира вториот круг на претседателските избори и на тој начин да се спречи победата на Гордана Силјановска-Давкова е повеќе од опасна.

Приврзаниците на СДСМ и со самото споменување на ваквата можност покажуваат дека поважен им е тесно партискиот интерес од државниот.

Малкумина знаат и се свесни што значи бојкотот на претседателските избори кој е можен. Дел од граѓаните се во дилема дали може да се бојкотираат претседателските избори во ситуација кога заедно се одржуваат и парламентарни избори.

Да, може да се бојкотира, бидејќи иако изборите се одржуваат во еден ден станува збор за одвоени избори.Граѓанинот едноставно може да земе гласачко ливче само за парламентарните избори а да одбие да земе ливче за парламентарните.

Изборот за претседател на држава е таков што за да биде избран во вториот круг треба да бидат излезени  40 отсто од запишаните гласачи. На Избирачкиот список има запишано нешто над 1.800000 гласачи. Значи за да бидат успешни изборите МОРА да излезат околу 720.000 гласачи.

Анализирајќи ги бројките кои ги освоија СДСМ и двете партии на Албанците, ДУИ и Коалицијата Вреди.Toa се 383.000 гласови и без нив тешко би се стигнал минималниот праг од 720.000 гласачи.

Друга работа која укажува на тоа дека Македонија ќе влезе во интитуционална криза е недореченоста на Уставот и Изборниот законик за повторен избор на претседател на држава. Членот 81 од Уставот вели дека при неуспешен избор се повторува целата постапка но нема никаков рок во кој би се повторила целата постапка.

Нешто појасен по ова прашање  е Изборниот законик кој член 14 став 2 вели: Во случај на престанок на мандатот на претседателот на државата од кои и да е причини изборот на претседател се врши во рок од 40 дена од престанокот на мандатот.

Во сегашниот случај би било 40 дена после 12 мај кога завршува мандатот на Пендаровски.

Што по 12 мај

В.д претседател станува претседателот на Собранието, во случајот Јован Митрески од СДСМ.Но, нејасно е колку и тој би бил на оваа функција бидејќи по изборите ќе мора да се избере Претседател на Собранието од новото парламентарно мнозинство. И најважното: доколку не успеат претседателските избори, ова ќе бидат последни избори на кои шеф на држава ќе бираме на избори.

Следниот претседател ќе ни го бира ДУИ во Собрание.Затоа памет во глава и сите на гласање на осми мај.

The post Зошто е лош бојкотот: Или ќе излеземе да гласаме или ДУИ ќе ни бира претседател на држава во Собрание appeared first on Република.

Претседателот на Собранието на Република Македонија Јован Митрески денеска го оствари своето право на глас во рамки на првиот круг од претседателските избори во избирачкото место 1861 во Основното училиште „Браќа Миладиновци“ во Струга.

Верувам дека денес изборниот ден ќе помине во најдобар ред, како што личи на една демократска држава. Во изминатите изборни циклуси покажавме дека како држава може да органзиираме фер и демократски избори, според европските стандарди и правила, изјави Митрески по гласањето.

Ги повика сите граѓани да излезат да го остварат своето избирачко право.

Очекувам дека ќе излезат во поголем број, затоа што од нивниот глас зависи иднината на државата, тоа е нивно демократско право и очекувам во најголем број да го искористат, рече Митрески.

Во општина Струга право на глас имаат 60.894 гласачи, а ќе гласаат на 101 избирачко место.

The post Митрески: Изборниот ден да помине во најдобар ред appeared first on Република.

Претседателот на Собранието Јован Митрески утре ќе ги распише и претседателските и парламентарните избори, потврдуваат за МИА од владејачките партии. Според договорот на политичките партии, седмите претседателски избори ќе се одржат на 24 април 2024 година, додека на 8 мај 2024 година ќе се одржат единаесетите парламентарни избори, којшто овој пат ќе бидат редовни.

Претседателот на Собранието Митрески во текот на утрешниот ден се очекува да ги потпише решенијата за распишување на изборите и потоа тие да бидат проследени до Државната изборна комисија, која треба да усвои роковник со што почнуваат изборните дејствија.

Согласно членот 8а од Изборниот законик, од денот на донесувањето на одлуката за распишување на избори до завршување на изборот на претседател и пратеници во Собранието и изборот на Владата согласно со резултатите од изборите не може: да се започне изградба со средства од буџетот или од јавни фондови или со средства на јавни претпријатија и други правни лица што располагаат со државен капитал на нови објекти во инфраструктурата како патишта, водоводи, далноводи, канализација, спортски игралишта и други објекти или објекти за општествени дејности училишта, градинки и други објекти, освен ако за таа намена претходно се обезбедени средства од буџетот, односно се работи за реализација на програма донесена врз основа на закон во тековната година. Исто така не може да се вршат исплаќања на плати, пензии, социјална помош или други исплати и материјални надоместоци од буџетски средства или од средства на јавните фондови кои не се редовни месечни исплати односно сите едногодишни трансфери и исплати или еднократни трансфери од буџетски средства или од средства на јавни фондови ниту да се отуѓува државен капитал ниту да се потпишуваат колективни договори. Нема да може да се започне постапка за вработување на нови лица или постапка за престанок на работен однос во државни и јавни институции, а започнатите постапки се ставаат во мирување, освен во случаи на итни и неодложни работи.

The post Митрески уште се консултирал за распишување на парламентарните избори appeared first on Република.

Претседателот на Собранието утре (среда, 14 февруари), Јован Митрески ќе ги распише претседателските избори, а се консултира со собраниските служби дали истовремено да бидат распишани и парламентарните избори што треба да се одржат на 8 мај.

Во интервју за МИА тој вели дека доколку не се распишат истовремено изборите секако би ги почитувал уставните рокови, а тоа е 70 дена од денот на одржување на редовните парламентарни избори.

-Претседателските избори ќе бидат распишани на 14 февруари затоа што тоа е моја уставна обврска, обврска што произлегува од Уставот. Во Уставот пишува од 70 до 90 дена од одржувањето на избори. Фактички првиот круг на претседателските избори е 24 април, што значи 70 дена назад тоа е 14 февруари и тогаш ќе бидат распишани претседателските избори. Се уште не сум донел одлука дали во исти ден ќе се распишат и редовните парламентарни избори. Правам некои консултации со службите во Собранието. Ако нема пречка зошто тоа не би го направил и во истиот ден, рече Митрески во интервју за МИА.

The post Митрески утре ќе ги распише претседателските избори, се консултира и за парламентарните appeared first on Република.

Претседателот на Собранието на Република Македонија, Јован Митрески, на денешната редовна координација, со координаторите на пратеничките групи, го отвори прашањето за проблемот со возачките дозволи и ја нагласи потребата Собранието да преземе итни чекори со цел да се надмине состојбата која произлезе од примената на Преспанскиот договор.

Тој истакнал дека има најави дека пратеничките групи ќе достават различни предлози за законски измени, поради што нагласи дека пратеничките групи треба да дејствуваат координирано за да се дојде до најбрзото и најдоброто решение, кое ќе биде во интерес на граѓаните, „а кое во исто време нема да наштети на почитувањето на меѓународните правни акти кон кои како држава сме се обврзале, соопштуваат од собраниската прес служба.

Митрески најави дека уште денеска ќе иницира состаноци со министрите за внатрешни работи, за финансии, за надворешни работи, како и со првиот човек на Агенцијата за супервизија на осигурувањето.

Истовремено, претседателот Митрески информираше дека ќе одржува ад хок состаноци со координаторите на пратеничките група со цел заеднички да најдат решение за настанатата ситуација. Претседателот на Собранието побара од координаторите да ги информираат пратениците дека доколку е потребно ќе закаже итна собраниска седница во текот на денешниот ден.

The post Митрески: Пратеничките групи треба да дејствуваат координирано за да се дојде до најбрзото и најдоброто решение за личните документи appeared first on Република.

Претседателот на Собранието на Република Северна Македнија, Јован Митрески, на денешната редовна координација, со координаторите на пратеничките групи, го отвори прашањето за проблемот со возачките дозволи и ја нагласи потребата Собранието да преземе итни чекори со цел да се надмине состојбата која произлезе од примената на Преспанскиот договор.

Тој истакнал дека има најави дека пратеничките групи ќе достават различни предлози за законски измени, поради што нагласи дека пратеничките групи треба да дејствуваат координирано за да се дојде до најбрзото и најдоброто решение, кое ќе биде во интерес на граѓаните, „а кое во исто време нема да наштети на почитувањето на меѓународните правни акти кон кои како држава сме се обврзале“.

Митрески најави дека уште денеска ќе иницира состаноци со министрите за внатрешни работи, за финансии, за надворешни работи, како и со првиот човек на Агенцијата за супервизија на осигурувањето.

Истовремено, претседателот Митрески информираше дека ќе одржува ад хок состаноци со координаторите на пратеничките група со цел заеднички да најдат решение за настанатата ситуација.

Претседателот на Собранието побара од координаторите да ги информираат пратениците дека доколку е потребно ќе закаже итна собраниска седница во текот на денешниот ден.

The post Митрески: Доколку е потребно ќе закажеме итна седница, за да се надминат проблемите со личните документи appeared first on Република.

Претседателот на Собранието, Јован Митрески, денеска имаше средба со амбасадорот на Делегацијата на Европската Унија во Македонија, Дејвид Гир, соопшти собраниската прес-служба.

На средбата беше констатирана одличната соработка која во континуитет се одржува од страна на Европската Унија, а која ќе продолжи и во периодот што следи пред одржувањето на престојните парламентарни избори.

Амбасадорот Гир изрази безрезервна поддршка за новоизбраниот претседател на Собранието и на институцијата во целост, која, како што нагласи, ќе продолжи и во следните месеци, со цел заокружување на незавршените активности и законодавни постапки поврзани со реформските обврски, кои произлегуваат од нашиот евроинтегративен пат.

Во тој контекст, амбасадорот укажа на важноста да бидат заокружени во текот на овој мандат одредени почнати постапки поврзани со одржувањето на парламентарните избори, со цел да не се доведе во прашање од која било страна легитимноста на изборниот процес.

Митрески, заблагодарувајќи се за средбата, потенцираше дека назначување на оваа функција за него претставува чест и одговорност да се води законодавната власт до конститутивната седница на следниот парламентарен состав. Митрески рече дека ќе направи сė што е во негова надлежност за заокружување на прашањата кои засега сѐ уште немаат завршница во Собранието, а се од особено значење за функционирањето на институциите и за нашето европско досие како земја.

Соговорниците беа согласни дека оваа соработка ќе продолжи, особено во однос на активностите од Планот за раст на Западен Балкан на Европската комисија и други прашања од приоритет и интерес за двете страни, се вели во соопштението од собраниската прес-служба.

The post Средба Гир-Митрески: Да не се доведе во прашање легитимноста на изборите appeared first on Република.

Во Собранието попладнево се изврши примопредавањето на функцијата претседател на Собранието помеѓу стариот и нов спикер, Талат Џафери и Јован Митрески.

По примопредавањето, досегашниот спикер и премиер на на техничката влада Џафери во изјава за медиумите на Mитрески и посака здравје и успешна работа во понатамошниот тек на функционирањето на Собранието.

Потенцира дека не се сомнева оти соодветно Митрески ќе одговори на фунцијата, на должноста и на одговорноста која произлегува од функцијата.

Му честитам на изборот и не се сомневам дека соодветно ќе одговори на фунцијата, должноста и на одговорноста која произлегува од таа функција. Без оглед што времето некој го смета 100 дена, иниституцијата е и еден и една секунда институција и значењето значи до последниот момент на функционирање, на што не се сомневам. Го информирав дека програмските активности, она што треба да биде делокруг на работа на Собранието во оваа година, спрема законите постоечки навремено се подготвени, потпишани и однесени. На оперативните и планирачките нешта, законите се подготвени и може да настапат во реализација на истата. Спрема условите, имаме краток рок до распишување на избори, но тоа е веќе надлежност на претседателот, рече Џафери.

Џафери нагласи дека со новиот Деловник создавале предуслови да нема немили ситуации изминативе години.

Ми беше мило да имавме прилика во овие скоро седум години да ги соживееме и доживееме сите настани кои ни се случија, со желба да не ни се повторуваат никогаш повеќе. Сметам дека работевме на тоа. Со новиот Деловник создадовме предуслови да нема такви ситуции и помирни води од наредниот мандат. Тоа е суштината, рече Џафери.

Новиот спикер Јован Митрески соработката со Џафери ја оцени како добра и посочи дека по случувањата во април 2017 година било овозможено нормално функционирање на законодавниот дом. Митрески рече дека во изминатиот период исто така била професионализирана собраниската служба.

Мислам дека во нашиот мандат успеавме да постигнеме да овозможиме нормално функционирање на Собранието, исто така успеавме взаемно и паралелно со менаџментот, потпретседателите, координаторите, генералната секретарка, замениците генерални секретари и да ја професионализираме собраниската служба, да обезбедиме независност на собраниската служба како една од службите на еден дом кој носи голема тежина. Секако тој процес неодамна го заокруживме со процесот Жан Моне и со постигнување на договор каде успеавме за првпат после долг период да постигнеме консензус за носење на нов деловник. Тоа го направивме исто така благодарение на упорноста на претседателот Џафери и целиот менаџмент на Собранието, изјави Митрески.

Тој се заблагодари за укажаната доверба од страна на пратениците.

Сакам да им се заблагодарм на пратениците за укажаната доверба. Секако, останувам отворен за соработка и за оние пратеници кои не ја дадоа довербата, можам да кажам дека имаат подадена рака, се додека чувствувам, додека гледам, слушам дека тоа е исклучиво во интерес на граѓаните и државата, бидејќи на крајот ние сме избрани од граѓаните и наш врвен приоритет треба да ни бидат граѓаните и државата, порача Митрески.

Претседателот Стево Пендаровски денеска во 15:00 часот, ќе му го врачи мандатот на Талат Џафери, за состав на преодна Влада за спроведување на избори на пратеници.

Седницата за избор на преодната Влада, чиј состав е веќе познат, треба да биде закажана за недела 28 јануари.

The post Митрески ја презеде функцијата претседател на Собранието appeared first on Република.

Во своето обраќање на денешната собраниска седница, координаторот на пратеничката група на СДСМ, Јован Митрески порача дека секој пратенички состав носел тешки одлуки, но дека времето на крајот ја покажувал нивната исправност, повикувајќи ги сите пратеници да дадат поддршка на уставните измени.

Почитувани,

Пред сите нас овде во оваа сала, пред секој пратеник во македонското собрание е уште една одлука од која директно зависи иднината на целиот наш народ, на сите наши граѓани.

Секој пратенички состав од осамостојувањето до денес, буквално секој поминувал низ носење одлуки и буквално секој во својот мандат носел барем една тешка одлука или одлука која предизвикувала сериозни бранувања во јавноста.

Секако оние кои се одесувале на меѓуетнички прашања, на меѓусоседски прашања, прашања меѓу две соседни држави се тие кои, посебно овде на Балканот, задирааат во најдлабоките чувства на граѓаните без разлика на кој народ припаѓаат или каква етничка припадност имаат и тие се прашањата или темите кои за жал и во минатото, а и денес лесно можат да се искористат за добивање моментални лесни, ефтини, ситни, мали, бедни политички поени со меѓусебни обвинувања за наводни херојства и наводни предавства. Тие мали, ситни, бедни политички поени иако се значајни определен период, сепак знаат да направат штета во понатамошниот тек на функционирањето на државите.

Така е и кај нас. Впрочем тоа е така и кај нас зошто како земја ништо лесно не сме добиле, ништо лесно не поминало, сме се изнамачиле за секое прашање, ниедна лесна битка не сме имале во кој и период од минатото да погледнете.

Без разлика од денешен аспект како изгледа, без разлика дали сме подзаборавиле ние, дали помладите воопшто и не знаат, сепак повозрасните паметат добро дека сме создавале независна, суверена, самостојна држава Македонија без буџет, без војска, без оружје, со ембарго, со купување гориво со бонови во ограничени количини, со редици по продавници за леб, млеко и основни прехрамбени производи, со инфлација од над 2000% итн

И за тогашните политичари или носители на политички функции (мора да признам со многу поголема политичка култура отколку ние сегашните) на определени теми присутни беа истите обвинувања за наводни предавства и самопрогласување за наводни патриоти.

Но времето потоа ја потврдило исправноста на тие одлуки. А потврдило и дека вистинскиот патриозам бил, е и ќе остане, носењето државнички одлуки.

Без да отворам стари теи и стари рани ам потсетете се на паролите за сечење канџи, за држење конгреси во градови во други држави, за покажување карти на големи држави итн. Гледајќи од денешен аспект поради умешноста на тогаш обвинуваните политичари станавме независна држава без жртви, без употреба на оружје, без војни кои тогаш се случуваа во сите републики од поранешна Југославија. Но, да потсетам и тогаш имаше прогласувања на наводни патриоти и наводни предавници.

Може да зборуваме и за студентските протести од 1997 за педагошкиот факултет на албански јазик. И тогаш наводни патриоти и наводни предавници. За час само помислете од денешен апсект за кое прашање станувало збор – педагошки факултет на албански јазик. Но, и тогаш наводни патриоти и наводни предавници.

Може да зборуваме и за 2001. Може да зборуваме и за охридскиот рамковен договор. Иста приказна и тогаш. Наводни патриоти и наводни предавници.

Да зборуваме и за 2011. Амнестија на хашкте случаи. Исто. Наводни патриоти и наводни предавници.

Да зборуваме за 2018та. За преспанскиот договор. Исто.

Само потсетете се на сите овие теми и прашања од тој период. Стварање хистерија со лажни тврдења, со манипулации, со невистини.

Да се потсетиме на закон за употреба на јазици. Знаете какви манипулации и хистерии се ствараа? Знаете за изјавите дека родителите ќе плаќаа казни по 5000 евра ако децата не им учеле албански јазик? Знаете какви лажни кампањи и манипулации се правеа во Прилеп, Битола, Штип и други градови посебно во Источна Македонија дека некој со сила треба да учи јазик? Еве поминаа 4-5 години. Што е точно од тоа? Ништо. Каде се казните? Ама и тогаш исто. Иста приказна. Наводни патриоти и наводни предавници. Зошто? За пусти ефтини, бедни, ситни политички поени. И тогаш лупање, тропање, удирање по говорници, но до ден денес без извинување кон изманипулираните граѓани.

Или пак за камповите за мигранти. Па каде се? Ги нема.

И нема да продолжам со спомнување на други такви теми во собранието бидејќи поентата ми е јасна. На такви теми овде на балканот, овде кај нас, лесно е да бидеш таков политичар. Да ја фрлиш искрата, да го запалиш огнот и да гледаш од страна како некој гори.

За жал, најчесто тоа била одлика на ДПМНЕ. Многу лесно се фрлале искри а не се мислело на последиците.

Лесно е да се изјаснуваш против договорот од Преспа, а потоа да се фалиш дека си гласал Македонија да стане членка на НАТО. Лесно е да бојкотираш, да повикуваш на бојкот на референдум, да манипилираш со граѓаните, да глумиш патриот, а со самото гласање СМ да стане членка на НАТО точно, прецизно и директно го прифаќаш референдумското прашање. Такво беше референдумското прашање. За референдумот бојкот, за гласањето СМ да стане членка на НАТО ЗА, и ниедно, НИЕДНО, извинување кон граѓаните.

Лесно е со шпекулаци да будиш најдлабоки чувства на секој македонец за мајчиниот македонски јазик, да зборуваш за македоноскиот јазик како бугарски дијалект, а да не дојдеш, да не гласаш, ниту пак да го поздравиш потпишувањето на договорот со ФРОНТЕКС, прв договор потпишан на македонски јазик со ЕУ, со сите земји членки на ЕУ вклучувајќи ја и Бугарија.

Лесно е со лаги да зборуваш за наводна бугаризација и асимилација, а да не гласаш за заклучоци поврзани со преговарачката рамка со кои се обврзуваа оваа влада, следната влада, па и секоја идна влада за целосна заштита на македонскиот јазик, македонската посебност, македонскиот идентитет и култура.

Лесно е само декларативно да велиш дека си за ЕУ, а да правиш се за да не станеш дел од ЕУ.

Лесно е, ама не е чесно. Не е чесно! Не само пред пратениците, не е чесно пред граѓаните. Не е чесно да им ја крадеш иднината за мали, ситни, бедни политички поении борба за власт.

Не вреди борбата за власт ако се загрози иднината на државата.

Ние може да говориме, дебатираме, па и да се расправаме на многу теми, но за вакви прашање имаме одговорност за иднината на татковината и сите нејзини граѓани.

Државата мора да оди напред, а неизвесноста да станува се помала и да остане зад нас.

Тоа им го должиме на нашите предци за жртвата, за херојското минато, за псоветеноста за создавање самостојна и независна држава. Тоа им го должиме на нашите современици за обезбедување поквалитетен живот. Тоа им го должиме и на генерациите што доажаат после нас за својата иднина да ја градат во својата татковина, не во странство.

Затоа што членството во ЕУ како стратешка цел поставена од независноста и за која сонуваат генерации и генерации не е случајно поставена.

Текстот на предлогот за уставни измени е пред нас. Јавно е достапен. Сега целата јавност може да се увери дека станува збор повеќе за технички измени, со кои што се унаппредува Уставот и не се загрозува ништо, ниту едно македонско идентитетско прашање, а истовремено овие измени го забрзуваат процесот за членство во ЕУ. Интервенциите се однесуваат на додавањето од народи во Преамбулата и членовите 49 и 78 од Уставот, при набројувањето на деловите од народи во нашата држава.

Односно, во формулацијата:

„Граѓаните на Република Македонија, македонскиот народ, дел од албанскиот народ, турскиот народ, влашкиот народ, српскиот народ, ромскиот народ, бошњачкиот народ и другите”, по зборот бошњачкиот народ се става запирка и се додава:”бугарскиот народ, хрватскиот народ, црногорскиот народ, словенечкиот народ, еврејскиот народ и египќанскиот народ”.

Овие измени се во духот на Крушевскиот манифест, во духот на АСНОМ ,Охридскиот договор и се подготвени од страна на работната група составена од експерти, докажани професори и неколку универзитети во државата, како и представници на политичките партии. Овде мора да спомнам дека како пратеници мора да го согледаме фактот на постоењето на торбешката заедница, бидејѓи на последниот попис за торбеши се изјаснија околу 6000 граѓани, луѓе чесни, лојални на државата, секако имајќи ги во предвид правните можности при набројувањето на народите во преамбулата за нивно внесување. Како демократска партија која ги почитува сите подеднакво ќе продолжиме да работиме рамо до рамо со нив за нивна уште поголема афирмација.

На вака предложениот текст на уставни измени никој нема ништо против.

После 17 години во чекалната и 11 години во изолација минатата година ги започнавме преговорите со ЕУ. Со усвојување на уставните измени го продолжуваме европскиот пат до полноправно членство во 2030 година. Ова е историска шанса за која имаме силна поддршка од нашите партнери САД и ЕУ. Нашите млади, нашите деца, заслужуваат да живеат во земја членка на ЕУ, но тука, дома, во својата татковина.

Ние тука како пратеници сме сепак и пред сѐ претставници на граѓаните, а граѓаните сакаат да живеат во земја членка на ЕУ. Сакаат да сме полноправна членка. Но, не затоа само заради членството само по себе, туку заради подобар животен стандард, заради подобро владеење на правото, подобра инфраструктура, подобри услуги за граѓаните, заради економски напредок, социјална правда, и владеење на демократија. Заради подобар живот по европски стандарди. Затоа што сакаат децата да им останат дома и тука да си ја градат иднината.

Граѓаните може да видат дека нема ама баш никаков простор за загриженост, напротив. Уставните измени не загрозуваат ништо, ниту едно идентитетско прашање, а го отвораат патот кон ЕУ. Со предложените Уставни измени, се зајакнува мултиетничкиот карактер и во исто време и македонскиот идентитет, затоа што македонскиот јазик е признаен во ЕУ и со преговарачката рамка, и поради дефиницијата за македонската посебност.

Македонскиот јазик и македонскиот идентитет вграден во европскиот значи остварување на сонот на Илинденците, на партизаните, револуционерите, на сите кои се бореле за држава рамо до рамо со големите европски државотворни народи. Ќе бидеме седнати на големата маса, ние ќе одлучуваме за нас а не некои други.

Членството во ЕУ значи пристап до фондови за развој, но и значи пристап до пазар од 500 милиони жители за македонските компании, за македонските бизниси, за земјоделците и за македонските земјоделски производи. Европските фондови, кои сега ги користиме, ќе се зголемат за 11 пати, значи 11 пати повеќе пари за земјоделците за развој, модернизација, поголем пласман, што директно значи поголем пласман и повеќе пари за секој земјоделец.

За придобивките од членството во ЕУ може да зборуваме многу од сите аспекти на живеењето. Манипулациите кои претходно ги спомнав времето потрди дека се лажни. Прво беше „асимилација и бугаризација“. Откако се виде дека нема ништо од тоа сега е „бугарски диктат“. Уставните измени не се ничиј диктат, ниту пак нечиј поединечен предлог, туку се дел од преговарачката рамка на Македонија со Европската Унија. Ни повеќе ни помалку. Со внесувањето на делот од бугарскиот народ што живее во нашата земја, јасно се разграничува дека се работи за 3600 наши сограѓани со таква свест за разлика од повеќе од милион наши граѓани со самостојна и автохтона македонска национална свест со своја македонска култура и меѓународно признат македонски јазик. Јасно станува дека македонскиот и бугарскиот народ се два различни народи. Ние македонците сме свои на своето, Македонци кои зборуваат македонски јазик.

Затоа почитувани граѓани, ние како пратеници сме пред избор. Изборот е изолација или интеграција во ЕУ. Нема друго. Изолација видовме што донесе 11 години. Освен поделби по секоја основа и стагнација, уназадување. Станавме заробена држава, цели 11 години не мрднавме од место, додека младите ни се иселуваа, земаа пасоши на туѓи земји. Затоа што младите сакаат перспектива, сакаат сигурна иднина и сакаат да живеат во државата којашто е дел од ЕУ. Не смееме да дозволиме младите да бидат жртва на политичари без став, без визија, кои освен својата фотелја и желба за власт не мислат на ништо друго. Не смееме да дозволиме нова изолација, нови бранови иселувања на младите, нови барања за странски пасоши.

Јас сум за интеграција. Пратеничката група чиј координатор сум е за интеграција. СДСМ и сите политички партии застапени во пратеничката група се за интеграција.

Имаме неповторлива шанса да го продолжиме европскиот пат и да оствариме уште една стратешка цел: членство во ЕУ до 2030 година.

Да бидеме рамо до рамо на големата маса, рамо до рамо со државотворните европски народи. Тоа им го должиме на нашите предци, на нашите современици, но и на генерациите што доаѓаат по нас, истакна во своето обраќање, Митрески.

The post Митрески: СДСМ е за интеграција во ЕУ, државничките одлуки се вистински патриотизам! appeared first on Република.

На денешната расправа на пленарната седница за уставните измени во Собранието збор зеде и координаторот на пратеничката група на СДСМ, кој ги посочи придобивките од усвојувањето на уставните измени.

– Како земја ништо лесно не сме добиле, сме се изнамачиле за секое прашање, ниедна лесна битка не сме имале. Без разлика дали сме подзаборавиле, дали и младите се сеќаваат, сепак, повозрасните добро паметат дека сме создавале независна суверена Македонија, без буџет, без војска, без оружје, со инфлација. И за тогашните политичари или носители на функции за кои мора да признаам дека имале поголема политичка култура и храброст, сепак, на определени теми присутни беа истите обвинувања за наводни предавства. Но, времето потоа ја потврди исправноста на ваквите одлуки и потврди дека вистинскиот патриотизам е носење државнички одлуки. Може да зборуваме и за студентските протести во 1997 година, па и тогаш имаше патриоти и предавници. Може да зборуваме и за 2001, и за Охридскиот рамковен договор, ама и тогаш имаше наводни патриоти и наводни предавници. И за 2018 година, за Преспанскиот договор. Само потсетете се на сите овие теми и прашања од тој период – манипулации, невистини, лаги. Потсетете се на јазикот за употреба на јазиците. Знаете каква хистерија имаше на оваа тема? Знаете какви кампањи се водеа за тоа дека некој со сила треба да учи албански јазик. И што е точно од сето тоа? Буквално ништо! Лесно е да ја фрлиш искрата, да го запалиш огнот и да гледаш како некој друг гори. Лесно е да повикуваш на бојкот, да бојкотираш референдум, да глумиш патриот, а со самото гласање Македонија да стане членка на НАТО го прифаќаш референдумското прашање. Лесно е, ама не е чесно – рече Митрески.

Не вреди борбата за власт ако се загрози иднината на државата, додаде пратеникот.

– Имаме одговорност за иднината на татковината и за граѓаните. Државата мора да оди напред, а неизвесноста да останува зад нас. Тоа им го должиме на нашите современици и на генерациите после нас за да ја градат својата иднина во својата татковина, а не во странство. Текстот на уставните измени е пред нас и јавно е достапен. Сега целата јавност може да се увери дека станува збор за измени кои и досега беа познати и со кои не се загрозува ниту едно македонско идентитетско прашање. Интервенциите се однесуваат на додавање народи во Преамбулата при набројување делови од народи. На предложениот текст никој нема забелешки. Го продолжуваме европскиот пат и ова е историска шанса за да влеземе во европското семејство до 2030 година. Граѓаните сакаат да сме полноправна членка на ЕУ, заради подобар животен стандард, подобро владеење на правото, подобри услови, економски напредок и владеење на демократијата. Граѓаните можат да видат дека нема ама баш никаков простор за загриженост. Со предложените уставни измени се зајакнува мултиетничкиот карактер и македонскиот идентитет. Ќе бидеме седнати на големата маса, ние ќе одлучуваме за нас, а не некој друг. Уставните измени се дел од преговарачката рамка за членство во ЕУ. Со внесувањето на дел од бугарскиот народ во Преамбулата јасно се разграничува дека се работи за 3.600 наши сограѓани со таква свест, за разлика од повеќе од милион наши сограѓани со своја македонска култура и меѓународно признат македонски јазик. Јасно станува дека македонскиот и бугарскиот се два различни народа – рече Митрески.

The post Митрески повика -„за“ за Бугарите во Уставот: Лесно е да ја фрлиш искрата и да гледаш некој како гори appeared first on Република.

Координаторот на пратеничката група на СДСМ, Јован Митрески вели дека на лидерската средба ќе се зборува за европската иднина на земјата, односно за сите прашања поврзани со евроинтеграцијата, а не само за уставните измени. Во гостувањето во „Само вистина“ тој повтори дека сите партии се согласни дека стратешка цел е членство во ЕУ.

-Ќе се зборува за влегувањето на Бугарите во Уставот, но сите партии што сме определени за ЕУ треба да разговараме на една таква средба. Лидерската средба, покрај претседателите на партиите, ќе биде со учество и на пратениците или претставници на пратеничките групи. Поканети се сите што се определиле за евроинтеграцијата, истакна Митрески.

Тој рече дека барањето за внесување на Бугарите во Уставот во минатото било всушност барање на Скопје, а не на Софија.

-И пред ние да бидеме на овие позиции, во 90-тите, 2001, па мислам и во 2018 година, било наше барањето Бугарите да бидат внесени во Уставот, но тогаш Бугарите не сакале. Според нив, тие ни ја признаваат државата, но велат дека станува збор за еден народ во две држави. Вака, со уставните измени, ќе се разграничат двата народа, македонскиот и бугарскиот во Уставот, рече Митрески.

The post Митрески: На лидерската средба ќе се зборува за влегувањето на Бугарите во Уставот appeared first on Република.

Документот што ВМРО-ДПМНЕ деновиве го кине јасно наведува дека пратениците се обврзуваат и ја обврзуваат Владата за достојно да ја почитуваат определбата за безусловно почитување на јазичните, идентитетските, историските и културните особености на македонскиот јазик, е тоа ВМРО-ДПМНЕ го искинаа, истакна координаторот на пратеничката група на СДСМ Јован Митрески.

-Македонската иднина е европска, со македонски јазик, култура, идентитет и историска посебност. Доста беа делби и поделби, доста беа делби и подбели на македонскиот јазик. Ние Македонците заедно со нашите сограѓани и Албанци и Турци и Роми и Власи и Срби и сите останати ќе продолжиме да се движиме напред кон европската иднина – рече Митрески.

Тој посочи дека не е првпат пратениците од ВМРО-ДПМНЕ да ја напуштаат салата на Собранието кога се носат важни одлуки.

-Не е првпат пратениците од ВМРО-ДПМНЕ да бегаат од салата. Зборуваа против Договорот за добрососедство и избегаа, зборуваа против Преспанскиот договор и избегаа, зборува против промена на Уставот и избегаа. И денеска и овие два дена не зборуваат туку свират затоа што сите нивни лаги се потопени, затоа што немаат поддршка од граѓаните кои грубо ги излажаа – истакна Митрески.

Но, без разлика на се, додаде тој, ги повикувам нека преспијат, нека си ги анализираат своите грешки и нека се променат.

The post Митрески до пратениците на ВМРО-ДПМНЕ: Нека преспијат и нека се променат appeared first on Република.

Македонскиот јазик ќе ечи и во ЕУ, а овие примитивци, осудени криминалци нема да ја закочат државата. Продолжуваме по европскиот пат, ние ќе влеземе во ЕУ како Македонци, кои зборуваат македонски јазик.

Ова меѓу другото вчера во Собранието, на прес-конференција, егзалтирано го изјави Јован Митрески, координатор на пратеничката група на СДСМ.

The post Дали Joван Митрески има аристократска крв? appeared first on Република.

Координаторот на пратеничката група на СДСМ Јован Митревски денеска изјави дека како пратеничка група поддржана од пратениците од владејачкото мнозинство предлага заклучоци за заштита на јазичните, идентитетските, културни и историски посебности на македонскиот народ и спроведување на процесот на преговори со ЕУ, потенцирајќи дека се водат од врвните национални државни интереси, стратешката определба за членство во ЕУ со целосно заштитен македонски јазик, идентитет и посебност.

Појаснувајќи ги заклучоците на денешната прес-конференција во Собранието, Митревски посочи оти се задолжува Владата преку државната делегација за преговори со ЕУ доследно да се придржува кон определбата за безусловно почитување на јазичните, идентитетските, историските и културните особености на македонскиот народ за елементи за кои не се преговара со ЕУ. Преговорите да се водат на рамноправна и принципиелна основа почитувајќи ги нормите на меѓународното право со безрезервно почитување на достоинството и посебноста на македонскиот народ, како и во целосна согласност на Резолуцијата усвоена од Собранието на 29 јули 2021 година.

– Се задолжува Владата во преговарачката рамка македонскиот јазик да биде наведен без какви било објаснувања, додавки или фусноти. Се задолжува Владата при склучувањето на какви било договори, спогодби, документи со ЕУ кои содржат јазична одредба со поименично наведување на сите официјални јазици на ЕУ како што е Договорот за соработка со ФРОНТЕКС и истите да се потпишат со поименично наведување на македонскиот јазик без какви било објаснувања, додавки или фусноти, образложува Митревски.

Владата, како што додаде, се задолжува и во текот на преговорите за пристапување се до нивното завршување со склучување на Договорот за пристапување на Република Македонија во ЕУ и по приемот во полноправно членство во ЕУ Владата нема да прифати за поинакво решение за македонскиот јазик од тоа наведено во преговарачката рамка. Со приемот во полноправно членство во ЕУ македонскиот јазик да стане еден од службените јазици на ЕУ без какви било објаснувања, додавки или фусноти.

– Се задолжува Владата билатералните прашања поврзани со билатералните договори за добрососедски односи кои не се директно поврзани со правото на ЕУ и со Копенхашките критериуми за членство да не бидат одреденици од кои ќе зависи отворањето и затворањето на поглавјата и кластерите во текот на пристапните преговори со ЕУ. Преговарачката рамка да се усвои веднаш на почетокот на преговори со ЕУ. За одржување на првата меѓувладина конференција за отворање на пристапните преговори и скрининг процесот и следната меѓувладина конференција за комплетирање на преговарачката рамка на преговорите согласно Предлогот на француското претседателство со ЕУ да се донесат одлуки веднаш за да истите не зависат од донесување на дополнителни одлуки од страна на земјите членки, посочи Митревски.

Додаде дека се задолжува Владата горенаведените заклучоци да ги вгради во отворачката изјава на Република Македонија на првата меѓувладина конференција со ЕУ.

Се задолжува Владата, рече тој, редовно и континуирано да го информира Собранието за текот на пристапните преговори, вклучително и процесот на скрининг како прва отворачка фаза на пристапните преговори, како и за одвивање на меѓувладините конференции за пристапување на Македонија во ЕУ.

– Време е за одлука. Преку усвојување на заклучоците кои ќе бидат задолжителни за сегашната, но и за секоја идна влада да се обезбеди европскиот пат на земјата со безусловно почитување на јазичните, идентитетските, историските и културните особености на македонскиот народ за кои во ниту еден момент не се преговара никогаш никој не може и не смее да преговара. Сите пратеници да се вклучат во процесот на носење на заклучоците, да дадат свој придонес во работата на Собранието поаѓајќи од стратешките национални интереси за членство во ЕУ, да ја задолжи Владата да ги продолжи разговорите со ЕУ со цел да се деблокираат евроинтеграциските процеси и да се усвои преговарачката рамка со вградени европски принципи и стандарди, како и Копенхашките критериуми за членство согласно со спецификите и постигнатите резултати, заклучи Митревски.

Одговарајќи на новинарско прашање, Митревски рече дека и оваа Влада и секоја следна влада мора да ги почитува овие задолженија, овие заклучоци коишто денеска како Собрание им ги даваат ним.

– Ако не – не смее да постапи никако спротивно од ова што ние денеска го кажуваме за посебноста на македонскиот народ, за македонскиот јазик, за историјата, културата и за се она што значи посебност на македонскиот народ. Со ова ја задолжуваме Владата да не смее да излезе надвор од се ова што го имаме кажано како заклучок и што треба да го усвои Собранието. Впрочем, ако овие прашања стануваат проблем, тогаш преговорите не може да продолжат, рече Митревски.

Ако оваа Влада и која било следна влада не ги почитува овие заклучоци, Митревски вели дека, не може да продолжи понатака.

– Оваа одлука која што се носи е одлука за да влеземе во процесот на преговори. И уште еднаш кажувам дека овие преговори нема да завршат денес, и тие ќе траат низ годините. Ние сме спремни за се што значи почитување на ова што го предвидуваме како заклучок како и да го дефинираме со други зборови, рече Митревски. мс/ац/

The post Јован Митрески ги објави предлог-заклучоците кои Собранието треба да ги усвои за францускиот предлог appeared first on Република.

ВМРО-ДПМНЕ ја бранеше процедурата која што СДСМ и ДУИ ја злоупотребија и максимално го прекршија деловникот, вели координаторот на пратеничката група на ВМРО-ДПМНЕ Никола Мицевски во емисијата Анализа на ТВ 24, за разрешувањето на Фадил Зендели од член на собраниската комисија за избори и менувања.

Според Мицевски ова што се случува во македонскиот парламент е сериозно за демократијата посочувајќи дека владејачкото мнозинство се повикале на член 114 и член 118 во кои стои дека се врши избор, именување и разрешување на носители на јавни функции, додавајќи дека член на комисија не е јавна функција со што го злоупотребиле Деловникот на Собранието.

Оваа траги комедија во кој се случуваше во македонскиот дом на демократијата е навистина сериозно и дека ова е едно од поголемите прекршувања и поголемите злоупотреби на Деловникот, објасни Мицевски.

Разрешување на пленарна седница на член на комисија за избори и именувања пратеник и да се вратиме ретроспективно назад од целата постапка и процедура е обратна. Се повикуваат на член 114 и 118 од Деловникот каде што во самиот член се разработува прашањето за избори, именување и разрешување на носители на јавни функции. Членовите не носители на јавни функции, ама како тргнале мислев дека не од член на комисијата туку и од пратеник ќе го разрешат, нагласи Мицевски.

Мицевски порача дека ова што го прави владејачкото мнозинство во однос на разрешувањето на Зендели е поради тоа што СДСМ и ДУИ сакаат да изберат Уставни судии кои што ним им одговараат.

Ви требаат Уставни судии, четири на број, и не можете со Фадил Зендели да ги поминете тие што ги планирате. Македонската јавност многу брзо ќе се увери за ова што го зборувам кога ќе ги дадете имињата, потенцираше Мицевски.

The post Мицевски до Митрески: Со разрешување на Зендели го прекршивте Деловникот appeared first on Република.

Координаторот на пратеничката група на СДСМ Јован Митрески на крајот од собраниската седница за избор на нова Влада им реплицираше на пратениците од опозицијата кои го оспоруваат легитимитетот на идната Влада на Димитар Ковачевски со зборовите дека факт е оти легитимитетот произлезе од парламентарни, а не од локални избори и дека и пратениците го имаат својот легитимитет со мандат од четири години.

Во обраќањето пред пратениците рече дека во изминативе два дена се изнаслушал политички фолклор од опозицијата.

-Ниту во минатото очекував, ниту денес дека целосно или делумно ќе се согласиме. Може да имаме различни мислења но во одредени прашања се претера со политички фолклор. Политички фолклор е професорке (ѝ се обраќа на Гордана Силјановска Давкова) кога се оценува легитимитетот на Ковачевски оти не излегол на избори. Тоа го нема никаде во светот. Од таква „голема“ логика, можам да кажам дека вашето барање за брзи избори е неспособноста на вашите градоначалници да испорачаат резултати како градоначалничката на Скопје која освен што и паднала паричката за Бадник никакви резултати не видовме. По таа логика ако победиле грдаоначалниците зошто вие седите во пратенички клупи, тие нека гласаат и нека носат закони – рече Митрески.

Тој додаде дека факт е според Уставот и законите дека на локални избори се избираат градоначалници, а на парламентарни избори пратеници.

Избрани сме за пратеници и имаме легитимитет. Имаме ново мнозинство и тоа вечерва ќе изгласа нова влада. Граѓаните јасно кажуваат дека мора подобро и дека мора поефикасно да се испорачуваат резулати, особено во ек на корона кризата, на енергетската криза – рече Митрески.

Тој нагласи дека новата Влада ќе треба да ја решава енергетската криза која е резултат на глобална криза.

Митрески изрази очекување дека во вака тешки моменти еден од првите потези на новата Влада ќе биде покачување на пензиите. Нагласи дека пензионерите се длабоко вградени во развојот на државата и дека заслужуваат достоинствен живот и подобар стандард.

Исто така, нагласи дека напорите треба да продолжат и во насока на ново зголемување на минималната плата. Ја повика Владата да разговара со синдикатите, но и со стопанските комори и бизнис заедниците за раст на минималната плата.

„Постојано се зголемува просечната плата, очекувам до крајот на овој мандат на Владата таа да се зголеми на барем 34 илјади денари“, рече Митрески.

Во делот на корупцијата и криминалот тој очекува уште поголем, како што рече, ангажман, а нагласи дека треба да се спречи и приватниот бизнис на административците, затоа што, како што нагласи, платени се да работат за граѓаните, а не да работат со помал ангажман.

На крајот од дискусијата, координаторот на СДСМ нагласи дека нема да се случи Владата да преговара со Бугарија за македонскиот идентитет и јазик.

„Наша стратегиска определба е ЕУ, на крајот ќе победат граѓаните на двете земји“, рече Јован Митрески.

The post Митрески: Владата има легитимитет appeared first on Република.