Селекторот на македонската машка одбојкарска репрезентација Јошко Миленкоски, со својот клуб ПАОК (освојувач на Купот од минатата сезона) стигна до трофејот во Суперкупот на Грција откако со 3:2 во сетови во финалето го совлада актуелниот шампион Олимпијакос.

Првиот сет им припадна на одбојкарите на ПАОК со 27:25, израмнија играчите на Олимпијакос добивајќи го вториот со 25:21.

Повторно водеше ПАОК откако во третиот сет беше подобар со 25:20, а Олимпијакос за нов егал на мечот откако во четвртиот славеше со 25:18.

Во решавачкиот петти сет тимот на Миленкоски триумфираше со 15:12.

The post Јошко Миленкоски испиша историја со ПАОК и го освои грчкиот Супер-куп во одбојка appeared first on Република.

Македонскиот одбојкарски селектор Јошко Миленкоски и следната сезона ќе биде тренер на грчки ПАОК.

Имав неколку понуди, размислив и одлучив да продолжам со ПАОК. Навивачите одлично ме прифатија, имам одлична соработка со сите во клубот, блиску сум до дома, а тоа се фактори коишто беа доволни за да го продолжам ангажманот во Грција, вели предводникот на најдобрите македонски одбојкари.

Претходно, Миленкоски предводеше седум клубови, а со четири од нив оствари пласман на завршниот турнир во Купот на ЦЕВ. Најтрофејниот македонски тренер беше селектор на Турција и ја предводеше до 11. место на Европското првенство во 2017, што значи дека претстојниот континетален собир на којшто коорганизатор е и Македонија, ќе биде негов втор настан од тоа рамниште.

The post Македонскиот одбојкарски селектор Јошко Миленкоски останува тренер и на грчки ПАОК appeared first on Република.