Јордан Митев, објави дека го откажува настапот за 8 Септември во Пеленица, поради политизирање на настанот.

Почитувани фанови, да се настапи за денот на независноста на мојата земја Македонија, како автор и изведувач на македонска музика за мене е голема чест. Тој празник е за сите кои што си ја сакаат и почитуваат својата земја и истиот сметам дека не треба да биде политизиран или обележуван со партиски симболи.

 

За оваа година имав неколку понуди за да настапам по повод престојниот празник. Едната е како што знаете утре на плоштадот Автокоманда (четврток, 7 септември со почеток од 19:30ч), а другиот настап требаше да биде на 8 септември во Пеленица - Скопје.

 

Не знам дали е намерно или ненамерно, но како што гледам по најавите на организаторите, настанот на 8 септември е партиски обележан и истиот има одредана партиска цел, а за тоа не ми беше кажано. Бидејќи се чувстувам намерно или ненамерно изманипулиран како човек и како професионалец, сакам да ве информирам дека Јордан Митев нема да учествува на 8 септември во Пеленица.

 

Нека е за многу години престојниот празник, денот на независноста на Република Македонија, реагира Митев на социјалните мрежи.

The post Јордан Митев: Голема чест е да настапам за 8 Септември, но го откажувам настапот затоа што планираниот настан ќе има партиска цел appeared first on Република.

Јордан Митев важи за еден од нашите најпознати и најбарани пејачи Потекнува и живее во радовишко Подареш. Основното образование го завршил во родното село, а подоцнежното образование го продолжил во Радовиш. Средното образование го продолжил во музичкото училиште во Штип.

Свири на повеќе инструменти, како хармоника, пијано, кавал, гајда, а посетувал и часови за надградба и едукација на неговиот глас. Веднаш по своето средно образование продолжува на факултетот за музичка уметност во Скопје на отсекот, „Музичка теорија и педагогија со народни инструменти”.

Митев зад себе остави тешка година поради здравствените проблеми што ги имаше кои за среќа ги надмина и се врати на сцената.

Тој денес се огласи на својот профил на фејсбук и сподели случка непозната досега за пошироката јавност во која вели:

Колку вреди?! Хм, најверојатно кај нас вреди многу малку. Во развиените земји животните имаат поголема вредност. За жал.

Пред 2 години мојата мајка, заедно со еден наш роднина стоејќи на тротоар, младо пијано докторче со својата кола, ги подбира и двајцата од тротоарот.

Ги удира и побегнува без да застане и пружи помош. Како кучиња ги остава на патот. Среќа останаа живи.

Мајка ми со скршена рака, роднината со скршена нога и дополнителни компликации. За иронијата да биде поголема, докторчето (убав на мајка) е син на докторка која работи во Подареш, која пак беше матичен доктор на мајка ми.

Без грам доблест и одговорност, се криеја се додека полицијата не докажа со си лни докази дека вистина тој го има направено делото.

На крај, и дадоа некоја минимална ош тета колку да не биде без ништо, а докторчето убав на мајка, кој утре ќе лекува луѓе и ќе биде одговорен за човечки животи со 3 месеца затворска казна, за која што се сомневам дали и таа ќе си ја одлежи.

На нас само дебели казни, да ни дојде паметот. Како знаеме од Табановце нагоре да бидеме и културни и да почитуваме се што треба, па нормално, таму нема “убав на мајка”,

Си направил прекршок, ќе одговараш и ќе си платиш. Сочувство до фамилијата во Радовиш.

The post Младо докторче ја подбра мајка ми и наш роднина, како кучиња ги остави: Познатиот пејач проговори за трауматичното искуство appeared first on Република.