Германецот Јирген Клоп, кој го напушти Ливерпул на крајот од сезоната 2023-2024, денеска ја отфрли можноста наскоро повторно да биде тренер.

„Од денеска завршив како тренер“, рече Клоп за време на говорот во Здружението на германски фудбалски тренери во Вирцбург.

„Не решив да се откажам од каприц, тоа беше сеопфатна одлука“, објасни 57-годишниот германски тренер, кој го напушти Ливерпул наведувајќи дека е исцрпен по 23 годишен ангажман како тренер на Мајнц, Дортмунд и Ливерпул.

Клоп рече дека сè уште сака да работи во фудбалот и да помага со искуство и контакти.

„Ќе видиме дали ќе има друга можност“, рече тој.

Под негово водство Ливерпул ја освои Лигата на шампионите во 2019 година, а во 2020 година ја освои титулата во Англија која навивачите ја чекаа 30 години

The post Многу е уморен: Клоп најави подолга пауза од фудбалот appeared first on Република.

Легендарниот англиски голгетер Гери Линекер предложи германскиот стратег Јирген Клоп да биде назначен за нов фудбалски селектор на Англија.

„Изгледа дека Клоп е без работа. Сакаше малку да се одмори. Тој не е навистина Германец, нели? Тој е половина Германец затоа што долго време помина во Англија. Има вистинска енергија во неговиот фудбал“, изјави Линекер за лондонски „Телеграф“.

Предлогот на Линекер веднаш го коментираше поранешниот напаѓач на Њукасл и на Англија, Алан Ширер.
„

Дали мислите дека Англија навистина ќе назначи германски селектор? Ги поддржувам англиските тренери. Еди Хау би бил одлична опција“, рече Ширер.
Англиската репрезентација, предводена од селекторот Герет Саутгејт загуби вчера со 2-1 од Шпанија во финалето на Евро 2024. Ова е втор последователен пораз за Англија во меч за титулата на Европското првенство, откако во 2021 составот на Саутгејт загуби од Италија на Вембли во Лондон

The post Дали Клоп ќе седне на местото на Саутгејт? appeared first on Република.

Тренерот на Ливерпул, Јирген Клоп не можеше да ги задржи солзите на средбата со навивачите на клубот.

Германецот вчера на стадионот на Ливерпул кога ја сумираше својата 9-годишна работа во клубот заплака.

Клоп истакна дека приклучувањето во англискиот тим е неговата најдобра одлука во животот, покрај бракот со сопругата Ула, а навивачите одговорија со скандирање на неговото име.

Во Ливерпул Клоп пристигна во октомври 2015 година. Под негово водство, тимот стана шампион на Англија, а воедно и победник на Лигата на шампионите. Покрај тоа, Ливерпул двапати го освои англискиот Лига куп и стана победник на националниот куп.

The post Клоп се расплака на простувањето од „Енфлилд“ appeared first on Република.

Менаџерот на Манчестер Сити, Пеп Гвардиола зборуваше на прес-конференција во пресрет на големата пресметка со Ливерпул во недела на „Енфилд“.

Како и обично, Шпанецот започна со многу пофални зборови за својот ривал и шеф на Мерсисајд, Јирген Клоп.

- Мислам дека не е последен пат да се сретнеме еден против друг. Можеби ќе играме во ФА Купот во иднина, никој не знае. Тој е млад, јас сум млад. Отсекогаш ми било задоволство да играм против него и така ќе биде и во недела. Ќе биде добра битка и ќе се обидеме да победиме, вели тренерот на Сити.

Гвардиола не очекува дека заминувањето на Клоп ќе има негативно влијание врз клубот од Мерсисајд следната година.

- Ливерпул отсекогаш бил Ливерпул и има и други кандидати. Арсенал е таму и беше наш најголем ривал минатата сезона. Тотенхем ќе направи чекор напред следната сезона, како и Манчестер Јунајтед. Њукасл исто така би можел да се врати во игра за титулата следната сезона, смета Каталонецот.

The post Тоа не се пропушта: Задутре за последен пат ќе се соочат Клоп и Гвардиола appeared first on Република.

Тренерот на Ливерпул, Јирген Клоп следната сезона нема да соработува со Барселона.

Според „Catalunya Radio“, германскиот стручњак ја отфрлил оваа можност бидејќи се уште сака да паузира од тренерската работа по заминувањето од англискиот клуб. Ниту повик од претседателот на Барселона, Жоан Лапорта, ниту која било друга опција за продолжување на кариерата нема да го убеди.

Претходно се појави информација дека Клоп може да ја одложи најавената пауза во кариерата за да работи со каталонскиот тим.

На 26 јануари германскиот стручњак објави дека ќе го напушти Ливерпул на крајот на сезоната 2023/24. Два дена подоцна, тренерот на Барселона, Чави, објави дека и тој ќе ја напушти функцијата на крајот од сезоната.

The post Kлоп нема да ја води Барселона appeared first on Република.

Тренерот на англискиот фудбалски прволигаш Ливерпул, Јирген Клоп (56), одлучи да го напушти клубот на крајот од сезоната во Премиер лигата.

Информацијата попладнево ја потврди Ливерпул, објавувајќи драматично видеообраќање на германскиот стратег.

„Можам да разберам дека ова е шок за многу луѓе во моментот кога прв пат ќе го слушнат, но очигледно можам да објаснам или барем да се обидам да дадам објаснување. Сакам апсолутно сè што е поврзано со овој клуб, сè што е поврзано со овој град, сè што е поврзано со навивачите и со луѓето во клубот, сè во Ливерпул. Но, тоа што ја носам оваа одлука покажува дека сум убеден дека е вистинската. Се чувствувам како да снемувам енергија. Сега немам проблем, но очигледно веќе подолго време знаев дека ова треба да го кажам во еден момент, и сега сум добро.“, порача Клоп.

Германскиот тренер дојде во Ливерпул во 2015 година и со клубот од Енфилд освои шест големи трофеи: Премиер лигата (2018/19), Лигата на шампиони, Суперкупот на УЕФА и ФИФА Светското клупско првенство (2019), Лига Купот и ФА Купот (2021/22).

Ливерпул во средата се пласираше во финалето во Карабао купот, а во Премиер лигата во моментов е првопласиран на табелата со 48 бодови, пет повеќе од Манчестер сити кој има одиграно натпревар помалку.

The post Kлоп го шокираше светот appeared first on Република.

 Тренерот на Ливерпул, Јирген Клоп изјави што мисли за напаѓачот Мохамед Салах, кој се врати во клубот од египетската репрезентација поради оштетување на мускулите на тетивата.

- Ако некој се сомнева во посветеноста на Мо Салах, мислам дека треба да си постави неколку прашања. Тој е најверниот Египќанец што сум го сретнал во животот, ја пренесува изјавата на Клоп, новинарот Фабрицио Романо.

Салах се повреди на натпреварот за репрезентацијата на Египет против Гана (2:2) на Африканскиот куп.

Претходно египетската фудбалска федерација објави дека 31-годишниот напаѓач ќе пропушти два од натпреварите на тимот на турнирот поради повреда. Подоцна се дозна дека Салах се враќа во Ливерпул за да оди на рехабилитација

The post Клоп го фали Салах дека се врати предвреме во Ливерпул по повредата во Африка appeared first on Република.

Тренерот на Ливерпул, Јирген Клоп изјави дека не се смета себеси за генијалец и проговори за неговиот тим.

- Јас не сум гениј. Не можам да кажам што ќе се случи за четири месеци. Само се трудам да ги најдам најдобрите решенија и идеи. Понекогаш тоа функционира, понекогаш работите се менуваат. Но, брзо добив добро чувство за сегашниот тим. Ајде да видиме дали сето ова функционира. Треба да се движиме во вистинската насока. Луѓето мислат дека ова значи дека можеме да станеме шампиони. Сè уште не е така, но имаме тим против кој никој не сака да игра. Имаме уште големи чекори да направиме, но се оди во вистинска насока, изјави менаџерот на Ливерпул.

На табелата во Премиер лигата води Ливерпул со два бода повеќе од Манчестер сити. Два бода зад тимот на Клоп заостануваат и Арсенал и Астон Вила кои имаат одиграно натпревар повеќе

The post Клоп: Никој не сака да игра против Ливерпул appeared first on Република.

Тренерот на Ливерпул, Јирген Клоп го сподели своето мислење за моменталната форма на неговиот тим. Тој истакна дека игрите на тимот се уште се далеку од идеални.

- Засега нашата игра е далеку од идеална. Но сепак уште сме ноември. Сезоната е пред нас. Победивме некои натпревари на кои покажавме не многу добар фудбал, изјави Клоп.

По 12 кола, тимот предводен од Клоп се наоѓа на второто место во табелата во Премиер лигата, со еден бод помалку од лидерот Манчестер сити.

Следниот натпревар „Црвените“ ќе го играат на 25 ноември токму против Манчестер сити

The post Kлоп призна дека Ливерпул оваа сезона е далеку од идеален appeared first on Република.

Тренерот на Ливерпул, Јирген Клоп смета дека играта на Ливерпул со Лестер (3:0) била блиску до идеална и дека тимот речиси да обезбеди настап во евро-куповите и следната сезона.

- Имавме околу 15 минути да сфатиме како да изградиме натпревар. И ми се допаѓа она што почнавме да го правиме после тоа. Постигнавме неверојатни голови. Имавме речиси совршен натпревар. Победата беше се што можевме да направиме. Мислам дека пласман во топ 4 е тешко достижен со оглед на нивото на конкуренција. Но, би било штета ако некој од нив да се сопне, а ние да не го искористиме ова. Значи мора да си ја завршиме нашата работата и да чекаме шанса. Мислам дека веќе обезбедивме пласман во европските натпреварувања, а пред шест недели тоа не се ни гледаше на хоризонтот. Тогаш ретко кој ќе поверуваше дека можеме да се бориме за Лигата на шампионите. Сега треба да се подготвиме за следниот натпревар. Унаи Емери прави пеколна работа со Астон Вила, изјави менаџерот на Ливерпул.

Ливерпул во моментов е на 5.место во Премиер лигата со 65 освоени бодови од 36 натпревари. Пред него се Манчестер јунајтед и Њукасл со 66 бода од 35 натпревари, Арсенал со 81 и Манчестер сити со 85 бода.

The post Ливерпул доцна се разигра appeared first on Република.

Тренерот на Ливерпул, Јирген Клоп, во пресрет на реваншот со Реал Мадрид во осминафиналето од Лигата на шампионите, зборуваше за шансите на неговиот тим да се пласира во следната фаза.

На првата средба во Ливерпул англискиот тим загуби со убедливи 2:5.

– Пред три недели реков дека Реал веќе стигна до четвртфиналето. Сега, три недели подоцна, дојдовме во Мадрид. Ако веројатноста за нашиот премин е дури и еден процент, би сакал да се обидам. Тука сме да играме со многу силен противник и да се обидеме да победиме, изјави Клоп за „Би-би-си“.

Реваншот ќе се одигра на „Сантијаго Бернабеу“ вечер со почеток во 21 часот.

The post Клоп: Ако ни се пружи и најмала шанса ќе се обидеме да го победиме Реал appeared first on Република.

Тренерот на Ливерпул, Јирген Клоп е разочаран по денешниот пораз од Вулверхемптон со 3:0 во натпревар од 22. коло во Премиер лигата.

- Очигледно, почетокот беше ужасен. Примивме два гола, кои не требаше да ги дозволиме. Но, тоа се случи. Требаше подобро да се браниме. Нашиот тим беше пасивен во овој сегмент. Не можам да објаснам. Нема оправдување за ова. По 0:2 успеавме малку да ја контролираме ситуацијата. Потоа околу 45 минути игравме добро, но не постигнавме гол. Тука сè заврши. Се работи за концентрација во првите 15 минути. Повторно, не можам да објаснам. Но, такви 15 минути не треба да се дозволат. Треба да го промениме ова. Првите 15 минути не можам да ги објаснам, извинете. Кога ќе почнеш така, не заслужуваш ништо во натпревар во Премиер лигата. Во моментов сум толку разочаран и лут поради првите 15 минути што не можам да најдам зборови. Волците заслужија три бода, изјави Клоп.

По 20 кола Ливерпул има 29 бода и во моментов е на 10. место во премиерлигашкиот поредок.

The post Клоп по поразот од Волвс: Во моментов сум толку разочаран и лут appeared first on Република.

Тренерот на Ливерпул, Јирген Клоп, рече дека никогаш во животот не гледал подобар фудбалер од Лионел Меси и оти аргентинската репрезентација сосема заслужено ја освоила титулата на Светското првенство во Катар.

„Од срце ѝ честитам на Аргентина на сосема заслужената титула светски првак. Финалето во секој аспект беше уникатно. Кога после сè видовме како тој трофеј го слават играчите, а особено нивните навивачи во татковината, тогаш е јасно дека вистинската екипа го освоила златото. Чекаа долго на светската титула и навистина сум среќен поради нив. Воедно го имаат и најдобриот меѓу најдобрите во своите редови“, изјави Клоп.

Пред неколку денови и големиот ривал на Клоп во Премиер лигата, тренерот на Манчестер сити, Пеп Гвардиола, изјави дека за него Лионел Меси е најдобриот фудбалер на сите времиња.

„Од сите фудбалери кои сум ги гледал во животот Меси дефинитивно е најголемиот. Тој и денес, на 35 години, игра фудбал на највисоко можно ниво. Таков генијалец сè уште не можеме да отпишеме“, ја пренесуваат британските медиуми изјавата на Клоп.

The post Клоп: Никој не е како Меси appeared first on Република.

Уругвајскиот напаѓач на Ливерпул, Дарвин Нуњез изјави дека не може да ги разбере упатствата на тренерот Јирген Клоп.

Искрено, кога зборува Клоп, ништо не разбирам. Секако, барам од соиграчите да ги објаснат неговите зборови. Во секој случај, сигурен сум дека Клоп е сосема јасен за тоа што сака да добие од играчите на теренот - изјави Нуњез за „ЕСПН ГБ“.

Досега сезонава, Нуњез одигра четири натпревари за Ливерпул во Премиер лигата, постигна еден гол и направи една асистенција.

Дваесет и тригодишниот фудбалер летово дојде во Ливерпул од Бенфика за 75 милиони евра.

The post Дарвин Нуњез: Кога зборува Клоп, ништо не го разбирам appeared first on Република.

Тренерот на Ливерпул, Јирген Клоп ги сумираше впечатоците од натпреварот од 3. коло на Премиер лигата против Манчестер Јунајтед (1:2).

– Тие беа многу агресивни на почетокот, беше јасно што ќе се случи понатаму. Беа поагресивни од нас и веднаш ја погодија стативата. Немавме доволно среќа против противник каков што е Манчестер Јунајтед, би било корисно да имаме 1:1 до паузата. Требаше повеќе да ги искористиме нашите шанси, но во вториот дел Де Хеа направи фантастични одбрани. Не бевме 100 проценти подготвени. Имаме тешка ситуација со повреди, функционираме една недела со 14-15 играчи и сега треба да се погрижиме да не се повредат. Требаше да го добиеме овој натпревар. Знам дека звучи смешно, но јас така го видов. Загрижен сум за нашата ситуација. Сега се подготвуваме за Бурнмаут и Њукасл, изјави Клоп за „Скај спортс“.

Ливерпул во три кола од шампионатот на Англија освои 2 бода.

Воедно, за „црвените“ поразот од Манчестер јунајтед беше прв во Премиер лигата оваа година. Претходно Ливерпул загубија во декември 2021 од Лестер со 1:0

The post Клоп: Требаше да го добиеме овој натпревар appeared first on Република.

Тренерот на Ливерпул, Јирген Клоп, е уверен дека тимот ќе се бори за трофеи.

– Во ова сум максимално сигурен. Се разбира, никогаш не се знае однапред, но видов тим со високо ниво на вештина. Секогаш е потребно малку среќа за да се освои трофеј, тоа сите го знаат. Но, за да имате добра сезона, прво ви треба стабилност, а ние ќе се обидеме да ја постигнеме. Не се сомневам во квалитетот на составот. Да, некои играчи си заминаа, но потпишавме и нови играчи. Со свежа крв, ќе биде добро. Дополнително, ќе имаме пет замени во Премиер лигата – ќе треба малку да се навикнеме. Со нетрпение ја очекувам сезоната. Во фудбалот не можете да бидете сигурни во ништо, но големи се шансите да имаме уште една добра сезона, изјави Клоп.

Ливерпул минатата сезона до последното коло се бореше  со Манчестер сити за трофејот, но не успеа да го повтори успехот од пред две години.

The post Kлоп верува дека може да ја освои Премиер лигата appeared first on Република.

Францускиот министер за внатрешни работи Жералд Дарманен ги коментираше немирите за време на финалето од фудбалската Лига на шампионите помеѓу Реал Мадрид и Ливерпул (1:0). Средбата требаше да започне во 21 часот, но, поради судири со навивачите, почетокот на натпреварот доцнеше 36 минути.

– Овие проблеми во фудбалот постојат само со учество на некои англиски клубови. Присуство на толку голем број англиски навивачи без билети не е прв пат. Така беше во 2019 година во Мадрид. И ова создаде такви тешкотии. Истите проблеми беа на стадионот Вембли во 2021 година. Однесување, неорганизираност и огромен пазар за фалсификувани билети. Да потсетам дека Клоп беше тој што пред неколку дена ги повика навивачите на Ливерпул да дојдат во Франција дури и без билети. Се соочивме со десетици и илјадници англиски навивачи, од кои некои целосно ги почитуваа правилата и купија билети или отидоа во специјална фан зона. Да потсетам дека десетици илјади навивачи во фан зоната беа без проблеми, ги почитуваа правилата, но имаше помал, но активен дел кој се судри со нашите безбедносни сили, изјави Дарманен за „Мирор“.

Натпреварот се одигра на „Стад де Франс“ во Сен Дени (Франција). Победи Реал Мадрид со 1:0 и по 14. пат стана европски шампион.

The post За Французите Клоп е виновен за дивеењето на навивачите на Ливерпул appeared first on Република.

Разочарани сме од проблемите со влезот на стадионот и уривањето на безбедносните бариери на кои наидоа навивачите на Ливерпул на „Стад де Франс“, велат во официјаното соопштение од Ливерпул, за вчерашниот хаос поради кој доцнеше финалето на Лигата на шампионите.

https://republika.mk/sport/fudbal/navivachi-so-bileti-baraat-da-vlezat-na-stadion-redar-gi-prska-so-solzavec/

Но, токму тренерот на Ливерпул, Јирген Клоп, беше тој што пред неколку недели им порача на навивачите да дојдат и да го поддржат нивниот омилен клуб, па дури и ако немаат карти, зошто „Париз е голем“.

Мислам дека Париз е доволно голем за да се оди таму без билет и да се помине убаво. Држете се цврсто и бидете во најдобро можно расположение. И ако не можете да одите, тогаш уживајте овде или каде и да е. Она што ми се допаѓа во овој спорт е тоа што светот ќе биде црвен или бел, рече Клоп на почетокот на мај.

Од клубот уште тогаш порачаа дека мислењето на Клоп е во спротивност со официјалните упатства. Од Ливерпул ги советуваа навивачите без билети да не го преминуваат Каналот за да дојдат во Франција.

The post Клоп беше тој што ги повика навивачите да дојдат во Париз без карти appeared first on Република.

Tренерoт на Ливерпул, Јирген Клоп изјави дека има „многу добри изгледи“ Тиаго и Фабињо да играат во вечерашното финале во Лигата на шампионите против Реал Мадрид.

– Засега добро им оди, а големи се шансите Тиаго и Фабињо да можат да играат .

Познатиот германски тренер е загрижен за состојбата на теренот, бидејќи новата трева е поставена неодамна.

- Овој терен е поставен вчера, а тоа не е добра вест. Но, истото важи и за двата тима. Топката отскокнува нормално и тоа е добро. Некој мислеше дека е добра идеја да се засади нова трева два дена пред натпреварот. Интересно – изјави Клоп.

Клоп изјави и дека „што и да правиш, треба да стекнеш искуство“, а неговиот тим „доби искуство“, а тој ретко „губи во финалните натпревари“.

- Изгубив многу финалиња во животот, и научив многу од тие порази. Момчињата еволуираа во последниве години. Сите сме поврзани. Во добар момент сме и подготвени сме за финалето – додаде Клоп.

The post Клоп пред вечерашното финале: Изгубив многу финалиња во животот, и научив многу од тие порази appeared first on Република.

Тренерот на Ливерпул, Јирген Клоп е прогласен за менаџер на годината во Премиер лигата за сезоната 2021/22. Ова го објави прес-службата на лигата на Твитер.

Под водство на германскиот стручњак, Ливерпул заврши на второто место во Премиер лигата, со бод помалку од Манчестер сити, кој ја освои шампионската титула.

Да потсетиме дека Ливерпул стигна и до финалето на Лигата на шампионите каде ќе игра против Реал Мадрид.

Натпреварот ќе се одигра на 28 мај во Франција на „Стад де Франс“ во Париз со почеток во 21 часот

The post Kлоп менаџер на сезоната во Премиер лигата appeared first on Република.