Премиерот Христијан Мицкоски денеска беше во посета на Општина Јегуновце.

Тој го посети Туденце каде во тек е изградба на парк и кеj, а вредноста на проектот е 1.200.000 денари, средства од буџетот на општината. Во Раотинце е извршено комплетно реновиранье на внатрешниот дел на училиштето и поставуванье на термо фасада на надворешниот дел на цела училишна зграда, а средства во висина од еден милион денари исто така од буџетот на општината. Во населеното место Јегуновце се врши комплетна реконструкција на локални улици и поставуванье на атмосферска канализација во должина од 3000 метри нивно асфалтирање. Средствата во висина од 37.000.000 денари се обезбедени од Министерство за транспорт иод буџетот на Општина Јегуновце.

Мицкоски беше и во Вратница каде се врши реадаптација на постоечки објект во ОУ„Симче Настоски", од интернат во градинка. Комплетното реновирање на внатрешениот дел на градинката е во вредност од 900.000,00 денари, средства обезбедени од буџетот на Општина Jегуновце, а инвентарот е обезбеден од Министерство за социјална политика, млади и демографија.

Во изјава за медиумите за време на посетата Мицкоски кажа дека бил во посета на овие локации за да види како се реализираат проектите коишто треба да го подобрат квалитетот на животот на луѓето коишто живеат во општината.

Како Влада ќе продолжиме и во иднина да подржуваме, да реалоцираме средства за проекти кои што ќе имаат за цел да го подобрат квалитетот на животот на жителите на целата територија на Македонија. И она кое што го зборувавме целиот овој период веќе зафаќа корени и почнува на дело да се применува, рече Мицкоски.

Според премиерот, за овие близу шест месеци како што се на власт носечките ветувања се реализирани: повисоки пензии, повисоки плати во образованието, за здравствените работници, реалокација на средствата итн. итн.

Ќе продолжиме и понатаму така да функционираме. Сите оние кои што мислат дека со интриги, со подметнувања, со раздор, со поделби ќе можат повторно да се вратат на политичката сцена, се лажат. Единството помеѓу оваа Влада и граѓаните е толку силно што природно ќе ги отфрли таквите сили кои што сакаат да не враќаат назад на оние темни сеништа во минатото. Јас можам само да им порачам да продолжат да тонат во своето политичко мочуриште, а ние како Влада заедно со граѓаните ќе се бориме за нашата единствена и заедничка татковина, Македонија, рече Мицкоски.

За време на посетата тој беше придружуван од градоначалникот на општината, пратеници на ВМРО-ДПМНЕ од овој крај, како и други граѓани.

The post Во Јегуновце се реализираат проекти за подобрување на квалитетот на живот на граѓаните appeared first on Република.

Премиерот Христијан Мицкоски коментирајќи го денешното барање на СДСМ за лидерска средба, нагласи дека во моментов не гледа причина за такво нешто.

„Во овој момент не сум размислувал. Но, деновиве што се пред мене, ќе размислувам на таа тема. Доколку навистина има аргументи кои одат во таа насока, зошто да не. Но во моментов не гледам причина за такво нешто, ако гледам објективно“, рече Мицкоски при неговата посета во Општина Јегуновце.

Потпретседателот на СДСМ Методија Илиевски денеска на прес-конференција побара итно одржување на лидерска средба на парламентарни политички партии.

„Како партија која секогаш го ставала интересот на граѓаните и стабилноста на државата на прво место, Социјалдемократскиот сојуз на Македонија предлага итно одржување на лидерска средба на лидерите на сите парламентарни политички партии. Ова е обврска што ја имаме кон граѓаните – обврска да покажеме дека сме подготвени заеднички да се справиме со сите предизвици и да ја зачуваме нашата држава стабилна и мирна“, рече Илиевски на прес-конференција.

СДСМ, како што кажа, цврсто верува дека дијалогот, разбирањето и заедничката акција се единствениот пат напред.

The post Мицкоски не гледа причина за лидерска средба, но ќе размисли на темата appeared first on Република.

Денеска овде во општина Јегуновце присуствуваме на неколку локации каде што се гледа дека се реалзираат проекти кои што се со цел да го подобрат квалитетот на животот на луѓето коишто живеат во општина Јегуновце, рече Премиерот Мицкоски.

Многу инспиративно делува ова што градоначалникот го кажа, но и она што го прави. Јас би сакал посебно да му се заблагодарам нему за посветеноста, енергијата и мотивот кои што ги има.

Да се заблагодарам на советниците во општината кои што ја подржуваат неговата работа, администрацијата се разбира, пратениците од полошкиот регион кои што секогаш се тука, нормално да помогнат и нормално на граѓаните на општината Јегуновце кои што ја даваат поддршката за сето ова коешто се планира да се реализира.

Како Влада ќе продолжиме и во иднина да подржуваме , да реалоцираме средства за проекти кои што ќе имаат за цел да го подбрат квалитетот на животот на жителите на целата територија на Македонија.

И она кое што го зборувавме целиот овој период веќе зафаќа корени и почнува на дело да се применува.

Еве веќе шести месец откако сме избрани како Влада, пет цели месеци и некоја недела. Сите оние суштински би рекол, носечки ветувања кои што ги ветувавме за мандат од четири години можам да кажам дека во првите половина година од мандатот се реализирани; повисоки пензии, повисоки плати во образованието, за здравствените работници, реалокација на средствата итн. итн. Сега да не се повторувам. Ќе продолжиме и понатаму така да функционираме.

Сите оние кои што мислат дека со интриги, со подметнувања , со раздор, со поделби ќе можат повторно да се вратат на политичката сцена, се лажат. Единството помеѓу оваа Влада и граѓаните е толку силно што природно ќе ги отфрли таквите сили кои што сакаат да не враќаат назад на оние темни сеништа во минатото.

Јас можам само да им порачам да продолжат да тонат во своето политичко мочуриште, а ние како Влада заедно со граѓаните ќе се бориме за нашата единствена и заедничка татковина, Македонија.

https://www.youtube.com/watch?v=1K84heQpGG4

The post Мицкоски: Во Јегуновце се реализираат проекти кои го подобруваат квалитетот на живот на граѓаните appeared first on Република.

Премиерот Христијан Мицкоски денеска ќе ја посети Општина Јегуновце, при што ќе ги посети повеќе населени места во кои се реализирани проекти.

Како што информираат од Владата, тој ќе го посети населеното место Туденце каде во тек е изградба на парк и кеj. Вредноста на проектот е 1.200.000 денари, средства од буџетот на Општина Јегуновце, како и населеното место Раотинце каде што е извршено комплетно реновиранье на внатрешниот дел на училиштето и поставуванье на термо фасада на надворешниот дел на цела училишна зграда. Средства за овој проект се обезбедени од буџетот на Општина Јегуновце, во висина од 1.000.000 денари.

Премиерот Мицкоски ќе го посети и населеното место Јегуновце каде се врши комплетна реконструкција на локални улици во село Јегуновце и поставуванье на атмосферска канализација во должина од 3000 метри и асфалтирање на истите улици во должина од 3000 метри, со средства во висина од 37.000.000 денари обезбедени од Министерство за транспорт и буџетот на Општина Јегуновце.

Предвидена е и посета на населеното место Вратница каде се врши реадаптација на постоечки обект во ОУ„Симче Настоски", од интернат во градинка. Комплетното реновирање на внатрешениот дел на градинката е во вредност од 900.000,00 денари, средства обезбедени од буџетот на Општина Jегуновце, а инвентарот е обезбеден од Министерство за социјална политика, млади и демографија.

The post Премиерот Мицкоски во посета на Општина Јегуновце, ќе презентира неколку реализирани проекти appeared first on Република.

Министерот за внатрешни работи, Панче Тошковски, го посети Полициското одделение во Јегуновце каде што присуствуваше на отворање нова канцеларија на управните служби на МВР која ќе функционира во рамките на одделението.

Министерот Тошковски нагласи дека отворањето на канцеларијата е дел од посветеноста на ова раководство на МВР да ги доближи своите услуги поблиску до граѓаните за кои истите и се наменети.

Само со доближување на услугите кои се наменети за граѓаните, вистински ќе го унапредиме квалитетот на животот и работењето на граѓаните. Од денес над 12.000 жители од Јегуновце, селата и месните заедници коишто гравитираат во општината ќе можат побрзо да дојдат до својот личен документ или услугата која им е потребна од управните служби. Ние како раководство на МВР и Влада сме посветени на унапредување на сите процеси кои услугите на државата ќе направат дигитални и поблиски до граѓаните“, нагласи министерот Тошковски.

Министерот Тошковски образложи дека со отворање на оваа канцеларија исто така ќе се ослободи притисокот врз канцелариите на управните служби при СВР Тетово со што граѓаните од Тетово полесно и побрзо ќе имаат пристап до услугите и дека такви канцеларии во следниот период ќе се отвораат повеќе во низа се со цел граѓаните да имаат побрз пристап до услугите кои им се потребни.

Тошковски уште еднаш потсети дека гужвите кои се создаваа со промена на личните документи со новото уставно име се минато и потсети дека рокот на возачките дозволи со старото уставно име е до 31.12.2024 и ги повика граѓаните кои досега не ги замениле да го направат тоа во утврдениот рок.

https://www.youtube.com/watch?v=4oDEjPVLkS4&embeds_referring_euri=https%3A%2F%2Fmail.google.com%2F&embeds_referring_origin=https%3A%2F%2Fmail.google.com&source_ve_path=MjM4NTE

The post Тошковски отвори нова канцеларија на управни служби на МВР во Јегуновце: Ги приближуваме услугите до граѓаните appeared first on Република.

Пратеничката од шестата изборна единица и кандидатка за претседател на СДСМ, Славјанка Петровска денеска ги посети жителите во населеното место Сиричино, општина Јегуновце едно од местата каде имаше најголеми штети од вчерашното невреме.

Петровска посети неколку семејства и една приватна компанија, кои синоќа претрпеа големи штети од невремето.

Страшни се последиците по имотите од вчерашното силно невреме што го зафат овој крај.

Упатувам апел до општината во рамки на своите надлежности во брз рок да обезбеди надомест за да се санираат штетите, а јас како пратеничка во Собранието ќе ги искористам сите свои ингеренции да се изборам за финансиски надомест и од страна на централните институции.

Временските непогоди не можеме да ги предвидиме и пресретнеме, но со заедничка помош и поддршка можеме полесно да ги надминеме штетите и последиците“ рече Петровска пред жителите на Сиричино.

The post Славјанка Петровска во Јегуновце посети семејства погодени од вчерашното невреме appeared first on Република.

Цeнтарот за управување со кризи информира дека во поплавена куќа во општина Јегуновце во с. Сиричино има заглавено семејство. Тетовската ТППЕ работи на нивно извлекување.

Ова е последица од невремето што го зафати тетовско попладнево.

https://republika.mk/zivot/servisi/golemo-nevreme-vo-tetovo-pod-voda-i-avtopatot-kon-skopje/

The post Во поплавена куќа во тетовско има заглавено семејство appeared first on Република.

Во тек е народен митинг на ВМРО ДПМНЕ во општина Јагуновце, во пресрет на вториот круг претседателски избори и парламентарните избори кои ќе се одржат на 8 мај.

The post ВО ЖИВО: Митинг на ВМРО ДПМНЕ во Јагуновце appeared first on Република.

Министерот за внатрешни работи Панче Тошковски денеска ги посети Полициското одделение Јегуновце и Одделението за внатрешни работи Гостивар при Секторот за внатрешни работи Тетово. Во рамки на двете посети министерот Тошковски одржа работни состаноци со раководствата на кои се разговараше за тековните активности и проблеми во работењето.

Од страна на раководството на ПО Јегуновце на министерот му беа посочени неколку проблеми поврзани со материјално-технички средства за работа, за кои истакна дека ќе даде соодветни насоки до надлежните служби за да се надминат. Исто така, се разговараше за потребата од отворање на пункт за фотографирање во Јегуновце кои ќе овозможи на овие граѓани полесно и побрзо да дојдат до своите лични документи, за што ќе се направи соодветна анализа на потребните ресурси и можноста ова да биде имплементирано.

На состанокот со раководството на ОВР Гостивар меѓудругото министерот Тошковски беше запознаен и со фактичката состојба поврзана со пополнетоста на организациската единица од аспект на човечки ресурси и му беше посочено дека се соочуваат со сериозен недостаток на униформирани полициски службеници и во иднина потребно е да се направат определени промени во овој дел, информира МВР.

Во оваа прилика Тошковски ги посети и управните служби кои се наоѓаат во истиот објект, каде од страна на раководителот му беше посочено дека во моментот нема гужви за фотографирање и овие постапки се одвиваат без проблеми.

The post Тошковски во посета на ПО Јегуновце и ОВР Гостивар appeared first on Република.

Реката Вардар се излеа и поплави површини во населените места Раотинце, Копанце и Туденце во Општина Јегуновце.

Центарот за управување со кризи известува дека претседателот на месна заедница од село Раотинце во Општина Јегуновце пријавил, на единствениот број за итни ситуации 112 во ЦУК, излевање на Вардар, при што покрај ниви и површина се поплавени и куќи од селото (околу 15).

Водата од реката се прелеала на критичните места кај Копанце и преку месноста „Старо Вардариште“ дошла во атарот на село Раотинце. Ова е второ излевање на водата од Вардар во време од еден месец во овој предел. Инаку, нивото на водата на Вардар во моментот е до максималната кота во коритото, се вели во соопштението на ЦУК.

Градоначалникот на Јегуновце, Димитар Костадиноски потврди дека излевањето на Вардар е причина за поплави, а воедно и посочи дека поплавени се ниви и во Туденце.

The post Поплавени најмалку 15 куќи: Вардар се излеа во неколку населени места во Општина Јегуновце appeared first on Република.

Во Јегуновце се реализираат проектите ветени во кампањата, констатира претседателот на ВМРО-ДПМНЕ Христијан Мицкоски по денешната посета на оваа општина. Во изјава за медиумите Мицкоски информира дека со градоначалникот на општина Јегуновце Димитар Костадиноски разговарале за тековните проекти, но и за тоа што веќе е завршено.

Оваа детска градинка, која што ќе биде дом на 25 дечиња Македончиња и 25 дечиња Албанчиња во периодот кој што следи, а тоа се децата од претшколска возраст. Убеден сум дека тука тие ќе ги стекнат првите знаења заедно со нивните воспитувачи и негователи. А, потоа и ќе можат понатаму да се надградуваат во текот на образовниот процес, рече Мицкоски.

https://republika.mk/vesti/makedonija/kostadinoski-deneska-otvorame-nova-detska-gradinka-koja-kje-zgrizuva-50-deca-vo-jegunovce/

Тој ги спомна и завршените проекти во општината - канализацијата и асфалтирањето на улиците .

Задоволството е големо кога гледате како се реализираат проектите кои што беа ветувани во кампањата. Јас само посакувам повеќе вакви објекти да се реализираат, повеќе проекти да се завршуваат. Тоа го очекуваат граѓаните во општина Јегуновце, тоа го очекуваат граѓаните во Македонија, Македонија да оди напред, а не да се занимава со процеси кои што не враќаат назад во времето.

The post Во Јегуновце се реализираат проектите ветени во кампањата appeared first on Република.

Ви благодарам за вашето присуство на овој свечен чин да посведочиме на уште еден капитален проект во општина Јегуновце. Ветеното се остварува, а општината денес е вистински сервис на граѓаните. Општина Јегуновце денес е отворена, транспарентна институција и јас како градоначалник сум постојано достапен за граѓаните. Мојата канцеларија и вработените во општина Јегуновце се секогаш на располагање и ги решаваат проблемите кои се од локална надлежност. Во согласност со мојата програма и барањата на моите сограѓани ве информирам дека во изминативе месеци работевме вредно, посветено, чесно и успеавме да завршиме неколку капитални проекти, од кои сега ќе ги набројам, ова денеска преку изјава за медиумите го истакна градоначалникот на општина Јегуновце, Димитар Костадиноски.

-Завршена е изградба на колекторот за фекална канализација во село Жилче, село Шемшево и целосно оспособување и пуштање во употреба на фекалната канализација во населеното место Жилче;

-Во завршна фаза е изградба на два мини парка во населените места Јанчиште и Јегуновце, комплетно се реконструира основното училиште „Симче Настовски“ во Вратница и тоа поставена е нова термо фасада, реновиран е целиот внатрешен дел на училиштето, инсталирано е парно за греење на пелети;

-И во населено место Сиричино е изградено кошаркарско игралиште со обезбедени финансиски средства од наш иселеник во САД;

-започнавме со изградба на локални улици со бекатон плочки во повеќе населени места на територија на општина Јегуновце;

-Обезбедивме пластични канти за комунален отпад и истите ќе бидат поделени на секое домаќинство во периодот што следи, вели Костадиноски.

Тој додава дека дополнителни инвестиции кои се планираат за тековната 2022 година се:

-Во финална фаза е решавање на долгогодишниот проблем со вода за пиење за населените места Шемшево и Жилче;

-промена на досегашниот начин на затоплување во подрачните основни училишта во Туденце, Жилче и Ратае со топлински пумпи со кои ќе инвестираме во нова, модерна, економична и незагадена технологија за нашите најмлади жители односно децата;

-Изградба на тротоари во населените места Копанце и Јанчиште;

-Во фаза на тендерирање е проектот и реконструкција на локалните патишта и улица во населеното место Јегуновце.

Почитувани пријатели денес сум многу среќен и радосен што успеавме да ја отвориме новата детска градинка „Цветови“ која ќе згрижува 50 дечиња и тоа 25 од македонска паралелка и од 25 од aлбанска паралелка. Градинката е целосна опремена и ги исполнува сите стандарди, инсталирано е ново модерно парно за греење, со топлинска пумпа, поставени се дополнителни детски реквизити во надворешниот дел на градинката и комплетно оградување на целата градинка. Градинката „Цветови“ е подготвена за дечињата од општина Јегуновце и од мое име и од името на целата општинска администрација им посакувам среќни, весели денови на сите дечиња и на вработените од новата градинка, вели Костадиноски.

https://youtu.be/U7VRBTQ-ezw

The post Костадиноски: Денеска отвораме нова детска градинка, која ќе згрижува 50 деца во Јегуновце appeared first on Република.

Претседателот на ВМРО-ДПМНЕ, Христијан Мицкоски заедно со градоначалникот на општина Јегуновце, Димитар Костадиноски, денеска во 12:20 часот, во рамките на активноста „Промените се случуваат, секогаш со народот“, ќе присуствуваат на отворање на нова детска градинка објект „Цветови“ во населено место Прељубиште, општина Јегуновце.

По завршувањето на настанот изјава за медиуми ќе даде Мицкоски.

https://youtu.be/8sXdMpQMqi0

The post „Промените се случуваат, секогаш со народот“: Мицкоски денеска во посета на општина Јегуновце appeared first on Република.

The post Уредување на патот кон месноста „Пештер“ во Јегуновце appeared first on Република.

Ветеното се остварува, а општината денес е вистински сервис на граѓаните. Општина Јегуновце денес е отворена и транспарентна институција, а јас како градоначалник сум постојано достапен за контакт со граѓаните, вели градоначалникот на општина Јегуновце од ВМРО-ДПМНЕ Димитар Костадиновски на денешниот регионален отчет „Промени што носат иднина – 100 дена локална власт отчет на ВМРО-ДПМНЕ.

Костадиновски изјави дека преку постојана комуникација со граѓаните ги слуша нивните проблеми, но и дека заеднички се соочуваат со предизвиците и проекти.

Тој се пожали и на лошиот однос од страна на централната власт, односно како што истакна општина Јегуновце е единствен субјект кој нема никаква поддршка во однос на енергетската криза, додавајќи дека од буџетот на општината ќе се потрошат средства кои наместо да бидат инвестирани во канализациони и водоводни мрежи ќе се потрошат за електрична енергија.

Општина Јегуновце како и сите други општини се единствени субјекти кои немаат никаква поддршка од државата во однос на енергетската криза, општината се очекува да потроши големи сопствени средства за електрична енергија, средства коишто би можело да се инвестираат во канализации, водоводи, улици, додаде Костадиновски.

Костадиновски наброи голем дел на проекти кои што за овие 100 дена се започнати или завршени, додавајќи дека е вратено во функција општинското јавно претпријатие „Јегуновце“, набавен е багер, а во постапка е набавка на камионет за потребите на институцијата.

Во ЈОУДГ „Јаболчиња“ поставена е топлотна пумпа со систем за греење. Во постапка е страничното оградување на детската градинка, партерно уредување на дворот на градинката со детски реквизити, во тек е оградување на деспирзираната градинка во Прељубиште, доделени се ваучери на спортисти, како и доделени се ваучери на учениците, потенцираше тој.

Завршена постапка за изградба на инклузивен парк за деца во село Јанчиште, завршена постапка за изградба на инклузивен парк за деца во с. Јегуновце, вели Костадиновски.

Ќе се започнат работи за враќање во функција на фудбалскиот стадион. За прв пат воведовме дигитално плаќање на административните такси и даноци. За потребите на секундарната водоводна мрежа набавени се цевки за санација на проблемите во водоводна мрежа. Завршена изградбата на колекторот за фекална канализација од с. Жилче до село Шемшово, додаде Костадиновски.

Во однос на 2022 година, Костадиновски нагласи дека и во следниот период ќе продолжи да работи во интерес на жителите на општина Јегуновце, додавајќи дека ќе се започне со изградба на нов резервар за вода и замена на постоечката мрежа во с. Прељубиште, изградба на помали улици со бекатон плочки, проширување на канализационата мрежа, како и изградба на локални патишта.

The post Костадиновски: Воведено е дигитално плаќање на такси, се гради инклузивен детски парк, набавена е механизација за комуналното претпријатие во Јегуновце appeared first on Република.