Во вторник, на 16 јули 2024 година, во Public Room во Скопје, со почеток во 21:00 часот ќе имате можност да го проследите концертот на музичката група Думаи Дунаи. Концертот е организиран во соработка со Локум Фест Битола.

Со седиште во Монтреал, седумте членови од Бугарија и Украина на овој бенд ги комбинираат длабоките тонови на даб со енергијата на панк рокот, сировата екстаза на разнесените балканските дувачки оркестри и радостите и тагите на украинската селска полифонија.

Водечките вокали Наталија Теленцо и Ели Камило пеат и пишуваат стихови на неколку јазици, вклучувајќи украински, англиски, српски, полски, шпански, македонски и римски.

Влезот е слободен!

The post „Думаи Дунаи“ вечерва во „Јавна соба“ appeared first on Република.

На 16-ти јули во соработка со „Локум Фест Битола“, на зелена тераса на Public Room ќе се гостува Думаи Дунаи.

Со седиште во Монтреал, седумте членови од Бугарија и Украина на овој бенд ги комбинираат длабоките тонови на даб со енергијата на панк рокот, сировата екстаза на разнесените балканските дувачки оркестри и радостите и тагите на украинската селска полифонија. Водечките вокали Наталија Теленцо и Ели Камило пеат и пишуваат стихови на неколку јазици, вклучувајќи украински, англиски, српски, полски, шпански, македонски и римски.

The post „Локум фест Битола“ и „Јавна соба“ утре ги носат „Думаи Дунаи“ во Скопје appeared first on Република.

Оваа сабота 8 јуни, со почеток од 12:00 часот во Центарот за иновации и дизајн „Јавна соба“, по четврти пат ќе се одржи Саемот за размена на креативни искуства и размисли насловен како: „Добро Утро Креативци“

Настанот е во организација на Скала, Школа за дизајн и технологија и „Скала Магазин“ – прва дигитална платформа за дизајн и современа уметност, отворена за промоција на млади креативци и студенти во Скала со цел нивно поврзување со индустријата и поддржување на културните настани и сцена.

„Целта на овој настан е на едно место да се соберат и претстават актуелните случувања во креативните индустрии, уметноста, дизајнот, технологијата, културата и образованието. Програмата оваа година вклучува базар со над 13 изложувачи, студенти на Скала со нивни: дизајни, фотографии и ракотворби, 8 бесплатни работилници од областа на маркетинг, дизајн, технологија и кариера како и панел дискусија на тема: Пораснав и што сега? Како да започнеш кариера (?)“- велат организаторите.

Настанот е наменет за сите љубители новите трендови во дизајнот, технологијата, светот на маркетинг и комуникации, кои сакаат да стекнат нови вештини, но и размислуваат за следните чекори во нивната кариера.

The post Саем за размена на креативни искуства и размисли „Добро Утро Креативци“ по четврти пат во „Јавна соба“ appeared first on Република.

Во „Јавна соба“ вечерва во 18 часот ќе биде отворена ликовната изложба „Еден наставник и многу ученици“.

Организатор на изложбата е Едукативниот Центар за класична ликовна уметност „Да Винчи“, предводен од уметницата Викторија Егорова.

Како што информираат организаторите, Центарот направила селекција на делата на учениците и се создала богата изложба со над 150 дела, преку кои ќе се претстават 50 ученици автори, на возраст од 5 до 55 години.

Изложбата ќе остане поставена во просториите на „Јавна соба“ една седмицa. Влезот за посетителите е слободен.

The post Во „Јавна соба“ вечерва ќе биде отворена ликовната изложба „Еден наставник и многу ученици“ appeared first on Република.

Композиторот Никола Мицевски ќе одржи концерт со проектот „Нова ера“ на 18 мај во „Јавна соба“ во Скопје (21 часот), соопшти организаторот „Авалон“.

Минатата година, Мицевски со истиот проект одржа концерти во Филхармонијата, Центарот за култура во Битола и во Народниот театар „Јордан Хаџи Константинов-Џинот” во Велес. Мицевски вели дека му е драго што со своите колеги сега ќе свири во поинтимен амбиент.

Проектот „Нова ера“ е спој на различни жанрови: филмска музика, етно, рок и електро, каде што главен инструмент е пијаното. Покрај Мицевски и пријателите, ќе има и неколкумина гости. Билетите се продаваат преку мрежата ticketx.mk.

The post Никола Мицевски со проектот „Нова ера“ на 18 мај во „Јавна соба“ appeared first on Република.

Во „Јавна соба“, в сабота 30. март нов празник за уши со добра забава, овој пат со ВИС Билјана.

Овој Ансамбл постои веќе 15 години, кој понатаму се труди да ја зачува, изведувa, и презентира културната традиција на Охрид и Македонија во и надвор од државата, преку песна и игра онака како што најдобро знае и умее како главна цел, а воедно и да остави задолжение на идните генерации. На вториот носач на звук издаден во мај 2016 година, снимени се 13 песни. Дел од нив се староградски, дел се стари неснимени песни кои старата постава немала можност да ги сними и е снимена и една авторска песна со наслов “Збогум Румелија”. Специјален гостин на ова ЦД е Ташко Петрески – соло гитара, еден од ретките активни членови од стариот состав на ансамблот.

Во 2009 година Кузман Поп-Стефанија заедно со своите внуци Јован и Димитар Поп-Стефанија го формираат подмладокот на Билјана кој активно работи на полето на староградската охридска музика, македонската народна музика и музиката од целиот Балкан. Групата работи под менторството на Кузман се до неговата смрт во 2013 година. Во оваа група, покрај сегашните членови Јован Поп-Стефанија, Ангел Трајковски, Христијан Томевски и Андреј Лаброски членувале и Ангел Дулевски, Петар Паскали, Стефан Здравевски и Виктор Јолаковски.

Групата има издадено два носачи на звук со име “И ние сме деца на Македонија“ во 2013 година. Тој содржи веќе снимени староградски песни од охридскиот крај, а на овој носач на звук специјален гостин е Васко Дуковски, магистер по кларинет кој своите студии ги има завршено на престижниот Џулиард Колеџ во Њујорк.

Првиот состав на ВИС Билјана е формиран во јуни 1952 година во Охрид, од страна на Кузман Поп-Стефанија кој заедно со неговите другари Томчо Лукан, Миле Трендафилов и Гарип Рамадан се отцепуваат од тогашните културно-уметнички друштва и го формираат овој ансамбл.

World Music Saturday е мотото на фестивалот “Светско, а наше”, кој се одвива во Јавна Соба. Влезницата чини 400 денари.

The post „ВИС Билјана“ в сабота во „Јавна соба“ appeared first on Република.

Во „Јавна соба“ вечерва во 21 часот концерт ќе одржи „Пијан Славеј“. Бранислав Николов од групата „Фолтин“, ќе настапи заедно со Пеце Трајковски, Славчо Јовев, Андреа Мирческа и Гоце Јованоски, во чие срце е идејата да се креира една нова македонска шансона. Инстинктивно го осовременуваат стариот вкус на музичката поезија од шеесеттите и седумдесеттите години на минатиот век.

Групата е формирана кон крајот на 2021 година. Првиот настап го имаат на скопскиот “OFFest”, а наредната година, „Скопскиот џез фестивал” го издава нивното прво и истоимено ЕП. Понатаму настапуваат на “D-festival” и на фестивалот “Druga Godba” во Љубљана, Словенија.

Песни кои се потпираат на оригиналноста и шармот на неговите стихови (од кои „Парфем“, „Крв да ни се стори“, „Сонце“ веќе солидно се извртеа на социјалните мрежи), но уште повеќе со енергијата која се чини само нему му е својствена, а нам на навивачите и тоа како позната. Притоа, возен од неговите придружници инспиративно слезе до срцевината на македонската поп сцена од седумдесеттите, си дозволи наново да им се обрати на значајните претставници на шансоната во глобални рамки” – Љупчо Јолевски, критичар.

World Music Saturday е мотото на фестивалот „Светско, а наше”, кој се одвива во „Јавна соба. Влезницата чини 400 денари.

The post „Пијан Славеј“ вечерва во „Јавна соба“ appeared first on Република.

В сабота вечер, на 23 март, во „Јавна соба“ во Скопје концерт ќе одржи Пијан Славеј.

Пијан Славеј е музичко-поетски формат на Бранислав Николов од групата „Фолтин”, заедно со Пеце Трајковски, Славчо Јовев, Андреа Мирческа и Гоце Јованоски, во чие срце е идејата да се креира една нова македонска шансона. Инстинктивно го осовременуваат стариот вкус на музичката поезија од шеесеттите и седумдесеттите години на минатиот век.

Групата е формирана кон крајот на 2021 година. Првиот настап го имаат на скопскиот “OFFest”, а наредната година, „Скопскиот џез фестивал” го издава нивното прво и истоимено ЕП. Настапуваат на „Д-Фестивал” и на фестивалот „Druga Godba” во Љубљана, Словенија.

Песни кои се потпираат на оригиналноста и шармот на неговите стихови (од кои „Парфем“, „Крв да ни се стори“, „Сонце“ веќе солидно се извртеа на социјалните мрежи), но уште повеќе со енергијата која се чини само нему му е својствена, а нам на навивачите и тоа како позната. Притоа, возен од неговите придружници инспиративно слезе до срцевината на македонската поп сцена од седумдесеттите, си дозволи наново да им се обрати на значајните претставници на шансоната во глобални рамки, вели музичкиот новинар Љупчо Јолевски.

World Music Saturday е мотото на фестивалот „Светско, а наше”, кој се одвива во „Јавна Соба“. Влезницата чини 400 денари.

The post Пијан Славеј в сабота во „Јавна соба’ appeared first on Република.

Концерт на ПИЈАН СЛАВЕЈ на 23. март во Јавна Соба

Програмата „Светско а наше - World music Saturday“ продолжува со музичко-поетскиот формат на Бранислав Николов oд Фолтин, заедно со Пеце Трајковски, Славчо Јовев, Андреа Мирческа и Гоце Јованоски, во чие срце е идејата да се креира една нова македонска шансона, која инстинктивно го осовременува стариот вкус на музичката поезија од шеесеттите и седумдесеттите години на минатиот век.

The post Концерт на Пијан славеј на 23 март во Јавна Соба appeared first on Република.

Групата „Чалгија саунд систем“ вечерва настапува во Јавна Соба, со почеток во 21:00 часот. Ова е четврти по ред концерт во рамките на „Светско, а наше – Саботи на светска музика“ чиј организатор е Јавна Соба.

- „Чалгија саунд систем“ е бенд кој уште од почетокот наиде на одличен прием во Македонија остварувајќи со тоа огромен број концертни настапи насекаде. Но „Чалгија саунд систем“ ги пренесува звуците на чалгијата и низ светот, одржувајќи концерти во Турција, Грција, Србија, како и на еден од најголемите фестивали на музика на светот во Рудлштад, Германија каде во 2022 година ја делеше сцената со најголемите ѕвезди на балканските и светските простори, што од жанрот ворлд музика, што од рокенрол фелата. Своето албумско деби во 2010 година со истоимен албум во кој беа без никакво двоумење отсвирени и отпеaни некои од најубавите македонски чалгиски песни, а во 2019 година бендот го издаде својот втор албум „Тихувај”,  информираат организаторите.

Групата ја сочинуваат вокалистката Добрила Грашеска, на виолина свири Александра Кузман, на ут Дориан Јовановиќ, Бошко Мангаровски – канон и Филип Крстевски – перкусии.

The post Концерт на „Чалгија саунд систем“ вечерва во Јавна Соба appeared first on Република.

В сабота, на 9 март во „Јавна соба“ во Скопје настапува бендот „Чалгија саунд систем.“ Саботните вечери посветени на жанрот светска музика во Јавна соба полека стануваат дел од регуларната скопска сцена и публиката се навикнува на оваа квалитетна музичка програма.

„Чалгија саунд систем“ ги пренесува звуците на чалгијата и низ светот одржувајќи концерти во Турција, Грција, Србија, како и на еден од најголемите фестивали на музика на светот во Рудлштад, Германија каде што во 2022 година ја делеше сцената со најголемите ѕвезди на балканските и светските простори од ворлд и рокенрол фелата.

World Music Saturday е мотото на фестивалот „Светско, а наше”, кој се одвива во Јавна Соба. Билетите можат да се купат на: drugastrana.mk.

The post „Чалгија саунд систем“ в сабота во „Јавна соба’ appeared first on Република.

На 2. март (сабота), Јавна Соба ќе биде домаќин на базар на повеќе од 20 изложувачи насловен како „Fair Fashion“. Овој базар става акцент на етичката и одржливa мода, каде ќе се нуди рачно дизајнирана, но и „ second hand“ облека, како и рачно изработени накит и модни додатоци.

Сите посетители ќе може да уживаат во пазарењето на сосема поинаков начин, а воедно и одблизу да ги запознаат малите производители, дизајнери, занаетчии и трговци, и секако да ги поддржат нивниот труд и нивната работа, одбирајќи уникатни производи за себе или за некоја блиска личност.

Организаторите на „Fair Fashion“ сакаат уште еднаш да ги потсетат граѓаните за последиците на брзата мода и како тие со својот избор можат позитивно да влијаат за помало загадување и помалку експлоатација на трудот (особено кај жените) во светот.

Базарот ќе биде отворен за посетителите од 11 до 16 часот, a влезот за посетителите е бесплатен.

The post Базар на етичка и одржлива мода оваа сабота во Јавна соба appeared first on Република.

Белградските џезери „Fish in Oil“ утре настапуваат на поткровјето во „Јавна Соба“.

Џез групата Fish in Oil е предводена е од Братислав Браца Радовановиќ, кој е лидер и композитор. Братислав се занимава со музика уште од раните деведесетти години со музичките истомисленици во Приштина. Потоа Fish in Oil се собира во Белград каде и продолжува да работи само авторска музика, и созрева во сосема дефинираниот, но и исклучително разновидниот композиторски израз на Радовановиќ.

Fish in Oil се појавуваат и на етно и други фестивали како (Балатон), Street food (Темишвар, Клуж-Напока), градските летни (Загреб, Чачак, Шабац, Крагуевац) и разни други фестивали, а покрај фестивалските настапи тука се и неброени клупски настапи во земјата и во странство, меѓу кои и Прага, Минхен, Париз, Виена.

Покрај повеќето национални џез-фестивали (БЏФ, Нишвил, Нови Сад, Панчево, Крагуевац…), учествуваа и на престижните регионални џез-фестивали: Сараево џез-фестивал, Љубљана џез-фестивал, Гарана, Темишвар, Балатон, Церкно, Синѓеорз Беј, Цетиње, Подгорица, Котор, Прилеп… како и на Jazzy Colours фестивалот во Париз.

Актуелната постава ја сочинуваат: 
Братислав Радовановиќ – гитара; 
Ѓорѓе Кујунџиќ – саксофон; 
Бранислав Радојковиќ – контрабас, ел. бас-гитара, 
Феѓа Франклин – тапани; 
Александар Радојчиќ – удиралки.
Fish in Oil сними и објави пет студиски албуми:
Полуостров (СКЦ Крагуевац, 2012), Дрнч (Маском, 2013), Три клуча (Метрополис џез, 2016) – двојно ЦД, Сè ќе биде во најдобар ред (Метрополис џез, 2018),Басамак (Грамофон, Сараево 2022)

Од значајните домашни и странски имиња настапувале и снимале со Марк Рибот, Бојан Зулфикарпашиќ, Матија Дедиќ, Џијан Емин и Георги Шарески, Васил Хаџиманов, Јелена Попржан, Ирина Карамарковиќ, Милош Николиќ, Лука Игњатовиќ, Војно Диздар и многу други.

The post Џезерите „Fish in Oil“ утре во „Јавна соба“ appeared first on Република.

Во сабота на 24 февруари во 20:00 часот, во (Јавна соба), ќе се одржи завршната изложба на студентите од „SKALA School – Џолев и уметностите“ од курсевите: Фотографија, Цртање и сликање, Кроење и шиење и проекција на кратки филмски етиди од Обуката за Филмски актер.

Време е да ги нахраниш сетилата со нови вивидни визулени искуства- дојди на нашата завршна изложба на курсеви и обуки за возрасни и млади.

Биди дел од спојот на автентични дела и проследи ја заедно со нас креативната авантура од 24 сезона на курсеви во 2024 година.

Вечерта ќе бидат доделени и сертификати од страна на менторите за XXIV сезона на обуки и курсеви кои се реализираа во период од октомври 2023 до јануари 2024 година.

The post „Вивид“ – Студентска изложба и филмски проекции во „Јавна соба“ appeared first on Република.

Во Јавна соба и оваа сабота продолжуваат сесиите насловени како „Светско, а наше – Саботи на светска музика“.

По експресно распродадениот концерт во Македонската филхармонија, и бројните претставување на сцените низ Европа, најголемото освежување на македонската и светска традиционална музика Зарина Првасевда, заедно со својот ансамбл ќе се претстави со целовечерен концерт на интимната сцена во Јавна Соба.

Зарина кон крајот на минатата година беше победник на “UpBeat – Best New Talent Award 2023” на интернационалната UPBeat платформа, а нејзиниот деби албум “ЕХО”, кој е одпејан на 4 јазици е издаден за една од најголемата  издавачка куќа на Балканот – “Croatia Records”.

Ансамблот на Зарина Првасевда се состои од исклучителни музичари, со високи достигнувања и сериозен придонес кон музичкото творештво, музичко - сценската дејност, издаваштвото во Македонија, во различни правци и насоки од областа. Двајца членови на ансамблот се прогласени за најдобри џез музичари и тоа Андреа Мирческа 2020, а во 2023 година добитник на престижната награда е Драган Теодосиев. Повеќето од нив се бават со педагошка работа и музичка едукација на млади, а имаат и вложено сериозен и долгогодишен труд во градењето и создавањето на голем дел од актуелната сцена во Македонија, а се разбира голем дел од таа музика била изведувано и надвор од границите на Македонија.

Во нејзиното портфолио има бројни соработки и вокални аранжмани со голем број на домашни и странски музичари, современ танц, како и филмски проекти, а својата музика концертно ја има претставено на реномирани фестивали во Франција, Унгарија, Хрватска, Бугарија и секако Македонија. Албумот „Ехо“ во 2022 година беше дел од топ 10 најслушани албуми на Балканската светска музичка листа.

Билетите за концертот на 24. Февруари во Јавна Соба можат да се обезбедат онлајн преку веб платформата drugastrana.mk

„Светско, а наше – Саботи на светска музика“ е во организација на Јавна Соба од Скопје.

Зарина Првасевда е македонски артист, вокален изведувач и музичар кој изведува македонска и светска традиционална музика.

Таа беше номинирана и е овогодинешниот победник на “ UpBeat - Best New Talent Award 2023”, на интернационалната UPBeat платформа.

Во 2022 година го издаде својот прв албум насловен како “ЕХО” , отпејан на 4 јазици,  за најголемата  издавачка куќа на Балканот - “Croatia Records”, а истиот го освои 9-тото место на Балканската светска музичка листа како еден од најслушаните светски музички изведувачи во 3-тиот квартал 2022 година.

Покрај успешниот концерт во нејзина продукција, кој се одржа во големата сала на Македонската Филхармонија, кој беше распродаден во рекордни 7 дена, а медиумски покриен од МТВ и емитуван во ударен термин на истата, се случи и распродадениот во Офицерскиот дом во Битола, но во изминатава година таа одржаа концерти и се појавии на еминентни сцени во државата и надвор, како:
 OFF Fest - MК , D-Festival - MK, Budapest Ritmo - Budapest, Hungary , Saint Croix Volvestre - France , SHIP Festival - Croatia,  A38 - Budapest, Hungary , BALKAN: MOST festival - Vesprem, Hungary , SoAlive Music Conference - Sofia, Bulgaria
како и солистички концерти низ Македонија (Велес, Кочани, Битола, Прилеп, Штип, Кичево и др.)

Ансамблот на Зарина Првасевда се состои од исклучителни музичари, со високи достигнувања и сериозен придонес кон музичкото творештво, музичко - сценската дејност, издаваштвото во Македонија, во различни правци и насоки од областа. Двајца членови на ансамблот се прогласени за најдобри џез музичари и тоа Андреа Мирческа 2020, а во 2023 година добитник на престижната награда е Драган Теодосиев. Повеќето од нив се бават со педагошка работа и музичка едукација на млади, а имаат и вложено сериозен и долгогодишен труд во градењето и создавањето на голем дел од актуелната сцена во Македонија, а се разбира голем дел од таа музика била изведувано и надвор од границите на Македонија.

Во нејзиното портфолио има бројни соработки и вокални аранжмани со домашни и странски музичари, современ танц , како и филмски проекти: NA ‘ Tanec’ , FUNHOUSE проект, KALY Music Chalenge, Cookie&Jam, FIN Project, Горан Трајковски, Leo Genovese (САД), Quareim Quartet (Франција), Natacha Rogers (Холандија). Филмови: „Бисер на небото“, Документарен филм „Виа Динарика“ - Македонската авантура, Скопско – реклама, Шар Планина – Национален парк – Прво промотивно видео. Таа беше дел од кинематографската реализација на планинскиот фестивал „Ехо“ 2020 година со свој видео проект за нејзината песна „Што се гледа Шар Планина“ снимена на врвот Љуботен, по повод поддршката и учеството во борбата за прогласување на Шар. Планината за национален парк.

Од неодамна таа е дел и од претставата УПМ ( Уметност, Политика и Мудрост ) во соработка со XSquared танцов колектив, каде што таа се појавува како пејач, инструменталист но и е дел и од танцовата кореографија.

The post Зарина Првасевда со својот ансамбл на целовечерен концерт во Јавна Соба appeared first on Република.

Во „Јавна соба“ на 13 јануари, сабота, во 11 часот ќе се одржи „Вселенска мисија“ – перформанс за деца кој започнува со цртање на лице.

„Децата потоа седнуваат во публика и започнува Вселенската мисија. Нашиот Супер Вселенко успеал да си ја поправи ракетата и се вратил на месечината, но со себе носи проблем. Тој е збунет и не знае да го разликува доброто од лошото! Нашите мали марсовци и супер херои ќе му помогнат во тоа со едукативната работилница, а потоа заедно ќе уживаат во забавните анимации“, стои во најавата за настанот.

Продукција на настанот – Театар за тебе.

The post Перформанс за деца „Вселенска мисија“ во „Јавна соба“ appeared first on Република.

Вечерва, на 23. ноември, со почеток во 21,30 часот во „Јавна соба“ врвниот композитор и гитарист Георги Шарески ќе го престави најновиот проект наречен „Џезтет“.

„Џезтет“ е всушност променлив оркестар, односно состав чија формација варира. Композициите се побрзи и динамични и претставува колекција на авторски дела на Шарески кои тој ги нарекува песни за бис, или неоткриени хитови.

Овие композиции во вистинско светло го прикажуваат разиграниот дух и единственоста на Шарески како композитор, но и неговиот необичен и неспоредлив стил како гитарист. Во придружба на тројца од најдобрите македонски музичари, на овој навистина несекојдневен концерт, Шарески ќе го претстави својот највозбудлив репертоар до сега, жанровски шаренолика музика која не е наменета само за џез слушатели, туку за сите оние кои имаат уши.

Кире Кузманов – саксофон Славчо Коцев – тапани Оливер Јосифовски – бас Георги Шарески – гитара и композиции.

Билетите за овој несекојдневен концерт на Шарески се со цена од 300 денари и може да се набават онлајн на следниот линк: https://bit.ly/49F801D

Шарески е роден во Скопје во 1983, тој е плоден композитор, оркестарски аранжер и гитарист со автентичен и препознатлив стил. Во 2005 дипломира на катедрата за џез композиција на Беркли колеџот за музика во Бостон, САД. Од 2005 година до сега, објавува 9 албуми со авторска музика, во различни формации, домашни и интернационални изданија, и ја изведува својата музика далеку од границите на Македонија. Соработува со светски познатите – Francesco Bearzatti, Ernst Reijseger, Boris Bell, Luca Aquino, Nikolaus Neuser и многу други интернационално етаблирани музичари. Долгорочно престојувал и творел во САД, Италија, Германија и Кина, автор е на повеќе од 100 композиции, музика за документарен филм и театарски претстави, а како гитарист често гостува во жанровски шаренолики проекти.

The post Концерт на Георги Шаревски воо „Јавна соба“ appeared first on Република.

Актерките Нина Елсезер, Ангела Стојановска, Надица Петрова и Бонита Стеви во четврток 13. април во 21 часот во „Јавна соба“ организираат невиден диско перформанс кој е фузија на мјузикал, стенд ап комедија и караоке, каде што публиката не престанува да игра, се смее и забавува.

Младите актерки прават спој на театарска глума и музичко сценски настап преместувајќи го вешто тежиштето на забавата од театарски перформанс кон музичко забавен.

При осмислување на проектот актерки си го поставија прашањето: Како девојки родени во 90-те би ја внеле скопската публика во Диско ерата на 70-те и 80-те?“ Актерки со своите извонредни перформанси успејаа многу вешто да го осмислат целиот двочасовeн програм со цел публика да заминe од „Јавна соба“ срeќна, весела и со желба за повторно видување.

Со овој пионерски проект независните актерки истапуваат на слободниот пазар-јавноста, по моделот на „Broadway Theater”, каде успехот е гарантиран исклучиво доколку персормансот е прифатен од публиката и се бараат повеќе настапи. Ова е вистински рецепт за окрупнување на независната културна сцена, за кое многу институции говорат, а малку реализираат.

Билетите за настанот се купуваат во „Јавна соба“.

„Girls Night“ нуди незаборавна забава за сите љубители на добра музика и добар перформанс. Организаторите најавија „Треска на четврточната вечер“, ќе биде „многу, многу добро“ со зборовите на мајката кралица Дона Самер.

Стилист на целиот проект е Сашка Павловска, а продукцијата е на „Јавна соба“.

The post Музички спектакл на четири млади актерки во „Јавна соба“ appeared first on Република.

Советот за казниви дела при Врховниот суд на вчерашната седница ги одби како неосновани поднесените барања за вонредно преиспитување на правосилната пресуда по предметот познат во јавноста како „Јавна соба“.

Како што соопштија оттаму, „Советот донесе пресуда Квп2.бр.23/2023 со која барањата за вонредно преиспитување на правосилната пресуда на Основниот кривичен суд Скопје К.бр.1851/21 од 11.03.2022 година и пресудата на Апелациониот суд Скопје КЖ.бр.588/22 од 24.11.2022 година, ги одби како неосновани“.

Основниот кривичен суд Скопје во март минатата година им изрече затворски казни од по четири години на Дарко Костовски и Михаил Паневски, креатори на групата „Јавна соба“ на социјалната мрежа Телеграм. Тие се обвинети за производство и дистрибуција на детска порнографија.

Според обвинението, во периодот од 19.12.2019 година до 28.01.2020 година, двајцата обвинети, како основач и модератор на групата „Јавна соба“ на социјалната мрежа Телеграм, биле должни да се грижат за содржината на текстуалните и аудио-визуелните содржини кои се споделуваат од членовите на групата. Но, тие со умисла дозволиле на групата да се направи достапна содржина – аудио-визуелен материјал на кој се прикажани очигледни полови дејствија со дете.

На социјалната мрежа Телеграм оваа група веќе е згасната. Обвинителството во овој предмет поведе постапка за ова кривично дело, бидејќи во текот на предистрагата беа обезбедени материјални докази кои упатуваат токму на оваа правна квалификација.

The post Врховниот суд ги одби како неосновани барањата за вонредно преиспитување на правосилната пресуда за „Јавна соба“ appeared first on Република.

Советот за казниви дела при Врховниот суд одлучуваше по поднесените барања за вонредно преиспитување на правосилна пресуда по предметот познат во јавноста како „Јавна соба“.

„Советот за казниви дела при Врховниот суд на Република Македонија донесе пресуда Квп2.бр.23/2023 со која барањата за вонредно преиспитување на правосилната пресуда на Основниот кривичен суд Скопје К.бр.1851/21 од 11.03.2022 година и пресудата на Апелациониот суд Скопје КЖ.бр.588/22 од 24.11.2022 година, ги одби како неосновани“, велат од Врховен суд.

Во овој случај, девојки биа жртви на таканаречената „Јавна соба“ на Телеграм во 2020 година, каде со прикриен идентитет членовите разменуваа телефонски броеви и експлицитни фотографии. Откако згасна оваа група, други лица основаа друга група со истото име кое функционираше долго време. И во неа се споделуваа броеви од жени и девојки, но и нивни разголени фотографии.

The post Врховен суд го одби барањето, нема да се преиспитува пресудата за „Јавна соба“ appeared first on Република.