Амбасадата на Јапонија го имаше задоволството да ја организира патувачката изложба на големите јапонски мајстори за дрворези од 17. и 18. век - „Јапонскиот лебдечки свет“.

По повод 30 години од вопоставување на дипломатските односи помеѓу Јапонија и Македонија, 30 УКИЈО-Е реплики патуваа од Велес кон Прилеп, Ресен, Охрид, Македонски Брод, Свети Николе, Неготино, Гевгелија и Богданци. Во секој град ученици имаа можност да дознаат повеќе за уметноста и животот за време на Едо периодот кога се создавале дрворезите кои биле инспирирани од женската убавина, кабуки театорот, сумо борачите, флората и фауната итн. Дрворезите имале огромно влијание и врз француските импресионисти како и европските пост-импресионисти.

Последната изложба ја отворија Амбасадорот Оцука,  Антонио Димитров, директор на Културно информативниот центар – Скопје (КИЦ), Маја Стефкова од „АОТС Македонија“ како и кураторот на изложбата Јасмина Намичева.

Цртежите на децата кои учествуваа во работилниците се изложени исто така и секое дете доби сертификат за учество, додека Амбасадорот Оцука и „АОТС Македонија“ добија УКИЈО-Е реплика од Тошусаи Шараку.

УКИЈО-Е принтовите се донација од Друштвото на македонско-јапонско пријателство и соработка и патуваа благодарение на г. Горан Антевски, „АОТС Македонија“ и Раде Кончар ТЕП на иницијатива на г. Јасмина Намичева („МузеумЛинк“ и „Архифакт“) и Амбасадата на Јапонија. Финалното изложување е овозможено од г. Антонио Димитров и тимот на КИЦ, поддржано и од Пивара Скопје и Тиквеш.

Изложбата во Скопје ќе биде достапна до 5ти јули.

The post Отворена изложбата „Јапонски лебдечни свет“ appeared first on Република.