Во Македонскиот народен театар вчеравечер се одржа свечен настан по повод одбележувањето на значајниот јубилеј – 30 години од воспоставувањето дипломатски односи меѓу РС Македонија и Јапонија.

Пред присутните гости, дипломатскиот кор, претседателката Гордана Сиљановска-Давкова и комесарот за културна соработка на Јапонија, Шуничи Токура, се обрати министерот за култура и туризам, Зоран Љутков, кој изрази уверување дека и во иднина, низ заеднички дијалог и соработка, ќе работиме на континуитетот и желбата заеднички да ја градиме понатамошната културна соработка меѓу РС Македонија и Јапонија.

„Комесарот Токура, од земјата на изгрејсонцето, денес е драг гостин во земјата на сонцето, меѓу пријатели, меѓу свои, меѓу луѓе што исклучително високо ја ценат и ја вреднуваат јапонската култура“, рече министерот Љутков, изразувајќи благодарност за донациите во културата од Јапонија, кои се знак на пријателство и се драгоцен придонес за развој на македонската култура и зацврстување на меѓусебните односи.

Министерот Љутков го истакна значењето на потпишаниот Меморандум за соработка, кој ќе донесе интензивирање на соработката во културата меѓу двете држави, на соработката во рамките на проектите од УНЕСКО и во филмската дејност. Тој го истакна и учеството на Македонија на „ЕКСПО ОСАКА 2025“ со изложбата на проектот на Кензо Танге за реконструкција на централното подрачје на Скопје по катастрофалниот земјотрес во 1963 година.

„Искрено сметам дека токму ова се навистина гестови на меѓусебна доверба и пријателство кои и во иднина очекуваме да се надградуваат и дополнително да ги зацврствуваат културните врски што постојат меѓу нашите две пријателски земји“, рече министерот Љутков на свеченоста во МНТ.

По повод 30-годишнината од дипломатските односи меѓу двете земји, гостите ги поздравија комесарот за културна соработка на Јапонија, Шуничи Токура, јапонскиот амбасадор Оцака Казуја и заменик-министерот за надворешни работи и надворешна трговија, Зоран Димитровски, кои ги подвлекоа исклучително добрите билатерални односи, поддршката што Јапонија ја дава на Македонија како еден од најголемите донатори, а беше истакнато и македонско-јапонското пријателство кое има цврст темел и кое во иднина уште повеќе ќе се продлабочува.

Свеченоста продолжи со концерт на Националниот џез-оркестар, кој изведе композиции инспирирани од македонското изворно творештво, како и авторска композиција на гостинот Нобуо Ватанабе од Јапонија.

The post Свечен настан за 30 години дипломатски односи и цврсто македонско-јапонско пријателство appeared first on Република.

Министерот за култура и туризам, Зоран Љутков, денеска во Владата оствари билатерална средба со комесарот за културни врски на Јапонија, Шуничи Токура, кој е во дводневна работна посета на нашата држава. По средбата, Љутков и Токура потпишаа Меморандум за соработка во областа на културата, кој е прв билатерален документ во оваа сфера меѓу двете држави.

Во изјавата за медиумите, министерот Љутков посетата на јапонскиот комесар за култура ја оцени како историска, бидејќи, како што нагласи, сите наши заложби за продлабочување на блиските и пријателски односи со Јапонија, во оваа година кога се одбележува 30-годишнината од воспоставувањето на билатералните односи, се материјализираат со потпишувањето на Меморандумот за културна соработка.

Министерот за култура и туризам изрази очекување дека директната комуникација ќе овозможи реципрочни гостувања на ансамбли и репродуктивни уметници од музичко-сценската и театарската дејност, соработка меѓу музеите, галериите и уметничките центри, како и размена на искуства во управувањето на локалитетите кои се впишани на Листата на светското наследство на УНЕСКО, со оглед на тоа што Јапонија има впишано вкупно 26 локалитети.

Љутков ја нагласи можноста за соработка и во филмската дејност, имајќи го предвид фактот дека во Токио секоја година се одржува големиот филмски фестивал чиј еден од програмските директори е и Андријана Цветковиќ, на која ѝ упати благодарност за нејзиниот целокупен ангажман во реализацијата на оваа посета, но и за нејзиниот влог во градењето на односите меѓу двете држави, како прв резидентен амбасадор во Јапонија.

Упатувајќи благодарност за целокупната јапонска помош за нашата држава преку различни донации, грантови и проекти што го стимулираат нашиот економски, социјален и културен развој, министерот Љутков изрази уверување дека и во иднина ќе се реализираат уште многу иницијативи и проекти кои ќе ги унапредат нашите односи.

На средбата, министерот Љутков го запозна комесарот Токура и со претстојното претставување на нашата држава во рамките на EXPO OSAKA 2025 година, каде што во чест на одбележувањето на 60-годишнината од проектот на големиот Кензо Танге за реконструкција на централното подрачје на Скопје по катастрофалниот земјотрес во 1963 година, во Јапонија ќе биде презентирана и изложбена поставка која ќе ги претстави особеностите на овој проект, а ќе има и други значајни програмски содржини, настапи на нашите реномирани уметници.

Јапонскиот комесар за културни врски, Токура, во изјавата за медиумите потенцираше дека потпишувањето на Меморандумот во година кога се одбележуваат три децении од воспоставувањето на билатералните односи меѓу двете земји претставува огромен поттик за развој на соработката која ги покрива сите сфери од културата и уметноста.

За време на работната посета на нашата држава, комесарот за културни врски на Јапонија, Шуничи Токура, ќе ја посети и Филхармонијата, каде што ќе се сретне со репродуктивни уметници, а во текот на утрешниот ден ќе ги посети и Музејот на македонската борба за самостојност и Старата скопска чаршија, каде што во Даут-пашиниот амам ќе ја разгледа изложбата на македонскиот сликар Вангел Коџоман. Денеска во 18 часот во Македонскиот народен театар, министерот Љутков и комесарот Токура ќе присуствуваат на концерт на Оркестарот за џез-музика, во чест на одбележувањето на 30-годишнината од воспоставувањето на билатералните односи меѓу Република Македонија и Јапонија.

The post Министерот Љутков и комесарот Токура: Преку Меморандумот за соработка ги зближуваме македонската и јапонската култура appeared first on Република.

Министерот за култура и туризам Зоран Љутков, денеска во Владата на Република Македонија ќе оствари билатерална средба со комесарот за културни врски на Јапонија, Шуничи Токура, кој ќе престојува во дводневна работна посета на нашата држава.

По средбата, како што соопшти Министерството, предвидени сe потпишување на Меморандум за соработка во областа на културата, кој е прв билатерален документ во оваа сфера меѓу двете држави, и изјави за медиумите.

The post Министерот Љутков и јапонскиот комесар за култура Токура ќе потпишат Меморандум за соработка appeared first on Република.

Министерот за култура и туризам, Зоран Љутков, утре (26 ноември) во Владата ќе оствари билатерална средба со комесарот за културни врски на Јапонија, Шуничи Токура, кој ќе престојува во дводневна работна посета на нашата држава.

По средбата, предвидени сe потпишување на Меморандум за соработка во областа на културата, кој е прв билатерален документ во оваа сфера меѓу двете држави, и изјави за медиумите.

The post Македонија и Јапонија ќе потпишат Меморандум за соработка во областа на културата appeared first on Република.

Јапонија: Научниците користат матични клетки за да им го вратат видот на луѓето кои ослепеле

Забележен е неверојатен пробив што го направиле научниците од Универзитетот Осака кои успешно го третирале слепилото предизвикано од недостаток на лимбални матични клетки (LSCD) користејќи репрограмирани матични клетки.

Во нивната студија, тројца пациенти со тешко оштетување на видот доживеале трајно подобрување, додека четвртиот привремено го вратил видот.

Важно е што при истражувањето, ниту еден од пациентите не доживеал сериозни несакани ефекти како што се формирање тумор или отфрлање на имунитетот, дури и две години по третманот.

The post Научници во Јапонија успешно искористиле матични клетки за да им го вратат видот на луѓе кои ослепеле appeared first on Република.

Јапонскиот премиер Шигеру Ишиба денеска го повтори своето ветување дека ќе ја зајакне војската на неговата земја и ќе го продлабочи сојузот со САД за време на мандатот на новоизбраниот претседател Доналд Трамп.

Ишиба, на годишната смотра на јапонските трупи одржана во предградијата на Токио, посочи дека безбедносните услови во Јапонија, како и во целиот свет, значително се влошиле поради ескалацијата на тензиите со Кина, Русија и Северна Кореја.

Тој потсети дека кинески и руски авиони годинава го нарушиле јапонскиот воздушен простор и предупреди дека на овој начин е загрозена безбедноста на Јапонија, што, како што рече, е апсолутно неприфатливо.

Ишиба истакна дека Јапонија се соочува со зголемени закани поради забрзаната воена активност на Кина во близина на јапонските брегови, како и поради повеќекратните лансирања на проектили од Северна Кореја.

Тој вети дека ќе ја зајакне јапонската дипломатија и безбедност, наведувајќи дека јапонско-американската алијанса е клуч за постигнување на таа цел.

Ишиба рече дека се договорил за подобрување на односите со САД за време на краткиот телефонски разговор со Трамп во четвртокот.

Ишиба ја презеде функцијата на 1 октомври, заменувајќи го премиерот Фуми Кишида, но неговата владејачка коалиција претрпе голема загуба на парламентарните избори одржани на 27 март и може да се соочи со тешкотии во спроведувањето на планираните политики и буџет.

The post Премиерот на Јапонија вети дека ќе ја зајакне јапонската армија, како и сојузот со САД appeared first on Република.

Светската премиера на „Сношти минав” за тенор, гудачки оркестар и пијано од Дарија Андовска ќе се случи вечерва во Токио. Композицијата е напишана за нашиот светски реномиран тенор, Благој Нацоски, кој ќе ја изведе заедно со Tokyo Vranec Chamber Orchestra, под диригентската палка на нам веќе многу познатиот љубител на македонска музика, Казухиро Котецу, на концертот по повод 30 години дипломатски односи помеѓу Македонија и Јапонија.

Исто така вечерва, во Скопје е светската премиера на „Со маки сум се родила” за сопран, флејта и пијано од Дарија Андовска. Композицијата е напишана за Altus New Breath ансмблот, кој е на релација Франција – Македонија, а ќе ја изведат
Гонца Богоромова-Краповски – сопран, Елена Стојческа – флејта и Маријана Николоска – пијано.

The post Светска премиера на „Сношти минав” вечерва во Јапонија: Дарија Андовска ја напиша за нашиот тенор Благој Нацоски appeared first on Република.

Јапонските гласачи денеска на предвремени парламентарни избори одлучуваат за судбината на владата на премиерот Шигеру Ишиба, а аналитичарите сметаат дека гласачите ќе ја казнат владејачката коалиција поради скандалот со јавните финансии и инфлацијата што може да стави крај на децениската доминација на Либерално-демократската партија (ЛДП) на Ишиба.

Според анкетите, ЛДП и нејзиниот долгогодишен партнер Комеито, во време кога Јапонија се бори со зголемените животни трошоци и се позаострените односи со соседна Кина, ќе претрпат тежок пораз на денешните избори и коалицијата би можела да го загуби парламентарното мнозинство.

Губењето на мнозинството во Долниот дом ќе го принуди Ишиба, кој е на власт само еден месец, да преговара за поделба на власта со помалите партии, што би донело неизвесност за некои политички агенди, иако ниту една анкета не предвидува дека ЛДП ќе биде исклучена од власт.

Ако, по изборите, Ишиба биде принуден да избере партнери кои се залагаат за задржување на каматните стапки блиску до нула, политичките превирања би можеле да го потресат пазарот и да претставуваат предизвик за Банката на Јапонија, која сака постепено да ги зголемува каматните стапки, пренесуваат агенциите.

The post Предвремени парламентарни избори во Јапонија appeared first on Република.

Непознат маж фрли неколку огнени бомби врз седиштето на јапонската владејачка партија и премиерот Шигеру Ишиба во Токио.

Засега не се знае дали има повредени.

Мажот, кој бил уапсен на лице место, со својот автомобил влетал во блиската ограда. Неговиот мотив за нападот не е познат бидејќи полицијата во Токио одби да го коментира инцидентот, велејќи дека предметот е под истрага, а партијата исто така одби да даде изјава.

Владејачката Либерално-демократска партија е сè понепопуларна во јавноста поради финансиските скандали и сомнежите за затајување данок.

Партијата неодамна избра нов лидер, премиерот Шигеру Ишиба, со надеж дека ќе промовира нов имиџ. Сепак, анкетите покажуваат дека неговата популарност се намалува, иако сè уште е нејасно дали тој ќе го загуби мнозинството во Долниот дом на претстојните избори на 27 октомври, со оглед на разбиената опозиција.

The post Фрлени огнени бомби врз премиерот на Јапонија appeared first on Република.

Едно лице денеска фрлило неколку запаливи бомби на седиштето на јапонската владејачка Либерално-демократска партија во Токио, објавија јавниот сервис НХК и други јапонски медиуми.

Не е соопштено дали има повредени, осомничениот е приведен, а се уште не е познат мотивот за нападот.

Полицијата во Токио не ги коментираше наводите, додавајќи дека истрагата е во тек.

Владејачката Либерално-демократска партија е сè понепопуларна во јавноста поради повеќе скандали, вклучително и даночно затајување и проневера на значителни суми на пари. Од партијата исто така одбија да го коментираат нападот, повикувајќи ги заинтересираните во полиција.

Гласањето за долниот дом на јапонскиот парламент е закажано за 27 октомври. Некои политичари инволвирани во скандали ја загубија официјалната поддршка од владејачката партија, но се кандидираат како независни.

Партијата неодамна избра нов лидер, премиерот Шигеру Ишиба, надевајќи се на нов имиџ. Сепак, анкетите покажуваат дека неговата популарност опаѓа, иако не е јасно дали е на пат да ги загуби изборите, со оглед на распарчената опозиција.

Либерално-демократската партија владее со Јапонија, без прекин, неколку децении.

The post Седиштето на владејачката партија во Јапонија нападнато со запаливи бомби appeared first on Република.

Јапонските власти почнаа национален натпревар, повикувајќи на идеи за поттикнување на помладата генерација, на возраст меѓу 20 и 39 години, да пијат повеќе алкохол. Ваквата иницијатива доаѓа откако промената во ставовите на младите во однос на алкохолот доведе до пад на даночните приходи.

Помладите генерации во Јапонија пијат помалку алкохол од нивните родители, што влијае на производството и ги намалува владините приходи од даноците на пијалоци како што е сакето (алкохолен пијалок направен со ферментирање на ориз).

Државната даночна агенција објави дека потрошувачката на алкохол во Јапонија е намалена од просечни 100 литри по лице годишно во 1995 година на 75 литри во 2020 година.

The post Јапонија ги охрабрува младите да пијат повеќе алкохол appeared first on Република.

Пратеникот-ветеран Шигеру Ишиба треба да стане следниот премиер на Јапонија, откако победи во жестока конкуренција во неговата петта и последна кандидатура да ја води владејачката Либерално-демократска партија (ЛДП).

Ишиба го победи националистот Санае Такаичи во вториот круг на гласање, кој се смета за еден од најнепредвидливите лидерски избори во последните децении, со рекордни девет кандидати на теренот.

Лидерот на ЛДП, кој владееше со Јапонија во поголемиот дел од повоената ера, во суштина е уверен во повторното поставување на јапонскиот премиер поради неговото мнозинство во парламентот.

The post Јапонија добива нов лидер appeared first on Република.

Земјотрес со јачина од 5,9 степени според Рихтеровата скала ја погоди Јапонија по што цунами висок 50 сантиметри денеска го погоди островот Хачијо јужно од Токио, соопшти Јапонската метеоролошка агенција (ЈМА).

Според полицијата, засега нема повредени.

Епицентарот на земјотресот бил во водите кај Торишима во архипелагот Изу, на длабочина од околу 10 километри.

Според податоците на ЈМА, цунами високо 50 сантиметри е забележано на островот Хачијо, на околу 180 километри северно од епицентарот на земјотресот, а цунами високо 10 сантиметри е забележано и на островот Мијаке.

JMA потврди дека набрзо по земјотресот било издадено предупредување за цунами за островите Изу и Огасавара, кое било укинато откако било утврдено дека активноста на цунамито доволно стивнала, но се уште е во сила предупредување дека мала промена на нивото на морето може да продолжи околу половина ден.

ЈМА најави цунами бранови до еден метар и ги повика граѓаните да се држат подалеку од крајбрежните области.

The post Земјотрес и цунами во Јапонија appeared first on Република.

СAД, Јапонија, Австралија и Индија ќе ја зголемат соработката за поморската безбедност во Индо-пацифичкиот регион, соочени со зголеменото влијание на Кина во регионот.

Американскиот претседател Џо Бајден синоќа во својот дом ги пречека премиерите Нарендра Моди од Индија, Ентони Албанезе од Австралија и Фумио Кишида од Јапонија. Земјите ја сочинуваат таканаречената Quad Alliance која има за цел да го потисне влијанието на Кина во регионот.

Продолжуваме да ја изразуваме нашата сериозна загриженост за милитаризацијата на спорните карактеристики и присилните и застрашувачки маневри во Јужното Кинеско Море“, се вели во соопштението на лидерите.

Тие ја осудија опасната употреба на бродовите на крајбрежната стража и поморската милиција и зголемената употреба на опасни маневри избегнувајќи какво било директно спомнување на Пекинг.

The post САД, Австралија, Индија и Јапонија зајакнуваат соработка за поморската безбедност appeared first on Република.

Едно лице загина, а повеќе од 10 се водат како исчезнати во невидените дождови што го погодија полуостровот Ното во централна јапонска префектура Ишикава, регионот кој беше погоден од силен земјотрес на 1 јануари.

Наредена е евакуација на десетици илјади луѓе, а повеќе од 6.000 домаќинства се без струја.

Јапонската метеоролошка служба издаде итно предупредување за обилни врнежи од дожд во областа на општина Ваџима на полуостровот Ното.

Повеќе од 120 милиметри дожд утринава паднаа во областа Ваџима за еден час, што се најобилните врнежи некогаш забележани во регионот.

Општинските власти соопштија дека 10 лица се водат за исчезнати во Ваџима, а едно лице загинало во градот Сузу во истиот регион.

Противпожарната служба во северниот дел на погоденото подрачје соопшти дека во надојдените реки се исчезнати три лица.

Илјадници куќи се поплавени, а медиумите јавуваат дека едно лице е живо закопано во свлечиштето.

Надлежните соопштија дека се излеале 16 реки.

Гувернерот на Ишикава, Хироши Хасе, ги повика жителите да дејствуваат „во согласност со очекуваната опасна ситуација“, имајќи предвид дека во некои области структурите се слаби по силниот земјотрес.

The post Едно лица загина, десетина се исчезнати: Јапонија нареди евакуација на десетици илјади луѓе поради невремето на полуостровот Ното appeared first on Република.

Обилни дождови ги погодија Јапонија и Јужна Кореја, предизвикувајќи поплави и лизгање на земјиштето, поради што беа евакуирани стотици луѓе.

Издадено е предупредување за силен дожд за полуостровот Ното во јапонската префектура Ишикава, регион кој беше погоден од силен земјотрес за време на новогодишните празници, а метеоролошката служба соопшти дека областа сега е погодена од невидени врнежи. Повеќе од 120 милиметри дожд на час се забележани утринава во регионот Ното во централната јапонска префектура.

Надлежните соопштија дека најмалку едно лице се води за исчезнато, додека многу куќи се поплавени во општина Ваџими. Медиумите јавуваат дека едно лице е живо закопано во одронот.

Јапонската метеоролошка агенција исто така предупреди дека атмосферските услови ќе бидат крајно нестабилни во североисточниот регион Тохоку поради навлегувањето на топол и влажен воздух во систем со низок притисок.

Обилните дождови ја погодија и Јужна Кореја, предизвикувајќи лизгање на земјиштето и поплави, принудувајќи повеќе од 500 луѓе да се евакуираат во јужните региони, додека многу патишта и згради се под вода.

Централниот штаб за катастрофи и безбедносни контрамерки објави дека рано утринава се евакуирани 506 лица од 342 домаќинства во провинциите Северен Гјеонгсанг и јужен Чунгчеонг поради обилните врнежи од дожд. Обилните дождови поплавија и 54 делници од јавните патишта.

Министерството за внатрешни работи го подигна нивото на предупредување за обилни дождови на „алармантно“, а премиерот Хан Дук-су итно им нареди на службениците да ги мобилизираат сите расположливи административни ресурси за да се ублажат штетите и да се направат подготовки за понатамошни врнежи што ќе ги донесе тропскиот циклон Пуласан на јужниот брег.

The post Обилните дождови предизвикаа поплави во Јапонија и Јужна Кореја appeared first on Република.

САД ќе распоредат во Јапонија ракетни системи кои претходно беа забранети со договор со Руската Федерација

Станува збор за копнени комплекси со среден дострел „Тајфун“. Претходно, овие системи беа забранети со Руско-американскиот договор за елиминација на ракети со среден и краток дострел.

Распоредувањето на ракетите „Тајфун“ во Јапонија ќе му овозможи на официјален Вашингтон да може да погоди цели во Руската Федерација, Кина и во Cеверна Кореја.

The post САД ќе постави во Јапонија ракетни системи кои ќе може да погодат во Русија, Кина и Cеверна Кореја appeared first on Република.

Тајфунот Шаншан продолжува да се движи кон севериостичниот дел на Јапонија и жителите на оваа држава да бидет внимателни, предупредуваат надлежните, бидејќи досега загинаа четворица, а повредени се најмалку 96 луѓе.

Бројот на жртвите го објави јапонската телевизија НХК. Ова е десетти тајфун сезонава во земјава.

Јапонските метеоролошки власти ги повикаа жителите да бидат крајно внимателни поради зголемениот ризик од лизгање на земјиштето и поплави.

The post Тајфунот во Јапонија уби четири лица, најмалку 96 се повредени appeared first on Република.

Јапонската нуклеарна агенција потврди дека нуклеарниот реактор во префектурата Фукуи не го поминал безбедносниот преглед за да продолжи со работа, што е прв таков случај од формирањето на регулаторното тело по нуклеарната катастрофа во Фукушима во 2011 година.

Реакторот 2 во нуклеарната централа Цуруга во централна Јапонија, управуван од Japan Atomic Power Co. не ги исполни барањата поради откривање на потенцијална пукнатина на тлото под неактивната нуклеарна единица, пренесува јапонска новинска агенција.

Поради честите земјотреси во Јапонија, забрането е поставување на реактори или складирање на радиоактивни уреди директно над активните пукнатини на тлото.

The post Не ја поминал безбедносната проверка: Еден реактор на јапонската нуклеарна централа Цуруга нема да продолжи со работа appeared first on Република.

Јапонските власти побараа од граѓаните да не складираат „прекумерни залихи“ на стоки за широка потрошувачка откако најавата за можен „мегаземјотрес“ предизвика зголемена побарувачка.

Министерството за земјоделство и рибарство во порака на социјалната мрежа Х го повика населението да избегнува да прави прекумерни резерви на основни добра.

Подгответе резерва за три дена по лице“, советуваат од министерството.

Супермаркети во Токио објавија известувања во кое им се извинуваат на клиентите за недостигот на некои производи кои се припишуваат на медиумските извештаи за земјотресот. Се додава дека има одредени ограничувања за купување и дека флашираната вода веќе е ограничена поради „нестабилноста“ на снабдувањето.

Преносливи тоалети, конзервирана роба и флаширана вода утрово беа меѓу најпребаруваните ставки на веб-страницата на најголемата јапонска компанија за е-трговија Ракутен.

Некои продавници долж брегот на Тихиот Океан, исто така, пријавија голема побарувачка за слични производи поврзани со можната катастрофа, објавија локалните медиуми.

Јапонската метеоролошка агенција издаде предупредување по земјотресот со јачина од 7,1 степени според Рихтер во кој беа повредени 14 лица на југот на земјата дека постои зголемена можност за нов силен земјотрес.

The post Јапонските власти побараа од граѓаните да не прават големи залихи од храна поради најавите за мегапотрес appeared first on Република.